MAYBELLINE

SUPERSTAY 超持久30H空氣感粉底液 (月光小紫瓶)

多謝Cosme 俾我試用Maybelline全新Superstay系列嘅小紫瓶粉底液～呢個系列唔似其他Fit me系列咁有咁多款色可以揀，不過6隻顏色都偏向亞洲人膚色，仍都容易自己揀適合既色調。是次試用主要係用C20同N10為主。

自己之前覺得自己係用C20（偏自然和中性）， 試用後發現N10其實都啱用，視乎自己喜好想要自然定係偏白小小既效果。如果要出成日街，建議揀左偏白一度既，咁樣到夜晚粉底液氧化後皮膚都會睇起黎比較自然。

今次試用左成個星期，幾乎日日都係用呢個系列，呢款比我既感覺係「速乾」，用果時都建議擠係手上先再上面，咁就唔會係塊面度乾咗難抹開。有一講一，速乾既效果令到粉底液係皮膚上好快成膜，上妝後幾乎15秒都唔洗就成膜，呢點值得一讚～

而遮暇程度達到七成左右，如果有暗瘡的話要上幾層或者額外加遮暇膏。

上妝實況：
即時用Superstay後可以見到皮膚平面係霧面，而鼻梁位置等有微光既感覺。

以下係上左妝一個鐘既皮膚狀態（下巴暗瘡印位置沒有額外加遮暇膏）以下係上妝後4-5小時嘅皮膚狀態，可以見到鼻翼兩邊有出位而遮暇效果開始減退，但整體而言成個妝仍然維持到輕薄，半霧面半光澤嘅感覺。到上妝9-10小時後，（忘了拍） 皮膚都相對比較自然，雖然感覺有氧化情況以及暗瘡印位置已經遮不了幾多，但整體妝效不錯，面上沒有斑駁同浮粉嚴重情況。

另外都有搵皮膚較深色嘅朋友試用：

以下左邊係N20，右邊N30。五分鐘後可以睇得出係有輕微氧化情況，而朋友平日用開紫色Fit me，今次試用Superstay仍讚不絕口，感覺自然，只係如果平時坐office多，環境比較乾燥就要間中噴保濕噴霧定妝。

整體而言，$169既價錢有呢個偽素顏既同時有遮暇感覺既效果，性價比相對地高。建議大家可以先去店舖試色後再決定買邊一個色調。