CLIO 好用推薦產品

TsuenMa好用推薦：#CLIO KILL COVER FOUNDATION CUSION 係我第一次入手嘅氣墊粉底，氣墊粉底評價好壞參半，有人看重佢嘅方便性，亦有人話吾衞生（係係清潔好個粉撲嘅情況下）。我入手嘅原因係睇到有人評論話上妝補妝都好方便，但事實上呢個產品未必適合我。 呢隻氣墊粉底係韓牌，一般色號都係偏白，我呢隻係3.5 BO vanilla 色，上左面明顯白左兩度以上，對我嚟講有啲啲多左。 但呢隻好嘅係已經有最高防曬系數，SPF 50 PA+++，趕時間出門吾需要再另上防曬，慳返些少時間。遮瑕力亦算好吾錯，基本上印多兩下就遮到黑眼圈。 但係唯一用左甘耐都有嘅問題係佢好浮粉，我坐office 冷氣房，淨係返工有出過戶外，但係未到放工時間，下午就已經浮晒粉，對我嚟講都仲係未跨越到嘅痛點，試過配搭吾同嘅保濕打底，都係仲有呢個問題出現。 如果帶出街補妝仲災難，補完個位會一撻撻，好吾貼服，吾用佢補妝可能會仲好啲。 但佢一上完面係好ok的，可以只適合我用黎短暫出個街。

Akassoo好用推薦：Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。

Emily Siu好用推薦：當下正是入秋的季節，皮膚亦因用酸而變得更為乾燥、起皮。clio此款氣墊能為我的紅棕色痘印提供中度遮瑕，更提供了奶油肌的光澤感，帶妝8小時仍能保持不錯的妝感。

Lydia好用推薦：CLIO 柔霧遮瑕氣墊粉底（紫色盒）用咗一段時間，主要夏天用得多，因為佢清爽霧面，適合我呢種混合偏油、皮膚偏白嘅人。整體嚟講，佢最吸引我嘅地方係好容易用，開蓋就有附面撲同鏡 (連埋補充裝) 平時帶出街補妝好方便。 包裝: 紫色盒，簡單實用，係有少少重，補妝個陣塊鏡算夠大, 坐車或者喺office補妝都唔麻煩。顏色我用21N象牙色，偏白皮膚用落自然，唔會太白或者假，上臉之後遮瑕力中上，少少紅印、毛孔都可以遮到，妝感係柔和霧面，皮膚望落乾淨細緻，唔會油光滿面。 質地: 唔係平時好多窿窿嗰種網狀氣墊，而係偏幼滑濕潤嘅粉底質地，撲上去順滑服貼，但又唔會好油膩或者焗住皮膚，幾適合油性或者混合皮膚。控油能力中等，夏天用可以維持4-5個鐘左右，T字位同鼻頭會有少少油光，但補妝都容易，唔會積色或者浮粉。 使用方法: 我通常素顏或者搽少少保濕/防曬之後，直接用佢塊撲輕輕按壓氣墊，再拍勻全臉，瑕疵位印多兩下就ok。因為佢方便，我平時返工唔想化全妝，就坐車嘅時間拍一拍上面，幾分鐘搞掂，妝感自然又唔會太厚，夠晒日常。 優點： • 超容易用，開蓋即用，有鏡有撲，出街補妝方便。 • 質地幼滑濕潤但唔油，