MAYBELLINE 好用推薦產品

Hellobeauty 好用推薦：小資女恩物,性價比高粉底液,我會推介Super Stay 超持久30H空氣感粉底液 賣點： 實力持妝 空氣感輕盈 防水防汗 不沾染 我就上述賣點,分享一下我用後感： 實力持妝方面-佢發揮呢方面確係出色,我喺戶外超過十小時,都沒有脫妝嘅情況,唔需要頻密補妝,絕對襟用 空氣感輕盈方面-質地輕薄已易推,順滑,完全唔會喺擦子膠粒粒的狀態,貼面舒服,最重要係遮瑕力方面都非常出色,明顯青筋都可以遮蓋,絕對係我大愛,有相為証😂 防水防汗方面-大部份同類產品係呢方面都非常出色,所以我就呢方面沒有太大感覺,只是唔須要就呢方面扣分 不沾染方面-對係我最愛的賣點,方便日常須帶口罩的我 温馨提示:卸妝過程要做足,本人覺得要花多少少時間去撤底卸妝😌

Poyobb好用推薦：N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。

Emily Leung好用推薦：Maybelline 反孔特霧粉底液（Superstay系列） 測評 簡單啲講，佢就係油皮同混合肌嘅「定妝救星」，專治溶妝、出油，貪佢持久、遮瑕度高，但妝感會比較明顯。 1. 質地：似濃身嘅奶霜 擠出嚟係冇乜流動性嘅cream狀，推開有啲厚度，但唔會好黏。 ✨ 上妝貼士：因為佢乾得幾快，最好分區（一邊面頰/額頭咁），快手用化妝棉或者濕粉撲拍開，唔好一次過點成全塊面先至慢慢捽。 2. 妝感：全霧面，遮瑕力強 · 霧面感：上完妝即刻係好靚嘅全霧面，毛孔同油光即刻隱形，塊面望落好「乾淨」。 · 遮瑕度：高遮瑕！普通泛紅、暗瘡印、淺色雀斑，基本上一層已經遮到八九成，唔使點再用額外遮瑕膏。正因為咁，妝感係會有少少「面具感」，如果追求超薄透自然妝嘅人可能覺得重咗啲。 3. 持妝能力：堅挺！出汗出油都頂得住 呢支嘅賣點就係「超持妝」，實測落真係唔錯： · 抗油抗汗：夏天出汗，或者T字位出油，佢真係可以hold得住，唔會溶到一撻撻，只會慢慢變返少少光澤。 · 長時間表現：帶妝8-10個鐘後，基本上個底妝都仲喺度，唔會完全消失。最多係喺鼻翼、嘴角呢啲表情多嘅地方有少少卡粉或積線。

Lydia好用推薦：Maybelline Fit Me 反孔特霧粉底液 — 霧面妝感嘅高 CP 值之選，控油效果持久✨ 質地： 呢款粉底液嘅質地偏向流動性高嘅 liquid 狀， 上臉好容易推得開，唔會覺得厚重。 推勻之後好快就會變成霧面嘅 finish， 觸感偏滋潤，不過冇乜黏笠感， 對於偏油或者混合肌嚟講，呢種質地喺夏天用都幾舒服。 效果： 妝感係好自然嘅 matte look， 修飾毛孔嘅效果確實唔錯，皮膚睇落會平滑咗。 遮瑕力中等，對於普通嘅膚色不均或者淺色豆豆印，薄薄上一層已經遮到大部分，妝效唔會覺得好似戴咗面具咁。 控油力方面表現幾穩陣，平時返工出街大半日， T-zone 位置雖然會有一點點油光，但混合咗油脂之後，個妝反而會變成好睇嘅奶油肌妝感，唔會好容易成塊面溶晒或者出現斑駁嘅情況。 缺點： 不過呢款粉底乾得比較快，建議上妝嗰陣要分區處理，如果唔係可能會推得唔夠均勻。 另外，對於鼻翼或者皮膚本身有乾皮嘅位置，可能會有少少顯乾紋，所以妝前嘅保濕步驟一定要做足，咁樣個底妝先會更加貼服。 總結：平價好用嘅霧面底妝，油肌同混合肌嘅穩陣選擇。另一樣最大嘅優點就係佢好易買到，樓下屈臣氏都有。

wcm好用推薦： 自己冬天乾性夏天中至油性，但這支粉底液意外地好用！質地流動性高，延展性佳，手指亦能輕鬆推勻。妝感是自然微光的水潤肌，遮瑕度中等（泛紅可蓋7成，深痘印需疊加），但勝在完全不厚重，多次疊擦也不卡粉！ 搭配技巧上，單用對油肌持妝力稍弱，但「碎粉（我用Innisfree無油薄荷）+定妝噴霧（推薦NYX霧面款）」後，持妝度超級好！整體不斑駁，且出油後轉為奶油肌，暗沉不明顯（約半個色階）。 缺點是控油力普通，大油肌夏天可能需每3-4小時補壓碎粉，冬天就100 分！但以開架價位來說，性價比超高，適合追求自然妝感、不愛厚重粉底的混合肌～

Alicehui好用推薦：在屈臣氏買的揀錯了色號，揀了110號色，有啲太白了，因為之前買反孔特務藍色粉底液太乾，轉買了紫色這一款，在秋冬春用的確比較滋潤、易推開，但用一整天便會出現少少溶妝，要補多回些妝

Kura好用推薦：用完妝感偏厚重，但價錢好平，一支可以用到好耐，但用嘅份量唔可以太多

lingbb好用推薦：曾經連碎粉一齊入購，質地係乳霜，上面效果自然有中等遮瑕度，連埋碎粉一齊用後都有溶妝情況， 開封後成枝都變得好污糟

Candy Mak好用推薦：又有便宜又好用嘅東東想同大家分享，就係繼Maybelline Fit me！反孔特霧粉底液之後，同系列嘅Fit me！反孔特霧 無瑕控油防曬粉餅。 1️⃣首先講講品牌方對產品的優點描述： 擁有獨特Blurring Micro-powders 柔焦控油微霧粉體 - 能有效修飾毛孔 - 能吸附多餘皮脂，打擊油光 - 細滑啞緻粉質，仿如第二層皮膚 2️⃣再同大家分享本人用後感 (油肌，毛孔粗大，冇補妝習慣) 粉餅外殼呈黑色塑膠長方偏薄身設計，絕對係指紋收集器😂跟著就跟大家分享上面嘅before & after；我只薄薄上了一層。你會見到毛孔修飾了不少、泛紅同痘印都有一定遮蓋力，仲平滑膚質；呈自然啞緻妝感。 後記：喺完全冇補妝嘅清況下，毛孔修飾同平滑膚質都keep到成日，而且毛孔未見有白芝麻出現，但遮瑕力會有下降，泛紅會漸漸出現。一整天下來，沒有很醜的溶妝，相信喺lunch time 有補妝，我覺得可以靚足一整日。 P.S. 我都幾鍾意喺朝早返工趕時間/偷懶嘅時候用佢，喺朝早洗完面後，用Sofina嘅土台美容液按壓一層喺塊面做妝前保濕，迅速吸收完後就直接上粉餅就可以👍🏻

Ni好用推薦：粉色cream狀質地 好推勻觸感柔滑 底妝來說相當薄透 喜歡淡妝快速又不用怎麼遮瑕這支就很方便

yhsyhsyhs好用推薦：我人生中購買嘅第一支cc cream就係Maybelline pink glow，當時喺專櫃試過，好鍾意佢係有少少閃粉效果，真係做到pink glow嘅效果，有時淨係搽CC cream就足夠，唔會再加胭脂，因為一支已經做到膚色提亮，遮瑕，同有少少閃令令既面部效果。

Circlecyy20好用推薦：遮瑕度都幾高 基本上上一d微絲血管或者暗沉都遮曬 係妝感會略顯厚左少少

choichoi好用推薦：不得不讚遮瑕度理想，粉感輕盈薄透，疊塗後也不致厚重粉感，開架品牌的氣墊粉餅有此質素也屬驚艷

KDing好用推薦：呢款cc cream搽上面既面具感重D 同埋滋潤度唔高 用前要保濕一下打底

natanatalie好用推薦：非常適合學生肌膚，質地容易推開，比較水潤，有輕微遮瑕度，但用得耐都會焗到出粒粒。

Karman28好用推薦：買左一支放係公司當後備，平價又好用既bb cream。可以簡單上妝遮暇，要求唔高，睇落皮膚好d, 遮咁d 痘印。

Eunicebabe好用推薦：第一次入手的底妝產品，它的質地比較水潤，蠻好推適合新手。妝感透薄，持久性和遮瑕度一般，單用它能化到裸妝效果不過我覺得定妝一定要做好做仔細。

natanatalie好用推薦：非常容易推開，也有很多色號可以選擇，遮瑕度中等，但上面後粉感偏重。

Aivlys好用推薦：呢支粉底感覺上係相當冷門嘅Maybelline粉底液呢～ 佢嘅優缺點頗為明顯。 最明顯優點係妝效清爽似裸妝感， 搽完之後會係霧面帶極微量光澤 （建議用化妝蛋突出清透同光澤感）， 係幾靚嘅！ 但缺點係大約半日左右就會暗沉， 而且夏天出油後容易斑駁結塊， 但冬天又會乾到嘴角甩皮， 用完之後我都好明白點解佢會冷門 😂 唔推薦 （雖然好似已經停產咗）