Benefit 好用推薦產品

Tszki好用推薦：Benefit The POREfessional 柔霧控油毛孔細緻霜 質地清爽，容易推開且快速吸收。能顯著減少油光，維持清爽不黏膩。具備強大的柔焦填補效果，讓皮膚表面看起來更細緻。因為控油力強，若保濕不足，乾燥肌膚可能容易卡粉。含有矽氧成分，使用後需使用卸妝產品確實清潔，以免阻塞毛孔。

Blooming好用推薦：Benefit The POREfessional 柔霧控油毛孔細緻霜，磨皮效果明顯，修飾毛孔做得真係唔錯，質地清爽，控油效果的確不錯，持妝更long lasting。

Emily Leung好用推薦：Benefit毛孔細緻霜測評 質地： 搽上手第一感覺係「滑得嚟有啲矽感」，唔會立癡癡，推開個陣有啲似慕絲咁，好快就啞面，完全唔油。如果你試過佢哋嘅反孔精英，呢個霜嘅質地會再輕薄少少，似一層好薄嘅柔焦濾鏡咁罩住皮膚面頭。乾皮用可能會覺得有少少繃，建議局部用喺毛孔粗大位（多數係T字同鼻翼兩側）。 毛孔細緻效果： 即時效果明顯，填平凹凸窿窿嘅能力幾強，尤其係鼻翼兩側同眉心位嘅細小毛孔，搽完即刻睇落平滑咗，有種「磨皮感」。但注意，佢唔係真係收細毛孔，而係透過填充同光線折射令毛孔「睇唔到」。持久度大概可以keep到半日左右，如果出油多，晏晝可能要用紙巾印一印油，再補少少。 小貼士： 1. 唔好當全臉面霜用，只搽喺毛孔明顯嘅位置，否則可能會有屑或者太乾。 2. 建議用完保濕打底（等吸收晒）先搽，之後再上粉底會更貼服，毛孔隱形效果會加倍。 3. 如果追求天然妝感，可以單用呢支霜，再薄掃一層碎粉定妝，已經有好靚嘅柔焦效果。 總結： 適合油性/混合肌，或者需要即時修飾毛孔嘅場合（例如約會、見工）。但如果你期望長期改善毛孔粗大，就要配合其他護膚品（例如果酸、維A醇）。一支都幾耐用，值得入手試吓！

Kathy Wai好用推薦：【Benefit 毛孔細緻霜用後感】 講起呢支嘢，真係又愛又恨。細細支都唔平，但佢個名「毛孔細緻霜」唔係流嘅，搽完真係有種「霧化」咗個毛孔嘅感覺。 質地係淺褐色嘅膏狀，有少少矽感，推開要快，因為佢都幾快乾。用法好緊要——唔好成塊面搽，淨係局部搽喺毛孔粗大嘅位，好似鼻翼兩側、額頭、蘋果肌位。用手指或者細掃薄薄印一層，等佢定一定先上粉底。個效果係點？就係你摸落去塊面會覺得好滑，好似搽咗層絲絨咁，毛孔望落真係細緻咗，有種柔焦filter嘅感覺。 最正嘅係佢控油力都唔錯，T字位出油會慢啲，粉底冇咁易卡入毛孔。如果話單搽佢加碎粉出門，係可以嘅，但遮瑕度近乎零，純粹係修飾毛孔同埋令皮膚摸落滑啲。 缺點？有。第一，如果你搽得太厚或者太大力推，會起擦膠碎，好尷尬。第二，乾肌或者冬天用嘅話，會覺得有啲乾，甚至掹掹緊，一定要做好保濕打底。第三，佢係矽基底，有啲人會生粒粒或者塞毛孔，敏感肌要試真啲。第四，都幾貴，同埋支裝設計好快用完。 總結：如果你係油肌或者混合肌，毛孔粗大又想妝容持久啲，佢係一支幾好用嘅局部修飾霜。但如果你係乾肌，或者追求保濕護膚型嘅底霜，就唔係好啱你。我會俾7/10分，

Kitty 好用推薦：我係混乾皮用家（T區油、兩頰偏乾）😝 當初見到藍色包裝已經心心眼，忍唔住買咗返屋企，佢一唧出嚟係輕盈嘅慕斯狀💧，質地比原版（綠色包裝嗰支）更水潤，易推好多，完全唔會擦膠碎‼️ ✨ 上臉感覺（混乾皮視角） 搽上面嗰下好爽滑！ 保濕力真心有驚喜，打完底之後個妝好貼服，乾紋位（例如鼻翼、眼底）都平滑咗。至於毛孔修飾方面……老實講，唔會話100%隱形，但係有柔焦效果 ⭐，似幫皮膚打咗層薄薄嘅霧面filter，毛孔望落冇咁明顯。 💦 控油 & 持妝（混乾皮實測） 我作為混乾皮，兩頰用呢支啱啱好，夠保濕唔會卡粉；但T字位就略嫌唔夠控油 ⚠️，大約4-5個鐘後鼻頭會開始出油，需要補少少碎粉。如果係大油肌嘅sis，可能要諗諗，或者淨係用喺乾燥位置～ 混乾皮冬天用就超夾 ❄️🍂！ 👍 總括嚟講 呢支保濕霜非常適合混乾皮 / 乾肌，鍾意輕盈保濕、自然柔焦感嘅可以一試！但如果你追求強效遮毛孔或者全日啞光，呢支可能會令你有少少失望～ 整體性價比算中等，唔算平，但對混乾皮嚟講效果對得住個價（如果夾啱季節）。我應該會留返秋冬用，夏天就轉返控油款～ 😝

Kura好用推薦：呢款妝前底霜又係超好用，我每次都會搽搽係毛孔比較粗大嘅位置，有種撫平毛孔嘅效果，滋潤保濕效果又好好，完美底妝必備

zzzhelen好用推薦：一開始覺得好難用，唔太貼服，原來用既份量要多，再打圈搓入毛孔，之後照正常程序拍上粉底，可以見到遮哂毛孔咁滯。（附上妝前妝後照片） 質地好輕盈舒服，比一般底霜更無重，唔會覺得有野係面，我係好鍾意，特別係夏天！Benefit有3款隱形毛孔霜，我對依款感受好好，黎緊會試埋另外兩款有咩分別

Rin好用推薦：我在機場免稅店購買的時候，銷售員用在手上的感覺還是不錯的 而且我又聽說他的大名 亦十分想嘗試 但是在多次使用的情況下，我認為他很常令我鼻翼附近卡粉 我不肯定是我的使用方式不對，還是說他本身容易令到皮膚乾 但我會再嘗試使用 是否真的與我不合 有股香味 可接受

Rin好用推薦：都係sales推薦我懶人用嘅化妝品 佢係介紹我用呢一支再加佢嘅毛孔底霜，然後混合埋一齊呢就可以出門啦 嗰一刻我係心動嘅，畢竟夏天係唔想化妝，亦都唔想塊面有咁多嘢喺度 所以我買咗，佢的確有少少修飾嘅作用，令你膚色均勻啲啦，因為佢係紫色嘅，都會將你暗沉嘅地方整均勻 我相入面用咗會比較有光澤 質感都比較自然

choichoi好用推薦：炎夏使用注意！質地、用法的關係有點難推開，它需要用手指抹開但夏天真的有夠難；扭轉底座也要小心使用一不小心轉太多就回不去了，雖然的確能為需要的臉頰位置提供光澤感但有更多同類且方便使用的商品

mandy好用推薦：Benefit The POREfessional: Matte Rescue Gel 毛孔啞緻底霜 $290/ 50ml 質感是透明啞光啫喱，使用時清涼舒適，非常適合在炎夏使用。 可以即時吸走面上油脂，令面部保持啞緻清爽， 而且完妝效果非常自然透薄。 沒有防曬功能，要先上好防曬，再用毛孔啞緻底霜。 沒有調色功能，有需要可疊加具調色功能的妝前底霜。 毛孔啞緻底霜也可以在全面作為妝前底霜使用， 控油效果很不錯，即使午後也沒有出油溶妝。 成分方面以保濕成分為主，同時亦添加了其他養膚成分。 使用方法: 於潔淨的肌膚塗上毛孔啞緻底霜， 能瞬間吸走多餘油脂。 含保濕成分: 甘油, 矽靈, 丁二醇, 戊二醇 及 玻尿酸鈉 抗衰老成分: 甘油, 玻尿酸鈉 及 維他命E 控油成分: 矽石 抗氧化成分: 玻尿酸鈉, 二丁基羥基甲苯 及 維他命E 鎮靜消炎成分: 玻尿酸鈉 及 維他命E 美白/均勻膚色成分: 維他命E

Hazel好用推薦：質地順滑，有效遮蓋毛孔，保濕，有維他命E有護膚功效，用後令妝感變得啞緻，可以令妝容更持久。不過冇Sofina嘅base咁持久控油。

mandy好用推薦：毛孔細緻提亮底霜     $120/7.5ml; $290/22ml 功效: 為肌膚增添柔和珍珠粉色光澤 + 去油光啞緻妝效 + 遮蓋毛孔 這枝是賣得很好很好 的 The POREfessional毛孔細緻霜  的珠光版姊妹 質地跟The POREfessional毛孔細緻霜 同樣輕盈柔滑無油 除了原版的去油光及遮毛孔功效, 還有提亮的作用 基本上, 我認為只需在您希望提亮的地方局部使用便可 我會用在額頭、眼下、鼻樑 及 下巴位置 我也知道大家都是The POREfessional毛孔細緻霜 的死忠 不過The Porefessional Pearl Primer 可以少許提亮 同時控油, 也很不錯呢~ 想同時達成這兩樣要求, 一定是用這枝最方便 此外如果大家覺得用highlight太明顯, 那麼可以試下用這枝, 效果會較低調 喜愛啞緻妝效的人士也會喜歡這枝 使用量由於只是局部使用, 一枝7.5ml我也用很久呢 而價位也定得很合理, 但當然在美國買會更便宜 含保濕成分: 醋酸鹽維他命E 抗氧化成分: 醋酸鹽維他命E, 二丁基羥基甲苯 及 維他命E

Viviccs好用推薦：有一啲啲厚，但遮瑕能力很理想 (比起藍色的一支，有比較保濕) 然後遮到粗大毛孔，只是有一啲稍厚質感。

Jasmine Yuen好用推薦：呢款"豬油膏" 係毛孔修飾霜第1代 用完之後會令毛孔無咁明顯 但係我覺得比較笠，感覺一般

Kura好用推薦：呢款豬油膏我當時買佢全因為佢嘅包裝好靚，佢嘅實際用途我至今都係搞唔明，唔算好用

mandy好用推薦：STAY FLAWLESS 15 HOUR PRIMER   STICK 狀的妝前底霜, 有少少硬身, 可是推開後的質感與 THE PORE FESSIONAL   相似, 皮膚立即幼滑啞緻, 亦使妝效更持久。

粉紅寶寶好用推薦：以前初推出時，作為Benefit忠實用家，馬上購買了，不料之後竟然一波三折。 首先是很難用，向一個方向塗上後，是乾實得不可能抹開的，變相會塗得得不均勻；然後再上粉底時，又要注意必須全面向外以同一方向抹，不可翻手不可來回，也不能打圈或重複塗抹，否則會馬上出現擦膠碎。而這個使用方式，更是由Benefit店員教的，因為我用了兩次後根本無法好好上粉，結果要回店裏向職員求助。 根本是超級難用，但更離譜的是，因為很難用，所以用了數次後就沒有再用，過了幾星期拿出來再試，整支棒直接斷掉！於是拿回到了Benefit，經過相討後幫我做了更換，但因為實在太難用了，包裝盒都沒拆，放在化妝箱底一個月。 終於決定再給它一次機會，但一打開，竟然長滿了白色霉點！最後又是一輪磋商後，換成了別的產品。 完全不推薦，非常難用，品質不知道是甚麼問題，反正一定是我用過Benefit最差的產品。