SABON 用家評價

🌿 Sabon薄荷磨砂膏 🌿冰涼醒神・細緻磨砂 每次皮膚有粒粒，我會即刻諗起Sabon呢支 透心涼神器 薄荷磨砂膏！每次用都好似同全身肌膚做咗次『深呼吸』，忍唔住要同大家深入分享佢嘅質地同埋陣陣仙氣！ 🍃雙重質地解密： 一打開就見到成樽晶瑩嘅海鹽浸泡喺翠綠色精油入面，未用已經好治癒！挖一勺上手，佢嘅海鹽顆粒非常細緻，完全唔會拮肉。一按摩，海鹽會慢慢融化，同底層嘅潤膚精油完美混合，沖水那刻，皮膚表面會留低一層絲絨咁滑嘅保護膜，係真正嘅「先磨砂，後潤膚」，用完完全唔需要再搽Body Lotion！ 🌟 用後感： • #醒神首選 ：沖涼嗰陣，薄荷嘅清涼感會慢慢滲出，唔係嗰種刺辣，而係成個人好似食咗粒薄荷糖咁醒神，沖走哂成日嘅疲勞！ • #滑溜觸感 ：用完之後，手肘、膝頭哥呢啲「死角位」都即刻變得滑溜，摸上去係「咕𠱸」咁嘅柔軟觸感，忍不住成日摸自己對手腳！ • #持久幽香 ：個香味好高級，係一種帶住植物青澀感嘅薄荷味，唔會俗套。沖完涼成個浴室同身上都會留有淡淡餘香，好舒緩。 💡 特別用法： ▸ 朝早沖涼用，冰涼感可以即刻喚醒身心，比起飲咖啡更提神！ ▸ 集中按摩手肘、腳跟同膝蓋，可

🫧 Sabon經典身體乳液 🫧奢華香氛・絲絨質感 每次行過Sabon專櫃都比佢陣陣香氣勾咗個魂入去！貴婦級享受 嘅身體護理真係名不虛傳，忍唔住入手支經典系列身體乳液！同大家分享呢個由香氣到質感都滿分嘅用後感～ 🌸質地： 佢嘅質地好似絲絨咁軟滑，一推開就感受到佢嘅豐潤，但絕唔係厚重嗰種！吸收速度好似同皮膚做緊SPA，滲透嗰陣仲會聞到陣陣清香，用完皮膚即時有層天鵝絨般嘅柔軟觸感，滑到忍唔住想摸多兩下！ 🌟 真實用後感： • #香水級留香 ：臨瞱前搽，第二日起身成張被都係淡淡清香，連成日話我用太多香水嘅老公都話好聞！ • #乾燥肌救星 ：對手踭同膝頭哥呢啲「沙漠位」，搽完即刻滋潤返，摸落去冇咁粗糙 • #約會神器 ：出街前用，個陣若隱若現嘅香氣，比起噴香水更自然吸引！ 💡 用法： ▸ 沖完涼趁皮膚仲有微濕，用兩泵分量由下至上按摩全身，鎖水效果更加持久 ▸ 如果想去角質，可以混少少Sabon磨砂膏一齊用，即刻提升滋潤度同光澤感 ▸ 每晚用三泵分量厚敷喺腳踭同手肘，5分鐘後輕輕按摩，粗糙位置會變柔軟 真心推介俾鍾意香氣持久、追求高級護膚體驗同埋想提升女人味嘅姊妹！雖然價錢有啲高，但係絕

Sabon- 味道帶來的儀式感 Sabon里最喜歡的味道是green rose 綠玫瑰，從磨砂到身體到手霜系列都試了個遍。這個味道感覺在傳統玫瑰香氣中揉入了柑橘清香，綠感很足，絲毫不膩 ，非常清新，彷彿置身玫瑰園區嗅到枝條葉綠剛摘下來的甜脆 玫瑰上還戴帶著水珠！喜好玫瑰又怕甜的人強烈推薦試試！ 乳霜質地，很好推開，和之前的磨砂膏一個系列，味道超好聞，非常清新！身體乳很好推開，乾皮姐妹冬天用可能會不夠滋潤，春夏使用完全夠用！下次買別的口味試試！

年初入手咗Sabon Green Rose身體磨砂，之後就愛上咗！畢竟唔平嘛，成$4xx一樽，如果唔好用真係會心碎💔好彩——完全冇失望！ ✨香味首先贏咗！ 一打開就係好清新嘅綠意玫瑰香，唔係好俗氣嘅濃烈花香，而係帶少少木質+植物嘅氣息，好溫柔好放鬆～沖完涼之後陣味會淡淡咁留係皮膚上面，成個人好似被玫瑰園包圍咁，好治癒！如果鍾情玫瑰香但又怕太娘嘅，呢隻絕對可以試！ 磨砂粒子夠細緻。 之前用過一啲平價磨砂，粒子真係粗到刮皮膚……但Sabon呢款就完全唔會！佢嘅海鹽粒子幾細，沖涼時靠體溫融左佢之後輕輕打圈按摩個陣好舒服，完全冇刺痛感。尤其係手肘、膝頭哥呢啲容易積舊角質嘅位，磨完即刻滑溜咗，摸落去軟熟哂！ 💦用後唔乾燥，皮膚變得好水潤。 最驚喜係沖完水之後，皮膚唔會拮拮緊或者乾繃！因為磨砂裡面含有精油成分，沖完之後皮膚表面會留低一層好薄嘅保護油，唔黐立立，但就好滋潤。後續即使懶得搽body cream，第二日起身都依然keep到滑溜感！ ☁️整體評價：值得試！ 雖然價錢真係有啲貴，但一樽其實都好耐用（每次唔使用到好多），同埋效果真係明顯！尤其適合而家轉天氣，皮膚開始粗糙或者有啲暗粒嘅朋友

Sabon 嘅 Green Rose 係for嗰啲如果你怕傳統玫瑰嗰種太甜、太濃嘅人！Green Rose 絕對會令你改觀 佢係一種好清新、帶少少檸檬草同柑橘調嘅玫瑰香，感覺好似行緊清晨嘅英式花園咁，好refreshing，相信大部分人聞到都唔會覺得抗拒 質地方面Sabon 嘅護手霜出名滲透力好 佢入面有乳木果油同蘆薈精華，質地係比較creamy 但一推開就好水潤 而且佢吸收速度極快！搽完之後十幾秒，雙手就已經乾爽返，可以即刻玩手機或者打字，唔會留低一個個油印 如果係對於返工要成日用電腦嘅 OL 嚟講，呢點好加分 保濕力方面，佢屬於中等偏上 如果你對手係乾到裂開嗰種沙漠肌，可能未必夠力，要補搽多幾次；但作為日常保養、預防倒刺，佢絕對夠做。佢個缺點可能係金屬管身設計，用到最後會有啲難擠，同埋如果個蓋扭唔緊，放手袋容易壓扁漏出嚟。 滋潤度： ⭐️⭐️⭐️ 清爽度： ⭐️⭐️⭐️⭐️⭐️ 味道： ⭐️⭐️⭐️⭐️⭐️ (超推介 Green Rose!) 推薦度： ⭐️⭐️⭐️⭐️

这款浴盐是茉莉花味道，打开有股淡淡的特殊香味，但是本人不太闻得习惯。浴盐表面有一层水，混合着盐，在皮肤残留久了会有不舒适的感觉。 冲干净沐浴液后，轻轻涂抹在身体角质比较厚的位置，譬如脚后跟、手肘，或者背部容易有脂肪粒的部位，轻轻搓揉片刻后用清水冲洗干净。冲洗后能感受到有一层油油滑滑的保护膜，但是如果是搓脚的话，会更加容易打滑搓不干净。不过擦干身体后，皮肤确实更加软滑了，一周使用一次就差不多了。

Sabon嘅Jasmine body lotion, 先講香味，隻香味幾好，幾清新，雖然唔係好覺得係茉莉花香，但係都係香嘅，重點係搽完之後，可以留香好耐，過咗一大段時間，聞返都仲有香味喺度，所以香味呢一度幾好。 保濕方面，佢都易推，而且都夠滋潤，比坊間一般body lotion杰身少少，但係都OK，唔算太水狀，所以都夠Rich，用完又唔會好黐立立，幾好 整體嚟講，保濕力唔錯，香味亦都持久，我諗潤膚乳最重要嘅功效主要係保濕，香味，唔黏，所以呢支算係幾好嘅身體潤膚乳液

- 三合一面膜代表能夠做到清潔、去角質、排毒同時保濕效果嘅面膜。成份就係蘊含90%死海泥同礦物質去除肌膚的污垢和油脂，深層清潔毛孔，同時預防暗瘡粉刺形成。 - 因為成份有保濕去角質就要塗全面，起初好怕乾到敏感，結果反而皮膚好細嫩好柔軟好舒服！ - 上面會感覺到有好多好幼細嘅粒子質地同時都好細滑。有香味但好淡，好似做spa感覺 - 面膜會隨著時間愈長，面膜會冇左水份變得好乾燥同繃緊，可以用用水輕輕按摩面部，令磨砂粒有透過按摩去角質，洗完面皮膚好細緻、唔會乾，感覺更平滑 - 盒面膜放耐左都唔會變得乾，所以可以變得耐用，推薦！

香味療癒，令人放鬆舒服。可溫和去角質，但深層清潔的力度實在太薄弱，無助於吸走黑頭粉刺，可能適合啲皮膚比較容易敏感的人使用。

朋友係日本買既手信，第一次用，真係好正好香，會想之後都keep住用❣️

Green Rose屬於花香同果甜中帶住木質調，我超鍾意木質香嗰種沉穩感覺！成分有牛油果同乳木果油，秋冬乾燥天時，大乾皮救星非佢莫屬，潤到爆燈💦 成日做家務搞到手指爆坼，夜晚臨睡前搽厚一浸，第二朝就已經好返七八成。一推開就感覺到精油融化嘅潤滑感，但係又唔會黐立立，呢個平衡真係好神奇～就算成日要經常洗手，都可以keep住滋潤度。 而且個包裝靚又方便帶出街，性價比都OK！如果鍾意清新花香調嘅朋友，真係要試吓。唯一缺點係香港賣得貴咗少少，但護手霜屬於必需品，我會去日本旅行時順便買多幾支返來，都算抵用～會回購！ 真心推！

呢盒面膜我想買好耐咖喇！自從買左佢同系列的body mask之後就一直對Sabon呢個牌子充滿好感😍好多謝@cosme會員禮的獎品🥰 呢盒面膜集排毒、保濕、磨砂於一身，毋庸置疑係懶人必備嘅恩物！我一星期用佢一次，每次會將佢搽係塊面度10分鐘左右，之後輕力地捽住過水。用完之後我覺得塊面明顯地滑左好多好多，而且仲會feel到塊面好乾淨而不乾燥😃再加埋佢既香味就直程係做spa既級別😚 雖然價格少貴，但佢絕對對得起呢個價錢，會係我回購之選！

講下我賣到斷貨嘅超好用冷門品牌！ Sabon呢個牌子我買咗兩年幾， 真係個個用過都必定比好評！ 係冷門得嚟又賣到爆煲🔥！ 呢支面部磨砂膏而家冇盒特價先百零蚊人仔 原價要300+，用完塊面滑溜到呢～治癒到爆！ 仲要個樽真係靚到不得了！ 磨砂玻璃樽加淡紫色膏體， 完全擊中少女心啊！ 支磨砂膏係二合一面部清潔， 即係磨砂+洗面奶二合一， 裡面乳白色膏體就係洗面奶， 質地似足雪糕咁滑溜。 我嘅用法：整濕塊面後均勻搽上臉， 加少少水輕輕按摩， 唔使似其他清潔面膜要等十分鐘， 按摩得七七八八就可以直接沖水。 海鹽磨砂粒子大部分都好細， 間中會有幾粒大嘅參雜裡面。 洗面奶都好溫和唔起泡， 乾性敏感肌都可以放心用。 官方冇寫一星期用幾多次， 我自己覺得當清潔面膜一星期一次就差唔多。 真心推介俾大家！！

皮膚狀況: 冬天乾敏肌，夏天混合偏乾+少敏感 炎炎夏日最需要定期為皮膚進行深層清潔！ 作為混乾肌的我，近期明顯感受到T字位容易出油，提醒咗我係時候進行角質護理。 以往對磨砂面膜有所顧慮，主要擔心使用後會引起泛紅和緊繃感。 但Sabon依款三合一磨砂徹底改變了我對磨砂面膜嘅觀感！ 面膜含有90%死海泥及豐富礦物質，能有效去除厚重角質層和多餘油脂，深層潔淨毛孔。有香味但不刺激，配有細緻磨砂顆粒，敷完10分鐘後用溫水輕柔按摩即可去角質。 最令人驚喜嘅係，洗完面皮膚反而感覺保濕滋潤，完全冇任何緊繃不適！

多謝@cosme比我用到咁好既產品 依家夏天真係非常熱 油性肌膚就梗加慘，皮膚係咁出油會令到毛孔好易粗大或者清潔得唔夠就會生好多黑頭粉刺，所以哩種天氣要一星期都要一次好深層咁清潔塊面 哩款三合一磨砂面膜可以厚敷係T字位、鼻翼兩側同下巴位大概10分鐘，跟住就用水不停打圈以清潔毛孔裡面污糟既野 清潔完之後會有d粉刺出現我會用粉刺夾夾走佢再即刻用濕左爽膚水既棉花敷住佢收細毛孔。哩款面膜用完唔會乾同埋好乾淨大推