CEZANNE 好用推薦產品

Hellobeauty 好用推薦：想要bling bling電眼就留意下我今次分享呢樣產品啦! 今次想介紹日本CEZANNE Glow Liquid Eyeliner 多用途淚袋透明感閃亮纖細眼線液筆, 相個大家對Cezanne產品都唔陌生, 但真係要好好介紹呢支眼線液筆的優點😆 1. 眼線液筆亮片顆粒不會太誇張，好適合自然眼妝，特係妝感最自然是玫瑰金色 2. 加上纖細眼線液筆咀設計，無論係畫淚袋位或 畫眼線 都容易控制及簡單畫出畫龍點睛的效果 (用左佢, 真係個日都覺得自己對眼靚左) 3. 纖細眼線液筆咀設計, 我除了可以畫淚袋位或 畫眼線外, 如果沒有eyeshadow係身，都會將眼線液筆傾斜掃上，當eyeshadow點綴一下眼睛，因為眼線液筆亮片顆粒不誇張及其水質透明感質地，效果唔錯 ( 我其中一張圖片亮是分享, 呢支眼線液筆當eyeshadow用，跟CEZANNE 四色粉質眼影(左上格顏色) 可以有相似效果 4. 其水質透明感質地，畫淚袋位時不會有乾裂及厚實感 5. 好用、效果靚，加上價格，確是性價比高產品 聖誕節將近, 可以考慮入貨，因自己眼妝畫龍點睛啦😆

Hoiyi好用推薦：呢盒一眼影掃上眼蓋超易上，超閃又自然，超有性價比，光澤感一流，絕對極力推介給喜歡閃閃人士使用#眼妝

Cc2016好用推薦：喺日本買嘅蜜粉，蜜粉質感好輕柔，搽上塊面感覺幾舒服，可以減輕膚色泛紅同定妝，第日去日本會考慮回購

sscxy好用推薦：遮瑕度一般，但勝在自然，沒有太大瑕疵就會覺得幾好用，價錢便宜，不過不失

Fng好用推薦：Cezanne 珠光 胭脂 (01 乾燥玫瑰色)一直係人氣產品，粉質與顯色度：👍👍👍👍 (開架之冠) 一打開，壓粉實淨，粉質極細，完全唔似百零蚊貨色。佢帶有非常細膩嘅珠光，唔會顯毛孔。顯色度屬自然掛，唔會一掃就變關公，新手都容易掌控，可以慢慢疊加到理想效果。 色調與妝效 (黃調肌關鍵)：👍👍👍👍 (絕配！) 01號乾燥玫瑰色係帶灰調嘅啞緻玫瑰粉，呢個色調對於偏黃肌膚嚟講係絕配！能完美中和黃氣，掃上臉唔會突兀，反而係一種彷彿從皮膚透出嚟嘅自然紅潤感，顯白又氣質，瞬間提升精神同溫柔感，非常適合日常上班或偽素顏妝。 持久度與貼服度：👍👍👍 (合格有餘) 喺香港夏天，混合肌出油又出汗，佢嘅表現對得住個價錢。帶妝大半日後，顏色會變淡少少，但唔會完全消失或變成一撻撻，依然保持住自然嘅好氣息。珠光粒子亦唔會因出油而變得好顯毛孔。 總結： 性價比爆燈嘅開架必入胭脂！尤其推薦給偏黃調嘅混合肌，其灰調玫瑰色能完美融合膚色，顯白顯氣質。細膩粉質同自然顯色度，加上唔錯嘅持久力，讓它成為夏日日常妝容的可靠之選。如果你搵緊一支百搭、自然又平靚正嘅胭脂，呢盒絕對唔會令你失望！

CC好用推薦：CEZANNE 嘅胭脂一向都係大買產品。今次試嘅係05 Maple Apricot 楓杏色，實物顏色偏向橙啡色，比較自然，個人覺得比較適合健康膚色嘅女仔。 我自己上塊面感覺要搽幾次先顯到顏色。如果下次再買可能買返粉調會比較適合。不過勝在價錢抵玩，用多咗都唔會心痛。

choichoi好用推薦：質感柔滑不易如結塊，修飾泛紅肌膚有功，不俗質素加上相宜價格，推薦給化妝新手

Apate好用推薦：性價比幾好嘅調色霜，泛紅嘅地方用完會冇紅得咁顯眼，唔乾易推開

Bear好用推薦：跟朋友在日本選購彩妝產品，試用了cezanne的2號色盤覺得珠光效果不錯所以入手了。 裡面化妝掃很好用，掃毛柔軟而且大小剛剛好。4個顏色剛剛好2個膨脹色上在想要立體感的位置（我通常化眼睛下面因為比較凹陷）顏色自然，上色程度剛剛好。

jaye好用推薦：我買既呢個係用黎做修容既胭脂，我自己就用一個大掃打圈掃兩個圈左右，再輕輕拍打上手背一兩下，再沿住髮際線掃落下顎線，好自然，修容效果不錯，簡單快捷，絕不後悔既選擇！

sscxy好用推薦：以前非常鍾意，貪佢又平又好用，遮瑕度中等，會有啲妝感，所以一定要用掃上先會自然

kameari好用推薦：個人用之前都會查防曬，感覺還好，上面算自然透薄，未係話最好或暫好好用嘅一款，但都唔錯。

lingbb好用推薦：- 搽完效果自然到好似冇搽，搽到咁上下枝睫毛膏就乾乾地 - 難卸妝，要用棉花棒好俾心機咁搓先甩，有啲浪費時間

jackielai好用推薦：我最怕睫毛液難卸，呢枝就冇呢個問題。佢搽出嚟係纖長嘅效果，睇落好自然，適合日常返工嘅時候用，夾完睫毛之後先搽可以令捲曲嘅效果更持久，整體嚟講性價比好高。

Winnie好用推薦：去日本旅行時，直接在藥妆店將前5名店長推薦的眼線筆放入購物袋內，這技是其中一枝(笑)。表現很不錯，筆頭很细，而且很易畫，不需要重覆上，上色度夠深，我塗內眼線用效果理想，而且防水不暈開，非常推薦。

Lillia Wong好用推薦：筆頭幼細容易畫 性價比高