KANEBO 用家評價

我本身係乾肌，試過用唔同牌子嘅粉底都好容易浮粉，所以我平日只會用有色防曬修飾吓皮膚就出門。今次有好幸抽中KANEBO 推出既升級版原生活力精華粉底霜，所以又再有機會重新試吓用粉底。Kanebo呢隻係粉底霜，聲稱將 「裸肌感」同「遮瑕」結合，使用獨家「活力美肌技術 Lively Skin Technology」，靈活運用光線散射效果模糊瑕疵保持原生肌膚質感同時遮蓋色斑、暗沉和毛孔。 呢隻粉底霜嘅質感係比較厚實，唔似平時粉底液咁有流動性，我以為會好難推開，點知佢延展性又非常之好，我就咁用手搽上面已經可以搽得好均勻。之後我再用粉撲試，上面效果有較高遮瑕度。基本上我薄薄搽一層已經遮到毛孔同黑頭，皮膚已經好似原生肌咁嫩滑。同埋用咗粉底霜之後皮膚都變得有光澤咗。如果想再遮多少少暗瘡印或者色斑，用完粉底霜再加遮瑕膏都完全融合得好好。即使過咗幾個鐘頭，暫時都未見到有浮粉或暗沉嘅情況，佢同肌膚反而會越嚟越融合。同埋喺依家天氣比較悶熱嘅日子使用，皮膚都唔覺得焗。整體而言，妝效都幾可以維持貼服，唔乾燥，唔起乾紋，而且都夠水潤。 唯一美中不足嘅係，佢只有SPF24同PA+，所以一定要搽咗防曬先可以用粉底霜。所

超級開心可以抽到Kanebo既試用！！ 一直都聽到唔少人講Kanebo粉底霜好用，但由於佢既設計係開蓋式，好驚一開唔即刻用完就會變質，同埋都擔心衛生問題。 粉底霜附有小刮棒，可以輕鬆取粉。另外仲有塊透明小蓋，感覺衛生。不過一打開黎就聞到陣好濃烈既酒精味，就有啲嚇親我啦。 粉底霜既延展性非常高，只係拎少少粉底霜就可以輕易推開，而且濕潤度非常夠，好自然同埋帶有光澤感，唔係啲好厚重既粉底霜。所以對於既佢遮瑕度就唔抱太大期望，試上臉遮下紅印，又有啲驚喜，都遮到6-7成，仲可以保持到自然妝感，大讚！！！！ 產品說明有一點最吸引到我，就係長效持妝不變色！當然要實測一下效果啦！今次收到既係自然色240，早排曬黑左，所以搽上手有明顯色差。粉底霜氧化方面呢就有少少失望，搽上手試色大概15分鐘後再上新既粉底霜做比較，其實都有好明顯既變色，不過變色後既顏色對於我黎講反而更加自然，唔係死白，所以都過關啦！ 作為乾肌既代表，呢隻粉底霜絕對適合，而且妝感非常自然又唔厚重，保濕能力高，妝感水潤亮澤，無卡粉浮粉既情況出現，遮瑕度有，推薦！！

好開心今次收到@cosme 嘅試用！ 本人35歲，混合乾肌，本身就嚟轉季都想搵一隻滋潤養膚對皮膚無負擔啲嘅粉底，kanebo呢款都係我嘅心水之一，因為佢蘊含養膚精華，強效注水鎖水，另外佢主打現時好興嘅裸肌感同自然原生水光妝效，啱晒我唔想咁重妝感👍🏻 收到嘅240色好適合香港一般自然膚色既女仔👇🏻 素顏照，有暗瘡，毛孔粗大，下巴多暗瘡印用手指薄搽一層效果，遮瑕力六成左右，但毛孔修飾得好好，偽素顏妝效，光澤感好出色，顴骨位同鼻樑搽咗高光甘上妝8小時後，同剛上妝分別唔大，係皺紋地方有少少卡粉，其他地方保持得好好，亦都冇暗沉，光澤保持得好好。總結嚟講，我覺得呢隻粉底霜好有驚喜，佢好啱做我嘅素顏霜，用手指隨便查就可以有滋潤保濕遮瑕效果，最緊要佢妝效同原生肌膚好似，但係上妝後膚色乾淨透亮，有自然光澤，零粉感效果，另外有驚喜嘅係係香港甘潮濕同熱辣辣嘅天氣下都做到長效持妝，維持貼服唔乾燥，亦都唔會成面油淋淋，如果鍾意呢種妝效嘅大家都可以試下佢，大推👍🏻

意想不到地抽中試用❤︎感謝@cosme❤︎ 今次收到試用時真係嘩咗一聲 包裝好靚❤︎日霜係令身啲嘅一樽 仲有SPF30 PA+++呢排成日都好曬好熱 用咗佢之後再搽防曬 化妝都幾唔錯😌 質地比平時用開gel嘅我 厚少少🤏 但係好易推開 亦都好似一層保護膜包住咁 原來係專利研發嘅TAISHI TM Complex☺️ 都好易吸收 好貼服 對混乾嘅我嚟講係保濕度夠 始終佢係cream 厚身少少都好可以接受到嘅 見推開之後 有層好閃嘅紫色 推開後 皮膚變得有光澤🤭好似有層好薄 淡淡嘅珠光咁👍🏻幫我打左highlight 咁❤︎好有光澤 精神咗 試過素顏出街都唔覺得個樣好攰 喺好大冷氣嘅office 都保持水潤感覺 亦都試過之後化妝 面部冇乜大問題 但係試過有遮瑕膏喺額頭邊邊位置會有少少擦膠碎 但不嚴重 底妝都係貼服嘅❤︎ 整體我覺得幾好用 提亮膚色 抵讚👍🏻 但係化妝前用會黏立d 可能要再調整下用量 氣味都幾舒服 對混乾嚟講 我覺得鼻位係出多咗油 對面部嚟講就岩岩好 有滋潤嘅感覺

多謝@Cosme抽中我 因為我係Kanebo品牌fans，之前有用過日霜晚霜都蠻好用，今次可以試用呢款Kanebo原生活力精華粉底霜（色號Shell）真係超開心🥰 黑色瓶身好有質感，仲配有匙羹！ 第一下推開就好驚喜，質地滋潤唔會有「一撻撻」嘅卡粉情況，我覺得粉霜最適合我的上妝方式就是手指拍開，而不是粉撲或粉底刷，持妝效果不錯，我沒有使用定妝噴霧和散粉，就算冇用打底精華都唔乾。唯一缺點係三十度天氣用，8小時後會有少少暗沉，T區有出油（因為我本身混油皮）但不會出現脫妝的白色點點，建議大家買之前最好去櫃面試色，可以適當白一色號！ 呢隻粉底嘅遮瑕度對於我就啱啱好，唔會似戴咗面具，有種「天生好皮膚」嘅通透感。 仲有個細節好加分，就係佢嘅香味同卸妝後嘅膚感。唔似好多粉底有刺鼻嘅化學味，呢隻有淡淡嘅植物清香，上妝時心情都好啲；最關鍵係夜晚落妝後，塊面唔會有「悶住唔透氣」嘅緊繃感，用溫和嘅卸妝乳清潔完，膚質仲好軟滑，冇出現因為粉底悶住而爆痘嘅情況！ 總體嚟講，呢隻升級版粉底真係做到「保濕、遮瑕、通透」三者平衡，尤其適合秋冬或者乾性、混合性膚質嘅朋友，想揾一款唔會太厚重但又夠力遮瑕疵嘅粉底，呢

前陣子入手了Kanebo家的洗面奶，效果真的很有驚喜！ 作為一個混油皮，我覺得清潔效果都很不錯，毛孔都洗得乾淨。就算泛紅過敏、長痘痘，我用後也沒有加重炎症。 這是新升級版，裡面加入了美容液，在潔臉的同時達到鎖💧！濃稠到能拉絲！擠點點就能起好多泡沫！ 清潔到這麼乾淨後 不但不拔乾還水潤水潤的！ 後續的保💦護膚也更易吸收！ 也好喜歡它的味道，是淡淡的茶樹花香味！ 只需要一點點，打出超級濃密的泡泡，好用好聞，保濕滋潤，就泡泡這一點，絕對是在我心目中排很高！買一支可以用大半年！性價比超高！

講到透明感，成日以為淨係靠護膚品？今次試咗Kanebo呢盒EX01雙色腮紅，真係要改觀——靚嘅彩妝根本係光影魔術手！揀啱色號同質地，塊面即刻透到好似會發光，仲自然過本身皮膚啊！ ✨ 點解佢做到偽素顏透明感？ 1️⃣ 雙色配搭心機爆燈 EX01蜜桃粉 + 薄荷藍綠組合： 薄荷藍綠色帶珠光偏光（唔係大閃片！），用手指掂少少拍上蘋果肌頂端，即刻嘭起+有自然光澤，一d都不違和，似皮膚自己透出嚟嘅亮！深色嗰格係暖調蜜桃粉，掃顴骨斜上位置，好似運動完淡淡紅暈，零粉感仲修埋臉型！ 2️⃣ 粉質幼過BB毛 Kanebo貴婦線真係有道理！粉壓得實但一掂皮膚就融咗，我乾肌用都唔卡紋，同粉底癡到好似本身血色，完全冇邊界感～ 3️⃣ 透明感關鍵：微光粒子 最驚喜係佢嘅珠光超細膩，日光下睇係霧中帶光，唔會顯毛孔，反而好似打咗柔焦燈，皮膚睇落通透仲有嘭嘭效果，完勝某啲護膚精華嘅即視感！ 💡 隱藏功能：當眼影仲襯到絕！ 貪方便試過用深色格掃眼窩，淺色格點眼頭—— ✅ 15秒搞掂日系眼妝！同塊面嘅胭脂色零色差，成個妝乾淨到似天生好氣色！ ✅ 淡妝黨必學：旅行帶呢盒+一支眉筆，

KANEBO呢款精華粉底霜係我近期最愛嘅foundation! keep住用咗一段時間 妝感好貼服同自然 真係做到令我覺得驚喜嘅零粉感裸肌～本身臉頰同鼻翼周圍有時會泛紅 膚色唔均勻 同埋有毛孔等問題 粉底霜一上面好容易推開 延展性唔錯 好似平時搽cream咁 然後用sponge拍一拍 再輕輕上一層碎粉 令底妝再貼服同持久啲～因為皮膚狀態okay 今次無特別再用遮瑕液 都可以解決我本身想要遮蓋嘅肌膚問題 唔需要啲咩技巧好快就上完底妝妝感自然透薄又有水潤光澤感 近睇都唔容易睇得出粉底痕跡 塊面出咗少少油之後 做到奶油肌效果～有精華護膚成分 返工全日坐冷氣房都仲keep到水潤感 全日淨係補咗唇膏 個妝經歷咗12個鐘+之後 眼線都甩咗少少 底妝已經無咩光澤感 不過無浮粉無乾嘅感覺 整體上都仲okay～但係如果皮膚狀態比較差 黑眼圈好嚴重嘅情況下 最好都係用埋額外嘅遮瑕液去遮會好啲

一向都覺得粉底霜會比粉底液厚身啲，但KANEBO呢款粉底霜真係令我完全改觀。雖然都係霜狀，但上面之後個質地好滑，用海綿好容易就推得勻，而且好快就同皮膚食埋一齊，完全唔會有好厚粉嘅感覺，個妝勁貼服 佢嘅遮瑕力真係幾好，我臉上啲比較深色嘅暗瘡印，淨係搽一層都已經遮到八成，基本上都唔使再另外用遮瑕膏。化完之後，個妝感係好靚嘅奶油肌，有種好精緻嘅光澤感，令到皮膚望落好飽滿、好有質感，絕對唔係嗰種死白面具感。 為咗試真啲佢嘅持久度，我第一次用就決定直接挑戰35度高溫天氣，帶住個妝去迪士尼玩足一日！我由朝早9點上妝到下晝兩三點，喺戶外又曬又行咗幾個鐘，塊面開始出咗少少油，但個底妝依然勁貼。只係鼻翼同嘴角呢啲易出汗嘅位有少少浮粉，但完全唔影響，影相出嚟個妝都仲係好完整，亦都冇乜點氧化變暗。一直keep到夜晚8點幾臨落妝，塊面仲係好靚嘅奶油肌，出咗少少油之後，個光澤感仲好似仲靚咗啲！仲要眼底、眼蓋位完全冇積線起乾紋，T字位呢啲出油重災區又唔會浮粉變到一撻撻。玩足全日，又室內又室外，咁熱嘅天氣都完全唔甩妝，係幾好用！

多謝@cosme揀中我試用，今次收到Kanebo 原生活力橢華粉底霜 升級版 240 Linen色號，會就以下幾點分析🌟 1️⃣質感與延展性 
粉底霜質地好似啫喱咁，用手指推開，即刻變成奶油質地，細緻柔滑，延展性佳，上臉時能輕鬆推開，即使用手指上妝，都能均勻服貼地融合於肌膚，不會卡粉或斑駁。 2️⃣遮瑕力與貼服度單層塗抹後，遮瑕力屬於中等級，能有效遮蓋膚色不均、小瑕疵與毛孔。再塗抹多一層，鼻翼嘅紅印遮到8-9成，好有驚喜！而且依然能保持輕薄自然的妝感，不會讓肌膚顯得厚重或假面。整體貼服度很高，像是與肌膚融為一體。 3️⃣膚色均勻與妝效呈現 
這款粉底霜在均勻膚色和遮蓋瑕疵方面表現優秀，能修飾毛孔和細小瑕疵，同時保持自然光澤感。妝效乾淨透亮，給人一種「素顏好皮膚」的錯覺，真正達到了「零粉感」的效果。 4️⃣持妝表現帶妝8小時後，粉底霜並未出現浮粉的情況，膚色依然明亮自然。同時，妝容保持清新貼服，不乾燥、不出現乾紋，肌膚看起來依然水潤有光澤。 5️⃣與其他產品的比較 
與過去使用的粉底霜相比，這款粉底霜在自然度與輕薄感上表現更佳，不會有厚重的情況出現，妝感更貼近真正的好肌膚效果，適

有幸抽中KANEBO 新推出的升級版原生活力精華粉底霜，可趁着炎夏試一試效果。這次使用的色號是最淺色110 SAKURA，這款粉底霜質地雖然較挺身，但延展性很好，用手塗上臉已經可以推勻並均勻塗抺上臉，薄塗一層已經能夠遮沒細紋、粗大毛孔、黑頭和色斑，感覺輕柔舒適不黏笠。有一點我特別喜歡的是上粉後皮膚很有水亮的光澤感，感覺皮膚很天然健康。 由於我是乾性皮膚，用過不同牌子的粉底都很容易浮粉，這款粉底霜就沒有這種況，而且不會有假白和厚重感，上粉五小時後亦未有見到明顯氧化變暗或浮粉的情況。推薦給各位。

首先多謝@cosme 今次抽中做試用 今次收到係240 自然色 試上手睇落好似有d 深色 推開左就接近膚色，如果唔氧化既話效果幾好 原膚況 比較多雀斑同乾 理論上係比較適合粉底膏呢d 偏滋潤同遮瑕力既產品 上左2層 可以遮到大概7成雀斑 毛孔可以遮到 質地比一般粉底膏輕身 好岩香港夏天用 但就相對冇咁高遮瑕力 持妝7小時效果途中有出過汗， 甩左小小，但妝感可接受 持妝16小時，大致甩左5成同有d 斑駁。 夏天黎講持久度已經好好。 結論， 因為比較輕身同埋係啞面既粉底，搽上面後比較快乾，要逐part 上妝避免推唔開，而且因為咁都比較乾，乾肌要做好保濕先，試左溝精華用，但因為太快乾而唔係好溝得埋🤣 但溝左個妝感會變左奶油肌咁好靚。 但正正因為呢個質地，令到呢個product 好岩香港，由其係偏油肌，覺得平時粉底膏太厚太笠既人用。

係買潔面套裝送嘅卸妝膏細盒裝，拎去旅行啱啱好。細盒裝唔似貨裝有送匙羹，所以我每次都係拎大概嘅份量嚟用。佢係水凝霜狀，唔似我平日用開balm狀嘅卸妝膏要等佢用體溫嚟溶，搽上面即刻推得開，好滑有啲卸妝油嘅感覺。帶有嘅花香味都幾濃，沖水之後都仲有香味殘留，我自己習慣會再用洗面膏洗面，所以唔太介意。基本嘅粉底眼線唇膏都卸得到，不過需要花多啲時間用少少力捽，感覺係屬於溫和型，唔係速戰速決型。我另外試過搽咗防水睫毛膏嘅日子用，佢就冇辦法卸到太強嘅防水產品，要另外用眼唇卸妝液。 想讚嘅位係，沖水洗乾淨之後，完全唔會覺得乾，皮膚有清爽感得來又滑滑地，洗出嚟感覺係好舒服嘅。

kanebo新出的極光瓶，質地方面是半透明乳液狀，吸收力真的很不錯，有花香氣，確實為後續的保養品帶來很好的提升作用。 極光瓶的功用主打多功能，聲稱能激活肌膚5項機能 。早晚使用超過一個月了，所以就針對這5項功效淺評一下： ✅增強屏障功能：3.5/5 自己皮膚偶有輕微脆弱敏感或脫皮，使用期間只有極輕微皮膚脆弱狀況，屏障功能尚算可以 ✅提升保濕力：3.5/5 使用時即時有感保濕力提升，滲透能力很好，當然天氣乾燥時需要配合保濕力更強的後續面霜 ✅構建健康角質層：3.5/5 角質層狀況可以，不會過厚導致阻塞或過薄 ✅促生膠原蛋白：4.5/5 （最滿意） 最滿意緊緻肌膚，同時有飽滿效果，整體臉形輪廓更突出之餘不會顯得削陷，更年輕化，連苦惱多時的法令紋都慢慢開始填飽滿，非常驚喜！ ✅增加通透感：3.5/5 維持改善色斑暗沉、輕微提亮光澤感 用完一個月都還有半瓶，緊緻提升飽滿效果不錯，所以都很滿意性價比。建議護膚步驟：用完極光瓶後續搭配更高效或優質的面霜，會有加乘作用～ #火熱新品

又到換季的時候，每到換季皮膚就會非常不穩定，時乾時油，好開心係換季時間收到@cosme的邀請，試用到保濕滋潤表現非度好嘅滋養KANEBO緊緻修護晚霜，幫我減省諗換咩護膚品的時間，今次試用產品真係好滿意，滿意到我會回購！ 講講我而家的皮膚狀況先，因為下巴之前嚴重爆瘡，底層皮膚受損鎖唔到水份，所以非常容易乾燥到有皮屑。另外最近用緊有刺激性嘅精華，搽完面頰同額頭會好崩緊。之前解決方法係下巴用護膚油，臨瞓係面頰額頭補萬用霜，但KANEBO緊緻修護晚霜可以一次解決兩個煩惱，淨係用緊緻修護晚霜已經可以滿足兩個部位的需要！ 今次收到嘅試用裝係用黑色盒包裝，日霜同晚霜兩罐係用不用材質製成，感覺高級又精緻，仲有兩枝刮棒。 晚霜含專利研發的 TAISHI™️ Complex*，係皮膚表層形成彈潤貼肌的「夜間修護膜層」，配合另一個成份Niacinamide (煙酰胺) ，輕輕搽一層可以就有如面膜般包裹肌膚的滋養屏障，持續滋養修復與補水，同時強化肌膚屏障功能，激活膠原蛋白增生，減少皺紋。 晚霜質地係乳霜狀，摸落較濃稠，但容易推開，塗抹完即時見到皮膚充滿光澤，摸落手感非常柔軟，而且一啲都唔黏笠，一罐就解決我