Kiehl's

醫學維C淡斑精華

一直都係網上見到唔同用家嘅好評，成日都心思思想試但都無買到，多謝@Cosme今次嘅試用邀請，終於可以試下呢款產品。
首先產品外型非常吸引，透明玻璃樽身加上滴管嘅設計，我個人好鍾意。味道聞落去有少少酸味，但搽上面後唔會聞到。質地水狀，我覺得上面後會feel到有少少油，吸收完你摸塊面會有少少chud(?)手 。
因為係新護膚品，怕皮膚唔適應，所以頭7日我隔日用，之後再連續用7日，並無岀現爆痘嘅情況，亦都冇敏感。
我係混合性偏乾肌，個人覺得保濕度有時會唔夠，特別係天氣乾燥嘅時候，所以要配搭其他較保濕嘅產品。最有感嘅係亮白嘅效果，並唔係話令我白咗一度，但就感覺皮膚透亮咗，無咁暗啞。