KANEBO 用家評價

Hello！今次要評測嘅係日系底妝天花板之一——Kanebo 原生活力精華粉底霜（Kanebo The Cream Foundation）。 傳說佢係「乾肌嘅第二層皮膚」，養膚又貼妝，到底值唔值得呢個價位？我係混合偏油肌，但秋冬會轉偏乾，T字位仍易出油，今次會誠實實測！ 【粉底霜質地】 非常濃厚嘅乳霜狀，似貴婦面霜多過粉底。用手指打圈時感覺到極高滋潤度，推開順滑無阻力。上臉後唔需要技巧，用手指溫度已經可以均勻拍開，無粉痕、無卡紋。 【顏色】 我揀嘅係OC-B（自然偏白），典型日系中性調，唔偏黃唔偏粉。上臉後同原生膚色融合度極高，唔會假面，但有輕微提亮效果。如果你平時用開歐美粉底嘅最白色號，呢個可能要再淺一階。建議專櫃試色先。 【妝效】 一上妝就係高級絲緞光，唔係韓系水光咁誇張，而係由內而外滲出健康光澤。毛孔修飾力中上，輕中度瑕疵（泛紅、暗沉）可以覆蓋約70%，明顯痘印需要額外遮瑕。最驚喜係佢嘅「貼膚感」，完妝後好似冇搽嘢，但又覺得皮膚變靚咗。 【持妝力】（實測8小時，室內＋戶外混合） · 0-4小時： 光澤持續，無暗沉，鼻翼輕微出油但唔浮粉。 · 4-6小時： T字位出油後

Kanebo絲滑洗面奶測評 Hello姐妹們，今日要同大家實測嘅係Kanebo呢款「絲滑洗面奶」，主打「絲滑」同「溫和清潔」。我哋會由質地、氣味、清潔力到用後膚感逐一拆解，睇吓佢係咪真係對得住「絲滑」兩個字！ 皮膚狀況 我係混合偏乾肌，T區微出油，但兩頰偏乾，尤其鼻翼同下巴易有粉刺。最近天氣潮濕，皮膚狀態唔太穩定，容易泛紅。 產品質地 擠出嚟係乳白色霜狀，比一般洗面奶更「紮實」，但推開時會化為絲緞般順滑嘅觸感，幾乎冇顆粒感。加少少水打圈，起泡量中等，泡沫偏細密，唔算豐厚型，但胜在綿滑。 氣味 好清淡嘅皂香混合微微花香，唔會嗆鼻，洗臉時感覺放鬆，對香味敏感嘅朋友都應該接受到。 清潔力 · 用前：鼻頭明顯有 白頭、輕微黑頭粉刺，毛孔有油脂氧化暗粒。 · 洗面後： · 白頭明顯減少約 7 成 · 黑頭唔會完全消失，但表面變平滑，毛孔開口位乾淨咗 · 下巴細粒粉刺變得「浮出」，輕輕用棉花棒推就走 👉 原理係：泡沫細密 > 能滲入毛孔周邊 > 乳霜質地有輕微吸附作用，但 唔係深層清潔面膜級數，適合每日用。 用後皮膚狀況 洗完面後冇即時繃緊感，水分測試儀顯示油分下降28%

💄 Kanebo Rouge Star Vibrant Lipstick – 色號 V16 Chai Rose 試用感想 最近喺東京有樂町 @cosme STORE 入手咗呢支 **Kanebo Rouge Star Vibrant Lipstick（新色號#V16 Chai Rose）**，仲有免稅優惠，好開心～ 呢個色真係超靚！屬於一個 **自然嘅裸茶玫瑰色**，唔會太粉亦唔會太啡，即使平日淡妝或者素顏用都好自然、有精神。塗上嘴後嘅 **光澤感好柔和、氣質感滿滿**，真心係「百搭色」一支。 質地方面，**非常滑順，好似潤唇膏咁容易推開**，上嘴後好舒服、唔黏笠，連天氣乾燥時嘴唇有少少脫皮都唔怕，仍然可以上得好均勻。最驚喜係雖然咁滋潤，**顯色度依然好出色**，輕輕一層已經有明顯嘅色澤。 👄 **優點：** - 顏色自然、氣質感強 - 適合各種唇況（連乾唇都無問題） - 質地滑順、舒適不黏 - 顯色度高，但仍保留潤澤感 - 素顏或化妝都襯得好 💧 **缺點：** - 唔算持久，用餐之後要補搽 整體嚟講，**V16 Chai Rose** 真係一支

首先要多謝cosme同埋KANEBO舉辦今次試用活動，今次抽中嘅KANEBO【ROUGE STAR DRAMA 持色魅光塑形唇膏】色號係D203。第一眼見到黑白色嘅包裝就已經覺得好型格，好吸引，唇膏本體嘅設計亦都非常方便使用，而且大細啱啱好，方便擺落手袋用黎補妝用。唇膏質地好柔滑滋潤，唔會kick住kick住，好容易就上到色，但又唔會痴笠笠，唔駛用潤唇膏打底都唔會覺得乾燥，令雙唇可以keep住水潤亮澤嘅感覺。另一方面，唇膏嘅顏色好易配襯唔同嘅妝感，豆沙色令到整體血色及氣色提升，而且顏色非常自然，令人感覺十分精神。 以下由上至下分別係裸唇、搽左一層唇膏、搽左兩層唇膏以及搽完唇膏兩個鐘後嘅效果：可以睇得出，搽左一層唇膏已經十分出色，令到血色大大提升，而搽兩層會令唇膏顏色更實在更突出。搽完唇膏兩個鐘後，可以見到雙唇仍然有光澤感但顏色就大部份都甩左，比較可色。 試用左大概兩個禮拜，感覺係覺得KANEBO【ROUGE STAR DRAMA 持色魅光塑形唇膏】真係好滋潤唔會抽乾雙唇嘅水份，而且上色效果好好，令整體妝容氣色大大提升。缺點方面就係持妝效果較弱，需要定時補搽唇膏先可以keep到個顏色，大

本身唇色比較深 加上唇邊帶有暗沉 我化妝習慣一定要先用唇線筆遮瑕 再疊加唇膏～為咗令成個人嘅氣息唔好咁差 唇膏對我嚟講絕對係must-have item! KANEBO新出長管唇膏ROUGE STAR DRAMA #203 直接成為我嘅近期最愛!!❤️一抹上嘴質地絲滑 薄薄地有舒適感 感覺滋潤又唔會有厚重黏苙感～最重要係佢嘅遮蓋力 上完第一層就已經可以遮蓋到原本嘅烏唇邊☺️我鐘意再疊塗多一層 成個唇妝瞬間變得超精緻立體 佢帶有少少光澤感感覺做到好似 plumping 效果 成個唇嘅輪廓出咗嚟✨ 唇膏顏色顯色度高得嚟 完全唔會覺得誇張突兀 反而非常自然、有光澤 成個人氣息同精緻度up!!吃完 lunch 抹嘴後，雖然光澤感會減退，但底色仲留咗喺嘴唇上，而且嘴唇完全唔會乾，睇落反而似天生唇色，感覺唔錯！呢隻色我有上手試 不過感覺同上嘴效果有分別 唇膏都係要上試上自己個嘴先知顏色效果係點～

感謝@cosme 抽中試用Kanebo新唇膏 色號207 收到嘅色號偏nude 日常都容易襯外裝幾好睇 揸上手容易handle上唇分別都明顯 我上唇比較深色 平時較乾 唇膏易推 亦因為好保濕 一上唇 唇紋就淺咗 顏色方面都即時balance返 感覺都幾有驚喜 同印象中唔同 以為都幾nude 但出嚟效果都幾自然 亦都好有光澤 唇妝立體 多層疊加後都係自然有血色 唔係咁裸色 長期喺冷氣地方工作 都唔會乾晒 再次感謝試用機會 之後都有興趣試下買其他色號嚟試下👍🏻

一塗上嘴，感覺質地豐厚，唇膏即時滋潤雙唇，不黏納，超容易上色，能提升血色，打造自然色彩！（我用緊呢隻係colour D204, 超自然）面部睇落去十分自然地神采飛揚！亦都有一種自動搽咗lip gloss 嘅效果, 令令哋✨令雙唇睇起嚟更加豐滿🫦迷人～ 除此之外，佢令雙唇長時間維持立體唇形，增加高級感！ 發現佢長效保濕，可以就咁搽上面🤭唔使事先搽潤唇膏！ 搽咗四個鐘都能夠保持血色效果，只係減少咗表面果dd glossy令令✨

我對呢款精華水嘅第一印象已經幾好😊 質地係非常輕柔清爽，完全唔會有黏笠感，上面之後好快就被肌膚吸收，好似即刻飲飽水咁💦。就算天氣比較悶熱，用完都唔會覺得有負擔，反而有種清新舒服嘅感覺。 我本身屬於水油有啲失衡嘅肌膚，用咗一段時間之後，真係明顯感覺到出油情況有改善👍 T字位冇之前咁易泛油光，皮脂分泌都穩定咗，成體膚況睇落更清爽自然。 保濕方面都好滿意💧 用完之後肌膚長時間保持水潤，唔會出現乾燥或者繃緊感，摸落去都滑咗，粗糙感減少，仲多咗少少光澤感✨，膚色都感覺更透亮。 抗炎效果方面亦有驚喜🌼 可能因為含有洋甘菊成分，我之前偶爾會有啲泛紅或者小敏感，用咗一排之後明顯減少咗，肌膚狀態穩定咗好多，冇咁容易受刺激。 持續使用之下，整體肌膚真係健康咗👍 感覺肌膚屏障強化咗，自身保水鎖水能力都有提升，即使唔用太多護膚品都可以keep住水潤狀態💙。 Before After 總括嚟講，呢款精華水真係做到「平衡」同「穩定」，好適合水油失衡或者想改善膚質嘅人使用，會令人想繼續回購嘅產品💯✨

我本身係乾肌，試過用唔同牌子嘅粉底都好容易浮粉，所以我平日只會用有色防曬修飾吓皮膚就出門。今次有好幸抽中KANEBO 推出既升級版原生活力精華粉底霜，所以又再有機會重新試吓用粉底。Kanebo呢隻係粉底霜，聲稱將 「裸肌感」同「遮瑕」結合，使用獨家「活力美肌技術 Lively Skin Technology」，靈活運用光線散射效果模糊瑕疵保持原生肌膚質感同時遮蓋色斑、暗沉和毛孔。 呢隻粉底霜嘅質感係比較厚實，唔似平時粉底液咁有流動性，我以為會好難推開，點知佢延展性又非常之好，我就咁用手搽上面已經可以搽得好均勻。之後我再用粉撲試，上面效果有較高遮瑕度。基本上我薄薄搽一層已經遮到毛孔同黑頭，皮膚已經好似原生肌咁嫩滑。同埋用咗粉底霜之後皮膚都變得有光澤咗。如果想再遮多少少暗瘡印或者色斑，用完粉底霜再加遮瑕膏都完全融合得好好。即使過咗幾個鐘頭，暫時都未見到有浮粉或暗沉嘅情況，佢同肌膚反而會越嚟越融合。同埋喺依家天氣比較悶熱嘅日子使用，皮膚都唔覺得焗。整體而言，妝效都幾可以維持貼服，唔乾燥，唔起乾紋，而且都夠水潤。 唯一美中不足嘅係，佢只有SPF24同PA+，所以一定要搽咗防曬先可以用粉底霜。所

超級開心可以抽到Kanebo既試用！！ 一直都聽到唔少人講Kanebo粉底霜好用，但由於佢既設計係開蓋式，好驚一開唔即刻用完就會變質，同埋都擔心衛生問題。 粉底霜附有小刮棒，可以輕鬆取粉。另外仲有塊透明小蓋，感覺衛生。不過一打開黎就聞到陣好濃烈既酒精味，就有啲嚇親我啦。 粉底霜既延展性非常高，只係拎少少粉底霜就可以輕易推開，而且濕潤度非常夠，好自然同埋帶有光澤感，唔係啲好厚重既粉底霜。所以對於既佢遮瑕度就唔抱太大期望，試上臉遮下紅印，又有啲驚喜，都遮到6-7成，仲可以保持到自然妝感，大讚！！！！ 產品說明有一點最吸引到我，就係長效持妝不變色！當然要實測一下效果啦！今次收到既係自然色240，早排曬黑左，所以搽上手有明顯色差。粉底霜氧化方面呢就有少少失望，搽上手試色大概15分鐘後再上新既粉底霜做比較，其實都有好明顯既變色，不過變色後既顏色對於我黎講反而更加自然，唔係死白，所以都過關啦！ 作為乾肌既代表，呢隻粉底霜絕對適合，而且妝感非常自然又唔厚重，保濕能力高，妝感水潤亮澤，無卡粉浮粉既情況出現，遮瑕度有，推薦！！

好開心今次收到@cosme 嘅試用！ 本人35歲，混合乾肌，本身就嚟轉季都想搵一隻滋潤養膚對皮膚無負擔啲嘅粉底，kanebo呢款都係我嘅心水之一，因為佢蘊含養膚精華，強效注水鎖水，另外佢主打現時好興嘅裸肌感同自然原生水光妝效，啱晒我唔想咁重妝感👍🏻 收到嘅240色好適合香港一般自然膚色既女仔👇🏻 素顏照，有暗瘡，毛孔粗大，下巴多暗瘡印用手指薄搽一層效果，遮瑕力六成左右，但毛孔修飾得好好，偽素顏妝效，光澤感好出色，顴骨位同鼻樑搽咗高光甘上妝8小時後，同剛上妝分別唔大，係皺紋地方有少少卡粉，其他地方保持得好好，亦都冇暗沉，光澤保持得好好。總結嚟講，我覺得呢隻粉底霜好有驚喜，佢好啱做我嘅素顏霜，用手指隨便查就可以有滋潤保濕遮瑕效果，最緊要佢妝效同原生肌膚好似，但係上妝後膚色乾淨透亮，有自然光澤，零粉感效果，另外有驚喜嘅係係香港甘潮濕同熱辣辣嘅天氣下都做到長效持妝，維持貼服唔乾燥，亦都唔會成面油淋淋，如果鍾意呢種妝效嘅大家都可以試下佢，大推👍🏻

日日敷面都唔肉赤！Kanebo平衡煥妍精華水，混合肌嘅「還魂水」？ 近排天氣又濕又焗，搞到我塊面成日都處於「外油內乾」嘅狀態。朝早起身，T字位可以煎蛋，但兩邊面珠又乾到緊繃繃，上粉底仲要卡粉，真係燥到爆！ 老實講，我本身對「精華水」呢家嘢又愛又恨，驚佢太杰話「餾」住皮膚，但太稀又好似「嘥氣」冇料到。點知見到Kanebo呢支平衡煥妍精華水喺社交平台好多人討論，話佢「平衡油脂」有一手，把心一橫買嚟試下。 點知一用，真係有啲驚喜！ 首先講個質地： 佢唔係清水咁稀，係有少少「滑捋捋」嘅水狀質地，但一推開就即刻變得好清爽。我試過就咁用手拍，同埋用化妝棉輕抹。 · 用手拍： 吸收快過打針，拍兩下已經「索」晒入皮膚，塊面即時有種飲飽水嘅脹卜卜感覺。 · 用化妝棉抹： 呢個方法我強烈推薦俾油肌或者混合肌嘅朋友！抹完之後，你會望到化妝棉有少少黃黃地嘅角質，即係幫你溫和地「捽」走老廢角質。抹完塊面係「令立立」嘅光澤，而唔係「油淋淋」嘅反光。 效果： 我用咗大約兩個禮拜，最明顯嘅改變係個「水油平衡」好咗好多！ 以前返到公司下半晝，個鼻已經出晒油要拍碎粉。而家用咗佢，就算喺冷氣房坐到收工，塊面都仲

多謝@cosme抽中試用，今次係試用kanebo色號D202既唇膏。唇膏顏色偏粉紅，搽上咀會令原本既膚色提亮，成個人望落都會精神左。就咁搽有色防曬加呢支唇膏出街就好似平時化左妝咁，望落人都好精神，好有光澤感。唇膏嘅質地好順滑，一搽上咀就已經好貼服，好滋潤。搽兩層光澤感更突出，而且咀唇都好滋潤。 唇膏搽左一個鐘後，顏色淡左少少，而且無咁有光澤同滋潤，用紙巾輕輕印咀唇都有少少甩色。整體黎講，唇膏顏色都好靚，搽上咀好有光澤、好滋潤，整體臉色都會變好。

KANEBO 平衡潤妍保濕乳霜用後感 💧 我係熟齡混合偏乾肌，喺香港又濕又熱嘅天氣下，搽面霜最怕「漿住塊面」，但又怕保濕唔夠會乾到繃緊。KANEBO呢支2026年4月全新推出嘅平衡潤妍保濕乳霜（Skin Conductor，約HK$360 / 60g），專為「油脂分泌過盛卻乾燥緊繃」嘅複雜肌膚研發 🧴 質地：輕盈絲滑，抹開似水感精華 · 質地係輕盈嘅乳霜狀，但一抹開好似水感精華咁，延展性極高，完全唔厚重 · 上面後好快就吸收晒，清爽零黏笠，唔會焗住皮膚 · 用完會喺皮膚表面形成一層薄薄嘅保護膜，感覺係高級嘅柔軟透亮感，唔係油淋淋嗰種 🌸 用後感：水油平衡改善，冷氣房都夠潤 · T位出油減少：持續用一排，T區出油明顯減少，鼻翼毛孔望落細緻咗，呢點真係好驚喜 · 面頰夠潤唔乾：以前洗完面兩頰成日繃緊，用完呢支感覺水油平衡做得好，冷氣房過夜都夠補水 · 皮膚變軟：用完約一星期，最大嘅差別係「皮膚變軟」，摸落滑溜咗好多 · 清爽透亮：用完有自然透亮感，唔係油光，朝早上妝都貼服好多 · 香氣療癒：淡淡嘅高級草本花香，護膚過程都變享受 🔬 核心成份與原理 · 「不飽和脂肪酸」抑制技術：

Kanebo 2026天使蜜粉餅 GR版 ——集藝術與實用於一身🎨✨ 本身係熟齡混合偏乾肌，喺香港又濕又焗嘅天氣下，定妝最怕變面具臉。Kanebo 2026年GR版天使蜜粉餅（30g，約HK$680-980）， 最吸睛就係佢嘅包裝，所以買～ 🎁 包裝設計：藝術品級收藏 呢款2026年版主題係「連結幸福」(Connecting Happiness)，復刻1991年初代「水之女神」經典花紋，粉嫩玫瑰粉金外盒配陶瓷質感女神浮雕，精緻到好似首飾盒。仲有30g大容量粉芯，送埋一個替芯，呢個設計非常環保貼心。 🧴 粉質與妝感：輕薄絲滑，自然透光 粉質極致細膩貼膚，一掃柔焦毛孔，形成自然霧面質感但又唔會乾燥繃緊。完美演繹日系透明感妝效，帶微微珠光令皮膚望落飽滿有光澤。色號為自然米白帶微粉調，上臉自然提亮，絕不假白。 🌞 持妝控油：同潮濕天氣講Bye Bye 2026年粉體配方加入更多吸油成分但不影響膚感，經實測可維持約8至12小時清爽度，有效抵禦汗水油脂，底妝全日唔易斑駁。我返工後再去街，T區同鼻翼都無油光泛濫，係戶外活動嘅最佳拍檔。 🛡️ 保養成份：定妝同時養膚 除咗吸油因子，同時注入多