沙宣 好用推薦產品

Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺

Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好

TL好用推薦：用咗呢款潤髮乳大約三星期，每次洗髮後均勻塗抹於髮尾並輕輕按摩，停留一兩分鐘後沖洗，潤髪乳質地呈現乳霜狀，非常容易沖洗，完全冇黏笠感。 瓶身係類似潤手霜的軟管設計，而帶有”令”身面的設計，亮眼又好拎。 用咗之後最明顯的改變是頭髮的觸感，部分毛燥變得絲滑，吹乾後頭髮仍保持自然及有光澤。到咗第二日，頭髮仲保持到水潤柔順、不扁塌，添加玻尿酸精華分子，更加提升咗保濕度。

AC好用推薦：唔止一次用沙宣嘅產品，除咗洗髮露特別喜愛用佢嘅護髮產品。完再沖水已經覺得頭髮好順滑冇打結。

格仔餅公主好用推薦：用完個頭好香但小心佢潤得滯，因為我一搽頭皮即刻生頭瘡，同埋過水過乾淨啲比較穩陣，用完頭髮係滑啲但用完無再買過lu

wintonggg好用推薦：洗完髮尾會順好多，唔會kick，但係沙宣D洗頭水味道好重，個人唔係好鍾意

Milo101好用推薦：🌟非常方便使用，用後頭髮潤滑，但冬天用個人來說不夠絲潤 🌟在夏天也有用沙宣清盈的護膚素，使用感比這瓶更好 🌟性價比高，在個人護理店舖購入的，但未必會回購了

Circlecyy20好用推薦：效果普通 只是一般嘅潤髮乳 降毛燥嘅效果不太出色 沒有宣稱的效果咁大

iliya 好用推薦：呢款精華乳明明就主打撫躁，不過洗完頭之後嘅頭髮都無特別順滑嘅感覺，又無滋潤嘅感覺，反而仲有少少頭皮！

Winnie好用推薦：濕髮吹頭前或乾髮夾頭髮之前用，是不是沒那麼傷髮不太肯定，不過噴完吹頭感覺顺滑些，反而不太建議夾頭髮用，始終夾髮乾髮好些。