BIOTHERM

超水感持妝氣墊粉底

好耐之前已經用曬一盒兩芯，
個人認為呢款氣墊粉底係追趕潮流嘅產品，
除咗外表之外並冇啲咩特別過人之處。
首先佢嘅外殻非常清新簡約，
藍白漸層望落好清爽，
殻同芯嘅規格承傳L’Oreal Paris集團內可以互換嘅傳統。
然後講吓佢嘅使用感，
呢款氣墊粉底嘅特色係上臉時會微涼，
香料味唔重亦唔會令人反感，
佢係行清透路線，
遮瑕度唔高但勝在可以自然地均勻膚色，
適合追求素顏妝感嘅人。
持久度中上，
即使出入冷氣地方/戶外都唔會溶妝溶到一撻撻或者出現「白芝麻」。
綜合而言佢唔係一款特別嘅氣墊粉底，
如果必須要推薦嘅話 ... ... 我會推薦畀追求偽素顏妝感、膚質中性偏乾、冇乜瑕疵嘅人用。