RMK 好用推薦產品

Emily Leung好用推薦：RMK 隔離霜 ｜想要「水潤透亮」同「貼服持久」底妝嘅人，揀佢！ 👍 優點： · 質地輕薄： 乳液狀，好推唔黏立，保濕度夠，皮膚冇負擔。 · 修飾一流： 帶少少珍珠光澤，可以即時提亮膚色，睲神兼有「透光感」，但唔會誇張到滿面閃粉。 · 貼服度爆燈： 因為夠潤，令後續粉底癡到實一實，減低浮粉同卡粉機會。 · 日系靚妝： 完美做到嗰種自然、有光澤嘅「偽素顏」底妝效果。 👎 缺點： · 遮瑕力弱： 主要係調同提亮膚色，唔好期望佢可以遮到痘印瑕疵。 · 控油一般： 對大油皮嚟講，夏天可能唔夠持久，比較適合乾性至混合性肌膚。 · 價錢中上： 唔算平，但用量省，一支都用好耐。 結論： 如果你底妝追求自然光澤同貼服感，唔係要超強遮瑕同控油，RMK呢支隔離霜絕對係「神隊友」級別，能令你成個底妝質感即刻升級！

Yeonjung好用推薦：【RMK水漾隔離霜用後感】🌊 開頭先講，我係混合肌，T區易出油，兩頰偏乾。一直對日系品牌嘅底妝有好感，貪佢細緻又貼面。今次試RMK呢支水漾隔離霜（Smoothing Gel Base），真係有驚喜。 質地係Gel狀，一推開就化水，好輕盈。佢唔似傳統底霜咁厚，反而似保濕精華，上臉零負擔。最鐘意佢帶少許柔焦效果，唔會死白，係自然提亮，毛孔即刻隱形咗一半。後續上粉底勁貼服，冇擦膠碎，全日唔覺得乾。 保濕度：★★★★☆（夠應付冷氣房） 控油度：★★★☆☆（T區要碎粉定妝） 遮瑕度：★★☆☆☆（主力係調色同平滑膚質） 如果你追求輕透、自然光澤感，呢支值得入手。但瑕疵皮就要配返遮瑕膏。總括嚟講，係夏天合格嘅打底好幫手！ #RMK #水漾隔離霜 #日系品牌 #底霜實測 #混合肌適用 #輕透妝感 #化水質地 #妝前打底

Bendict好用推薦：之前試過好多底霜 一係就比較乾 一係就塞毛孔 所以去@cosme試咗呢支底霜之後買咗 效果非常好 texture好容易推開 亦都好潤 後續上底妝 效果非常好👍 雖然防曬力有少少不足 但佢修飾毛孔效果顯著 我係敏感肌 偏乾 呢隻底霜有潤色效果 潤得黎唔會太厚👍 下面幅相係cpd 同rmk對比 左邊係cpd 右邊係rmk男士如果用CPD 會顯得過白 rmk男士用都啱 所以呢個我推薦 😺👍👍

Steph好用推薦：已經係用緊第二支，係近來發現最好用嘅底霜。鍾意佢有防曬，而且有顏色，質感唔會太薄唔會太厚啱啱好，最好嘅係可以遮到毛孔，用完之後亦都可以上到粉底。有時難起上嚟，但用呢支底霜都可以夠出街用而且都叫做持久，喺冷氣房返工返咗全日，都唔會脫妝咁！

Jeniel好用推薦：掂！一唧出嚟係好水嘅乳液狀，用手指捽兩下就已經ok,完全唔需要咩技巧。 乾肌人表示好保濕，完全唔會卡乾紋或者起皮。妝感係嗰種「皮膚自己識發光」嘅自然透亮，唔係油淋淋嗰款，望落乾淨又有柔焦感，毛孔都修飾到。 中意全妝既你要留意遮瑕力偏弱，痘疤黑眼圈大概只遮到一半左右，瑕疵皮要另外處理。 持久度方面，我加咗碎粉定妝，出街6個鐘都冇乜點融，出咗油之後變奶油肌，冇起白芝麻或者一撻撻。整體嚟講，呢支好啱追求「偽素顏、天生好皮」嘅感覺，乾肌同混合肌尤其啱用！ 保濕度： ★★★★★ 貼服度： ★★★★★ 光澤感： ★★★★★ 遮瑕力： ★★☆☆☆ #火熱新品

natanatalie好用推薦： #火熱新品 營造日系乾淨俐落底妝的高性價比之選❣️ 本身屬於油性肌膚，外油內乾，一直好難揾到一支夠保濕又持妝嘅底霜。呢支RMK新出嘅自選水感透光潤色霜真係好驚喜，相信會成為大愛之物！❤️‍🔥 首先，佢價錢唔貴，只係$330就有25g，好多時仲會有唔少贈品。支裝唧出嚟可以用到最後，唔會好似pump裝咁嘥左啲。😍 質地好保濕，一啲都唔厚重，推開有幾好嘅調色效果，而且有一種好自然嘅光澤感。但睇落唔會令人覺得誇張出油，嗰種光澤感好靚好自然。☺️ 佢有SPF15，平時出街用都得。我通常就咁用佢，普通黑眼圈痘印都遮到七七八八，持妝力都算耐，9個鐘都不會甩不會溶。有時會叠加粉底，呢支調色霜嘅抓粉能力都不錯，而且佢唔會令膚色變暗，呢一點我好喜歡！😘

貓餅好用推薦：呢支隔離霜有少少提亮效果，係可以修飾到毛孔，質地似乳霜狀，非常柔軟，容易推開，推開之後，毛孔係唔見咗，但缺點係有啲乾

karlula好用推薦：03膚色，質地好推，主要真係可以淡化毛孔，亦有啲均勻膚色，好用嘅妝前

Hy好用推薦：質地輕透的隔離霜 是悶熱天氣出門的動力 冬轉春 一邊怕著紫外線 一邊感覺到防曬的厚重時 Rmk 這調色霜真的很合用 有spf15 值 一般室內往返都應付到 大眾化的顏色 暗啞的選紫色 🟣 敏感的選綠色💚 要點少女感的選橙色🔶 中價位 高品質 日系妝容的入手一枝划算

mandy好用推薦：RMK Refining Poreless Skin Base 零毛孔柔霧隔離霜 SPF8 PA+ #02 $320 / 35g 零毛孔柔霧隔離霜一共推出3種色號， 分別為01透明、02自然米色及03粉紫色。 透明：不影響後續妝容，適合所有膚色。 自然米色：遮蓋色斑、泛紅及提亮。 粉紫色：消除暗沈、增加透明感及帶來紅潤感。 由於零毛孔柔霧隔離霜的防曬保護不太足夠， 在使用妝前底霜(隔離霜)前需要先塗抹好 足夠保護的防曬產品，如需長時間戶外活動， 就要使用SPF50 PA++++的防曬。 成分方面主要是保濕成分、抗衰老、抗氧化及控油等成分，零毛孔柔霧隔離霜比較某些專櫃品牌添加更多的優質美肌成分，做到化妝同時護膚。 我使用的色號#02色，質地是水潤輕薄的乳霜狀妝前底霜，保濕力不錯，非常透薄兼緊貼肌膚，並且易於全面推開，絕對不厚粉，亦可隱藏面上的毛孔。如果有面部泛紅的情況，可以在泛紅位置再疊加少許零毛孔柔霧隔離霜，就可以遮蓋面上的泛紅，同時具少許柔焦及提亮效果，又完全不厚粉。 含控油成分: 矽石, 氫氧化鋁 及 滑石粉 保濕成分: 矽靈, 丁二醇, 雙丙甘醇, 甘油, 麥芽糖