Dove 多芬

多芬潤澤柔嫩洗面乳

呢一支洗面乳係我用咗超過一年半一直冇轉過嘅產品！性價比超超超超高！等我介紹一下吧！
女士早晚洗面係護膚嘅第一步驟 呢支Dove我會喺夜晚臨瞓前/出街卸妝之後使用。呢支洗面乳完全零香料成份，連普通香梘味都冇，成份純正，提供一個極度溫和潔淨皮膚既機會！

我肌膚 混合性偏乾，一天疲累過後，面部總會有位置出面油，都會渴望有洗淨清爽嘅一刻。但用Dove呢支洗面乳洗面之後面部污糟嘅皮脂好似被沖洗掉一樣，清爽得來唔繃緊；我平時洗完面之後會喺1分鐘之內拍上爽膚水，慎防面部肌膚會有水份不足嘅一刻；而呢一支Dove洗面乳根本唔需要我計時1分鐘即刻拍爽膚水，面部都唔會感覺水份不足，證明佢有能力洗走油脂，但唔會洗走肌膚應有嘅水份。

我承認有時我過分解讀一件護膚品嘅配方成份會令自己冇用心感受產品嘅效果；然而，呢支洗面乳我用超過一年，換都換咗三支以上+新版舊版都用過，我真心推介呢支洗面乳，價錢係288yen一支，即大概港幣10幾蚊一支….比得上專櫃品牌啲「高級成份、複合配方、多功能」嘅洗面產品。

護膚品種類繁多，洗面後仲有大把護膚程序，其他啲緊致美白保濕提拉等等功能不如留返比其他護膚品繼續促進啦！洗面乳只要洗得乾淨、配合到個人使用感受，就值得攞滿分了！