THREE

平衡淨透萃本潔面啫喱

作為油肌，夏天揀潔面最怕洗完又乾又繃。THREE呢支潔面啫喱用落感覺幾舒服，走溫和路線，多過追求強力清潔。 佢係清爽啫喱質地，加水後幾乎冇乜泡，初初用會覺得有啲唔慣。不過上面好順滑，按摩時幾舒服，朝早用特別清爽。 潔淨力比想像中好，日常油脂、汗水同防曬都可以洗乾淨。洗完塊面乾淨透氣，但唔會有「洗到鞋晒」嘅感覺，皮膚仲保留到少少柔軟感。 夏天用最欣賞係唔繃緊，就算早晚用都唔覺得刺激。對油肌嚟講，呢種清爽得嚟唔過度清潔嘅感覺幾討好。 以HK$320有100g嚟講，價錢的確偏貴，性價比唔算特別高。不過如果重視溫和度同使用感，呢支都係一款幾適合夏天嘅潔面產品。

試用呢款THREE平衡淨透萃本潔面啫喱，好處係係無需搓至起泡，方便使用。佢有柑橘草本香味，整個潔面過程聞落好舒服。佢有微量磨砂微粒，潔面同時可以做到去角質功效，洗完面感覺清爽。 （備註：可能本人近期皮膚狀況較為敏感，使用之後臉頰及T字位出現泛紅情況。使用舒敏化妝水及面霜後，泛紅於1-2小時慢慢減退。） #火熱新品