RMK 用家評價

各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同

質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

第一次試用RMK卸妝水，底妝可以卸得乾淨，但眼妝就難卸啲，可能我隻眼線筆太防水。 依隻卸妝水質地唔算太液狀，比較似精華質地，易推開，卸完唔會感覺好乾，比較保濕，我用卸妝油會敏感， 所以一般都只會用卸妝液，依款卸妝水唔會令人敏感。我覺得依隻淡妝人士比較岩用，如果大濃妝就要用眼唇專用卸妝產品，整體感覺都唔錯。

係回購超過兩支嘅防曬，雖然已經出咗新嘅版本，但係呢一支都係我好鍾意用嘅防曬產品。 本身有化妝嘅習慣，以前成日都想搵一支唔會有擦子膠水，同埋唔會太厚重嘅防曬產品，遇到呢一支RMK之後一直都使用冇再轉過。因為佢真係可以做到質地透薄，就算喺化妝之前疊加skin care product，搽base，再上粉底，乾粉等等，佢都冇令到其他化妝品出現擦子膠碎，亦唔會因為搽咗防曬，而令啲foundation浮粉，而且感覺係好薄好唞到氣。 希望新出嗰支RMK防曬都係咁好用啦！

呢款卸妝膏好好用，我平時會用黎卸走濃d嘅妝容，一步到位使用簡單方便，對於濃嘅眼妝需要用兩次先可以清潔乾淨，用完皮膚冇起粒粒，我平時會用一粒硬幣嘅份量，效果唔錯，我一定會再回購，推薦俾大家一定要試 #卸妝 @cosme

講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲

已經用咗起碼三支，試過用粉紅色亦都試過用偏黃嗰隻色，其實兩支都可以單刷。佢嘅妝感10分透薄，有少少遮瑕，但係唔會好誇張嗰種，所以我都好鍾意。 唯一覺得佢冬天可能真係太薄，會有少少乾。如果夏天用就真係好Perfect。之前喺香港用晒想買另一支，佢話冇晒貨唔會再出，但係喺京都都會搵到，希望佢會一直keep住出呢一支foundation。

RMK呢枝胭脂筆真係我冬天化妝必備嘅秘密武器，特別適合聖誕出門，去party都用得著！🎅🏼🎉 我買呢枝係因為佢非常多用途，可以當胭脂、做光影，甚至用來做眼影，實在好方便！ 佢外型同一般唇膏一樣，可以放袋，隨時攞出嚟補妝。 我揀咗04 Bronze Glow玫紅色🌹，帶古銅光澤，仲有少少復古嘅紅色，感覺好有聖誕vibe！ 質感唔算水潤，但好滋潤同細滑，可以輕輕一畫喺面頰上，用手指輕輕推開，好易均勻。 顏色一開始好鮮明，但推開之後就會自然融入底妝，帶點紅潤同光澤！成個臉色睇落好活潑👶🏻 超愛呢款RMK胭脂筆，性價比高，非常推介❣️❣️

RMK CREAM FOUNDATION AQUATIC GLOW 水光緊緻粉底霜 SPF18 PA++ $420/ 30g 功效：輕盈水潤+貼服+零粉感 添加了不少優質護膚成分，以保濕及抗衰老成分為主， 保濕力不差，可以化妝同時護膚。 提亮方面，帶來的光澤比較自然及富透明感。 質地水潤，剛剛好的滋潤度，不會像傳統的粉底霜那樣滋潤。 延展性佳，可輕易在全面推開。 輕度遮瑕，可以稍為修飾毛孔及遮蓋泛紅位置。 妝效非常自然透薄，使用感輕盈貼服透氣兼零粉感。 持久度OK，午後輕微出油，並沒有大溶妝， 只需輕塗少許Benefit porefessional 控油便可。 含保濕成分: 矽靈, 甘油, 雙丙甘醇, 山梨醣醇, 麥芽糖醇, 凡士林, 氫氧化鋁, 摩洛哥堅果油, 月見草油, 甜杏仁油, 狗牙薔薇果油 及 乙基葡糖苷 防曬成分: 二氧化鈦 及 桂皮酸鹽 抗衰老成分: 甘油, 摩洛哥堅果油, 月見草油, 甜杏仁油 及 狗牙薔薇果油 鎮靜消炎成分: 凡士林 控油成分: 氫氧化鋁 及 滑石粉 抗氧化成分: 摩洛哥堅果油, 月見草油, 甜杏仁油 及 狗牙薔薇果油 多功能護膚成分(另稱為

RMK Liquid Foundation Flawless Coverage 原美零瑕絲絹粉底液 SPF20 PA++ $420 原美零瑕絲絹粉底液帶保濕成分， 質地較水感，延展性高，極易推開及上妝。 可以完美遮蓋毛孔及面上的泛紅位置(really flawless)。 妝效自然透薄不厚重，使用感舒適，不會感到很焗或很悶熱。 完妝為自然不誇張的光澤肌。 防曬保護足夠讓一眾在室內工作的OL使用， 如需戶外活動則可預先用SPF50 PA++++的防曬。 可惜持妝度較為一般，午後需要稍作補妝。 成分方面，除了防曬成分，同時加入保濕、抗衰老等美肌成分，可以化妝同時護膚。 含防曬成分: 二氧化鈦, 桂皮酸鹽, 鈦/二氧化鈦 及 氧化鋅 保濕成分: 矽靈, 雙甘油, 丁二醇, 氫氧化鋁, 氫化卵磷脂, 角鯊烷, 乳木果, 乙醯葡萄糖氨, 玻尿酸鈉 及 水解蠶絲蛋白 控油成分: 氫氧化鋁 抗氧化成分: 角鯊烷, 乳木果, 乙醯葡萄糖氨 及 玻尿酸鈉 抗衰老成分: 角鯊烷, 乳木果, 丁二醇, 鈦/二氧化鈦 及 玻尿酸鈉 鎮靜消炎成分: 乳木果, 乙醯葡萄糖氨, 氯化鋅 及 玻尿酸鈉 油性

我一直有使用不同品牌防曬產品, 但自己係偏乾皮膚, 喜歡水潤不沾手防曬, 除了RMK 亮肌防曬, 我更買多這支UV Face Protector Advanced SPF50 PA++++ 發覺佢質地更加水潤, 仲可以當日霜daycream 用, 佢係有功能嘅防曬有啤梨酵素精華鼠尾草精華等七種保濕成分,加上佢都唔細支有60g其實好抵用, 有時懶趕時間會當埋妝前底霜咁用, 佢好好完全唔覺得佢立黐黐, 好透薄及舒服！ 其實我唔單止搽面, 有時貪方便搽埋隻手, 因為揸車隻手係冇得躲避陽光極度需要防曬, 如果淨係搽面應該都好襟用但係我搽埋隻手可能會用得比較快 （手上雀斑亦有機會係煎牛扒比油彈親受傷好返之後冇防曬出現嘅, 所以各位後女仕要小心保養） #今夏超強防曬

手感質地有驚喜! 係好似whipping cream既挺身質地, 但搽上臉蛋後卻係清爽有光澤,完全不黏笠。 我一向用開既防曬/底霜會追求防曬值同效果, 我用開既防曬我都有好評架: YSL的有SPF50 PA+++, 水感質地, 上臉搽勻後有啲油膩感但又未至於會悶痘 ; La Roche Posay SPF30 冇標明PA值, 上臉後搽勻後有強烈「太陽油味」, 膚感都清爽舒適的, 勝在無負擔; Excel底霜SPF32 PA++,有膚色效果可調節肌膚顏色, 水潤效果媲美CDP底霜; Attenir 日本當地購買既 Fancl姊妹品牌防曬乳液, SPF35 PA++, 極清爽, 有閃粉, 會因應場合配合使用 . 但 RMK呢隻防曬霜SPF50 PA+++, 霜狀挺身質地, 上臉搽勻後輕輕提亮, 無添加香味, 覺得幾新穎好用! 睇埋佢嘅成份更加有誠意，多種護膚成份零負擔～ 我由新地 The Point app換來試用既RMK防曬霜, 意外地好用。會連續使用4-5天試試看。 不得不讚揚RMK出品新穎, 要多加關注喔~

香港生活節奏急促，做咩都要方便快捷💨 就連卸妝護膚都要快，RMK皇牌肌底護理系列 W Teatment Oil 新成員 ─ RMK 極萃修護卸妝膏 就啱哂喇😍 RMK 極萃修護卸妝膏蘊含高效雙重保濕的雙精華，有高效雙重保濕力，秒速融化，輕鬆卸掉妝容，深層清潔肌膚污垢，美肌油融入肌膚，潔面後亦唔會繃緊，肌膚keep住滿滿水分👍🏻 加上淡淡柑橘香味，聞到心情都更愉快☺️ 卸妝清潔同時護膚，肌膚保持潤澤有彈性嘅狀態，化妝就自然更貼妝啦💜

呢支按摩基底油係我上年秋天嘅時候經過專櫃被推介而購買的。因為年紀漸大，加上肉眼見自己肌膚容易乾燥（我本身混合偏乾）所以想試下以油養膚。 （圖片係我用過上年秋冬天餘下既份量 ） 有香濃嘅柑橘果味，加上沖完熱水涼既蒸氣會將手上、臉蛋上既柑橘氣味揮發出來，好似自我做完spa 一樣，相當治癒！  至於肌膚能否吸收，我感覺肌膚喺吸收完按摩油後，係會變得柔軟；用完呢隻按摩油後，我嘅肌膚亦沒有爆痘/炎症， 呢隻按摩又好fit到我混合偏乾嘅肌膚，差唔多肌膚狀態嘅美女可以安心使用！

缷妝膏質地細滑，有微微清新香味。接觸皮膚後，好快速就融化，所以係幾舒服。乳化後會有層油融入肌膚，唔會覺得繃緊，但個感覺我唔算好鐘意。好嘅地方係好輕鬆就卸到妝，都卸得幾乾淨。