KISSME 好用推薦產品

Karman28好用推薦：用到連logo都甩哂，都未用哂，但應該係時候買支新。 呢支係朋友推薦，當用睫毛液失手時，靠它就能去除失手的部份，唔洗成個妝卸左佢。 同埋佢個設計十分易用。

格仔餅公主好用推薦：懶人岩用，連cotton pad都唔洗ready已經可以卸哂D mascara ，剩係化左mascara用佢卸慳水慳力又唔會傷眼，同佢入眼都唔會嗱眼架

LingLing好用推薦：講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！

YiN好用推薦：一定係史上最強睫毛卸妝產品，冇之一。香港咁熱咁潮濕，冇可能唔用防水睫毛膏。我本身都用開kissme嘅防水睫毛膏，有時去睇live我仲會喺底用超強嘅睫毛底霜，將啲睫毛定到好似鐵線咁硬。到要卸妝嘅時候就知有幾痛苦，用眼唇卸妝液敷幾耐都摸到啲睫毛係硬嘅，唔小心入眼又唔舒服，未遇到呢枝之前我通常抹到冇色就放棄，由得啲睫毛硬硬地。佢入面就係一枝冇刷頭有坑嘅棒，啲卸睫毛液卡喺啲坑度，當平時搽睫毛咁刷上啲睫毛度，基本上你一眨眼啲黑色已經印哂落下面，用棉花一抹就乾淨，有時未夠的話重覆多一次呢個動作就一定卸到。 建議大家習慣掃完一次抹乾淨枝棒先放返入去，如果唔係好快成枝都會變黑。

choichoi好用推薦：使用時能感受到強烈的酒精味道 , 最糟糕的是, 如果你塗了不只一層的睫毛膏 , 會!很!難!卸 , 你得卸數次才乾淨(汗) ～重點是你早已敷了差不多20秒 。（再汗） 掉入冷宮..

仙地好用推薦：曾經用過kiss me的睫毛液和卸妝液，此眼部卸妝液好油質感，比較刺激眼部，也不太乾淨，好一般