agnessstang好用推薦：唔知用咗幾多支嘅眼線液 而家用緊嘅色號有 Mocha Grege 帶點灰調嘅啡色 搭配各種色調嘅眼妝都冇問題 Rose Brown 酒紅色🍷 搭配玫瑰色調嘅眼妝最好睇 e.g. 3CE Overtake 但都百搭 e.g.大地色系眼妝都ok Rosepink Brown 玫紅色 河北裕介老師(&be創辦人)監製嘅crossover限定色 喺日本買的🇯🇵 雖然個色偏紅多過啡 但其實個色唔算難carry 適合搭配玫瑰色調嘅眼妝 e.g. &be Eyeshadow Palette - Rose Brown🌹 Love Liner嘅色號算多 由黑色到唔同深淺嘅啡色都有 而且間中會有卡通聯名款 價錢都唔算貴 未用Love Liner之前用開Dolly Wink 轉咗用Love Liner之後一直回購 Dolly Wink用幾個月支筆就會開始乾 但Love Liner可以用好耐都維持到穩定+足夠嘅出水量💧 顯色 易畫 粗幼眼線都畫到 持久防水唔甩色 (不過我本身唔係容易溶/暈眼妝嘅人) 係有一次喊咗好耐就甩咗條眼線🤣 但佢唔係甩到好污糟暈開咗嗰隻 就係純粹條線甩咗 輕輕抹走甩咗嗰啲就ok

格仔餅公主好用推薦：超好用唔暈染，油眼妹子我話既，撞正佢有特價既時候入手好抵玩，留意返佢成日都會同唔同角色聯乘，特別版仲好有心機，包裝同筆桿都會唔同，有時仲有特別既顏色。對於新手佢既眼線筆好友好，如果你已經畫到出神入化，佢個頭做得好好既眼線液相信都唔會令你失望

迪迪好用推薦：日本旅行時行藥妝店無聊畫上手，然後比較其他品牌，呢個用手捽都仲keep到即買！粉紅色自然唔驚重手左，都算顯色。最緊要勁岩屬於多眼油的我，keep到勁耐唔溶🙏🏾值得入手。