Medicube 用家評價

係尖沙咀cosme做活動時購入，呢款棉片比較特別係需要自己將精華倒入去棉片盒入邊，外觀和整體非常可愛全是粉紅色的，我會早晚洗完面之後敷喺需要嘅位置，通常係面頰，額頭同埋下巴，一盒入邊70塊棉片，吸引我買嘅原因係入面有純度99%高純度三文魚PDRN精華，功效係修復，保濕，彈性同舒緩敏感泛紅，有時做完深層清潔面膜之後就我會用佢敷一陣大概1-3分鐘，感覺上可以退紅同埋皮膚冇咁乾，用完兩盒之後會考慮回購，希望cosme長期有得買啦

- 一直都想試cica降紅嘅調色霜，呢款算係medicube新品，就入手試試 - 外型四四方方細枝，好方便旅行同收納 - 長期泛紅嘅我有時遇到比較低遮瑕嘅粉底會遮唔到，會想配搭調色嘅綠色底霜睇吓會唔會遮到同埋更持久 - 質地係淡綠色，易推，上面就好似一層厚點嘅乳霜，有小小黏笠，但果種黏唔會有不適感，上面成塊面膚色已經均勻咗 ，有明顯提亮效果，暗瘡疤都淡左色，個泛紅位置明顯提亮同白咗 - 唯一美中不足係佢冇防曬，純粹幫你調色， - 使用後暫時未見泛紅位置有明顯改善，但用完皮膚冇咁易敏感不適 - 係皮膚敏感時趕出門嘅一枝急救調色霜，起碼唔會紅到嚇親人 - 推薦俾有降紅需要膚質

小時候太愛吃雞排搞得滿臉痘痘毛孔粗大，黑頭粉刺好像永遠都請不走它！ 後來接觸了酸類，洗面乳也用酸類洗面乳搭配洗臉機….有天偶然發現這個化妝棉廣告打很大，後來也是勸敗買了！ 平常洗完臉後會先敷再臉上（數分鐘後…. 換有顆粒那一面螺旋🌀把臉上的角質去一下！ （加強部位鼻翼跟唇部下方還有下顎的地方） 平常沒在看用完後的棉片，這次特地看了一下，發現好大收穫….決定要分享一下….髒髒臉 感覺棉片上的收穫也滿厲害的！ 不知道大家使用是否也一樣呢？

一部機包含6種功能好方便，隨時想要咩功能禁個掣就用到，冬天時搽精華同面霜時配合部機既保濕功能感覺事半功倍。 雖然本人唔係勤力每日用，但每次使用感覺都良好，而且電流強度有5個程度可以自行調節，可根據自己保養程序去選擇返適合自己既強度，非常方便。

雖然叫爽膚棉，但偏滋潤唔係爽嘅效果，對偏乾肌相對友好。唔會有刺激感，唔似用其他vit c產品咁有時會拮拮地。 有蜂蜜嘅香味，棉片一面有凹凸一面係平嘅，我通常用凹凸面抹全面當輕輕去角質。抹完後皮膚微粘，好似有層膜咁有光澤感，單用我會嫌佢會痴頭髮喺面，如果妝前用後續有搽其他野我就覺得ok。 當初揀佢係見佢話亮白效果，我就真係唔覺有明顯白咗嘅，但好老實佢只係爽膚棉，係護膚第一步，留喺皮膚嘅成份有限，唔可以要求太多。 整體我覺得ok可以回購嘅，但未到非佢不可，所以如果有其他想試嘅爽膚棉，我會試其他再決定回唔回購。

Medicube PDRN粉紅膠原蛋白精華安瓶🩷夏日修護神器 Medicube這支粉紅安瓶絕對係韓系修護受歡迎產品！核心成分PDRN（多聚脫氧核糖核苷酸） 搭配三種膠原蛋白，從肌底促進再生，同類產品中修復力可媲美麗珠蘭PDRN精華，但質地更輕盈，價格更親民✨ 💗成分： PDRN濃度達5,000ppm，能直接參與細胞修復，膠原蛋白則填充細紋。相比The Ordinary buffet（純肽類）或AHC玻尿酸精華（基礎保濕），這支針對受損屏障的修護更精準，尤其適合激光後或極乾燥肌。 💗膚感實測： 淡粉色凝露質地推開化水，吸收後形成隱形保濕膜，熟齡混合偏乾肌用零黏膩。香港30℃濕熱天單用足夠，冷氣房可疊加乳液。試過連續使用一週，脫皮位置迅速平復，鼻翼泛紅明顯減退。 💗持久度比較： 保濕力持續8小時以上，勝過多數韓系安瓶（如CNP蝸牛原液）。雖不及La Mer修護精華的極致潤澤，但清爽度更適合夏日，且對抗冷氣抽濕效果出色。 💕夏日使用Tips： 可混入粉底增強貼服度，爆痘期局部厚敷能加速退紅。注意含少量矽靈，極油肌或嫌不夠清爽。 推薦給：✔️ 屏障受損需快速修復 ✔️ 怕厚重但求深層

Medicube Deep 緊致胜肽面膜 — 滋潤保濕，提亮緊緻一次到位！✨ 面膜&精華質地: 面膜精華係保濕乳液質地，非常滋潤但唔會太黏膩， 搭配柔軟貼膚嘅面膜布，敷上臉感覺特別舒服， 完美貼合肌膚輪廓，提升吸收效果。 分量: 面膜精華分量充足， 仲可以配合Medicube Age-Booster美容儀使用， 幫助加強吸收同護膚效果， 成為提升肌膚狀態嘅強力組合！ 效果: 敷完15分鐘後，面膜仲有豐富嘅精華留喺肌膚上， 感覺持續滋潤！ 敷完即刻感受到肌膚保濕度提升， 蘋果肌變得更加細緻透亮，光澤感滿分， 肌膚狀態即刻提升！ 總結：保濕舒適，緊緻光澤必備面膜 Medicube Deep 緊緻胜肽面膜結合高保濕、緊緻提升同舒適貼膚嘅優點， 無論係日常保養定特別護理都非常適合。 如果你追求一款高效修護、提亮肌膚嘅面膜， 可以考慮依款！🤣

Medicube Red 抗痘沐浴乳對於背後偶爾出粒粒嘅混合偏乾肌，喺香港夏天用呢支專為痘痘肌設計嘅沐浴乳，感覺有驚喜！ 清潔力與清爽度：👍👍👍👍 佢係透明啫喱狀，加水好易起泡。沖洗完個刻，感覺身體非常乾淨清爽，成日流汗嘅黏膩感一掃而空，仲帶微微涼感，夏天用好舒服。清潔力足夠，但又唔會令偏乾嘅身體肌膚感到繃緊或「拮」，呢點好加分。 抗痘效果：👍👍👍 (溫和見效) 用咗一段時間，最明顯係背部同胸口嘅暗粒同紅印有減退，冇再點生新嘅大悶痘。感覺佢溫和地控制住油脂同細菌，唔會太刺激搞到皮膚過乾。當然，嚴重痘痘問題要靠更多產品，但作為日常預防同溫和改善，效果合格以上。 保濕度：🤔 (中規中矩) 佢始終係功能性沐浴乳，唔好期望有強勁保濕力。沖涼後皮膚係滑嘅，但偏乾位置最好都係要即刻搽返body lotion鎖水。 總結： 一支專攻身體痘痘、性價比高嘅清爽沐浴乳。適合香港夏天容易出汗出油、身體偶爾生暗瘡嘅混合肌人士，用作日常預防同溫和調理，keep住皮膚清爽乾淨！

由於長期下巴爆痘，鼻連面頰兩邊毛孔都比較粗大，所以一直好想處理佢哋。 肥medicube有酸嘅系列，買左佢嘅精華同面霜拍住用。 我的皮膚狀況🧏‍♀️ ❗️混合性偏油（鼻位同下巴易甩妝） ❗️兩頰易紅 產品優點👍 ✅上面覺得清爽 ✅易吸收 ✅唔會有刺激皮膚嘅感覺 改善之處😥 ❌收毛孔唔係好明顯 ❌30mL好快用完，可能要用多幾樽先明顯睇到效果？！ 我襯佢官網有折個時買，價格都ok嘅，可以一試。 保濕度💦💦💦 吸收度🧽🧽🧽🧽🧽 性價比💰💰💰💰 回購度🩷🩷🩷

- 棉花一面有壓花，一面平面，壓花部份用作去角質，重回係鼻位打圈，另一面平面輕輕係其餘位置輕輕作二次清潔。擦過全臉一遍。 - 一般同溫和版分別係一般版成份為AHA(單一水基果酸)；溫和版成份為PHA(多重水基果酸) 相對於AHA，PHA係多種果酸複合物， 比較唔刺激皮膚、且安全性高，各類型膚質均適用，添加咗保濕舒緩精華，做到溫和不刺激 - 皮膚乾時會有輕微刺刺感，因為成份有水楊酸、乳酸、成份針對角質調理同舒緩為主，並有酒精成份。所以唔會用黎濕敷，溫和版就唔會刺痛 - 兩款用完皮膚都係清爽，我唔會日日用，會特別係天氣悶熱皮膚悶悶時用。 - 快靚正嘅去角質之選

有四個導入模式配合不同燈光，一邊敷面膜一邊用部導入，用完馬上覺得皮膚有彈性面膜更好吸收。

朋友介紹，我買咗三支精華保濕，搽上面呢都幾保濕，暫時都幾啱用，不過要試吓再凍啲嘅天氣啱唔啱！

使用後無皮膚敏感或泛紅，試用過2片後唔見特別顯著既效果，不過冬天用都夠保濕，可能持續用落去效果會更好。

配合同品牌美容儀booster pro使用，感覺幾好，用完唔會有敏感或皮膚泛紅，皮膚有飽滿既感覺，冬天用都夠保濕。

用完皮膚有飽滿既感覺，冬天使用亦夠保濕，可配合美容儀使用，感覺更良好。