Clé de Peau Beauté

單色眼影

#火熱新品 最近日圓處於低位水平，喺日本旅行，當然要趁機會入貨啦。行過clé de peau見到佢最近推出咗新嘅單色眼影，我哋呢隻粉紅色非常有好感，所以直接入手。 留意返，佢個包裝盒同埋個眼影芯係分開賣嘅，如果想帶出街嘅話就記得要買埋個眼影殼。打開個殼入面係咁嘅：我買呢隻顏色係101 Pink Ocean Dawn，帶有金色閃粉嘅粉紅色。一般帶閃粉嘅眼影質地都係偏粗糙同埋顆粒比較大，呢隻眼影完全係順滑，粉質細膩，犀利到一個地步可以直接用手指搽上自己隻眼度。而且呢隻粉紅色最大嘅一個優點就係可以當埋胭脂咁樣用，粉紅色中帶金色珠光細閃，搽上去有啲似NARS嘅orgasm. 一物二用完全冇問題。