shu uemura 植村秀 好用推薦產品

綺羅香好用推薦：因為上個月搶月光眼影失敗，轉咗去搵代購，好唔容易盼到上手，新月外殼非常之靚，表面有一層軟墊，眼影盒比較有厚度，配寶藍色顯得好高貴，加上用金色線條描繪變色後月野兔嘅經典post，單係外觀已經值得美戰迷收藏 打開一睇配色，比起另一盒永恆稜鏡易配搭好多，容易畫日常眼妝，少少飛粉，霧面乾爽順滑，珠光同亮片就濕潤顯色，特別係大亮片令我有啲驚喜，以往摸過其他牌子大亮片都係比較乾澀粗糙，而且抓皮膚力弱，上眼皮時好易跌度成塊臉都係亮片，植村秀嘅亮片就無以上嘅問題，持妝半日都仲係原來嘅位置，質量真係非常優秀 配搭產品：canmake 眼線膠筆、睫毛打底，ettusais睫毛打底，UD牛郎色眼影 #火熱新品

iliya 好用推薦：植村秀Crossover美少女戰士推出嘅呢款眼影組合梗係美戰迷嘅must收藏list之一啦！藍色嘅新月配搭金色線條，外型高貴，內含9種眼影顏色，眼影顯色度高，有些微飛粉現象！

綺羅香好用推薦：作為美戰迷，任何聯名彩妝自然唔會放過，好唔容易搶到呢盤6色眼影，一打開見到配色，都覺得幾大膽，顏色飽和度幾高，似乎唔係太適合日常，不過實際試上手，發現只要好好配搭，其實都可以應付淡妝同濃妝兩種需求 今次植村秀聲稱開發咗全新魔幻稜光漸變質地，即係6色眼影當中右上，摸上手絲滑柔軟，透過光線折射，會見到金棕色底色帶粉紅色偏光，非常之靚；左上銀紫色閃片比較大，摸上手有啲顆粒感；左中雖然係好濃豔嘅紫色閃片，不過薄薄上一層唔會好顯底色，唔駛擔心太浮誇；左下紅棕色質地濕糯，上色貼服；右中粉色霧面中規中矩，百搭嘅打底色；右下深棕色同樣質地濕潤，而且帶少少偏光 6色整體而言，幾乎係滿滿嘅珠光，對平時多數化霧面眼影嘅我，都唔太易上手，要用啲腦力去做顏色配搭，粉質對得起價格，外殼包裝滿意，值得收藏 產品配搭：Kate眼線筆 #火熱新品

choichoi好用推薦：要是顏色的概念來自所有戰士就太棒了，不過目前的選色也很算是很好配搭，買個包裝紀念也不錯 #火熱新品

Lumi Kwan好用推薦：有一排好流行，粉紅色彩妝，所以就買咗呢款眼影盤，有比較就有傷害，閃粉嘅大細比較粗粒，飛粉情況都比較嚴重，尤其同日本其他品牌同一時間對比，會發現唔夠顯色，加上tone on tone之下，有一半顏色，甚至可以用唔多覺眼去形容，所以常用嘅顏色都只係淺粉紅閃粉，同深紫色。而且呢種粉紅確實唔係人人都拿捏到，可能我揀色都有所關係，呢盆眼影盤俾人感覺似平價嘅顏色，同其餘兩個品牌拍埋一齊相比，覺得唔值呢個價錢。質地方面，因為飛粉情況較嚴重，所以好多時眼線下面都會有顏色跌咗落去，平日我都比較少用，如果同嘉慧嘅話，我會推薦M.a.c

Ni好用推薦：到專櫃找到這款喜歡的顏色 粉質細膩不掉粉 顯色度普通需要疊加幾層 持久度普通

Chingchan好用推薦：買過單包試用過顏色查上都很好看，很自然容易推開因為每天都習慣要查點眼影顯得人精神些

Fng好用推薦：老實講，植村秀呢盤「春見櫻」佢個名同配色係靚嘅，但用落又未至於令我嘩一聲。 🌸 第一印象：個名贏咗 「春見櫻」呢個名改得真好，未打開已經覺得自己會變身日劇女主角。盤面係植村秀一貫嘅簡約磨砂外殼，四格配色由淺至深，官方話係以梅花同春櫻為靈感，走不透明柔粉色路線。我本身對粉調眼影有啲陰影，怕會顯腫，但呢盤嘅粉係帶灰調嘅，冇想像中咁「蝦人」。 ✨ 粉質同顯色：穩陣派 粉質細緻，用手指沾已經上到色，唔使來回捽。我覺得屬於中等顯色、可以慢慢疊加嘅類型，對新手嚟講反而係好事，唔怕一嘢重手變熊貓眼。珠光色上眼係細緻嘅光澤，唔會飛到成面都係閃粉。 🎨 四色點用：要諗吓 呢盤唔係「盲畫都靚」嗰種。淺色打底、中間色過渡、深色收眼尾呢個基本盤冇問題，但左下嗰格灰粉色如果範圍太大，會令眼皮睇落有啲濁。我嘅方法：左上薄薄打底，右下放雙眼皮褶位，左下淨係點喺下眼瞼中央做血色感，右上點眼頭，出嚟效果自然好多。所以呢盤係要少少技巧嘅，唔係隨手捽兩下就搞掂。 ⏳ 持久度：正常發揮 我朝早畫完，喺香港又熱又濕嘅天氣下，到晏晝眼尾有輕微積線，但整體顏色仲喺度，冇暈到變熊貓。以專櫃眼影嚟講算係中規中矩，唔算特別

YY好用推薦：聖誕，有好多dating ，總出去見朋友慶祝聖誕，同親戚做冬過節，一定係全年最要打扮得最靚靚嘅日子😊我會比平時用更多時間化妝，依兩年最愛用呢一盤shu uemura四季四色眼影盤- autumn秋🍂 依盒眼影盤有四粒眼影，兩粒啞色偏粉紅和深粽豆沙色，一粒淡粉紅色閃粉，最特別有一粒鏡面閃粉🪞shu uemura日系彩妝一直都好優秀，粉質好好，我自己通常上眼影之前用concelear當base打底，咁就真係唔會甩妝。 最正係依粒鏡面眼影單上(不用其他祼色眼影打底）都好上色，加深雙眸輪廓超work。成盒眼影嘅配搭由日常清淡自然的的溫柔和諧色彩加上立體感，但又唔會出現好污糟或者好有衝突嘅感覺，真心鐘意❤️ 預祝大家Merry Christmas 聖誕快樂🎄