Fujiko 用家評價

之前入Cosme行一轉，見到好多新出嘅日本彩妝，入手咗一盒fujiko眼影😛 我選購嘅係01色號，呢盒眼影嘅顏色可用度相當高。由左至右 🍣三文魚色，打底色，上兩層就會成為淡橙色，包眼眼影都唔會浮腫，呢隻色顯年輕🫢 🥫紅磚色，我會係其他嘅顏色打底再喺尾部疊加紅磚色，加深眼窩位輪廓 🥧土黃色，有時化偏秋天土色系嘅妝，用呢隻色就好適合 🍪大地啡色，百搭顏色，有時懶就淨係用手指搽少少大地啡就出街 真心冇一隻色會浪費！ 而且粉質好細緻，好滑冇cake粉。 試過其他開架牌子淡色系眼影，疊加多層都無乜色，一係淨得閃粉粒，但依盒fujiko眼影係真心好上色，新手用手指上眼影都唔會出錯，簡直係開架牌嘅戰鬥機🏅 就算屋企有多盒專櫃眼影，但依盒fujiko我日日都會用🩷

好多youtuber介紹過嘅fujiko頭髮蓬蓬粉～以前用過嘅dry shampoo噴落頭會一堆白粉好難推開，而且香味好假。但fujiko呢個好用好多！我唔係油頭但秋冬唔出街唔洗一日頭，第二日頭髮會扁啲。我就會用蓬篷粉拍喺頭頂，梳一梳個頭就均勻哂。啲粉經個粉撲出黎所以好幼細。不過用完頭髮會有啲kick, 嗰晚就一定要洗頭。但佢細細支拎出街都好方便！唔再怕頭髮塔/睇落有啲油～第一次用嗰時要開入面塊膠紙，啲粉幼到有啲白煙飛出黎～

身為細軟髮質，一直很困擾頭髮扁塌問題，尤其是夏天，朝早洗頭後到中午已顯得很油... 用了Fujiko蓬蓬粉後真的有救，粉末質地很細緻，輕拍在髮根，頭髮瞬間變得蓬鬆自然，就像自帶空氣感，沒有香味，而且完全不會有白色粉末殘留，也不會讓頭皮有任何不適感。現在出門前或日中只要輕輕拍幾下，就能輕鬆維持蓬鬆造型，超級方便！真心推薦給所有跟我一樣有扁塌困擾的人，這款蓬蓬粉絕對是救星！

嘴唇一向冇乜血色 所以想試下lip tint 就算應酬食完飯都唔駛咁病樣😂 Fujiko呢枝喺日本都唔少好評 價格都實惠 我自己平時擺化妝袋跟身 一枝大概用咗四個月空瓶 效果嚟講 妝效同鎖色效果都係相對自然 唔係實色類型 食完嘢都keep到有少少色喺唇上 要完美唔掉色嘅話呢枝就唔太夠 適合淡妝嘅女仔😌 另外 秋冬用都滋潤到我嘅極乾燥嘴唇 感覺唔錯 平平哋可以回購

Fujiko嘅三色胭脂粉筆， 光影、胭脂畫一筆就可同時完成， 這款三色胭脂共有兩個色號， 我買的是01的玫瑰粉色， 01玫瑰色柔和帶冷調，適合冷膚色的女生。 伸縮設計，一推一掃就能為面頰掃上胭脂和光影。 三色8mm闊，亞洲女生可以完美的比例畫上臉。 沿著顴骨一掃，再用手指輕輕推開， 往眼尾和蘋果肌的方向推開， 秒時擁有甜美的臉蛋， 想加深效果，重繪幾次也可以了。

買嘅係01同03色號， 一開始先是買03色，覺得佢個閃粉好靚， 之後發現原來佢個設計係疊配嚟用， 01色係底色，03色係配喺上面嘅閃粉色， 四個顏色可以隨意配搭， 配搭顏色可以有好多種， 完全可以發揮創意， 如果唔用03閃粉色， 可以只用01嘅底色， 亦都實而不華，非常適合型格造型。

又係另一個喺日本旅行發現嘅寶貝，呢個牌子喺loft同plaza有得賣，後期我發現香港莎莎都有，但貨品唔算齊全。好多日本妹都鍾意用佢嘅唇釉，1400 yen都幾合理。佢化妝品嘅顏色都偏向女性化，係有一種大人嘅感覺，顏色低飽和度，好多人都可以carry到。我呢隻顏色係大熱嘅無花果色，偏少少啡紅色，但因為有立體感同反光嘅效果，所以唔會顯老，我起初以為冬天先適合用，但其實夏天都好容易襯色。查上嘴唇後，唔會好黏好立，不過唇釉嘅缺點就係，食嘢嘅時候一定會甩，所以一定要袋住出街去補妝。整體個滋潤度都幾好，茶上咀後好平滑唔會乾，如果再去日本嘅話我都會買。

性價比唔錯嘅頭髮造型產品 細細粒可以用超級耐🤣 帶出街/去旅行都好方便 隨時喺街都可以整理髮型 我手上呢個已經用咗幾年都仲有好多粉 呢個蓬蓬粉係夏天必備 尤其係有留陰嘅女仔 夏天好容易出汗出油 個頭好快塌+變barcode陰 拎呢個粉喺頭頂拍兩下再捽開佢 頭髮就即刻變翻清爽唔笠✨ 如果有汗或者頭髮濕咗就抹一抹個頭先用～ 用量唔使太多 太多粉好難捽勻 個頭會白咗一撻咁👵🏻 唔知係咪用耐咗 唔多唔少都有粉末卡喺開蓋位同個蓋度 每次打開都勁多粉好似煙咁飛出嚟(啲粉末都幾細緻🤣) 所以打開嗰時最好拎開少少 如果唔係會食曬啲粉🤣

Fujiko shake shadow Fujiko 這個開架彩妝品牌給人一種創新的印象，因為旗下產品都是比較突破有趣，就是跟其他品牌不一樣。 Fujiko這個搖搖(液狀)眼影在日本是頗受歡迎的開架眼影，所以在Donki見到售價激減至$20時覺得不可思議呢！ 使用時先搖匀，因為搖搖眼影分兩層，一層是水一層是顏料。由於質地很水感清爽，上妝時很舒適。只需輕點3點在眼皮上，再用手指均勻推開便可，非常方便上妝補妝，還不用帶眼影掃。持久度不錯，但不太防水。沒想到開架眼影也可以這麼好用，性價比高，很值得入手，真有點想收藏其他色號耶。 #06 The Brown 搖搖眼影顯色自然帶幼細閃粉，不會太誇張。喜歡以搖搖眼影作為漂亮的日妝使用，低調帶透明感的顯色十分討好，即使上班也可使用。容易carry的帶閃粉啡色目測很美，而且可以消眼腫。 '

Fujiko Chalk Cheek  漸層打亮腮紅粉筆霜 #01 Rose Light  $119 /@cosme (Langham Place) Fujiko 的部分彩妝很有獨意，例如這個漸層打亮腮紅粉筆霜就很原創。 這枝是推介給 不太擅長畫胭脂及高光的朋友。 Fujiko Chalk Cheek 在日本也是很受歡迎，因為實在太方便易用啦~ 共推出2色, 01 Rose Light / 02 Champagne Light 我會較推介 01 Rose Light， 因為02色 比較淡色 只可當高光用，而不太有胭脂的效果。 01 色的效果非常好，最淺色在上面 胭脂色在下方, 用 Chalk Cheek 輕輕在面頰上掃一下，再輕輕均勻推開，令高光及胭脂都完美融入肌膚，顯色更加自然，用起來十分簡單快捷，可說是零技巧。 玫瑰色的胭脂及提亮高光的完妝效果都非常自然。 喜歡帶少許血色的淡妝的話，會愛用這個色號。 此外，細細件也很方便放小手袋。    

ෆ 空空賞 ෆ 去日本旅行時逛了 @cosme 實體店，看到排行榜上有這隻唇釉就購入了（很相信日本女孩的選擇哈哈） 試色後選擇了 #3 號色，超級漂亮！是我第一隻用完的唇釉，天天使用🫶🏻 因為崇尚自然妝，這隻唇釉很適合，淡淡的時候很日常，很水潤，朋友看到都說很像日本女孩的水嘟嘟唇妝><

去油效果很不錯， 又方便攜帶，適合夏天用，清爽，增加蓬鬆感，唔會扁塔塔。

蓬蓬粉設計很友好 透過海線粉樸輕輕都拍係頭髮到就可以啦 可以輕鬆控制到份量 唔怕一撻撻白色係頭髮到 佢嘅成分幾好 可以吸走頭髮嘅油脂同汗水 頭髮會鬆返啲望落冇咁塌

顏色係一種自然嘅感覺，唔會過分強調嘴唇而且好滋潤，好保濕，用一段時間都唔會甩色喺口罩或杯上，而且味道唔會太濃烈，好有日系感。

我很喜歡Fujiko嘅產品，創新嘅設計和包裝，經常令我覺得好吸引，價錢合理，基本上佢一有新野出我就買，呢隻睫毛膏都一樣，佢個筆頭好特別，同其他捷毛膏不同。 我買嘅係01 blue black，顏色來講普普通通，搽咗上捷毛都係嗰啲顏色，無咩特別。 但佢個筆頭就諗極都唔明點解係咁嘅設計，搽上捷毛好唔方便，不能令捷毛根根分明不特止，一pat咁搽上捷毛度，要好細心咁在捷毛上分開。 仲要佢唔係容易乾嘅捷毛膏，一不小心，化嘅妝就毁於一旦，最後又要等佢乾洒先可以合上眼噴定妝噴霧，真係日落西山。 不推薦呢。