RMK 好用推薦產品

Kmggigi好用推薦：講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲

wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸

Ning好用推薦：呢個價錢黎講非常值，380/大大支，可以用好耐。 已經買過2次，準備黎個第三次🥳 完全能夠打造富有光澤感嘅自然日系妝容，上妝亦好貼服～

Ka Wai Yip好用推薦：呢底妝係用同系列嘅base 覺得好用先試🥳 單用對於乾肌嘅自己嚟講就偏乾咗啲 所以會加1泵base入粉底到mix 之後個感覺就好貼服光澤🙌🏾 好似自己天生皮膚就好好咁 而且遮瑕度都夠 因為唔追求無瑕肌 所以就咁薄薄一層就好夠🤪 大家都可以去試吓~

auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

Wuxx好用推薦：今次分享依枝冷門嘅粉底液我覺得岩一啲新手/唔係好熟上妝技巧/唔知自己咩訴求等等嘅人用， 係一枝幾大愛嘅粉底液~ 入手當時處於冬季轉春季嘅尷尬期，上網搵有咩好粉底液之際就睇到一位YouTuber介紹佢， 然後就網購盲買左佢番黎~ 首先，佢絕對有日妝嘅通病，就係點都有少少黃， 由於我無去專櫃試色，所以就。。。🌝 不過撇開色號黎講，佢係真係幾上手易用。 上完面要隔一陣先會成膜，成膜後持妝都耐， 而佢裏面有樣嘢叫「Clear Smoothing Gel 清透平滑啫喱」， 聲稱可以撫平及修飾毛孔等凹凸位置， 我對依個技術係表示歡喜！ 平時用啲粉底液厚身少少，八字位都會卡粉， 成日要間唔中卒開佢， 用依枝粉底液就無依個問題！好神奇！ 整體感覺不錯，不過因為轉季時間唔長，一到夏天就唔係好頂得住，所以好快就唔岩用🥲

zzzhelen好用推薦：我膚質：乾燥，毛孔粗大 依款係夏天時專櫃sales推介既粉底，佢係gel質地，可以好好咁填充毛孔，自然光澤妝感又無粉感。夏天用無溶妝，亦都無卡粉，仲唔會狂爆油；秋冬用佢又唔會感覺好乾，除非果日真係好乾啦。。。總之一年四季佢都可以用到，果日唔知揀乜既話，揀佢就得啦！

TT好用推薦：色號201，欠缺血色偏冷白的皮膚可以選用。質感水潤易推，有半霧面的妝感。遮瑕度不高，適合追求透薄自然妝容的人。

Fng好用推薦：RMK 粉底液呢款比較透薄，適合夏天使用，控油尚可，遮毛孔都算ok。

KDing好用推薦：幾鍾意佢質地幾薄 好水狀 容易推開 搽上面都唔會好易有粉感 岩自然狀感

Steph好用推薦：已經用咗起碼三支，試過用粉紅色亦都試過用偏黃嗰隻色，其實兩支都可以單刷。佢嘅妝感10分透薄，有少少遮瑕，但係唔會好誇張嗰種，所以我都好鍾意。 唯一覺得佢冬天可能真係太薄，會有少少乾。如果夏天用就真係好Perfect。之前喺香港用晒想買另一支，佢話冇晒貨唔會再出，但係喺京都都會搵到，希望佢會一直keep住出呢一支foundation。

mandy好用推薦：RMK CREAM FOUNDATION AQUATIC GLOW 水光緊緻粉底霜 SPF18 PA++ $420/ 30g 功效：輕盈水潤+貼服+零粉感 添加了不少優質護膚成分，以保濕及抗衰老成分為主， 保濕力不差，可以化妝同時護膚。 提亮方面，帶來的光澤比較自然及富透明感。 質地水潤，剛剛好的滋潤度，不會像傳統的粉底霜那樣滋潤。 延展性佳，可輕易在全面推開。 輕度遮瑕，可以稍為修飾毛孔及遮蓋泛紅位置。 妝效非常自然透薄，使用感輕盈貼服透氣兼零粉感。 持久度OK，午後輕微出油，並沒有大溶妝， 只需輕塗少許Benefit porefessional 控油便可。 含保濕成分: 矽靈, 甘油, 雙丙甘醇, 山梨醣醇, 麥芽糖醇, 凡士林, 氫氧化鋁, 摩洛哥堅果油, 月見草油, 甜杏仁油, 狗牙薔薇果油 及 乙基葡糖苷 防曬成分: 二氧化鈦 及 桂皮酸鹽 抗衰老成分: 甘油, 摩洛哥堅果油, 月見草油, 甜杏仁油 及 狗牙薔薇果油 鎮靜消炎成分: 凡士林 控油成分: 氫氧化鋁 及 滑石粉 抗氧化成分: 摩洛哥堅果油, 月見草油, 甜杏仁油 及 狗牙薔薇果油 多功能護膚成分(另稱為

lingbb好用推薦：得到試用深左幾度色，試用黎做shading都偏黃，質地上好creamy，唔係果種好厚好實嘅質感，反而比較輕透，保濕度都不錯，防曬度有啲低，幾適合依家乾燥啲啲嘅時間用。 #火熱新品

JuneL好用推薦：我手上這盒粉餅是禮盒內套裝的其中一產品，所以粉餅體積跟貨裝的有點分別，但同樣是輕透無重粉餅！ 它用上了「透感遮瑕粉末」配方，能完美修飾毛孔和暗瘡印等凹凸泛紅位置，隱藏不均勻膚色，即使重疊塗上，也不會留下厚重粉感。 另外粉餅內更附有雙面粉撲，一面是平滑的綿面，而另一面是纖細毛面，上粉時先以平滑的綿面塗上粉底，可有效遮蓋毛孔，然後再以纖細毛面輕掃臉頰，令珠澤更加閃亮，達至打亮肌膚的效果，使底妝看起來更自然及帶光澤感。

可好用推薦：此產品的質地十分特別以及創新，使用了啫喱狀的質地，很適合害怕CC霜產品太過油膩以及害怕需要很長時間搓揉才可以使用的人！啫喱狀的質地使用感受清爽不油膩，而且有十分貼合皮膚的感覺，只需要簡單抹開就可以迅速完成上妝。以我的個人經驗，液體狀的cc霜如果存放比較久，容易出現水油分離的狀況！但此產品因為使用了創新的啫喱狀質地，完全避免了這個情況的出現，亦十分適合比較少化妝，化妝品消耗得比較慢的人。 此cc霜上妝後的妝感亦是比較輕薄的，有簡單均勻膚色的效果。遮瑕力大概有二至三成，眼周暗沉以及痘印等問題都需要另外使用遮瑕產品。但值得一提的是，此產品擁有相當高的毛孔遮蓋力，能夠填平粗大毛孔以及眼下凹凸不平的皮膚，適合有毛孔粗大問題的人使用。

choichoi好用推薦：相對市面常見的霜狀CC Cream，這款則呈輕薄清爽的液狀～延展度不錯，推勻後的妝感是「裸肌透明感」，雖然沒有色號之分，但上臉後能完美修正膚色而且完全沒有泛白並帶點點微光澤感，遮瑕毛孔的能力中等，要留意唯防曬系數偏低只有SPF12/PA+，建議要另外補上防曬

BwTw好用推薦：RMK限量版嘅BB cream，用完真係超驚艷！ 首先係佢質地好輕薄好水潤，另外佢有中度遮瑕，修飾毛孔方面尤其岀色。 我覺得呢個好啱而家戴口罩時用，因為佢透薄得嚟又唔會甩落口罩，我好推介！ 缺點係，佢SPF只有15度，同埋佢兩個色都係偏白，仲有就係佢係限定品，本身RMK係無岀BB Cream....