POLA 好用推薦產品

ying好用推薦：✨ POLA B.A WASH Facial Wash 泡泡綿密・好滑 洗完完全冇繃緊 「泡泡綿密・好滑・洗完完全冇繃緊」——呢三句已經講晒。 ✅ 泡泡綿密 佢嘅泡沫唔係普通嗰種， 係超濃密、超細緻、好似cream咁嘅質感。 起泡好容易，少少份量已經可以搓到成手泡沫。 洗嘅時候好舒服，好似敷緊cream咁。 ✅ 好滑 洗完之後塊面係好滑嘅， 唔係「澀」嗰種感覺， 而係好似做咗facial之後嘅滑嫩感。 用手摸都feel到分別。 ✅ 完全冇繃緊 呢個係最大嘅重點！ 好多洗面膏洗完係乾淨，但塊面會緊、會乾。 POLA B.A WASH 洗完之後， 塊面仲係舒服嘅，唔會繃、唔會乾、唔會想即刻衝去搽嘢。 乾肌都用得好放心。 ✅ 清潔力夠 雖然唔繃緊，但清潔力一啲都唔弱。 用完之後，塊面係乾淨嘅， 冇油、冇殘留、冇「仲有嘢」嘅感覺。 可以好放心做後續護膚。 ✅ 高級享受 洗臉變成一個好療癒嘅過程。 泡沫質感、香味、洗完之後嘅膚感， 全部都係高級享受。 #POLA #POLABA #BAWASH #POLA潔面 #泡泡綿密 #好滑 #洗完唔繃緊 #貴婦潔面 #抗糖化 #日本頂級護膚 #

Sarah好用推薦：用咗一段時間呢支黑BA潔面，講下細緻感受。 質地： 膏體質地系綿密軟糯嘅，小小一粒就可以搓出好豐厚嘅泡沫，泡沫細緻又貼面，敷喺面度好似軟墊咁，清潔毛孔之余唔會刮膚。 效果： 洗完面最明顯就系唔乾唔繃，面頰摸起身軟潤彈滑，唔會有洗完面乾澀、繃緊扯皮嘅不適感，敏感膚質早晚用都溫和。 性價比： 不過老實講，定價實在偏貴，抗衰、提亮功效我堅持用落收效好細，畢竟洗面奶效果同個高昂價錢唔成正比。品牌效應吧。

Also melon好用推薦：同為貴婦級卸妝乳霜，比Shu uemura 琥珀卸妝油更加貴，好似洗面膏咁嘅size。 BA卸妝乳霜好方便，直接上臉按摩就可以，而且唔需要喺手心溶化卸妝霜。乳化按摩都好舒服，可以揉出面部好多死皮粒粒出嚟，之後乾手按摩洗淨，建議最後用返BA洗面膏。 如果唔係化太濃妝嘅話，卸妝力足夠，眼唇都一次過落乾淨，用完之後皮膚係會有保濕度，有剩餘嘅油潤感。雖然我混合性皮膚用完都冇起粒粒，如果係乾性皮膚就應該好鍾意。

橘子貓好用推薦：B.A Cleansing Cream N 跟同品牌Wash N 同一系列的卸妝霜，以獨有的修護乳化技術，改善膚色暗沉，洗後保持肌膚柔潤不緊繃，打造水潤幼滑肌膚。綿密的乳霜接觸肌膚後，即轉化成滋潤、高效油性清潔產品，讓面上彩妝稍稍打圈就可以乳化，讓肌膚更具光澤感。卸妝霜跟潔面乳不同，是以滋潤為主，也不適合直接用來卸眼部彩妝，會糊眼跟澀眼，如不配合同系列的清潔力稍強的潔面乳，偏油肌膚單用卸妝霜會覺得有點太過滋潤。適合乾性的肌膚。

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

綺羅香好用推薦：自上次用過Pola 美白精華之後，對同系列其他產品都好有興趣，就試入呢款美白防曬，質地水潤，好推唔笠，又唔會泛白，但一睇成份表，入面有危害珊瑚嘅成份，為咗想對海洋生態出一份力，唯有忍痛放棄入正裝，希望日後會出海洋友善嘅版本

Kura好用推薦：用咗好耐嘅精華水，質地係偏厚身嘅精華水，搽上臉好保濕，但會有小小香味，搽上臉按摩一陣好快就吸收，一支可以用到好耐，不過價錢偏貴，如果有預算都可以一試，產地係日本

Lumi Kwan好用推薦：購自日本，pola本來就係日本貴婦品牌，所以作為一支toner，只能話用完可有可無咁，唔太大感覺，質地尚算清爽，不過唔值呢個價，要買一定要去日本。

AK好用推薦：呢支WHITE SHOT 炫白淨透精華液質地輕薄，保濕度一般，已差不多用完一支了，均勻膚色還可以，但淡斑效果似乎不大明顯。

綺羅香好用推薦：用過無數牌子嘅美白精華，如果今年要我選出最愛用嘅美白產品，一定必選pola CXS n同SXS呢個組合，除咗貴同停用會打回原形之外，搵唔到仲有咩缺點，亦由於實在太貴唔敢隨便入手，就買sample 試試，雖然細細支，不過都用咗兩個禮拜 倒出嚟係透明如水嘅液體，無任何味道，非常好推開，3滴已經夠搽全面，用咗一段時間完全唔會致敏，其他美白產品要用比較長嘅時間先見到美白效果，但pola 一星期內已經開始見效，雖然我膚色偏白，但好易暗沉變黃，用咗pola 之後，起身照鏡塊面仍然都係咁白，痘印好快消失，暗沉少咗，膚色均勻咗，搭埋另一支SXS一齊用，面上灰色色斑好快掉淡大半，令我感嘆果然貴得有道理，今年美白工作就交俾pola

Kuma醬好用推薦：之前用過其他牌子嘅美白產品， 都容易令我皮膚敏感， 美白效果做不到之餘， 仲會容易生暗瘡。 第一次試Pola嘅美白產品就係呢支white shot。 因為想試吓去掉面上嘅暗瘡疤痕同一啲色斑， 雖然價錢比較貴，但效果冇令我失望， 基本上持續用一個星期就會見到效果， 我只係晚上在有暗瘡印和色斑上擦， 一個星期之後，暗瘡印和色斑已淡咗好多。 但有地方需要注意，產品質地比較黏稠， 要自己睇住天氣擦， 如果天氣太潮濕或者太熱， 嗰一排就唔好搽， 因為會容易生暗瘡， 選擇一些比較乾燥或者寒冷嘅天氣搽， 效果會比較好。

綺羅香好用推薦：唔知幾時開始，我面上有一塊唔大唔細嘅灰色色斑，一直都好苦惱想要祛咗佢，又唔想去美容，試過好多支聲稱祛斑淡斑嘅美白精華，用完成支都係勉勉強強淡咗少少，直到入手pola CXS n同SXS，話佢哋係我用過嘅最強祛斑組合都唔過分 SXS要跟CXS n之後用，唧出嚟係白色結身嘅cream，無任何氣味，因為係重點美白，唔需要全面搽，我就特別搽係色斑位置，搽嘅時候，SXS會由cream 化成水被吸收入皮膚，斷斷續續搽咗兩個禮拜，灰色嘅斑變成啡色，顏色明顯淡咗，雖然未去到完全消失，但係出現變化已經令我好surprise ，相信堅持搽多一段時間真係做到我心目中祛斑嘅效果

Yty好用推薦：呢款Pola黑ba 抗糖面霜係舊版，我已經啱啱用完空瓶，係我起碼第六瓶了，面霜質地滋潤容易推開，一粒珍珠份量已經足夠全面，喺日本旅行嘅時候就算落雪天，用左皮膚都唔會覺得乾燥同埋掹緊，改善「透明感」同滋潤亮白，而且唔會引起敏感好安心，去旅行就算夜瞓都可以保持到皮膚柔軟唔卡粉，有興趣購入新版 #「透明感」 #抗老 #抗糖#【提升肌膚透明感的護膚品】

JuneL好用推薦：B.A Cream 由於滲透膜被外圍的保護膜及滲透膜雙重保護著, 使美容成份配方的效果更持久! 它質感豐盈柔滑, 容易被肌膚所吸收, 滋潤度高，所以每次只需用少量，放在手心中搓揉後再輕按上面，已能與肌膚融為一體!

Rosa好用推薦：連用兩支，感覺眼紋同虎紋位有改善。但是他的質地比較膏狀，我一般另外用液體狀爽膚水或者透明質酸一起用，明顯好用很多 ！建議質地有待改善

Kuma醬好用推薦： Wrinkle Shot重點係激活膠原蛋白及修補肌膚損傷，即時撫平肌膚紋理，對皺紋功效顯著。 產品質地只能按壓上眼部，很難推開。 因為我自己本身皺紋唔係好明顯， 所以唔係好見到效果， 買完都覺得自己買錯， 因為我黑眼圈比較嚴重， 只能講產品對黑眼圈完全冇幫助…

Kuma醬好用推薦：Pola BA系列嘅產品無論那要支都很好用，呢支Milk N都一樣， 有彈滑、柔軟、彈性及光澤感嘅功效，尤其光澤感很是顯著。 夏天使用也很適合，雖然是乳液，但是不黏不立，很適合在精華素後使用，更可搽在眼部及嘴部。 唯一嘅缺點係個瓶身， 護膚品價值$1000以上，但容器是塑膠， 將護膚品搽上面後， 手上殘留嘅護膚品會印咗啲手指模落個容器上， 整體用後體驗唔完美，塑膠瓶身亦顯得唔高級。

JuneL好用推薦：B.A 這款乳液 質地呈白色乳液狀，含柔軟薄膜結構的透氣油潤配方, 令塗上肌膚後， 都能極速吸收的同時舒緩肌膚, 滋潤度挺高，所以用量不需太多，有時天然不算太乾時，晚上用它已液夠，無須再塗上面霜!

Miranda好用推薦：【質感】 呢支眼霜嘅質地係比較厚身嘅乳霜狀，望落有啲似軟膏，摸落紮實但唔算硬。用手指沾起嘅時候，感覺到佢嘅密度好高，延展性一般，唔係一推就化開嗰種，需要多啲時間輕輕按摩先會融落皮膚。上面之後，初頭會覺得有層滋潤膜喺眼周，唔算油膩，但亦唔係清爽型。過一陣吸收之後，黏笠感會減低，但依然有種「存在感」。如果鍾意輕薄質地嘅人可能會覺得有啲負擔，但乾肌或者熟齡肌可能會接受呢種豐潤感。要留意嘅係，如果用量多咗，有機會令眼周皮膚有少少焗促，甚至會同後續嘅防曬或者遮瑕產品擦出擦膠碎。 【使用感】 使用感方面，官方主打重塑緊緻、抗衰老，針對眼袋、皺紋等問題。我用咗大約一個月，早晚用喺精華之後。佢嘅設計係細支管裝，擠出嚟幾方便，衛生程度都OK。搽嘅時候要花少少時間按摩先會完全吸收，期間感覺都算舒服，冇刺痛或者發熱。基本嘅保濕效果係有嘅，用完眼周會軟滑少少，乾紋喺即時會淡咗。但係，佢聲稱嘅「重塑緊緻」功效，我真係感覺唔到。眼袋依然喺度，冇明顯收緊或者提升。黑眼圈都係一樣，冇提亮到。至於細紋，即時效果有，但幾個鐘之後就現返出嚟，唔算持久。另外，佢嘅滋潤度對於乾肌嚟講算合格，但混合肌或者油肌喺夏天用可能會覺

Kitty 好用推薦：呢支眼霜真係算大支又耐用💪，唧出嚟嘅質地比較稠身，但搽上眼超滋潤🌊，一啲都唔油膩！初頭用嗰陣我只係敢搽少少，驚太營養會生油脂粒👀，點知——原來我完全諗多咗！😱 呢款眼霜吸收力勁強，越搽越多都照吸得透💨，而家我每次會唧一粒綠豆咁大💚，均勻點喺眼周，重點按壓眼眶，再從眼尾拉提上太陽穴🌞。順手帶過上眼皮（記住唔好停留太耐🙅‍♀️），重複按摩2-3次，直到完全食晒入皮膚為止～ 氣味方面好高級，就係貴婦眼霜嗰種溫柔淡花香🌷，聞住已經覺得自己係貴婦👑。以我輕熟肌嚟講，抗衰老需求完全滿足到，唯一缺點就係有少少貴。。。如果價錢靚仔啲，我一定無限回購🔄！ 🔔提提大家，因為佢夠滋潤，用到就快見底嗰陣，記得剪開支管✂️！入面仲黐住好多剩餘嘅膏體，慳慳地用隨時夠搽多成個禮拜㗎～慳家精必備技能‼️