HADA LABO 肌研 好用推薦產品

Sakura醬好用推薦：#火熱新品 今日同大家實測嘅，呢熱賣嘅新品—Hada Labo 水光燈睡眠面膜 💡 開箱第一印象：靚靚水光燈！ 首先個包裝已經好加分，漸變藍色真係好似「水光燈」咁，擺喺化妝枱都靚啲！ 打開之後，佢係一個闊身嘅罐，入面有個膠分隔住，好衞生。 最驚喜係佢嘅質地！係QQ彈彈嘅啫喱狀，好似巨型嘅透明蘆薈粒咁，入面仲有好多藍色嘅微小光澤粒子，輕輕推開就融咗，唔會話一撻撻藍色喺塊面度。好治癒！ 🧴 搽上面嘅感覺：舒服到想即瞓！ 洗完面做完基本護理，就輪到佢出場啦！ 雖然係睡眠面膜，但一啲都唔黐立，好快吸收。我鍾意搽厚少少，當做晚間急救。特別係開住冷氣瞓覺，塊面好容易乾，搽完佢之後，好似形成咗一個水份保護膜咁，鎖住晒之前搽嘅精華。 佢嘅香味係好淡好淡嘅清香，冇人工香料味，敏感肌嘅朋友都值得一試！ 🌟 用後實測報告 好嘞，到咗最緊張嘅時刻！朝早起身洗完面，塊面係咩感覺呢？ 1. 水潤感： 真係有驚喜！塊面飲飽水咁，摸落去好滑溜，完全唔繃緊。佢嗰個「水光燈」效果真係睇到，塊面有種自然嘅透亮感，唔係死白，而係健康嗰種光澤，後續上妝都貼好多，完全唔卡粉！ 2. 毛孔情況： 因為夠水潤，鼻

YYeman好用推薦：#火熱新品 收工懶人恩物！HadabLabo水光燈面膜 邊瞓邊變水光肌 💡✨ 哈囉各位sis！今日同大家開箱呢盒勁Hit嘅HadabLabo H.A. Supreme膠原修護睡眠面膜（又叫水光燈面膜！）🌙 👀 一打開： 哇！係晶凝通透嘅半透明啫喱質地，望落已經覺得好水潤，好似皮膚飲緊水咁💧 聞落有淡淡花香，唔係嗰啲好假的味，幾舒緩～ 👆🏻 質地測試： 搽上手勁滑溜，好似水珠咁容易推開，完全唔會「黐立立」！吸收得好快，感覺好保濕但一啲都唔焗身，夏天開冷氣敷住瞓都冇問題❄️ 💆🏻‍♀️ 使用感受： 瞓覺前厚敷一層，聽朝起身塊面真係有飲飽水的感覺！冇晒平時嘅乾紋，而且塊面好似有光澤咗，化妝都貼啲～摸落去超滑，好似剝殼雞蛋咁🥚 👍🏻 優點： · ✅ 懶人必備：搽完就瞓得，唔洗洗！ · ✅ 補水超強：第二朝明顯feel到水潤感up！ · ✅ 質地輕爽：油皮、混合皮都啱用！ 👎🏻 小提示： · ❗ 如果超級大油皮，可以搽薄啲或者敷完半個鐘後用紙巾印走多餘嘅先瞓 總評分：🌟🌟🌟🌟🌟 (5/5) 平靚正之選，一定會回購！想擁有水光肌嘅sis快啲試下啦～

Cc2016好用推薦：趁做特價第二盒半價時買，性價比高，夠貼面型，亦夠滋潤，用完皮膚感覺更有彈性，已經再回購

jaye好用推薦：肌研呢個系列既面有3款，3款都好岩敏感皮膚，3款我自己都鐘意亦會交換用，面膜紙好貼臉亦親膚，一敷上臉已經好快感覺到滿滿既精華，完全無吉既感覺，15分鐘後再洗淨臉部，馬上見到皮膚水潤飽滿，後搽護膚品亦更快吸收晒，第二朝起身水潤感依然持續，呢款就美白功能既就係3款裡面精華中最清爽，保濕之餘仲可以逐步改善唔均勻既膚色。

Fng好用推薦：肌研 光透潤血色感彈潤面膜熟齡混合肌夏日平價補光之選 肌研呢款新面膜絕對係開架黑馬！同其他平價面膜（如我的美麗日記、森田藥妝）相比，佢贏在雙重透明質酸+玫瑰精華配方，面膜紙超薄貼面，敷10分鐘已經即時提亮，暗黃肌變好氣色✨ 熟齡混合偏乾肌實測：精華液量剛好，唔會滴漏，敷後按摩吸收零黏膩。冷氣房內保濕力可維持到第二朝，面珠墩有彈潤感，但T位無負荷。持久度稍遜貴價面膜（約1-2日效果），但勝在性價比高，平日Keep住用唔肉痛～ 推薦給：✔️ 暗沉熟齡肌追求即時透亮 ✔️ 怕面膜癡立立 ✔️ 夏日想要平價日常補光！

Kpl6be6好用推薦：面膜精華呈水狀～份量足夠～#保濕 效果唔錯！用後未咁快見到提亮膚色效果～但有感肌膚更水潤柔嫩!!如果面膜材質再厚身一啲會更好～

Tobimak好用推薦：呢隻肌研的Aqua Mask海洋面膜（保濕）價位相當親民，適合日常補水時使用，不會有太大負擔。面膜本身無香味，對於敏感肌或不喜歡香料的人來說是一個加分位。我自己敷完之後，皮膚沒有出現泛紅或刺癢的情況，算是溫和。 保濕方面就比較普通，敷完後皮膚雖然有即時水潤感，但持久度不高，大約一兩個鐘後就回復原狀。比起一些主打深層補水的面膜，它的效果偏向表層滋潤，適合在冷氣房內短暫舒緩乾燥。 值得一提的是質地唔黏立，敷完之後不會有厚重或黏笠感。我試過晚上敷完再塗乳液，第二朝起身皮膚感覺清爽，但未至於有驚喜。 如果你係搵一款價錢合理、溫和、唔黏立又無香味的面膜作為日常保養，呢款可以一試；但如果你期望有明顯改善乾燥或提升膚質，可能要考慮其他產品了。

Kitty 好用推薦：這款肌研海洋保濕面膜真係轉季救星！✨ 每次皮膚一有啲唔妥當，我就會拎出嚟急救，敷完之後成塊面都係水潤潤，摸落去仲好軟熟😍！ 面膜紙薄得嚟又唔易爛，剪裁其實一般般，鼻頭下巴位不算太服貼，敷上臉感覺涼涼地好舒服。精華液份量啱啱好，唔會話滴滴答答搞到成身都係。 敷大概10至15分鐘之後揭落嚟，會感覺到皮膚飲飽水，之前嘅乾燥同繃緊感覺即刻舒緩哂！尤其兩頰位，原本有少少甩皮泛紅，敷完之後即刻平復返，上妝都貼服好多💫。 雖然佢冇咩好濃嘅香味，只有微微原材料嘅味道，但就係因為咁，用落反而覺得好溫和、好安心。成分入面有海洋成份精華同高保濕透明質酸，幫皮膚築起保濕屏障，鎖住水分，舒緩皮膚換季敏感不適。 總括嚟講，呢款面膜絕對係我化妝枱上面嘅常備品，性價比高，保濕效果又睇得到，但真希望剪裁可以改進下，未試過嘅姊妹不妨買盒嚟試下～

維他他好用推薦：我通常喺夜晚敷面膜，呢隻面膜敷完之後覺得好保濕，有少少提亮效果，相信長期使用可以使皮膚變得更白淨，但敷完之後記得要用保濕的產品，因為美白嘅產品通常用完會會較乾

lingbb好用推薦：價格唔算最平，但算係好保濕嘅選擇、面膜充滿化妝水，無味、無色，使用後塊面好白淨水潤，敏感肌至愛之選

takemyokane好用推薦：老實說一開始見評價不太高所以期望也不高，但護膚品果然不是只有好與不好，還有適合還是不適合。這款面膜片偏薄，水潤貼服，適合亞洲人面形。精華量適中，不會多到滴水，也有殘留少許可以後續補上。 我喜歡敷完後清爽吸收又水潤的感覺，夏天用完全無負擔，還有透亮感！除開一塊 $12 左右，@Cosme 有售～作為開架品牌性價比良好。 #夏季必備保養

Amina好用推薦：市面上有好多唔款嘅mask，有啲來自日本，有啲來自台灣，但係作為混合肌、敏感肌同痘肌嘅我就唔係款款適合，要搵適合嘅mask真係好難🤯而肌研係一個來自日本嘅品牌，佢呢一款mask就完全能夠解決我嘅問題😙 肌研極潤保濕面膜—— 佢嘅特點係高機能導入保濕科技，集合4種不同大小的透明質酸😍水份程度方面，敷起上嚟好水潤，10-15分鐘之後仍然好濕潤，非常補水💦！貼服程度方面，非常貼服，即使係塊面偏小嘅女仔，亦都好啱面形。另外，痘痘肌嘅女生亦唔使擔心，用完之後唔會爆暗瘡！😌 改善方面，我認為攞走塊mask之後就冇曬精華，如果可以多啲精華喺mask袋入面，令成個treatment變得更加好。🤩 #抵買面膜

A&R好用推薦：首先面膜質地好舒服，好大塊，完整地覆蓋整個面，剪裁亦都唔錯，眼部嘴部唔會太細，又唔會太大。精華好多，有少少水狀，冇香味，敷上面皮膚好吸收，剩低嘅精華搽喺頸部手臂，都好快吸收，唔會好黏笠。敷完30分鐘皮膚亮白了一啲。整體感覺有驚喜，價錢唔貴，可以長期使用。

何何好用推薦：質地柔滑似雪糕，香味有啲似白米發酵，好好推，滋潤，洗去後面部皮膚有舒緩降紅，微微變透白效果，有滋潤感，我會係洗澡前洗面後厚敷，之後直接去洗澡，蒸氣令面膜更吸收，又可以順便洗走埋佢，又可以按摩面。洗後柔軟感up, 很舒適。

劉肥貓好用推薦：佢個質地似 軟雪糕好容易推 開 亦好容易 清洗但保濕能力就麻麻哋