THREE 好用推薦產品
THREE 推薦產品一覽 189 件
Yan好用推薦:多謝 @cosme 邀請試用THREE 平衡淨透潔膚卸妝油 一直以來我都有黑頭粉刺同毛孔粗大嘅困擾,加上皮膚比較敏感,有時用咗啲比較敏感嘅卸妝產品塊面就會泛紅,眼邊仲會有少少濕疹問題。但係平日要返工,長期都化妝,空氣污染,又成日喺冷氣房,加埋卸妝唔夠徹底,令毛孔愈來愈塞嘅主因。 今次試用 THREE 呢款升級版卸妝油,真心有驚喜!佢嘅質地好輕盈,流動性高,推開時完全冇拉扯感。最鍾意佢嘅草本辛香氣味(個人係幾鍾意呢種味道,不過有機會唔鍾意草本味道嘅人會覺得太濃)卸妝嗰陣聞住真係好放鬆,成日嘅疲勞好似散晒咁。 用到第三日左右,已經感覺到鼻翼同 T 區嘅黑頭同粉刺少咗,摸上去平滑咗,冇以前咁粗糙。最令我安心嘅係,用完皮膚冇過敏,就算接觸眼周都唔覺刺激。過水後好乾淨,但塊面依然保持水潤,冇好乾澀緊繃嘅感覺。 用完五日見到毛孔清透咗,冇甘暗啞黑蚊蚊,皮膚仲好似有返啲光澤,狀態穩定咗好多。相比以前用過嘅卸妝油,呢款唔會油淋淋塞毛孔,升級版嘅潔淨力明顯更強,但就 Keep 到溫和養膚嘅效果。對於我呢種敏感加黑頭人,呢啲產品真係值得推介!
<看全文>Yty好用推薦:THREE 平衡潔膚油試用裝Balancing Cleansing Oil🌿 用後感 質地係極之輕盈水感嘅黃金油脂,喺面上推開時完全零厚重感,仲散發住極之治癒嘅柑橘與植物精油香氣,卸妝過程好似做緊 SPA 咁放鬆 溶解彩妝能力非常優秀,能快速融入肌膚,輕鬆浮起日常底妝、防曬同毛孔內嘅過剩油垢,連鼻翼兩側嘅黑頭污垢都可以順便溫和帶走 乳化速度極快,加少少水輕撫即刻變成濃密嘅乳白色,沖水後一甩即淨,完全唔會喺面上殘留任何油膜感或者黏膩感 卸完妝之後肌膚呈現出一種極之清爽透亮嘅狀態,完全唔會乾澀或者緊繃,反而摸落去極之柔嫩平衡,肌膚好似會呼吸一樣舒服 #卸妝部門
<看全文>布吶吶好用推薦:一定要同大家極力推薦呢支寶藏美白精華!!! Three呢支美白精華,我用完兩支喇!回購過無數次!!📢📢📢 喺Cosme專櫃原本諗住去買Three卸妝油,順手拎多支美白精華,點知用過之後超鍾意,即刻再囤多兩支!呢支英文名叫balancing white clear essence,顧名思義有平衡肌膚同美白嘅功效,BA同我講話係洗完面之後第一步用嘅! 參考價:10000日圓 我夏天係混油皮,冬天就混乾,夏天用呢支真係爽到爆!夠滋潤又夠白淨,但係一啲都唔油唔焗,成個夏天真係冇變黑到!(當然要做足防曬啦),而且佢嘅平衡功效我係實實在在感受到,就係夏秋換季嘅時候完全冇生粒粒!! Three呢支美白精華,淡斑效果真心有驚喜!本身冇諗住靠佢淡斑,點知用到大半支,顴骨舊暗瘡印淺咗勁多,顴骨兩側小斑點都模糊埋,好似俾人擦膠擦淡咗咁!最正係溫和唔刺激,敏感肌都用得,仲要質地輕爽,淡斑之餘塊面仲軟腍腍。唔使下下衝貴價精華,呢支真心值得一試! 呢支精華好似冇乜人推薦,但真係好用好用!!我用過咁多美白精華,呢支絕對係我最鍾意嘅美白精華之一!因為手上第二支就快用晒,忍唔住要大聲嗌推薦!!!買佢!!
<看全文>Blooming好用推薦:Three 平衡循環煥白精華,香味都幾放鬆舒服,質地都好易推好快吸收,滋潤度都唔錯,搽完一排皮膚有種透亮感,但覺得性價比低。 #火熱新品
<看全文>Lumi Kwan好用推薦:之前睇好多日本雜誌,啲編輯都極力推薦,而且呢個產品成日都拎日本獎項,所以上次去日本嘅時候我刻意買咗一盒。以前覺得碎粉係一件用極都唔完嘅產品,但唔知點解用呢一盒嘅時候我大約用四個月,就用完啦。粉粒好微細,佢仲有另一款顏色係珠光,但因為我怕會好似成面油咁,所以冇選擇。入面有一個粉撲,我仲貪得意買多一個粉撲可以有替換,粉撲超級柔軟好舒服,但有時我都會用粉底掃去上妝,上左妝之後覺得皮膚好滑淨,就算之後再加highlight,都輕而易舉。我剛剛由去完日本返嚟,所以都冇貨買咗一盒,我會長期支持佢。
<看全文>YolandaAuYeung好用推薦:蜜粉粉末超級細緻柔滑,延伸性好。優秀的透薄感,原因是「Bouncing Powder 彈潤粉體」技術,令肌膚產生絲滑潤澤質感,輕柔地覆蓋肌膚,令肌膚整日也呈現自然明亮光澤,仙氣Level UP!! 用後感: 蜜粉粉末超幼滑,驚艷不已的絲滑觸感,令人一試難忘! 質地非常貼薄,能有效提亮肌膚色澤,就像第二層肌膚,透岀素肌感,連毛孔也完全隱形了,自然遮瑕修飾,沒帶一點厚粉感,即使帶着口罩,也不泛油,持久度很好,這是我定妝必備之恩物! #細緻碎粉
<看全文>natanatalie好用推薦:作為油肌,夏天揀潔面最怕洗完又乾又繃。THREE呢支潔面啫喱用落感覺幾舒服,走溫和路線,多過追求強力清潔。 佢係清爽啫喱質地,加水後幾乎冇乜泡,初初用會覺得有啲唔慣。不過上面好順滑,按摩時幾舒服,朝早用特別清爽。 潔淨力比想像中好,日常油脂、汗水同防曬都可以洗乾淨。洗完塊面乾淨透氣,但唔會有「洗到鞋晒」嘅感覺,皮膚仲保留到少少柔軟感。 夏天用最欣賞係唔繃緊,就算早晚用都唔覺得刺激。對油肌嚟講,呢種清爽得嚟唔過度清潔嘅感覺幾討好。 以HK$320有100g嚟講,價錢的確偏貴,性價比唔算特別高。不過如果重視溫和度同使用感,呢支都係一款幾適合夏天嘅潔面產品。
<看全文>lonia好用推薦:試用呢款THREE平衡淨透萃本潔面啫喱,好處係係無需搓至起泡,方便使用。佢有柑橘草本香味,整個潔面過程聞落好舒服。佢有微量磨砂微粒,潔面同時可以做到去角質功效,洗完面感覺清爽。 (備註:可能本人近期皮膚狀況較為敏感,使用之後臉頰及T字位出現泛紅情況。使用舒敏化妝水及面霜後,泛紅於1-2小時慢慢減退。) #火熱新品
<看全文>Yty好用推薦:THREE 凝光潤彩盒 #01 🤎✨ 依盒 01 號真係全能型嘅神物!一邊打亮一邊陰影。最神奇係佢摸落去係膏,上臉一秒變乾爽粉末,勁貼膚。因為質地轉得好滑,佢除咗做光影陰影,直接當眼影用都完全冇問題,一盒搞定全臉立體感! 打亮色係好高級嘅皮膚飲飽水光澤,完全冇粗糙亮片;陰影色就係好清透嘅日系啡調,點落塊臉度夠晒自然,完全唔會發紅或者顯髒。 ✨ 一盒多用小分享: 【骨相修容】: 陰影色點喺鼻影、下巴輪廓,打亮色點喺顴骨同鼻頭,五官即刻立體,好似天生骨相就咁靚。 【消腫眼妝】: 直接用陰影色塗滿眼窩做打底,眼皮即刻消腫;再用打亮色點喺眼皮中間同眼頭,一個超溫柔嘅日系眼妝 1 分鐘就搞定。 💡 溫馨提示: 依盒用手指上妝係最好睇嘅。用手指嘅溫度沾取,上臉用「輕點拍開」嘅方法,妝效會最貼、最透。 💬 總結: 出門旅行帶佢一盒就夠,修容、提亮、眼影全部包辦,妝感高級,化妝包必備! #日系彩妝 #THREE #凝光潤彩盒 #多功能彩妝 #眼妝部門
<看全文>Fng好用推薦:持久度十分高,同埋疊加上底妝之後,不會推走底妝,透薄自然,閃得嚟,唔會誇張。
<看全文>








