MENTHOLATUM 曼秀雷敦

Acnes抗菌痘痘貼

呢個痘痘貼真係值得我俾7分，因為我覺得呢個痘痘貼超好用，直情係我呢啲暗瘡肌嘅人嘅恩物。暗瘡一直係我最大嘅煩惱，因為生暗瘡嘅時候我成日都忍唔住用隻手去掂粒暗瘡，結果搞到越嚟越嚴重又發炎，幾個禮拜都好唔翻，之後又會留底暗瘡印。自從我用咗呢款暗瘡貼，一發現面上嘅暗瘡有爆嘅情況就即刻貼住佢，即使我仍然會用隻手去掂，都因為有貼紙嘅阻隔唔會刺激到傷口。平時自己擠暗瘡總會擠得唔乾淨， 又搞到成手血，用呢個暗瘡貼非常方便，通常我瞓完一晚之後滅返落嚟，上面會黐住晒好多白色分泌物，其實就係暗瘡入面嘅癑，分泌物吸晒出嚟之後暗瘡會快啲好返。以前嘅我可能用一兩個禮拜先會K.O.粒暗瘡，依家兩日就可以搞掂。而且佢嘅產品設計一路進步緊，而家一盒入面有分大細兩個size，仲有埋個鉗，價錢中等但係我覺得好值得用。