TOM FORD BEAUTY

Cream and Powder Eye Color

呢一個眼影膏，我覺得完全可以稱之為「懶人恩物」。一盒細細盒咁樣，非常方便攜帶。
分開上下兩層， 上面嗰層係粉狀嘅眼影，同埋有塊細嘅嘅 鏡。而下面嗰層就係膏狀嘅眼影。我買呢個係03 golden peach，上層係細閃嘅金色粉狀眼影，下層係蜜桃色嘅膏狀眼影。我知所以話佢係懶人恩物，因為可以完全唔需要用化妝掃上妝，尤其是係趕時間要出門嘅時候，用呢個非常之方便。
以下呢個係手背試 色：
左邊係上層嘅金色粉狀眼影，而右邊嗰個就係蜜桃色嘅眼影膏。兩隻顏色都係粉嫩粉嫩嘅，充滿着青春同埋春夏嘅氣息。


可以直接用手指沾染眼影膏上妝，膏狀眼影非常之容易推開，好容易上色，可以去極短時間之內完成一個眼妝，而且睇落去唔會覺得眼皮浮腫。
佢嘅膏狀眼影可以唔使預先搽打底就直接上，對於眼部皮膚偏乾嘅姊妹們非常友好。

呢隻眼影都算妝效持久嘅，即使夏天用都唔會甩色。除咗價錢係一如既往地偏貴之外，基本上使用感都係一流嘅。