shu uemura 植村秀 好用推薦產品

Tina好用推薦：專櫃品牌但容量比開架眉粉多，除開其實好抵用。粉質好，容易上色同抹開。唯一缺點係太耐用，每日用都應該可以用好幾年XD

Kitty 好用推薦：唔洗多講，眉筆界經典！硬度高，畫出嚟線條俐落，似真眉毛一條條咁，有毛絨感，又持久。超耐用，一支可以用幾年。而且呢款自動嘅，可以轉出來直接用，唔洗自己刨成砍刀形狀，顏色選擇極多，灰棕色好襯亞洲人。雖然貴少少，但物有所值💸

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

Kylie L好用推薦：shu uemura Eyebrow Manicure 塑型染眉膏，我用的色號是M seal brown， 我喜歡這個染眉膏的刷頭細小，很容易控制，可以均勻上色，而且不結塊 ，顯色度還好不會太深色。

maylam好用推薦：刷頭比較細 可以好精準咁畫好條眉 我一般會畫完眉之後用呢個再加深同定妝 可以用好耐 我嘅色號: M Seal Brown

Kura好用推薦：我好鍾意呢款染眉膏嘅刷頭，刷頭偏細，可以刷到根根分明嘅眉毛好靚

aliceli好用推薦：很好用 新版本的刷頭更加細和容易操控 上色度剛好適中

katiimky好用推薦：由2022年用第一支開始 我嘅眉妝首選就一直係shu uemura武士刀眉筆！呢支妝效自然、容易上手又持久✨ 我用開02灰棕色 無論黑髮定深啡髮都完美配搭 顯得溫柔又不失自然～如果染咗淺啡髮 再加層染眉膏就搞掂 一支可以搭配多種髮色 呢支眉筆顯色度好自然 一筆筆填補空隙完全唔怕失手 畫完可以再用眉刷掃一掃眉頭 畫出嚟超有骨相感同日雜鬆弛感 不過記得要喺有底妝/油份嘅眉上畫先易上色 而且持妝同抗汗力亦相當出色 由朝到晚放工返屋企 眉形依然完整唔會甩色 武士刀斜角設計真係好用 闊面打底、尖端畫眉尾 加上極度耐用 一支用到一年以上 CP值超高！唯一美中不足係想維持武士刀筆型要返專櫃搵BA削 但我懶會自己直接用刨筆刨一樣咁好用～雖然要定期刨筆 但效果同耐用度 絕對值得回購🧡

Kelvin好用推薦：Shu uemura武士刀眉筆 02灰棕色 灰棕色略帶紅調棕色，自然顏色不會過深，黃皮膚/髮色自然黑色啡色都啱用，呢支應該最多人啱用 05深灰 呢隻顏色同市面上其他眉筆嘅灰色唔同，偏向亞麻綠色調，如果鍾意粗獷或者注重眉妝嘅女仔會鍾意 筆芯軟硬度適中 ，出黎顏色均勻唔cake，由描繪，勾畫到野生眉，都好幼細 用鈍咗眉筆記得去返專門店可以免費削返武士刀形狀～ $230/4g除返開其實唔貴，質素高！ 提返新手呢支眉筆一定要喺上完粉底液或者防曬，有油性成份嘅底妝下，先會上到色㗎⭐️ 我自己鐘意畫完眉上返眉gel ，就keep到全日😀

格仔餅公主好用推薦：設計二合一非常方便使用，不過亦都好考技巧可能因為咁所以最後停咗產🤣？但係我當初買嘅時候感覺幾好，所以我唔止用咗一支

Kura好用推薦：呢款兩用眉睫膏嘅顏色都非常大膽，刷頭都算好用，但係價錢始終偏貴