CHANEL 好用推薦產品

Sanna Cher好用推薦：產品色號左邊是272，右邊是90。質地上很滋潤很透薄，塗抹兩至三次都會呈現相同的深淺色調。大部分時間抹塗都不會出現過度的妝感，成膜感不高，而是很濕潤的感覺。

green好用推薦：今次想講講Chanel 銀管唇膏，呢個系列個名係ROUGE COCO BLOOM，我用緊110 Chance 色號。 呢隻顏色比較粉嫩，帶有小小三文魚色，有啲提氣色，唇淺同膚色淺會更加合適。雖然我膚色有啲黃，但化淡妝時候查呢隻色都好有氣色同好顯氣質，就算唇色有啲深都唔怕，因為佢質地有6成遮蓋力，比較滋潤唔染唇，易卸。唇色深搽都有提氣色既效果，唔同唇色搽出黎都唔同，所以買之前最好試試，呢隻唇膏我都幾鐘意，好春夏溫柔感覺，有機會會再買😊。

Lindabb好用推薦：我前排終於的起心肝，買咗Chanel嗰支柔潤透亮唇膏（Rouge Coco Flash）嘅 #105 號色。用咗差唔多兩個星期，今日同大家真心傾吓呢支唇膏嘅用後感，唔係廣告，純用家分享！ 先講包裝，真係冇得輸。 黑金配色，一掂上手嗰種質感，就係Chanel一貫嘅高貴。開合嗰下「咔」一聲，清脆俐落，拎出嚟補妝都覺得自己型咗，虛榮感滿分。 主角嚟喇，講顏色 #105 自然裸粉。 我本身唇色偏淺，呢隻色一上嘴，係帶少少杏桃調嘅玫瑰粉，唔會太搶眼，但又好提氣色。如果鍾意歐美裸色，可能覺得佢太「四正」，但對於我哋亞洲人黃皮嚟講，呢隻色絕對係「安全牌」兼「好感度」爆燈。返工見客、同閨蜜食飯，甚至素顏就咁搽都完全 carry 到，冇螢光感，唔會顯黃，仲有種天生嘴唇就係咁粉嫩嘅錯覺。 質地方面，係成個系列嘅最大賣點。 佢主打「柔潤透亮」，真係做到好似潤唇膏咁滑。一啲都唔乾，唔會卡唇紋，仲要有種好輕盈嘅油潤感。不過要溫馨提示，因為佢夠透夠潤，所以顯色度唔係話好實，唔似一啲霧面唇膏咁一筆上色。我通常會來回搽兩三層，先會去到官網見到嗰種飽和度。如果你追求極致顯色，呢支未必啱你；但如果你鍾意 natura

Kathy Wai好用推薦：講到 Chanel Rouge Coco Flash（柔潤透亮口紅） 色號 158 – Éternel，我用過之後嘅感覺係：呢隻唔係「顯白神器」，而係「氣質濾鏡」。以下係真實用後感，分優點同要注意嘅位： ✨ 優點 · 質地係「融嘴級」滋潤：好似搽潤唇膏咁滑，唔顯唇紋，死皮都唔會起粒粒。唔使照鏡都搽得勻，好啱香港天氣，唔會話一凍就乾到裂。 · 顏色係「蜜桃奶茶棕」：單睇膏體似豆沙，上嘴偏暖調玫瑰再加少少棕感。黃皮素顏搽都唔會病樣，反而會令成塊面柔和晒，有種「天生好唇色」嘅錯覺。 · 光澤感好高級：唔係閃粉嗰種誇張，而係水光感，陽光或室內燈光下個嘴會顯得豐滿立體。 · 百搭過生活：返工返學搽一層好斯文，厚塗配淡眼妝即刻有女人味，連補妝個殼都靚到拎出嚟有虛榮感。 ⚠️ 注意位 · 顯色度中等偏薄：深唇色嘅人要打底或用手指拍多兩層，如果唔係會似有色潤唇膏多過口紅。 · 持久度一般：飲水食嘢會甩，留低嘅係輕微stain，但唔會斑駁。要維持光澤感，建議3個鐘左右補一次。 · 價錢偏貴：專櫃價$3xx得3g，計落每mg貴過好多專櫃牌子，值唔值好睇你肯唔肯課金俾個使用感。 💡 小貼士

Nicnic好用推薦：*第一張係140疊176, 超靚!!! 佢係一支我已回購咗嘅唇膏，顯色度中等偏上，可以疊加。妝感輕薄啞緻，搽完過5分鐘就會變霧面。我最鍾意佢係搽上咀超級舒服，好似冇搽嘢咁樣，霧得嚟唔會乾！仲要唔會特別顯唇紋～但都唔會修飾唇紋。持久度方面，如果唔食嘢飲水基本上一路都keep到，如果飲水就會甩小小，食啲油嘅嘢就甩8-9成。 140 Amourex 原來呢隻色係熱賣色，係溫柔嘅蜜桃色，搽上去氣質upup 薄搽厚搽都適合淡妝。不過黃皮要小心，佢個顏色比較淺，容易顯黃。 176 Warm beige 我係已經用完一支，再回購。我大多數薄搽，係偏小小灰調嘅豬潤色。薄搽比較日常，厚搽就型啲！黃皮白皮都入得手！

popocarcar好用推薦：質地唔算乾，很容易推開。 不過好快會甩晒。 細細支容易擺手袋。

Kitty 好用推薦：講真，最初入手Chanel呢支霧面唇膏個陣，我心諗：唔會又係個啲睇得唔用得嘅伏物嘛？點知一試即刻改觀！ 💄包裝設計：經典黑金配搭 Chanel嘅產品一向以簡約優雅見稱，呢支唇膏都唔例外！黑色亮面管身加上按鈕式設計開合好方便，拎出街補妝都覺得自己好有氣場～哈哈！ ✨質地： 雖然係霧面，但佢唔會一搽上去就抽乾你嘴脣啲水分！膏體軟硬適中，好順滑易推，薄薄一層已經夠色，厚搽都唔會結塊或者起粒粒。最驚喜係佢有種絲絨感，唔似一般霧面唇膏咁硬邦邦，反而有少少彈性，落高級又唔老土。 🎨顯色度： 真心無得輸！遮蓋唇色能力超強，深唇色人都唔需要擔心。我入手嘅#107都係熱門色，一搽即刻氣質提升，仲好顯白！持久度都算合格，飲嘢食少少嘢都keep到，當然食大餐就一定要補啦。 💦保濕度： 老實講，霧面唇膏來講佢已經做得好好！唔會好似某啲品牌咁，幾個鐘後脣紋暴現兼爆拆。但建議本身唇部狀態差嘅朋友，先用個脣底膏打底，效果會更順滑。 總結： 如果你係霧面控，又怕乾到似沙漠，呢支絕對值得試！價錢雖然唔算平，但質素對得住個價。唯一要彈係個包裝嘅按掣設計有時唔太順，但睇在佢咁好睇嘅份上就算啦哈哈～

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

Vlee好用推薦：#199 Inattendu 顏色係深啲嘅啡紅色 非常適合健康膚色 我習慣薄薄一層推開 馬上好有血色感，亦都唔會顯得膚色黑 適合健健康康膚色嘅自然唇膏顏色 建議薄用潤唇膏後使用 持久度正常，冇令嘴唇變乾

Fng好用推薦：211#subtile， 紅茶玫瑰色 ，係熱門色，厚搽薄搽都好睇，特別顯白，用起來貼服顯色又持久，不顯唇紋。

Chloeincosme好用推薦：Chanel 既持久兩用唇彩，一邊係唇彩，另一邊係透明唇蜜。上唇有少少乾，但唔顯唇紋，一疊加透明唇蜜即刻變玻璃唇超靚！而且好long lasting，食飯期間都keep到色，唔會積白線。可能因為太持久，卸妝時要多少少時間，但對我嚟講完全唔係缺點！ 🤍 持久度：5/5 好持久！試過食飯飲湯後都仲有七八成顏色留喺度，而且唔會斑駁或積線，抵讚！ 🤍 妝效變化：4.5/5 單用唇彩係啞緻高級感，加唇蜜即刻變水潤玻璃唇，一支兩種效果，好抵😂 🤍 舒適度：4/5 唇彩部分有少少乾，但唔會抽乾水分或顯唇紋，加咗唇蜜後更加舒服零負擔～ 🤍 卸妝難度：4/5（難） 要用眼唇卸妝液敷多十秒先卸得乾淨，但為咗個持久效果，絕對可以接受！ 總結： 如果你鍾意long lasting唇妝，又貪心想要啞緻同玻璃唇兩種效果，Chanel呢支兩用唇彩絕對值得投資！雖然價錢偏高，但效果對得住個價～已經成為我近期最愛唇彩之一，會回購！

Wkk好用推薦：這個唇膏價格方面不是很便宜，缺點是非常顯唇紋，並且很難卸妝。優點是顯得嘴巴很嫩，特別是加上唇油效果後，嘴巴變得閃亮亮的

Kimchi lau好用推薦：質地比較滋潤、非常自然的颜色，腮红用完后自然的像自己透出来的红晕，不怕手重、而且仲可以用作唇＂彩

HYL好用推薦：不想化全妝，出門又想顯氣色的時候用就最好不過。 粉膏的質地，很好推開，不乾。 新手也十分適合，不需要考慮顏色配搭，直接塗上臉和嘴唇就可以完成妝容 如果想當禮物也「見得人」，畢竟他是Chanel，而且每個色號都很百搭 不會出錯

cchristy好用推薦：中意既唇膏之一，因為個殼實在太靚，不過隻色唔太襯自己，未去到次次岀街都會用佢，但勝在持久力強，唔洗點補妝，好襟用，揸少少已經夠曬。

Noel好用推薦：我的第1枝 Chanel唇膏 Rouge COCO #434 Mademoiselle 💋 超日常➕適合東方女性既 Rosewood 🌹Nude色！ 唇膏滋潤感強烈，塗抹非常順滑❣上嘴帶有光澤感，約能維持2小時👌 顯色程度方面，唇妝偏自然，大約塗上3層可以得到 6-7成唇色遮蓋力，但需要留意，唇膏滋潤富光澤，不能100% 遮蓋唇色🤗 唯一不足，係我的唇膏管轉動的機關稍鬆，轉出唇膏時感覺較差~ 滋潤 🌟🌟🌟🌟🌟🌟 顯色 🌟🌟🌟🌟🌟 持久 🌟🌟🌟🌟🌟🌟 包裝 🌟🌟🌟🌟🌟🌟

Yty好用推薦：Chanel 炫光唇釉#63 Ultimate & #75 Fidelité 💄 呢個系列嘅水光鏡面質感真係無可替代，好用到我自己都已經無限回購咗幾支一模一樣嘅色號！ 用後感： 上嘴順滑好推開，稍等一會就會形成一層好似水晶咁嘅光澤薄膜！完美包覆雙唇之餘，仲可以即時撫平所有唇紋，呈現出超精緻、富豐盈感嘅水光琉璃唇 #63非常溫柔嘅裸粉木玫瑰色！擦上嘴係好高級嘅裸調氣色，完全唔挑膚色，就算素顏或者淡妝用都好自然，係日常上班、約會必備嘅偽素顏神器。 #75帶有復古質感嘅栗棕紅豆沙色！顯白度極高，塗上嘴氣場同質感即刻拉滿，不論薄塗暈染定厚塗，都充滿好高級嘅歐美同法式風情。 雖然係水光鏡面唇釉，但佢成膜之後持色力出奇地好，完全唔會重重黏黏或者扯髮絲，整日落嚟雙唇都維持住極高嘅舒爽滋潤感！ #唇彩部門

格仔餅公主好用推薦：個嘴搽完即時豐盈左勁多，唔會顯乾唇紋係零，不過有啲易甩，要keep住補先靚靚

Sarah好用推薦：多年前用過，包裝質感100分好靚，顏色亦多選擇。不過質地實在太黏，塗上了嘴不太blend得開，而且會黐住頭髮。