Clé de Peau Beauté 好用推薦產品

Luna好用推薦：#火熱新品 【用後感】CDP稜鑽煥肌底霜：貴婦級「隱形補光燈」，捱夜都唔怕面青口唇白 老實講，最初入手CDP（Cle de Peau）呢枝「稜鑽煥肌底霜」，個心真係拿住拿住。800蚊貨仔，買枝底霜咋喎，唔係粉底喎，真係諗過度過先扑槌。但用咗一個月左右，我可以大膽講句：呢筆錢，係投資，唔係消費。 質地：好似搽緊絲綢咁滑 一唧出嚟，佢係淡粉紅色嘅cream狀，質感好輕盈，完全唔杰身。手指一推開，即時好似溶入皮膚咁，唔會起擦膠碎，亦都唔會黐立立。最驚喜係佢個「轉油為光」技術，我屬於混合肌，T字位成日泛油，但搽完呢枝，過咗幾個鐘，塊面出嘅油居然變咗做一種好自然嘅「光澤感」，望落去塊面係飽滿嘅、似係瞓飽個種健康光，而唔係油光滿面嗰種「污糟光」。 最大優點：即時變「媽生好皮」 我平時唔鍾意厚粉，呢枝底霜最啱我心水嘅地方，就係佢唔係遮瑕，而係 「補光」 。佢入面有啲幼細到肉眼差啲睇唔到嘅粉末，搽上面之後，好似幫塊面打咗層好薄嘅柔焦燈，毛孔即刻平滑晒，膚色均勻返，仲要有種粉粉嫩嫩嘅紅潤感。就算嗰晚捱夜睇劇，第二朝搽完佢，都呃到人以為我精神奕奕。 續航力：越夜越靚，唔會暗沉 好多底霜一到下

Fng好用推薦：CPB 高效煥采亮白精華乳 （香港春季・熟齡偏乾肌） ✨💎 我本身係熟齡偏乾肌，一直想搵一支美白得嚟唔乾嘅精華。見CPB呢支亮白精華（40ml / 約HK$2,600）評價幾高，忍痛入手試咗。 質地方面，佢係絲滑嘅乳液狀，推開好似絲緞咁滑，上面後好快吸收，完全唔立，香港春季潮濕天氣用零負擔。用完皮膚摸落軟軟糯糯，有一種「被寵壞」嘅貴婦享受 💆‍♀️ 成份上，核心美白成份係CPB獨家專利嘅4MSK（甲氧基水楊酸钾），有效抑制黑色素、淡化色斑。復配多種植物萃取及酵母發酵產物、水解蠶絲，做到美白同時抗氧、補水、軟膚，而且無酒精過重嘅感覺，敏感乾肌都用得。 用咗一個月，最明顯係膚色均勻咗、透亮咗，朝早起身塊面有自然光澤，唔會暗沉蠟黃 ✨ 顴骨嘅小色斑有輕微淡化，但唔係完全消失（貴婦級都冇可能一個月搞掂曬）。保濕力春天夠用，偏乾肌日間單用都ok；不過夜晚開冷氣瞓嘅話，建議疊返一層鎖水面霜，否則第二朝兩頰會有少少乾。另外緊緻效果有驚喜，用完覺得下頜線望落清晰咗少少。 性價比方面：價錢進取（HK$2,600/40ml，每日早晚用約用1.5個月），但效果對得住價錢，美白提亮、溫和淡斑、保濕緊緻

Fng好用推薦：Cle de Peau Beauté 鑽光透亮蜜粉 有#1 Light同#2 Light Medium色號，我入手咗1 Light 全線最淺色，偏冷粉調 (Pink Undertone)，合適皮膚超白、冷底肌揀。佢貼近本身膚色，唔會面具感。上臉提亮明顯，帶粉嫩紅潤感，透明感強，想白裡透紅選light；追求「好似冇化妝」自然裸肌選light medium。 👀如果你係「白雪雪」冷底肌 → 1 Light（提亮+粉嫩感） 👀如果你係自然肌/黃調肌→ 2 Light Medium（均勻透亮） 新版 vs 舊版 Cle de Peau 呢盒 #碎粉 近年有升級配方， 我覺得粉質改進咗🥰 ✅️更幼！超微粒研磨，輕如煙霧 。 舊版已經好細，但新版再細多 20%+ ，上臉近乎零粉感，乾肌唔易卡粉。 ✅ 加強 #保濕，長時間帶妝都唔抽乾面皮 ✅ 「透光感」更細緻自然，似天生好皮 ✅️光澤靚偽素顏效果提升，毛孔柔焦力更強 ✅️ 格網可以分拆，可拎起洗淨，清潔度更理想 ☑️控油持妝 ⚠️ 依舊 輕度控油（非強效)，油皮夏天可能要補妝 香港夏天用後感: 混合肌 或 乾肌：新版 OK🥰 大油肌：

Fng好用推薦：我係熟齡混合偏乾肌，香港又濕又焗又成日開冷氣，搽防曬最怕笠黐黐同假白。入手呢支 CPB 御齡養膚型防曬乳霜（SPF50+ PA++++，50ml / 約HK$539-800），膚感冇得輸😊！ 🧴 質地：絲滑乳霜，唔立唔假白 擠出嚟係淡白色乳霜，質地幼滑好似精華一樣，輕輕一推就化開，吸收速度超快，完全冇油膩感。我試過搽完直接上粉底，冇卡粉亦冇擦膠碎，順滑到不得了！零泛白，敏感肌嘅朋友都唔使擔心，配方無添加酒精同香料，用起身好溫和。 ✨ 養膚 vs 修護：名副其實嘅「抗老防曬」 一支防曬竟然含有超過50%嘅護膚成分！用完最驚喜嘅係，膚質肉眼可見變滑溜同細緻。呢支嘢仲識過濾藍光，吸收對皮膚有益嘅紅光，平時對住電腦手機，啲傷皮膚嘅藍光就交俾佢擋住。 🌞 清爽持妝：全天候防護，懶人恩物 喺又濕又熱嘅香港，搽完面之後即刻清爽成膜，全日冇補塗都冇有怕，出汗之後都冇流白湯。夜晚只需普通洗面奶已經可以輕鬆卸乾淨，懶人必備！ 💸 總結：貴得有道理，值得 坦白講，呢支防曬係我今年用過最貴嘅，但每次用完望住塊面嗰種自然透亮感，都會覺得錢真係冇白洗😂。如果你同我一樣係熟齡偏乾肌，又想一支搞掂「防曬＋抗老＋

Sarah好用推薦：挤出来系柔滑嘅乳霜质地，推开完全唔会卡、唔会搓泥，吸收之后皮肤会出一层自然嘅柔光，唔会干到紧绷。 我系混干皮，冬天用够润，夏天用會有d闷，易出油。 整體來說防曬效果不錯，但唔適合夏天用。

popocarcar好用推薦：原來Cle de peau 有出身體防曬。 質地好順滑，仲好防水，見到汗水一粒粒咗留咗係皮膚表面，有驚喜。 #火熱新品

Kitty 好用推薦：CPB黃金系列嘅新品，之前同系列有隻黃金塗抹面膜，我用落都幾OK。新出嘅精華膚感超正，質地裏面有黃金細閃，吸收得勁快，搽上臉真係好舒服！不過講到效果就冇乜特別感覺，淨係覺得皮膚軟熟咗同埋好潤，其他功效唔多覺。整體性價比唔算高，但用個陣嘅體驗真係冇得彈！ #火熱新品

mint好用推薦：CPB呢支黃金賦活精華真係幾啱混合肌用！質地輕薄又有黃金細閃，撈落臉吸收得快到癲，完全唔會黐笠笠，T位出油位都冇負擔。轉季用簡直一流，春夏天氣濕笠笠，但佢保濕得嚟又夠清爽，面頰唔會乾到繃緊。不過講到抗老同緊緻效果就真係要打個問號，用咗成個月都冇乜特別變化，淨係覺得皮膚摸落去軟熟咗同有光澤咁囉。千九蚊得40ml性價比真係一般，但個使用感真係無得輸，貪靚嘅話可以一試，但追求明顯功效就可能要諗諗先啦！

Clarina好用推薦：呢支係一支導入嘅精華液，係護膚程序嘅第一個步驟，用完呢支精華之後先再用其他護膚品，就話以比較容易吸收其他護膚品。 呢支精華液差唔多用晒，總括然而又覺得冇咩特別，中規中矩，同佢嘅價錢唔太成正比。 多數係每朝同夜晚都會用呢支精華液先，之後搽其他護膚品，感覺上都幾保濕，但係其他功效就未好顯著，可能要用多一兩支先會有嗰個效果？不過就keep到皮膚膚況，唔會話特別好差都唔會話特別好好咁，可能呢個都係功能之一？

Carcar好用推薦：買正貨之前用過試用裝幾日，已經俾佢深深咁吸引住😻 呢支精華係洗面後第一個step用，平時洗完面乾爭爭，一用呢個精華就好似救命神仙水咁，塊面嘅肌膚即刻變到好嫩滑。呢支精華質地好水潤，好快吸收。而且用咗咁耐都冇敏感，冇生暗瘡，敏感肌都好啱用！用咗大概兩個禮拜之後，塊面明顯有光澤咗，連朋友都睇得出分別😻推介！

Lydia好用推薦：cdp 鑽光透亮蜜粉餅用咗一段時間，主要冬天用得多，夏天就少用，因為我皮膚出油算多，尤其係夏，控油方面佢真係一般。 包裝 - 包裝係金屬盒，拿上手有少少份量，銀色邊框加logo，望落幾有質感，連埋塊pad仔補妝個陣都算方便。 色調 - 顏色係偏透明/膚色，上面之後唔會改底妝顏色，只係加咗一層自然光澤，皮膚望落會乾淨啲、透亮少少。因為我皮膚偏白，用咗之後唔會顯灰或者悶，剛剛上面皮膚會感覺細緻自然，唔會太閃，係低調嘅光澤感。 質地 - 質地幼細，撲上面貼服，感覺同粉底融埋一齊，冇厚重粉感或者假面感。冬天用唔會覺得乾，唔焗住皮膚。持久度方面冬天可以維持幾個鐘，但夏天出油多咗就容易少少浮粉或者油光，控油唔夠力。 優點： • 質地幼細貼薄，妝容自然透亮，冇粉感。 • 帶少少光澤，皮膚氣色好咗，適合偏白皮膚。 • 一餅用好耐，每日少少就夠。 缺點： • 持妝力同控油能力一般，油性或者夏天用唔夠持久。所以唔太適合我。 總結嚟講，呢隻蜜粉冬天用係ok，妝效自然舒服，適合想低調透亮感嘅人。如果你皮膚唔太油，又偏白，應該會比較適合；但如果追求強控油，就可能要考慮其他款。整體唔

Fng好用推薦：cdp 蜜粉定妝一流，夠貼薄，與粉底融為一體，冇粉感 ，保濕，有適當嘅 遮瑕度， 同埋可以 淡化毛孔， 令妝容更持久。