YHKcare

SenRelief® 深層補濕舒緩面霜

多謝 @cosme 邀請我試用SenRelief® 舒敏精華水 及 SenRelief® 深層補濕舒緩面霜。我係敏感肌，雖然平時都係用開大牌子居多，但得知YHKCare專注研發敏感肌嘅護膚產品，而且今次試用嘅SenRelief系列更加榮獲德國權威皮膚科技研究所Dermatest嘅認證，就十分感興趣。

講吓呢罐深層補濕舒緩面霜，包裝簡約，係綠色不透明嘅玻璃樽包裝。一打開瓶蓋，就聞清新茉莉花香味，清雅而不俗氣。面霜係白色半透明嘅，質地偏杰，但搽上面嘅感覺係清爽嘅，而且吸收得好快，按摩幾下就能夠全面吸收。雖然面霜自帶香氣，但係完全冇引起任何敏感嘅症狀。


呢個係使用前嘅肌膚狀態：

最近咁啱撞正m到同敏感發作嘅日子，皮膚出現敏感泛紅、痕癢，而且爆咗暗瘡、暗粒😖，加上最近天氣乾燥，我本身又係偏乾嘅肌膚，皮膚乾燥，加上工作壓力大，搞到膚色暗啞冇光澤且鬆弛，處於一個疲勞嘅肌膚狀態。

呢個係使用後五日嘅狀態：

皮膚泛紅嘅狀態得到改善，肌膚不再痕癢，暗瘡同暗粒開始謝緊，肌膚冇再之前咁鬆弛肌，多返啲彈性同埋光澤。雖然毛孔依然粗大，但係暗粒已經冇晒，已經有逐漸改善嘅跡象。

呢個係使用13日後嘅狀態：

肌膚已經冇晒泛紅同暗啞嘅跡象，肌膚比之前更有光澤，彈潤飽滿，而且之前粗大嘅毛孔亦都開始變得細緻，之前嘅暗瘡印亦都進一步淡化。

睇返資料，原來佢含有β-葡聚醣同三種珍貴的中藥：苦參、白鮮皮、地膚子，促進咗我嘅皮膚自然瘉合同埋舒緩鎮靜。佢嘅消炎功效出奇地好，面部泛紅嘅情況大大得到改善，而且非常保濕，肌膚即使使用咗半日之後仍然處於一個水嫩飽滿嘅狀態。即使喺日間使用後直接化妝都冇問題，非常方便。 冇諗過一個本地品牌能夠做到如此傑出，完全可以媲美大牌嘅功效，畀咗我一個相當大嘅驚喜。