綺羅香好用推薦：因為上個月搶月光眼影失敗，轉咗去搵代購，好唔容易盼到上手，新月外殼非常之靚，表面有一層軟墊，眼影盒比較有厚度，配寶藍色顯得好高貴，加上用金色線條描繪變色後月野兔嘅經典post，單係外觀已經值得美戰迷收藏 打開一睇配色，比起另一盒永恆稜鏡易配搭好多，容易畫日常眼妝，少少飛粉，霧面乾爽順滑，珠光同亮片就濕潤顯色，特別係大亮片令我有啲驚喜，以往摸過其他牌子大亮片都係比較乾澀粗糙，而且抓皮膚力弱，上眼皮時好易跌度成塊臉都係亮片，植村秀嘅亮片就無以上嘅問題，持妝半日都仲係原來嘅位置，質量真係非常優秀 配搭產品：canmake 眼線膠筆、睫毛打底，ettusais睫毛打底，UD牛郎色眼影 #火熱新品

iliya 好用推薦：植村秀Crossover美少女戰士推出嘅呢款眼影組合梗係美戰迷嘅must收藏list之一啦！藍色嘅新月配搭金色線條，外型高貴，內含9種眼影顏色，眼影顯色度高，有些微飛粉現象！

綺羅香好用推薦：作為美戰迷，任何聯名彩妝自然唔會放過，好唔容易搶到呢盤6色眼影，一打開見到配色，都覺得幾大膽，顏色飽和度幾高，似乎唔係太適合日常，不過實際試上手，發現只要好好配搭，其實都可以應付淡妝同濃妝兩種需求 今次植村秀聲稱開發咗全新魔幻稜光漸變質地，即係6色眼影當中右上，摸上手絲滑柔軟，透過光線折射，會見到金棕色底色帶粉紅色偏光，非常之靚；左上銀紫色閃片比較大，摸上手有啲顆粒感；左中雖然係好濃豔嘅紫色閃片，不過薄薄上一層唔會好顯底色，唔駛擔心太浮誇；左下紅棕色質地濕糯，上色貼服；右中粉色霧面中規中矩，百搭嘅打底色；右下深棕色同樣質地濕潤，而且帶少少偏光 6色整體而言，幾乎係滿滿嘅珠光，對平時多數化霧面眼影嘅我，都唔太易上手，要用啲腦力去做顏色配搭，粉質對得起價格，外殼包裝滿意，值得收藏 產品配搭：Kate眼線筆 #火熱新品

choichoi好用推薦：要是顏色的概念來自所有戰士就太棒了，不過目前的選色也很算是很好配搭，買個包裝紀念也不錯 #火熱新品

iliya 好用推薦：無限輕透水潤粉餅蘊含25%護膚成份，實行化妝與護膚並行，上妝之後展現霧面肌，粉粒細緻，輕易遮蓋毛孔等瑕疵！

Trinity Ko好用推薦：Shu uemura 新推出unlimited 粉餅，比舊版多左更多護膚成分，上完妝出完油後與妝容更為融合，唔會浮粉。舊版已回購多次，依家有更新版，感覺比舊版遮瑕力高，但都係十分自然妝效。

inkitsung好用推薦：#火熱新品 作為美戰粉你唔會唔買，色號：787~ 棕紅色比較秋冬感覺，而且好顯白～ 而質地好滋潤比較似唇釉，上咀後都光感重，keep住一日都有潤澤嘅感覺～

choichoi好用推薦：得再讚下包裝，用完之後放著也漂亮；滋潤型的唇膏，出來的效果很有光澤，大愛～ #火熱新品