PAUL & JOE BEAUTE 好用推薦產品

YiN好用推薦：好耐以前已經有買paul & joe嘅底霜，已經用到見哂底。包裝充滿少女感，壓花玻璃樽，淨係擺喺度都覺得心情好好。後來發覺旅行拎出去太重，佢就冇再陪過我出去。但因為喺日本買平啲，去日本嗰陣我都係會買枝返嚟。質地好水潤，搽出嚟有保濕嘅效果。帶有一陣香味，有啲人可能會介意，但我自己係幾鐘意隻味嘅。 點解我會回購主要係因為佢本身有顏色，我揀01色會有提亮效果，佢本身又有防曬度數，膚況好嘅日子我有時會就咁搽佢再上少少碎粉就當化完個底妝，佢個提亮感我覺得真係好靚。 至於真係妝前去搽，因為我本身係混乾肌，本身化妝都唔會大溶妝，好難講得實佢有冇令我個妝keep得好咗，但一定未試過令後續底妝差咗。

chasiutung好用推薦：Paul and joe 防曬妝前乳SPF15 PA+ 配方提升至90%精華成分 加入Moisture Essence 保濕精華、四種透明質酸、保濕橙花水加強保濕功效而設最滋潤保濕的隔離霜 蜜桃色調色有點遮瑕度 質感滋潤 搽完上面有提亮同光澤感 有香氣味 瑕疵不多可以單用或加少量碎粉就可以出門 混油皮適合秋冬使用 上粉底後妝感貼服 無溶妝 吾卡粉 但不建議混油皮春夏使用 會有點笠同脫妝 使用後:

Lilyscl好用推薦：暗黃皮膚有提亮作用，而且可以修飾毛孔，可以做偽素顏。化妝前用左可以改善暗沉。

Hana0125好用推薦：呢枝底霜係我秋冬必備，包裝有質感，用落非常貼服同補濕，有調色作用，有時好懶單用佢拍少少碎粉就出到街，全日都唔會起乾紋！不過夏天用落效果就麻麻地，好快就甩。

Lumi Kwan好用推薦：好好嘅低調珠光質感，佢係令膚色散發蜜桃色，好有日系感！但買完一次就停產，好可惜，想買都冇機會。

🌸好用推薦：我用咗兩支啦，非常之滋潤，秋冬用就最正喇。 賣相非常之可愛，朋友仲以為我呢支係一樽糖嚟嘅😂😂😂 妝前打底使用，一次過做到保濕同埋持妝嘅功效。 不過依家好似冇再出🙁

takemyokane好用推薦：啫喱質感清爽易推，清潔力不錯，但潔面產品來說價錢有點貴，價錢平又有差不多效果的有很多選擇。

Milo101好用推薦：🌟如包裝所見是淡綠色啫喱凝膠狀，適合卸淡妝使用，如果卸濃妝就感覺不夠乾淨 🌟個人而言，每次用量都很多，一支很快用完，性價比普通

Hana0125好用推薦：呢枝粉底（右邊）同底霜一樣有淡淡橙花香，包裝都好似，只係樽蓋唔同色，我會一set咁用。雖然同樣係Paul & Joe 出品嘅粉底液，但用落我覺得底霜 CP 值高好多，原因係呢枝粉底液用半日就會氧化變暗，我會用淺一度嘅碎粉令妝感無咁暗。用左一枝就無再回購。