naturaglace 好用推薦產品

mysecretgarden好用推薦：當初買呢款防曬，最主要係看中佢嘅成份非常好，非常天然，連孕婦都用得，而且平時淨係用洗面奶就可以直接卸除，對皮膚完全無負擔，啱晒懶人。 佢本身帶有輕微嘅潤色效果。平時如果想妝感濃少少，直情可以搽多幾層，佢嘅遮瑕力同修飾度高到可以直接當粉底使用。因為佢嘅質地屬於比較滋潤嘅類型，所以搽完之後一定要記得上返層碎粉去定妝。定咗妝之後，整體效果都幾持久，望落好自然，亦都唔會出現溶妝甩粉一撻撻嘅情況。雖然佢偏滋潤，但只要加埋碎粉，對我嚟講絕對係夏天嘅好選擇。

Fng好用推薦：naturaglace 嘅產品稱孕婦都用得，同埋唔使特別卸妝，普通洗面產品都可以清洗。咁我去到日本就喺當地買咗01號色， 淺色偏黃調，試完之後真係覺得麻麻😔。 妝持久力等於0 😵， 一上完妝已經見到 全塊面勁顯毛孔😭， 粉底液攝曬落毛孔入面，白芝麻一粒粒咁，慘不忍睹，令我好想即刻洗咗去， 堅持去到夜晚溶到一撻撻，勁核突。 我試咗幾次都係咁嘅情況 (有試上唔同嘅碎粉定妝，想睇下有冇改善) ，但結果令人失望， 唯有自我安慰 它應該唔多適合香港天氣用🤔 而家被我打咗入冷宮🤫🫣， 浪費金錢系列 😮‍💨。