MAYBELLINE 用家評價

Maybelline 反孔特霧粉底液（Superstay系列） 測評 簡單啲講，佢就係油皮同混合肌嘅「定妝救星」，專治溶妝、出油，貪佢持久、遮瑕度高，但妝感會比較明顯。 1. 質地：似濃身嘅奶霜 擠出嚟係冇乜流動性嘅cream狀，推開有啲厚度，但唔會好黏。 ✨ 上妝貼士：因為佢乾得幾快，最好分區（一邊面頰/額頭咁），快手用化妝棉或者濕粉撲拍開，唔好一次過點成全塊面先至慢慢捽。 2. 妝感：全霧面，遮瑕力強 · 霧面感：上完妝即刻係好靚嘅全霧面，毛孔同油光即刻隱形，塊面望落好「乾淨」。 · 遮瑕度：高遮瑕！普通泛紅、暗瘡印、淺色雀斑，基本上一層已經遮到八九成，唔使點再用額外遮瑕膏。正因為咁，妝感係會有少少「面具感」，如果追求超薄透自然妝嘅人可能覺得重咗啲。 3. 持妝能力：堅挺！出汗出油都頂得住 呢支嘅賣點就係「超持妝」，實測落真係唔錯： · 抗油抗汗：夏天出汗，或者T字位出油，佢真係可以hold得住，唔會溶到一撻撻，只會慢慢變返少少光澤。 · 長時間表現：帶妝8-10個鐘後，基本上個底妝都仲喺度，唔會完全消失。最多係喺鼻翼、嘴角呢啲表情多嘅地方有少少卡粉或積線。

Maybelline Fit Me 遮瑕膏（色號 15 Fair）詳細測評 今次同大家深入測評 Maybelline Fit Me 遮瑕膏，重點講吓 色號 15 Fair，呢隻色號喺香港都幾多人用㗎！ 整體評價： Fit Me系列以「自然貼服」做賣點，呢支遮瑕膏係開架品牌中嘅人氣王。色號15屬於 偏象牙白嘅淺色，帶少少 粉調，非常適合 白皮至自然偏白膚色 嘅朋友用嚟 提亮 同 遮蓋輕度瑕疵。 1. 質地與妝效 · 質地： 乳液狀質地，水潤易推，唔會黐立立或好快乾。對於偏乾皮膚嚟講比較友好，唔會卡粉喺眼紋。 · 妝效： 上臉後係 自然啞緻 效果，有少少皮膚本身嘅光澤感，唔會完全死實。因為質地輕薄，所以妝感唔重。 2. 遮瑕度與用途（色號15重點分析） · 遮黑眼圈： ★★★☆☆ 因為質地水潤，用喺眼下唔會太乾。但色號15 偏淺兼帶粉調，非常適合用嚟 提亮淚溝 同 中和灰黑色黑眼圈。如果係嚴重啡色黑眼圈，可能要先用橙調校色遮瑕打底，再用呢隻提亮。 · 遮痘印/瑕疵： ★★★★☆ 遮蓋 紅色痘印、輕微泛紅 效果非常好！因為粉調可以中和紅色。遮瑕度屬中等，可以疊加。 · 提亮用途：

因為眼下皮膚偏乾，用遮瑕膏經常卡紋，Fit Me柔滑遮瑕膏出左新色- 三文魚色，就買黎用下。整體質地輕盈水潤，推開好順滑，冬天用幾好，係搵到一支唔會令眼下乾到現皺紋嘅遮瑕～ 新三文魚色（黑眼圈嚴重嘅朋友可能會嫌佢唔夠橙）質地偏水潤 🤍 滋潤度：4.5/5 水感質地好貼服，即使用喺眼底都冇卡粉，冬天乾肌用都零負擔！ 🤍 遮瑕力：4/5 薄薄一層已經遮到7-8成黑眼圈同痘印，不過重複疊加就會有啲妝感！ 🤍 持久度：3.5/5 帶妝大半日會有少少減淡，但唔會積線或斑駁，補搽都方便～ 🤍 色號選擇：5/5 有齊冷暖調多個色階，容易揀到啱自己膚色嘅遮瑕～ 總結： Fit Me呢支遮瑕膏係平價遮瑕中嘅優等生！尤其適合眼下乾燥又需要自然遮瑕嘅人～唔知夏天嘅持久力如何？有機會回購，推薦俾所有怕厚重又追求貼服妝感嘅你！

有便宜又好用嘅東東想同大家分享，就係Maybelline Fit me！反孔特霧粉底液#120 1️⃣首先講講品牌方對產品的優點描述： - 不含油分，不致粉刺 - 含吸附油脂礦物泥成份 - 有柔焦成份令毛孔隱形 - 16小時長效持妝，不黏笠，妝效輕薄啞緻，貼膚不厚粉 2️⃣再同大家分享本人用後感 (油肌，毛孔粗大，冇補妝習慣)粉底液用上玻璃配上方柱瓶身設計，有大牌高級感；粉底液呈偏Gel狀，略帶微微流動性，推開可見其質地透薄，就算15分鐘後再唧1泵比較，都唔會有氧化問題。跟著就跟大家分享上面嘅before & after；我只薄薄上了一層。 你會見到毛孔修飾了不少、泛紅同痘印都有一定遮蓋力，仲平滑膚質；呈自然啞緻妝感，清爽不黏膩。 跟著再分享一整天口罩同油光攻擊下嘅妝效； 喺完全冇補妝嘅清況下，5小時後會見到遮瑕力、毛孔修飾同平滑膚質都仲keep到；到10小時後泛紅已經重現，而且膚質亦粗糙，但毛孔仍然有修飾冇白芝麻出現。 後記：以上係冇補妝嘅狀況，如果中間有補妝我相信泛紅同膚質問題都可以解決；順帶一提，一整天下來，妝感都清爽啞緻，而且冇白芝麻情況，毛孔有被修飾，最重要係一整天下來，沒

多謝Cosme 俾我試用Maybelline全新Superstay系列嘅小紫瓶粉底液～呢個系列唔似其他Fit me系列咁有咁多款色可以揀，不過6隻顏色都偏向亞洲人膚色，仍都容易自己揀適合既色調。是次試用主要係用C20同N10為主。 自己之前覺得自己係用C20（偏自然和中性）， 試用後發現N10其實都啱用，視乎自己喜好想要自然定係偏白小小既效果。如果要出成日街，建議揀左偏白一度既，咁樣到夜晚粉底液氧化後皮膚都會睇起黎比較自然。 今次試用左成個星期，幾乎日日都係用呢個系列，呢款比我既感覺係「速乾」，用果時都建議擠係手上先再上面，咁就唔會係塊面度乾咗難抹開。有一講一，速乾既效果令到粉底液係皮膚上好快成膜，上妝後幾乎15秒都唔洗就成膜，呢點值得一讚～ 而遮暇程度達到七成左右，如果有暗瘡的話要上幾層或者額外加遮暇膏。 上妝實況： 即時用Superstay後可以見到皮膚平面係霧面，而鼻梁位置等有微光既感覺。 以下係上左妝一個鐘既皮膚狀態（下巴暗瘡印位置沒有額外加遮暇膏）以下係上妝後4-5小時嘅皮膚狀態，可以見到鼻翼兩邊有出位而遮暇效果開始減退，但整體而言成個妝仍然維持到輕薄，半霧面半光澤嘅

私心推介,Maybelline超持久水光唇膏液KT66淺夏桃粉(Hello Kitty限定版) 因為hello kitty限定版原因, 吸引咗我買,竟然有意外驚喜 首先,水潤感覺，唔顯唇紋，而且顯色度高，真係有水光感，有少少豐唇感 其次，我極推此桃粉色，好顯白，而且我覺得好適合農曆新年妝容，好有節日開心感覺 其次，雖然佢嘅賣點強調抗沾杯抗暈染，初時擔心花時間卸去唇妝，但是我用非唇部卸妝水，都方便卸掉撤底 同樣鍾意hello kitty的朋友都可以考慮入手 溫馨提示：此產品有淡淡的香味，本人覺得不刺鼻；如果本身不喜歡備有香料的化妝品,可能呢個係入手的考慮因素

小資女恩物,性價比高粉底液,我會推介Super Stay 超持久30H空氣感粉底液 賣點： 實力持妝 空氣感輕盈 防水防汗 不沾染 我就上述賣點,分享一下我用後感： 實力持妝方面-佢發揮呢方面確係出色,我喺戶外超過十小時,都沒有脫妝嘅情況,唔需要頻密補妝,絕對襟用 空氣感輕盈方面-質地輕薄已易推,順滑,完全唔會喺擦子膠粒粒的狀態,貼面舒服,最重要係遮瑕力方面都非常出色,明顯青筋都可以遮蓋,絕對係我大愛,有相為証😂 防水防汗方面-大部份同類產品係呢方面都非常出色,所以我就呢方面沒有太大感覺,只是唔須要就呢方面扣分 不沾染方面-對係我最愛的賣點,方便日常須帶口罩的我 温馨提示:卸妝過程要做足,本人覺得要花多少少時間去撤底卸妝😌

Maybelline Fit Me遮瑕膏 #10號 測評 好處： · 顏色自然：帶少少黃調，適合亞洲人黃一白、二白膚色，遮黑眼圈同提亮都唔會灰或假白。 · 質地貼薄：似乳液，易推，上臉變啞光，唔厚重生粉感。 · 平價好用：開架價錢，質素拍得住專櫃，性價比高。 要注意： · 遮瑕度中等：太深色大暗瘡或黑眼圈要疊加。 · 持久度普通：大熱天出汗出油多要補妝，油皮最好加碎粉定妝。 · 包裝設計：冇掃頭，用時唔算最方便。 適合邊個？ 追求自然日常妝、新手練習、學生/上班族慳錢之選。乾肌同混合肌友好，大油皮夏天要加強定妝。 一句總結： 百零蚊支嘅日常遮瑕利器，自然貼服，係新手同日常妝嘅穩陣選擇！

平時好少用遮瑕液，多數係用遮瑕膏多，但係見Maybelline支Fit Me遮瑕液網上評價幾好，好多人都話佢夠潤同遮瑕力唔錯，所以就即管買來試下。用落果然有驚喜，首先質地比我想像中水潤，推開個下好順滑，尤其係用嚟遮黑眼圈個陣，完全無平時用開嘅遮瑕膏咁容易卡乾紋，呢點真係要讚。遮瑕力方面亦都交足功課，我主要係用佢來對付黑眼圈，雖然我只係買咗一隻色號，但係薄薄上一層已經夠力遮到七七八八，個效果都幾自然，唔會話好厚好假。仲有一點令我幾滿意嘅係，佢嘅持久度都唔錯，試過帶妝成日都無話出現嚴重溶妝或者龜裂嘅情況，就算係眼底位都無點出現乾紋，呢個表現以開架產品來講真係幾難得。 不過用開遮瑕膏，對於遮瑕液個種設計就真係有啲唔太習慣。最大問題係每次拎出嚟個份量都好難控制，支棒一抽出來就成支都係產品，點落皮膚個下好容易就份量太多，搞到要用手指或者自己嘅化妝掃再推勻先得，如果可以改善到呢個設計，等個份量出得少啲同精準啲就完美啦。總體來講，以開架價錢來講，Maybelline呢支遮瑕液嘅表現確實唔錯，水潤同遮瑕力都有良好平衡，特別適合需要遮黑眼圈但又怕乾嘅用家，係一支性價比高嘅選擇。

N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。

YO! Me again! 但我搵唔到想分享嘅個個產品page🧐難道未更新嗎~~? 今次想分享嘅係Maybelline嘅Superstay超持久30H空氣感粉底液「月光小紫瓶」 & SUPERSTAY 超持久30H氣墊粉底霜「月光小忌廉」～ 其實開架彩妝品牌黎講，「月光小忌廉」嘅售價係有啲令人卻步， 不過佢膏狀嘅粉底又引起左我好奇，所以就一齊入手～ 今次買嘅色號係N10（液）同C20（膏）。 本來都無話好大期望，淨係貪新鮮買黎用下，點知又出奇地幾好用喎🤣 首先講下粉底液先。 依個價錢黎講性價比都幾高，持妝中規中矩， 流動性超強，遮瑕都去到7成， 不過上妝嘅速度要快，以為咁水會要啲時間成膜，點知都幾快乾。 然後講下粉底霜。 買前見好多Youtuber嘅感想都係鬧粉底霜個粉撲好垃圾，當然我嘅好奇心係會去到盡， 果然！真係好難用，唔好用，唔知點用。 但轉左平時用開嘅粉撲上就無事，我諗佢嘅粉撲可能會令大家試唔到佢粉膏嘅美好之處。 佢嘅使用方法強調到要係粉蓋印下從而去激活個粉膏，雖然個動作好似好多餘，但真係有原因！ 試過有次趕時間無做好個手勢印薄佢，翻到公司照鏡塊面好似曬傷左粉紅色一撻撻

呢款粉底前排好熱門既時候已經買左，因為好好用都買左啲sample方便旅行/出街！ 自己本身係混合偏乾肌，所以用呢隻會用返啲偏保濕/潤既妝前乳/防曬。呢款本身十分之好推，但都好快成膜，佢既遮瑕力中上，都遮到毛孔同一半以上黑眼圈。 自己如果平時出街耐都會用佢，因為持妝幾好，同埋性價比好高。自己最多持妝7-8小時，都係卡係法令紋，但補返妝基本上睇唔出，小資族/學生買都唔心痛！ 呢個妝面係偏啞光既，但唔會顯老，自己就幾好中意呢個妝感，之後應該都會回購！

感謝@cosmo 皮膚狀況如下： 夏季：T位油，U位中性 冬季：T位偏油，U位中性／偏乾 鼻翼毛孔極大，兩頰近鼻翼毛孔較大 鼻易紅有粉刺黑頭問題 黑眼圈嚴重，有少許色斑 色號：黃一白 Lancôme用PO 01 這次的顏色是N20，跟我的膚色很相似，可以當作素顏的妝效 （以為會很黑但上臉基本一致） -流動性不錯，但是遮瑕力中下，需要疊加 -輕微的斑點是可以遮蓋的 -毛孔遮瑕是一般但可接受 -黑眼圈只淡一些（效果一般） 大概出門至回家6到7小時，溫度尚算舒適， 他的出油量是可以接受，鼻翼附近會有小溶妝 仍有光澤感 注意位 -夏天（潮濕）可能T位需要加強定妝 -沒有導致暗粒

成日見到Maybelline「月光小紫瓶」宣傳，所以我都忍唔住買咗嚟試，整體感覺唔錯，對得住價錢，都比較啱油皮用 質地&膚感： - 佢質地係偏水感易推嘅，上臉乾得比較快，要快啲拍開，完妝後唔會太厚粉，顛覆咗我對持久粉底一定好厚重嘅印象👍 上妝效果： - 霧面妝、遮瑕度中上，毛孔同泛紅都遮到七七八八。持久度好好，我帶妝全日都冇乜點甩。控油能力就冇同牌子fit me粉底液咁勁😥 最大問題係會暗沉‼️ 呢個係我對佢大扣分嘅地方！ 比較圖見到暗沉速度都幾快，變黃黃地咁😥，建議買比膚色淺嘅色號

如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎