DOLCE & GABBANA

Fig Skin Perfector

多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係完妝嘅最後一部，Fig Skin Perfector 長效控油蜜粉餅，只有一個色號。 金色鏡盒嘅包裝相當有質感，粉質細膩，略帶珠光，但呢個粉餅並冇附設粉撲，需要自行配置，所以如果想帶出街補妝嘅話就有啲難度。 我平時習慣使用化妝掃定妝，用化妝掃打圈取粉比用粉撲上妝容易。質地清爽透氣，粉質光滑細緻。平時化妝之前即使做晒妝前保濕，有時都會因為皮膚太乾，上setting powder之後出現卡粉/甩皮嘅情況。但係呢一隻定妝粉餅可以做到妝感輕盈透薄，而且略顯光澤。半透明嘅粉末設計能夠輕盈無痕地定妝，唔會留低一撻撻白色嘅印喺塊面上面。出咗街全日都唔會喺T字位出現浮粉嘅現象。 使用前： 使用後： 暗沉嘅膚色瞬間提亮，妝容略帶磨皮嘅效果，睇落好自然。敏感偏乾肌嘅我喺做咗妝前基本護膚之後再上妝，都唔會有乾紋，亦冇任何敏感不適。 #火熱新品

首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 呢個Fig Skin Perfector係一盒比較重同大嚿嘅定妝粉, 我以為佢會包埋掃, 但係佢冇, 並唔適合出街補妝使用 雖然佢有修飾毛孔嘅功能, 粉感唔重, 亦都冇喺皮膚留下白色印, 用咗佢之後keep住喺冷氣房吹冷氣都真係比平時少咗出油, 但係霧化妝容同定妝嘅效果唔大, 而且佢正價都唔係平, 性價比略嫌低少少

好難得可以試到呢個品牌既化妝品，非常感謝cosme提供呢次既體驗。 包裝外觀令人感覺好奢華高級，可惜佢冇一個專用既粉卜或者掃，對於補妝追求方便，化妝唔太專業既人唔太友善。而且我一度懷疑係咪因為我自己用既粉卜唔適合，覺得好似好難拎到粉，好難拿捏拎咗幾多粉。 不過我都滿意佢定妝出黎既妝感，比較薄（唔知係咪拎得太少粉😂），但相對個持久度都低，尤其是呢家天氣咁熱出汗都會溶妝。所以如果多個卜/掃方便拎出街可以除時入wc補補妝就會好d。before after

感謝@cosme 提供產品試用。今次係我第一次用Dolce & Gabbana Beauty嘅產品，成個底妝系列嘅包裝走奢華風，金色包裝高貴得來又簡約，而且三件底妝產品都含有天然保濕成份，真係好吸引😍 Fig Skin Perfector係定妝粉餅，金色方型小盒子真係好靚好搶眼，個盒係用金屬製造，裡面嘅粉餅壓有DG字樣及紋理，好有質感。 質感：粉餅驟眼望上去看似好白，用手指沾取發覺佢係半透明嘅粉末，粉質細緻，有少許光澤，唔會影響底妝顏色，呢點幾好。可惜個粉餅壓得太實，用化妝掃打圈沾取都只可以攞到少量粉，取粉有啲困難，要用掃大力啲打多幾個圈先可以取到少少粉，試過用碎粉樸取粉更加係完全不行。如果產品可以提供埋上妝工具就更好。 效果：用Fig Skin Perfector嚟定妝，上咗粉都好自然，會keep到個妝有少少光澤感加半霧面嘅效果，皮膚睇落幾細緻。個人覺得剛上妝個效果幾靚，同埋啲粉都貼面，而且上完粉係完全唔會覺得乾。但係唔知係咪因為取粉有啲困難所以上得太少粉，控油能力唔算好強，上妝半日時間個額頭已經明顯出油(我係乾性混合肌）。 總結：呢個Fig Skin Perfector包裝好

包裝望落幾奢華，金色嘅盒非常吸引 Fig Skin Perfector嘅粉質幼滑輕盈。顏色其實係半透明粉末，均勻塗抹之後唔會留下白色粉印。上圖為咗特別顯示佢嘅顏色，所以未完全塗抹均。見到會帶有輕微嘅珠光質感。 但有一個缺點不得不提嘅係佢取粉比較難，用碎粉刷來回幾次先至取夠用量 隱飾毛孔功效好好，原來係用咗海藻精華隱形毛孔。不得不讚嘅係佢嘅控制效果。產品添加意大利無花果同玫瑰精華活性抗氧化，更有效地控制同減少油脂分泌，做到長時間持久控油。為妝容增添細緻霧感。 完妝係輕柔霧面妝效，為面部帶嚟乾爽輕盈嘅感覺。非常適合夏天使用。喺香港嘅炎夏出咗一日街之後，個化妝都維持得幾好。值得一試。

今次得到由@cosme 募集試用Dolce & Gabbana Beauty 2024年7月上市的新品Bergamot Glow Primer, Blueberrt Nutri Tint 及 Fig Skin Perfector, 感謝邀請！十分期待🥰 以下為Fig Skin Perfector的試用報告：這個定妝粉餅看似銀白色？但是用在面上沒有顏色，不會改變粉底顏色。 加了定妝，妝感沒有了黏笠感覺，感覺乾爽！ 定妝粉餅使用感不錯，但是沒有可以放置粉撲或者掃的位置，比較不適合攜帶出外使用。

多謝@cosme邀請我試用DOLCE & GABBANA BEAUTY  全新夏日奢華時尚底妝  3 件新品！化出清爽、零瑕、亮麗妝容  第一步使用 BERGAMOT GLOW PRIMER 夏日必備嘅妝前底霜大大改善肌膚質感同持妝度！好特別係未推開係雪芭嘅質感，一推開不得了，滿滿水感好清爽，原來加入左地中海海水成分同高濃度透明質酸，整體查完上面嘅感受係鍾意嘅唔黏笠～特別係夏天熱辣辣！不得不提仲有係呢支primer嘅外觀好高貴，仲有埋金屬條~ 第二步係用BLUEBERRY NUTRI TINT 做粉底，質地岩晒夏天透薄輕盈～遮瑕度一段～主要係做番個光澤感嘅妝效～好自然清爽！包裝好輕便，要帶去旅行或者袋仔都好方便！ 第三步用Fig Skin Perfector 做定妝～第一眼係比外觀吸引左，唔知以為係Highlight嚟～用呢個做碎粉定妝之餘仲可以帶少少自然嘅光澤感～唔會好誇張做大戲咁～都無影響到底妝～ 完妝好滑嫩咁😍 同埋出完街持久度比想像中好～唔錯喔！

感謝@cosme 讓我體驗一下新的 DOLCE & GABBANA 的 Fig Skin Perfector 定妝粉Fig Skin Perfector 給了我不少驚喜！從第一次使用開始，我就完全驚訝於它如何無縫地融入我的皮膚，沒有留下任何白色的痕跡, 而且隱形毛孔，淡化瑕疵，令肌膚細緻滑嫩作用。 Fig Skin Perfector含意大利無花果，減少油脂分泌, 它其中的特點之一是其光澤控制能力。生活在潮濕的香港，保持沒有油光是一項真正的挑戰，但使用這款產品，我真正發現它可以讓我一整天不油光, 無需經常照鏡子！ 最重要的是它的毛孔縮小效果。我過去使用過粉餅，讓我的皮膚看起來更有質感，但這款定妝粉給人一種上了filter的感覺，減少了毛孔的可見度，讓我的膚色看起來光滑精緻, 但又沒有明顯白色的痕跡。 我也很欣賞它經過了皮膚病學測試，這讓我安心，特別是因為我的皮膚有時會很敏感。不刺激皮膚的同時, 肌膚持續數小時完美無瑕、不油光。 總的來說，我強烈推薦這款粉末。無論您是油性肌膚、混合性肌膚還是乾性肌膚，它都是一款出色且輕盈的產品！告別油光滿面，迎接完美輕柔霧面妝效！

今次分享下Fig Skin Perfector嘅用後感： ⚜️外觀：包裝精美，金色帶鏡盒 ⚜️質地：高壓粉，第一次用需要用掃/撲整走最上層，先會上到粉，粉質幼滑 ⚜️用後感：半透明粉末，用掃上定妝，有霧面感，睇落好似有打咗filter霧化咗啲毛孔咁🥹 ⚜️整體：美觀，但功效用市面上定妝粉餅差唔多，控油持妝唔夠。若產品附上扁平型定妝掃更好～ ⚜️總括： 修飾毛孔：🌟🌟🌟🌟🌟 控油：🌟🌟🌟 持久度：🌟🌟🌟 前：後：

包裝及粉餅都非常華麗，金光閃閃而且好墜手，感覺high class，而且偶然發現原來粉餅芯可以簡單拆出替換。粉質的確好細緻，而且帶雲母珠光，雲母仲係成份中排第一位，一打開令人對妝效有很高嘅期待，而我本來亦非常期待。 可惜嘅係...呢個粉餅值得稱讚嘅地方就只有以上...期望越大，失望越大。 粉盒墜手亦等於重，帶出街補妝加重手袋負擔，而且冇配合適粉樸，粉盒內層亦冇足夠空間俾人夾多個粉樸落去，變相即粉樸要另外攜帶，係一大不便。 不過使用大困難應該係呢個粉餅令人最卻步嘅地方，從來未遇過一個粉餅係壓得咁咁咁實，實到幾乎取唔到粉！已經試過用碎粉掃、粉狀粉底掃、散粉樸、乾身美妝蛋、棉花糖Puff、手指，基本上數得出嘅上妝工具都試過，但根本近乎冇辦法取粉。 用手指瘋狂打圈幾十下，或甚至用散粉樸嘅表面不停磨擦，先取到少少粉，份量都不及其他粉餅輕輕擦一下嘅量嘅一半，到底用呢個定妝係要花幾耐時間？ 壓粉餅嘅機器壓力要適中，壓得實但唔可以太實，否則就會好似呢個咁，實到令人用唔到。 試用多日，定妝效果一般，主要大家趕住化好妝出門，其實冇足夠時間慢慢磨啲粉出嚟，所以無法好好發揮佢聲稱具備嘅控油同保濕效果，雖然

非常感謝 @cosme 俾機會我試用呢款fig skin perfector，作為化完全妝要用到嘅最後一步，呢款碎粉真係可以滿足我夏天用碎粉嘅所有要求，因為佢係多功能定妝碎粉，可以隱藏到我嘅毛孔，控制到夏天嘅油光泛濫，細膩定妝。令到我整體妝感更加細緻霧感，雖然係碎粉但係都有提亮光澤嘅效果，因為富含義大利無花果，可以減少油脂分泌，提亮我嘅肌膚光澤感，同埋仲有玫瑰精華活性抗氧化，控制油脂分泌，達到12小時持久控油，最勁係高保濕透明質酸為我嘅肌膚建立屏障，仲有海藻精華隱形毛孔，淡化瑕疵，令到我嘅肌膚呈現細緻滑嫩，達到輕柔霧面妝感，同埋半透明粉末設計，達到輕盈無痕定妝，用完完全唔會覺得有厚粉嘅感覺，同埋唔會係我定妝後留下白色印紋，令我避免尷尬妝感，用完呢款碎粉就算出全日街皮膚都可以維持清爽，水潤，真係夏天出街必用單品

多謝@cosme 抽中試用Fig Skin Perfector 首先個包裝真係好驚喜，好靚！不過美中不足係冇粉撲。 依款定妝粉餅用完之後，妝容保持得好靚，完全唔會有油光。粉質細緻，感覺自然又透氣。懶既時候會淨用primer再上定妝，因為本身有好細既閃粉，所以令皮膚既自然光澤好靚！ 但係！雖然好喜歡上到面既粉既妝效，但係上到面係一個好難既過程。用粉撲定係碎粉掃都好難攞到product ，用掃仲有機會會掃到比較大，結左塊既粉。

FIG SKIN PROTECTOR外表很出色，金色正方盒非常有重量，淨係放係化妝枱上都好養眼😍只係有少少令我驚訝嘅係作為一盒pressed powder，真係只有粉而沒有任何配件，不太適合用嚟外出補妝用。 質地: 唔知係咪佢壓得啲粉太實，粉餅望落好似塑膠，取粉亦唔太容易。用過手指/ 粉撲/ 粉掃都要大大力咁搓先攞到粉。 妝感: 產品在手上可以見到有明顯光澤。但上到臉上，唔似一般定妝粉咁會令底妝變成霧面，只會稍稍令粉底的亮澤減弱，妝效比較自然。沒有明顯遮蓋毛孔/ 控油效果 總結: FIG SKIN PROTECTOR在保濕方面做得比較好，適合喜歡自然妝效/ 無瑕疵嘅人。追求控油/持妝/淡化瑕疵嘅人可能就有更好嘅選擇。

這顏值!!!!😭😭😭整套系列我最喜歡Fig Skin Perfector的包裝🤯太高級了!!!!!雖然是金色，但不會很土味💕拿出來補妝真的太美太美了(但要自己配一個粉撲)這個一開始會難一點取粉，但相對來說也是因為粉壓得比較實！完全不會飛粉💕 他的控油能力其實不是很強🤣他不會把整個妝感的光澤壓下去，比較適合用一些想要透出光澤感的底妝。同時因為控油能力不同，所以比較適合乾性皮膚，不會容易拔乾！ 其實他不太適合去配合BLUEBERRY NUTRI TINT，控油有能力不夠，遮毛孔能力也不夠（是BLUEBERRY NUTRI TINT太難用了😗) 但我完全沒！所！謂！🤣🤣🤣他只要做我化妝包的顏值擔當就好了✨太美了！

首先，超愛這個蜜粉的包裝🤩金色的外型超有貴氣💖本人非常喜歡😍 我在使用了底霜及粉底後使用這個蜜粉，我是使用化妝掃上粉的，一開頭掃上蜜粉時，為何沒有平日用其他粉餅般，有一堆碎粉散開呢？然後我照樣用化妝掃掃上臉，發現真的有碎粉掃上去哦，認真仔細望一望化妝掃，原來碎粉超級幼細，幾乎肉眼看不到😳 碎粉掃上臉後，皮膚立即變得細緻，看上去非常平滑，因為碎粉非常幼細的關係，所以令妝感非常透薄，保持清爽感👍🏻 總結：蜜粉非常幼細，霧感令效果絲滑細緻，而且用後一整天都保持清爽，非常適合夏天使用，完成化妝後素顏感超強，我非常喜歡💖