YSL BEAUTÉ 好用推薦產品

莓莓好用推薦：【YSL夜皇后精華｜混合肌真實測評】唔靠濾鏡，同你講真話。 我唔係天生好皮膚嗰種人。尤其係長期熬夜——工作、追劇、碌電話，總之唔到2點唔肯瞓。 結果就係： 🔻 T字位狂出油，但兩頰乾到緊繃 🔻 面色灰黃暗沉，化妝都遮唔住嗰種 🔻 下巴粒粒、鼻翼毛孔粗到可以插秧 🔻 摸落粗糙，唔似「皮膚」，似「砂紙」 試過好多號稱「熬夜救星」嘅精華，好多都係得個講字。今次試YSL夜皇后精華，用足一個月，同你講真話。 🥼 質地分析 水油雙層，含夜皇后仙人掌萃取 + 3.4%甘醇酸 + 水楊酸。 搖勻後變成微乳狀液體，流動性高，唔黏稠。 比一般煥膚精華更輕盈，油肌會鍾意。 👃 氣味 清新花果調，帶極微弱酸味（嚟自甘醇酸），但整體高級、唔刺鼻，用完心情好。 ✋ 上臉感覺 推開即吸收，零殘留感。 乾區：無刺痛、無繃緊 油區：無油膩、無焗促 用後有輕微溫熱感（正常，酸類起效），敏感肌請先局部試。 📊 用後皮膚狀況（逐周記錄） 時間 變化 第3日 觸感變滑，化妝更貼服 第1周 鼻翼毛孔縮小，下巴粒粒平復 第2周 暗沉明顯退去，膚色均勻 第4周 熬夜後不再灰面，皮膚透光感提升 保濕力：中等

Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

Yeonjung好用推薦：YSL細緻煥膚精華水評測 呢枝 YSL細緻煥膚精華水，我連續用咗差唔多一個月，最想重點講嘅係——佢真係做到 提升肌膚透明感！ 先講質地：佢係流動性高嘅水狀精華，帶少少絲滑感，但一推開就吸晒，完全唔黐立立。好啱香港潮濕天氣，無論乾肌定混合肌用都無負擔。 用法方面：我就鍾意早晚潔面後，倒大約五毫子大小，輕拍上面，然後會喺顴骨同下巴位置重點捽多幾下。有時feel到皮膚角質變厚、暗啞嗰排，仲會用化妝棉輕抹當溫和去角質。 效果重點——透明感大爆發！ 用咗一星期左右，最明顯係鼻翼兩側同額頭嘅粗糙粒粒平滑咗，皮膚反射光線變得均勻。之前膚色偏黃偏暗，但用完之後，係望落乾淨、清透嘅嗰種 透明感，唔係死白，而係好似飲飽水、由底層透出光澤嗰種 提升肌膚透明感 嘅效果。就算冇化底妝，淨係搽防曬，塊面都望落精神好多。 至於去黃同均勻膚色，我覺得需要持續用兩星期以上先明顯。不過留意返，佢入面有溫和煥膚成分，如果皮膚好敏感，建議先喺耳後試下。 總括嚟講：如果你係成日覺得塊面暗啞、粗糙、欠缺 透明感，呢枝YSL精華水值得投資。佢唔係暴力去角質，而係溫柔咁幫皮膚新陳代謝，逐步 提升肌膚透明感。以精華水嚟講，性

Ressie14好用推薦： YSL Pureshot 微精華保濕盈露（極效活萃彈潤亮膚露） 我用左超過兩支，要憶起初初試用感受很朦糊，簡單黎講係好用；次次都係跟set裝買完正裝又送幾個試用裝。 試用裝包裝好過正裝，簡單４—５泵上化妝棉足夠一次份量。 研究過佢既成分有性質溫和既煙酰胺(Nicotinamide), 化學層面上可以美白肌膚、改善暗瘡、保濕抗老；同持肌膚含水量，增進真皮層微循環，人類肌膚又易吸收,定能為肌膚奠定護膚好基礎。 植物成分提煉方面用左摩洛哥苦橙花萃取調理出清爽又滋潤既感受，所以使用感先咁舒適（P.S. 好多Loreal 旗下產品都有添加安全成分既調理劑提升使用感受，只係每個品牌有唔同既選擇）

Ressie14好用推薦：YSL緊緻保濕精華 YSL緊緻保濕精華有著酷酷既立方體包裝，驟眼睇以為容量很有誠意，中間支tube實在得30ml，日常使用的話，好快用晒架嘞！ 呢一支保濕精華配方不含色素，呈天然淡紫色，係因為佢有玻色因复配鼠李糖，另外还有腺苷，四肽-9以及特色鸢尾花根提取物，護膚成分好高級！至於用後感… 曾有一排覺得自己既法令紋漸漸出現，於是我重點將YSL緊緻保濕精華鋪喺法令紋上，早晚都有用，保濕效果+pump pump 效果係優勝既！ 護膚品要有效果必須用得多。 約兩個半月用完30ml 後我轉用左其他品牌既保濕精華。 總括而言，如果有預算嘅美女可以試用呢支王牌緊致保濕精華。 佢未能夠攞到滿分係因為一支既容量太少，如果佢出大支裝50ml就好了！

🌸好用推薦：我係偏乾嘅敏感肌，一直為初老嘅肌膚問題感到煩惱😣 朋友介紹我用咗呢隻ysl pure shots lines away serum,比起上一代嘅youth系列，呢隻serum更滋潤，但更容易吸收。用咗一個月，皮膚明顯好咗，細紋減淡咗。一年四季都用得，得就比較偏向晚間使用。 買替換裝會平啲，又環保。會一直回購。👍🏻

Kura好用推薦：呢款精華嘅質地偏厚身，但用上臉清爽不油膩，我堅持用咗一段時間，整體膚質變好咗

Kaying Yeung好用推薦：除咗保濕之外冇乜其他效果感覺到 不過使用感受好好 唔cheap嘅香味 而且吸收快 唔鍾意佢吸管嘅設計 用到最後玻璃瓶身俾我唔小心打爛咗先發現仲有唔少精華係底

Kna好用推薦：皮膚有濕疹底。轉季易敏感泛紅。 夏天權骨較乾，T字位油。 冬天就權骨位，額頭會好乾。 試用時段：7月 （1時衝動，全set 買左） 初頭用覺得幾好，我放夜晚用，多幾保濕同有輕微提拉感。之後3，4日開始權骨位開始一撻撻紅腫。之前停晒，用返過敏用嘅cream. 之前好返，用普通低敏cream + 佢。夜晚用，3，4日之前塊面開始發熱，權骨位紅色一撻撻腫起。 敏感肌嘅，要3思

🌸好用推薦：係好用同埋好滋潤嘅 香味都幾自然 不過自從出咗藏金妍活系列之後 佢好似停左產 已經冇再用啦

Ressie14好用推薦：YSL淨透研亮精華 在某一次sogo thankful買套裝時搭配購買的Pure shot系列產品。 心諗美白是日常護膚的皇道，永遠有機會用得著，最近先攞出來使用。呢支精華有微微的提亮效果，同SK-II支小燈泡既principle有啲似但YSL淨透研亮精華就比較內斂啲。用後肌膚係會即時透白去黃，上埋base同UV Protector後，整體係好似自帶filter咁靚既！ 但有樣野，就係佢會捽出少少擦膠碎；或者咁講，塗上臉蛋後會有啲白色小屑殘留，which我認為CP值要因此減分，但我會照用，始終顏值控，佢包裝真係酷酷的；唯有每次要觀察有冇小屑先再上粉底 / 下一步化妝程序。

Susu好用推薦：一直以嚟都有用開YSL嘅skin care，之前用開黃色主打嘅修護精華，用完再試呢款美白嘅，發現美白效果冇話好明顯，但明顯容易同後續護膚品/化妝品打交有擦膠碎，所以用完呢樽應該唔會回購，反而黃色修護精華可以

AgnesST好用推薦：用咗一支，紫色樽好靚。 用落感覺唔錯，保濕溫和，但效果唔太明顯。