TOM FORD BEAUTY 用家評價

Tom ford嘅眼影好出名，多年來都受到唔少美妝博主嘅吹捧，我自己用咗之後都覺得非常好用。由於佢可以選擇嘅顏色相當多，今次我只係介紹返我平時最常用嘅兩盤。 第一盤係 35 Rose Topaz，我買嘅係粉紅色特別版，同普通版冇分別，只係個包裝唔同咗。呢一盤我稱之為杏仁奶茶盤，色調方面比較清淡自然，係玫瑰晶石色、深巧克力色同兩隻深淺同嘅金色，極度顯色貼服。 呢個就係手背嘅試色圖，對應返眼影盤嘅四隻唔同顏色：上妝中方便簡單唔飛粉，rose topaz嘅呢四隻顏色比較日常，平時返學或者返工用都睇落自然。 另一隻我比較推介嘅顏色係30 insolent rose，色澤粉嫩，好有仙氣😍 色調方面係粉嫩得來帶點優雅，睇落好有氣質，畀人一種溫柔嘅感覺。 以下係手背試妝： 左上角嘅珍珠白色搽少少就已經好顯色，右下角嘅紫啡色雖然深色，但上妝之後完全唔會有似撞瘀咗嘅感覺，粉質細膩，容易暈染。妝效持久唔甩色，飽和度高，容易上妝。特別喜歡佢個粉紅色細閃，喺燈光照耀下，有楚楚動人嘅感覺🥰

Tom Ford 我買咗04號色 honeymoon ，佢色調係 偏棕紅色 ，少少秋冬感覺 ，擦上去非常之貼服，粉質 幼細 ，唔會飛粉，同埋顯色度非常之高，又容易blend，持久度好高，基本上全日都唔會甩妝。 唯一缺點少少貴。🤣

今次評價嘅呢一支眉筆，應該係我買過最貴嘅眉，原價需要$610一支。但係因為我係喺OnTheList半價嘅時候入手嘅，所以價錢都算係合理。 買咗返嚟之後，我先至覺得原來都真係幾抵。佢除咗有一支眉筆嘅本體之外，仲送咗一個替換芯，即係買一送一😍。 畀大家睇吓支筆嘅本體係咁樣嘅：同其他牌子嘅眉筆一樣，頭尾都係有蓋嘅，一邊係眉掃，另一邊就係眉筆嘅本體。 我今次買嘅係03 Chestnut，唔係一個熱門色號，所以先至咁平。我以為會好淺色，但係結果都幾適合我嘅眉毛。 呢個係我喺手背嘅試色，可以無中生有咗條眉毛出嚟😂😂😂眉目唔濃密嘅姊妹們都可以一試。 我本身嘅眉毛比較粗，佢嘅斜角筆頭設計，畫起上嚟非常之方便。上妝次後妝效自然不暈染，持妝十小時以上。原來佢一支眉筆都有0.6g，相比起其他牌子： Chanel  STYLO SOURCILS WATERPROOF 眉筆 （0.27g) Dior 豐彩眉毛KABUKI造型筆 (0.29g) 咁樣比較起上嚟，其實佢都唔算貴喎😂😂😂

黎緊拜年，當然要化一個精神又氣息好既妝見人。 唔習慣用太鮮艷既紅唇膏，咁呢支tom ford 既唇膏就幾岩啦。呢支唇膏既顏色係1x Maurice，是帶少少橙色的暗磚紅色，帶點冬日感。可以顯好氣息之餘，又唔會太高調。 上唇後，有少少光澤，但唔會太令面，岩岩好，同埋唔會顯唇紋。

相信大家對 Tom Ford 眼影的好評都不陌生，顯色度，飽和度，持久度，以到粉質都無可挑剔💕 價格雖然真的比較貴，未必能夠人手一盒，但是一定值得大家靠櫃一試！！而且四色盤眼影容量達 10g，算是專櫃比較少有的份量，相對大方❗️ 手上四色眼影盤為🤎 #29 Desert Fox，包含三格啞色及一格珠光色，colour story 一致，新手很友善，就是不會出車禍類型。不過，單靠這盤，未能做到變化很大的不同眼妝，略為沉悶。 要讚賞的，除了眼影粉本身做得很完美外，就是鏡盒很大氣，鏡子亦很大，所以旅行時帶上這盒剛剛好～ 而且 TF 在眼影掃上很用心，對比其他專櫃品牌，TF 這盤除了“沒有什麼用途的“海棉棒外，多加了一個小掃，細緻位加分👍

呢一個眼影膏，我覺得完全可以稱之為「懶人恩物」。一盒細細盒咁樣，非常方便攜帶。 分開上下兩層，上面嗰層係粉狀嘅眼影，同埋有塊細嘅嘅鏡。而下面嗰層就係膏狀嘅眼影。我買呢個係03 golden peach，上層係細閃嘅金色粉狀眼影，下層係蜜桃色嘅膏狀眼影。我知所以話佢係懶人恩物，因為可以完全唔需要用化妝掃上妝，尤其是係趕時間要出門嘅時候，用呢個非常之方便。 以下呢個係手背試色： 左邊係上層嘅金色粉狀眼影，而右邊嗰個就係蜜桃色嘅眼影膏。兩隻顏色都係粉嫩粉嫩嘅，充滿着青春同埋春夏嘅氣息。  可以直接用手指沾染眼影膏上妝，膏狀眼影非常之容易推開，好容易上色，可以去極短時間之內完成一個眼妝，而且睇落去唔會覺得眼皮浮腫。 佢嘅膏狀眼影可以唔使預先搽打底就直接上，對於眼部皮膚偏乾嘅姊妹們非常友好。 呢隻眼影都算妝效持久嘅，即使夏天用都唔會甩色。除咗價錢係一如既往地偏貴之外，基本上使用感都係一流嘅。

TF嘅眼影雖然真係幾貴 但都幾值得入手🥹 我用嘅色號係30 Insolent Rose🌹 買嗰時有啲驚灰紫tone會唔會好難carry 但完妝後係溫柔仙氣嘅粉tone 乾淨高貴嘅妝感🧚‍♀️ 雖然係灰紫tone但完全唔會好似俾人打腫咗隻眼咁🤣 調色真係好靚🥹 粉質細緻 喺盤摸上手好絲滑 完全唔會飛粉 而且右上閃片色嘅閃係好細緻 bling bling嘅感覺✨ 1️⃣左上 米白香檳色 帶點細緻嘅珠光 做打底色搽曬成個眼窩 都幾顯色所以少少就夠 太多會太白 2️⃣左下 啞光玫瑰粉粽色 暖調 低飽和嘅顏色 淡淡哋唔係勁顯色嗰種 都係搽曬成個眼窩 近雙眼皮摺可以加深少少 3️⃣右下 煙紫色 緞光暗閃 幾顯色 拎少少就ok 加強眼尾 4️⃣右上 粉色碎鑽 細緻嘅閃 用手指喺眼蓋中間搽一下再拍開

呢個眼影有三格matte 一格閃粉 左上可以用做打底色 右下就可以做眼線 佢無論化濃妝同淡妝都可以 如果出席party宴會場合更可以用埋bling bling閃粉嗰格 整體顯色度高 質地絲滑唔飛粉 用手指輕輕拎少少已經好上色 而佢附送嘅掃具質素好好 非常適合用嚟blend鬆顏色 又唔會拮眼 包裝外型經典大方 磁石扣設計好有質感 雖然佢份量好多，各方面嘅表現都好好 但價錢都偏貴 所以我覺得佢嘅表現係佢呢個價位產品應該要有嘅

tom ford 08 frolic ， 冷色粉色，上咀透薄滋潤，有少少金粉 ，shiny 嘅妝效，持久度一般。

tom ford 80 impassioned ， 有少少冷色tone，但都算易配搭，質感柔滑，上咀貼薄顯色， 持久度just so so.

超細枝，但包裝很有氣場，經典方形金框黑色外殼，非常有質感。這枝是色調是40 Leonardo，是艷麗的酒紅色。唇膏質地非常幼滑很滋潤，但上嘴會變霧面感（可能我用得少，怕太紅）而且顯色，唯一缺點是貴和量少。

TOM FORD皇牌四格眼影真係令人一用愛上，粉幼滑，顯色度高，就咁搽一層已經好顯色，咁就會令眼紋明顯

TF眼影相信係咁多化妝師同喜愛美妝嘅女仔心目中嘅眼影天花板，顏色多，粉質好，配色靚，有充足budget 一定要入手一盤 要判斷一個眼影盤粉質夠唔夠好，第一一定要試最深色嘅霧面色，要摸上手唔乾澀，推開顏色均勻唔會結塊，輕輕用手暈開唔會化唔開到，又或者捽到啲顏色消失咗，能夠將霧面色做得好，其他色都唔會差得去邊，呢樣TF係完全無得彈，無論用手上定用掃上，都容易取色，每次取色都唔會飛粉，上眼好易暈開，就算唔用打底膏，持妝半日都唔會褪色，根本就係粉質最佳模範生 顏色選擇多呢樣唔駛講，去櫃台一定會花多眼亂，唔想唔小心買咗唔鍾意嘅色號，請事前做足功課，我買咗熱門色號—20號disco dust，初初收到手有少少好可惜買錯色嘅感覺，因為佢同我手上另一盤CT嘅pillow talk眼影撞咗蜜桃粉色系，不過仔細一睇，其實TF呢盤並唔係淨係識行溫柔路線嘅眼影，因為4隻色都係偏沉穩，杏色同蜜桃色都係鮮明度同飽和度皆低，再配上非常深色嘅啡紫霧面，可濃可淡，可柔可狠，越睇越覺得TF配色真係一流，早前用佢化咗一個韓系妝容，配搭好早期已經買咗嘅TF黑管1號，可愛之餘又唔會俾人覺得做作，難怪20號會係熱門色號 仲有

充滿女人味的唇色 tomford唇膏最利害是調色，很多看上去平常不會購買的顏色試上嘴後，會發現自己竟然carry到，這支80號就是。 質感： 膏體稍稍偏硬，上嘴遇體溫後順滑易塗 微香 妝感： 實色有光澤 非常顯色，能遮蓋唇色 沾杯程度中等喝水少許唇膏印，油膩食物會掉色 使用感受： 典型蠟質唇膏，上嘴舒適，不顯唇紋，不用潤唇膏打底都可。 持久度中等，沒飲食基本不用補，但3到4小時後會有輕微乾感，補少許潤唇膏on top就ok。 80號雖然是大紅色，圖片偏亮，真實是帶啡調的暗紅色，不會有大媽感，有一種法式浪漫感。 最大缺點就是價錢😆 推薦給25歲後想試試成熟感妝容的，女人味會大增。 #夏季戀愛感妝容

Tom Ford 嘅香水真係冇得頂，呢兩款香水都好正，如果噴喺衫度洗完衫都仲有味道，噴少少可以持久兩三日。唔識扮專家形容他們的味道，但個人真的十分喜歡，但係價錢真係太貴了！！呢兩支我都要慳住用😆 white suede 50ml 已經差唔多用晒啦，但係唔捨得丟棄