IPSA

極緻再生精華水 (復活神水)

多謝 @cosme 邀請我試用IPSA口嘅極致再生精華水（復活神水）。我係敏感肌，得知IPSA呢個牌子係主打無香精、無酒精成份就十分感興趣。

呢隻精華水係半透明乳白色嘅液體，質地偏黏稠，但係液體流動性都算高，上面唔算笠。用手輕輕按摩一陣就好容易吸收晒。


瓶口略闊，需用微微擠壓嘅方式倒出。有時唔覺意倒倒咗，我就會搽埋頸同埋手臂。


最令我放心嘅就係佢不含酒精同香料成份，所以聞落一啲味都冇，對敏感肌嘅朋友十分友好。



呢個係使用前嘅肌膚狀態：

最近咁啱撞正工作壓力大嘅日子，皮膚出現敏感泛紅嘅症狀，生咗啲暗粒，加上我本身係乾燥肌，皮膚乾到有少少甩皮。膚色暗啞冇光澤，毛孔粗大，有乾紋，係一個疲勞嘅肌膚狀態。🥺🥺🥺🥺

佢嘅用法非常簡單：每日早晚洗面之後，都會倒一個五蚊銀大細嘅份量落化妝棉，然後搽勻晒成塊面。雖然佢嘅黏稠度比一般嘅化妝水高，但係唔算笠，按摩一陣就好快吸收晒，肌膚即時又飲飽水嘅狀態，使用後亦都冇任何敏感嘅癥狀出現。

呢個係使用後五日嘅狀態：

暗粒開始減少，皮膚泛紅嘅狀態得到改善，肌膚開始多番啲彈性同埋光澤。雖然毛孔依然粗大，但係乾紋已經冇晒，已經有逐漸改善嘅跡象。

睇返資料，原來佢含有高純度嘅抗老胺基酸，可以從深層激活皮膚嘅基因，以提升細胞嘅緊致度。另外佢含有南非復活草精華，可以從深層滋養修復基底，擊退皺紋同暗啞。其他嘅成份，例如梔子果、鳶尾花、苦參、無患子萃取呢幾日就可以預防彈性蛋白流失，令肌膚變得飽滿、有光澤。

呢個係使用12日後嘅狀態：


肌膚已經回復返正常膚色，冇泛紅同暗啞嘅跡象，肌膚比之前更有光澤。乾紋亦都冇晒，變得有彈性。復活神水呢個名真係改得冇錯，佢正正就係我肌膚最疲勞嘅時候打救咗我，令我可以喺兩星期內重新提亮膚色，提升返肌膚嘅活力，重拾緊致同彈性，皮膚回復飲飽水嘅狀態，敏感嘅肌膚亦都穩定落嚟。希望長期使用可以繼續保持呢個健康而穩定 嘅皮膚嘅狀態☺️