Hair Recipe 用家評價

Hair Recipe 奇異果 + 無花果 去油蓬鬆洗髮露～🥝 夏天返工返學，一出街個頭就『油淋淋塌晒』？ 試過無數控油洗頭水，一係乾到似雜草，一係洗完第二朝又出油？ 今次試呢支 Hair Recipe 奇異果＋無花果， 望落成支奇異果汁咁，好吸引～ 究竟係『控油神器』定係『中伏顏值擔當』？ 實測一星期，同你逐樣數！ 【包裝第一印象】 「成支 綠色磨砂玻璃 feel（其實係膠樽）， 望落好 fresh 好 summer，企喺沖涼間已經覺得涼浸浸～ 泵頭好順，一唧就出，唔使同佢搏鬥。」 【質地 + 起泡度】 「洗髮露係 淡綠色透明啫喱，好薄身，唔係嗰啲漿糊質地。 落水好快起泡，泡泡算 豐富細密，但唔會多到淹死你～ 沖水順暢，唔會覺得『點解仲有啲嘢喺頭髮上面』。」 【洗嘅過程感覺】 「洗嗰陣有陣 清新奇異果＋青蘋果 味，唔會假甜， 似你切開新鮮生果嗰種自然香氣。 涼涼地好舒服，夏天用特別爽。 洗緊嘅時候頭髮有少少乾爽感， 但唔會『澀』到你手指戳唔入。」 【吹頭後效果】 「吹完頭—— 真係蓬鬆咗！ 冇咗平時嗰種『貼頭皮』嘅尷尬， 頭髮係企起身嘅，但唔會乾旱到似草。 控油

多謝cosme邀請試用Hair Recipe 黑米防脫洗髮水！ 相信成日熬夜嘅姐妹都會遇到脫髮問題，洗頭甩一大堆，真係嚇到心慌慌！尤其係我個頭頂分界位愈嚟愈「光明頂」，真係要搵支嘢救亡。最近試用咗hair recipe呢支黑米瓶，頭髮問題真係改善咗唔少！ ⭐️質地同氣味：好似揼咗啲米水落個頭度 支洗頭水係半透明嘅凝露質地，有少少杰身，唔會一倒出嚟就流到成手都係。一打開樽蓋，陣味真係幾得意，唔係普通嘅花香或者果香，而係陣陣天然嘅米香，聞落好溫和舒服，有少少似用緊米水敷面嘅感覺，好治愈，唔會好化學。 ⭐️泡沫豐盈到呢！一泵就夠玩成個頭 我最初驚佢唔起泡，點知濕水後輕輕一搓，啲泡沫多到湧出嚟，係好綿密、好似忌廉咁嘅泡沫，唔係虛砰砰嗰種。呢下好感度即刻大升！因為泡沫夠豐盈，按摩頭皮個陣好舒服，感覺可以徹底清潔到毛孔。 ⭐️洗後感：順滑到唔使即刻用護髮素 沖水嗰陣已經覺得啲頭髮好順滑，完全冇「拮手」或者乾爭爭嘅感覺。就算我趕時間唔用護髮素，用手指梳開都唔會打結，啲頭髮摸落去軟熟咗、有光澤咗，但又唔會扁塌塌，個頭頂依然有番啲空氣感。 ✨ 重點效果：防脫 + 髮縫真係有變窄！ 講到最關

Hair Recipe 黑米防脫洗髮露試用心得 多謝cosme邀請試用！ 呢個係一款主打「溫和滋養、強健髮根」嘅日系洗髮露。包裝設計簡約有質感，開宗明義以日本產嘅黑米發酵精華為核心成分，訴求從根本改善脆弱髮質，減少掉髮！ 🍚成份 ✦✦✦✦✧ · 主打： 日本產黑米發酵精華，模仿清酒釀造方法，等養份細啲，容易吸收。 · 輔助： 加入人參同薑根萃取物，幫手刺激同活化頭皮。 · 好處： 唔含硫酸鹽同矽靈，配方溫和，對頭皮刺激細。 🌸質地 ✦✦✦✦✧ · 係半透明嘅凝露狀，流動性高，捽兩下就會溶咗，唔會「鞋」掟掟。 🌼氣味 ✦✦✦✦✦ · 呢個係一大加分位！唔係濃烈嘅人造香味，係一種好溫暖、好治癒嘅米飯香，好似煲緊黑米糖水咁，有少少甜同發酵嘅香氣。沖完水之後，頭髮會留低好淡好舒服嘅餘香。 🫧泡沫 ✦✦✦✦✧ · 唔係一捽就「嘭」到成頭都係泡嗰種。佢嘅泡沫屬於細密綿軟型，好似Cream咁，好溫柔咁包住每根頭髮。如果你鍾意多泡，建議用起泡網。 🪞滋潤度 ✦✦✦✧✧ (中等長度要注意！) · 對於中等長度頭髮，頭皮同髮根會覺得清爽，但去到髮尾就可能會覺得有啲「乾」。 · 建議

謝謝Cosme邀請我試用 Hair Recipe 嘅生薑清茶洗髮露，上次使用過 Hair Recipe之後一直有回購，因為真係覺得頭皮健康咗，頭髮都蓬鬆咗，但又唔會毛躁，所以今次有得再試用佢哋嘅產品好開心！ 今次呢個生薑清茶洗髮露，即係話脆弱頭皮同埋細軟髮用家而設，我啲頭髮都係好細軟，成日都好塌，所以好期待今次嘅效果！今次洗髮露嘅質感同以往有少少唔同，佢係呈比較結身嘅質感，有少少豐厚感，好似平時搽喺面上面嘅精華咁。但係揉開起泡之後，佢啲泡泡好細膩，又唔會過分起泡，令頭皮好舒服，甚至連髮尾都好柔順，唔會好似其他牌子嘅洗頭水洗到好乾好毛躁❤️用完之後feel到好明顯頭皮係好清爽，但唔會乾，感覺頭皮都係好健康，髮尾都好柔滑，唔會打結；而豐盈感讀都做到，至少唔會係扁塌塌。 以下呢張係用完7日後嘅圖，平時比較少甩頭髮所以比較唔到，但明顯地蓬鬆感，即刻係細軟頭髮都會自動有豐盈感，值得一讚係feel到髮根健康強壯咗，仲要好有光澤感。誠意推介呢支產品比細軟髮嘅女仔，因為佢真係做到有個蓬鬆感，唯一令我覺得扣少少分係個味道，如果可以多啲清新生薑味就perfect!

本人頭皮中性偏油，髮質細軟易塌。 這次的生薑x清茶洗髮露10分適合本人使用。 一支出來的洗發露會有點像是溶化掉的軟糖🤣很容易產生泡沫，真正洗發時的泡沫比圖上的更綿密。味道方面，個人感覺很像chew軟糖的波子汽水味，個人很喜歡，很好聞。 洗完頭後感覺良好，不會覺得頭皮繃緊，但是洗得很乾淨，梳頭是幾乎沒有什麼脫髮。 最令人驚喜的是吹頭時掉髮減少了很多，非常開心。 下圖是剛吹好的頭髮。本人是超級毛燥軟塔的髮質，以前天天頂着扁塌又爆炸的頭上班。 下圖是使用幾天後一早起床的頭髮現況。 真的改善了，非常驚喜意外。 總結一下這次的洗髮露真的很適合脆弱，頭皮及細軟頭髮的用家。 成份天然，使用後感覺頭髮強韌了不少，味道好聞，很享受在洗髮時的過程，使得很乾淨而不覺得繃緊，不會覺得很油，非常清爽，梳頭是及吹頭時掉髮減少了。第二天起床後也不會覺得頭皮很油。 使用幾天後，感覺頭髮柔順了一點，頭頂也蓬鬆了一點點，非常希望日後繼續使用可以改善更多。 之前曾使用同品牌其他的洗髮露，是次這款最適合我，已想不到這麼有效，一定會回購，CP值極高。

呢排轉季，個頭皮成日痕痕哋，仲要一梳頭就甩好多頭髮，真係嚇到鼻哥窿都冇肉。咁啱見到Hair Recipe新出咗支「米糠溫養修護洗髮露」，個包裝寫到明係用日本米糠精華，仲要係溫和修護配方，心諗：「米糠？即係以前阿婆用嚟洗米水嗰啲嘢喎，唔通真係咁神奇？」本住死馬當活馬醫嘅心態，就買咗支返屋企試吓。 第一印象：個樣同陣味 一唧出嚟，個質地係透明嘅啫喱狀，唔算好杰，流動性幾高。陣味呢，好得意，唔係嗰種人工香精嘅死甜味，而係有陣淡淡哋、好天然嘅米香，似係煲完飯嗰陣飄出嚟嘅暖笠笠氣味，聞落好舒服，有種莫名嘅安心感。 洗頭過程：泡泡唔多但好綿 我慣咗洗頭會起好多泡，但呢支洗頭水嘅泡量算中等，唔算話好澎湃。不過啲泡好細緻、好綿密，捽上頭皮嘅時候，感覺好溫和，完全冇嗰種拮拮哋或者好澀嘅感覺。我用手指腹慢慢按摩頭皮，個陣米香一路蒸發上嚟，成個浴室好似變咗間和式溫泉旅館咁，好治癒。沖水嘅時候，啲泡好易就沖乾淨，唔會話有層嘢黐住個頭咁。 用後感：頭皮識呼吸，頭髮識發光 吹乾把頭髮之後，第一個感覺係：個頭皮好爽！嗰種爽係好輕盈、好乾淨，但一啲都唔繃緊，之前嗰陣痕癢感真係舒緩咗好多。至於把頭髮呢，摸落去

Hair Recipe 蘋果生薑洗髮露使用心得 前排見到 Hair Recipe 呢支蘋果生薑洗髮露成日做特價，加上屋企支洗頭水就快用完，就買咗支返嚟試下。用咗大約三個星期，同大家分享下我嘅真實用後感。 主要係因為我本身頭皮偏油，夏天一到下晝就開始塌，加上見到佢標榜「蘋果＋生薑」呢個組合，感覺天然啲，又聽人講控油唔錯，所以就試下。價錢方面，超市特價時大約90蚊，唔算貴，試錯成本唔高。 包裝同氣味 樽身設計幾簡潔，按壓式泵頭，單手用都方便。一唧出嚟，蘋果味幾突出，係那種青蘋果帶少少甜嘅香，唔算好人工。至於生薑味，老實講唔太覺，可能被蘋果味蓋過咗，想靠佢「暖頭皮」嘅朋友可能會失望。 起泡同洗感 加水搓幾下就起到泡，泡量中等，唔算好綿密但夠用。搽上頭皮有少少涼涼地嘅感覺，幾清爽。沖水嗰陣頭髮會有少少「吱吱」聲，即係洗得好乾淨嗰種，但同時都意味住偏乾。 用後效果 控油方面：確實唔錯。以前朝早洗完，下晝兩三點個頭就塌，用咗呢支之後可以撐到夜晚，油膩感明顯減少。 髮質方面：呢個就係缺點喇。洗完髮尾有啲乾同澀，如果唔用護髮素，吹乾之後會打結，摸落去唔夠滑。我後來改用「只搽頭皮、髮尾用

🍚 產品名稱：Hair Recipe / ヘアレシピ「和の実 さらとろライスオイル」（純米瓶米糠護髮油 / 米糠美髮油） · 容量價格：53ml / 約HK$239（萬寧價），日本定價約¥2,000-2,200 · 包裝設計：玻璃樽，透明油入面有幾粒真米粒浮吓浮吓，超可愛。但有人反映玻璃樽偏重，用時要小心，手滑跌落洗手盆後果不堪設想。瓶口極細，每次只倒出一兩滴，單手操作可能唔太方便。 👃 香味 幾乎無添加香料，主要係天然米油本身嘅原料味。只有隱約柑橘系清爽香氣。 ✨ 實際效果 正面反饋 · 用喺細軟幼細髮絲，少量已足夠，效果自然，頭髮唔會扁塌 · 使用後明顯解決乾燥毛燥 · 整體柔順聽話 · 全身得：可以抹身體、手、甚至頭皮，官方話係100%純米油，「可以食」嘅安全程度 負面反饋 · 油頭／幼細頭髮 嘅人會即時扁塌、油到反光，有台灣用家試用一次就頂唔順送俾朋友。 · 部分人反映完全唔吸收，點抹都只係「卡喺面」。 · 瓶口唔係泵裝，倒出嚟容易倒太多或太少，有啲麻煩。 ⚠️ 高溫造型注意 有日本用家強烈警告：前髪上面再加熱（例如 夾直髮夾）會即刻燙傷焫到D 頭髮捲起變形/

多謝@cosme & @HairRecipe 今次揀我試用Hair Recipe 防脫黑米瓶洗頭水！ 我而家個頭皮同髮絲狀況真係好需要一支可以強化頭皮屏障，鞏固髮根，減少頭髮脫落既洗頭水！因為工作壓力加上不良日常生活習慣，飲食唔健康又經常熬夜，所以頭皮同髮絲狀況真係差咗好夠>< 我本身髮質偏幼細，平時洗頭梳頭一日大概掉50條，最近頭皮脆弱左，每日大概甩7、80條，吹完頭見到地下啲頭髮真係嚇一跳！平時揀洗頭水最注重成份是否天然，盡量揀化學成份比較少嘅。因為我頭皮比較容易出油，所以洗頭水清潔力係我首要考慮條件，修護力兼備既更加係101分，不過市面上比較少見清潔力和修護力兼備嘅洗頭水。 Hair Recipe 防脫黑米瓶洗頭水我真係大推！首先最大感受係個防脫效果，我用左五日，脫髮情況已經有改善，洗頭甩少左一半！！冇誇張，未試過用一隻防脫洗頭水係咁快見效，就咁講出嚟都未必有人信😂但係同樣有脫髮問題嘅朋友仔，信我，真係試一次Hair Recipe 防脫黑米瓶！！用左十日，洗頭加吹頭淨係甩左十條左右！令我驚艷嘅效果，真係Oh My God！頭頂界線明顯冇咁稀疏，做research見到

多謝@cosme同Hair Recipe畀機會試用黑米防脫洗髮水～ 我本身頭髮偏幼，洗完頭吹完頭都好容易甩頭髮，加上壓力大、瞓得少，頭頂髮線都比較明顯 😢 洗頭水用咗10日，質地係淡啡色透明啫喱狀，落少少水已經好容易起泡，泡沫細緻又綿密，沖水好乾淨。黑米香味好淡雅，似米香混合草本，比較天然，聞落好療癒，完全唔係好假既味道，我都幾鍾意！ 洗完頭皮好清爽，唔繃緊，頭髮濕嗰陣順咗，吹乾咗之後都冇咁毛躁。可能唔係用咗好長既時間，所以洗完頭都仲係會有幾多頭髮甩咗，但的確比之前少咗。 最開心係頭頂位置新生出嚟嘅bb毛明顯多咗，頭頂髮線雖然都仲係未如理想，不過邊緣已經密咗少少，感覺有啲進步～ 總結嚟講，作為一支日常洗頭水，黑米防脫洗髮水真係好舒服！清潔力、香味、起泡都滿分，對我呢個中度脫髮嚟講，10日已經見到bb毛既增長，算係有少少效果，應該再用耐啲會更好～好推薦想試天然防脫洗頭水既大家！ 清潔力: ★★★★★ 香味: ★★★★☆ 頭皮舒適度: ★★★★★ 頭髮順滑: ★★★★☆ 防脫／生髮效果: ★★★☆☆ 整體滿意度: ★★★★☆ 最後再次多謝品牌同@cosme俾機會我試用🫶🏻

多謝@cosme 俾今次機會我，試用Hair receipt 嘅新產品 【生薑清茶洗髮露】 試用日期： 20 Feb - 28 Feb 之前都有買過枝細嘅生薑防斷營養洗髮露（蘋果生薑嗰隻）嚟試用，當時都覺得Hair receipt嘅產品幾好用，所以當知道今次有得試用呢隻生薑清茶洗髮露真係好開心 先講講自己嘅髮質，頭髮唔算軟，但又唔係好硬嗰種，唔係油性頭髮，所以就唔會好出油。 不過之前唔知係咪用唔啱洗頭水，所以有時洗完頭都會出頭皮。而且生完小朋友之後，髮量係明顯比之前少咗好多，暫時都未搵到一隻真係可以幫到生多啲頭髮嘅洗頭水🥲 講返隻洗頭水先，呢隻洗頭水，唧出嚟嘅質地唔算係水狀，但加咗水之後好快就可以起泡，搽咗上頭之後可以起到好多泡，基本上洗完第一次啲頭髮已經好滑冇打撠。因為我習慣洗頭係洗兩次洗頭水，咁洗完第二次過水之後，即使冇落護髮素頭髮都好順滑，吹完頭之後亦冇毛燥，第朝起身個頭髮都keep到，而且連續用咗幾日，都冇乾到出頭皮。不過因為只係用咗一個星期左右，所以暫時未感覺到頭髮數量有增加，但係洗頭嘅時候甩頭髮情況明顯係少咗。 氣味方面，味道淡淡嘅薑味，係天然唔係化學嗰種，但氣味

看着自己掉髮越來越多，會開始使用放防掉髮的洗髮和護髮產品，感謝這次抽中試用Hair Recipe防脫黑米瓶.  Hair Recipe防脫黑米瓶標榜的天然成份，側柏葉和姜根，兩者都是對頭髮很有益的成份。 洗髮水流動性屬於中等，起泡比我想像中容易，加水輕輕捽兩下就已經有不錯的泡沫了，起泡容易度大概屬於中上。 使用起來聞到淡淡的香味，其中有聞到一點薑和木的香味，挺舒服的，香味不會太重，就算不喜歡香味的人應該也能接受。 可能是因為天然成份比較多，使用完後不會太滋潤，如果是夏天使用的話應該比較適合，秋冬天的話我會加強後續的潤髮。 使用一個星期後，洗完頭梳頭的時候真的覺得掉髮少了四分一左右，雖然效果未去到好明顯，但我相信持續使用的話會有更佳的效果。 另外我建議乾性頭皮使用的話，一定要加強滋潤護髮。感覺如果是偏油性頭皮使用的話會比較適合。

以前都有用過幾款Hair Recipe產品，效果都幾好，成分天然又香噴噴。Hair Recipe唔單單係洗髮水，而係從頭皮護理入手，為頭皮注入營養。頭皮健康有營養先會生長到靚靚嘅頭髮✨✨✨ 不過始終年紀愈大，開始面對輕度脱髮問題🥺加上本身頭質係細軟髮，條頭髮分界都開始有啲明顯。今次試用Hair Recipe全新推出嘅防脱黑米瓶，睇下對初老掉髮有冇幫助先🤓Hair Recipe防脱黑米瓶外型真係一粒米，啡啡色好似一粒糙米好特別😂 而質地都幾濃幾杰身，用一pat仔已經起到好多泡。黑米瓶含有側柏葉同薑根精粹，可以活化毛囊，幫助抗氧化同強化頭皮。而且黑米瓶帶有木質香味，好似d高級貴價香水嘅味，香味好持久，每日用都好似幫頭皮做緊SPA🥰最重要嘅係用左10日，由原本每次洗頭都甩近20-30條，變成甩10條左右。原本吹頭梳頭又甩又斷一堆，而家都甩少左好多。用完覺得頭油少左，冇咁易有頭油味，頭髮亦都冇咁打kick冇咁易斷，都幾順滑輕盈，清潔力夠之餘亦唔會乾👍。總括嚟講，我覺得個效果都幾明顯，有掉髮問題嘅sis可以試下用黑米瓶，由頭皮根源問題着手處理。

多謝@cosme 邀請試用Hair Recipe 既生薑清茶洗露 平時都有用開其他防脫髪洗頭水，但大部分都係好乾，保濕功能欠佳！ 但係呢枝明顯好唔同，一揼出嚟就見到佢質地非常之creamy, 塗抹上頭髪後都好易起泡，最重要既係一啲都唔覺得乾！沖完水之後都保持到滋潤而不膩，吹完頭感覺清爽。 第一日用嘅時候甩頭髮嘅量就同平時差唔多，連續用咗5日後都明顯有減少到甩嘅髮量，希望持續使用會更加幫助到我減少甩頭髮！

多謝 @cosmo 邀請試用 一直都好想試呢個牌子嘅洗頭水，咁啱舊嘅洗頭水已經用完就收到hair recipe嘅試用 髮質：細軟髮，易甩頭髮，瀏海較容易油 呢一款係生薑清茶 首先佢嘅味道係非常偏清茶味大於生薑味，所以唔鍾意生薑嘅朋友都可以入手，我本人就覺得呢個味道係幾舒服 質地就係正常洗頭水，唔會太難起泡，亦都唔會太易起泡 第一次用 我就覺得佢係比較乾少少，但係感覺到佢係洗得好乾淨，洗完之後個頭皮都會有一種大清潔嘅感覺。 即使最近好乾，我有陣時都會因為搽咗防曬而令到個瀏海比較油，同埋去到夜晚11點嘅時候成個頭都會比較塌，用咗呢隻洗頭水之後我維持乾爽嘅時間係耐咗同埋蓬鬆咗，最近濕返少少都冇太大影響 希望喺之後百分百濕度嘅時候都依然咁好表現 雖然洗嘅時候覺得佢好乾，但係實際上洗完之後佢唔會有個種好諧霎霎嘅感覺，當然最好都係髮尾加番啲護髮素會好啲 佢主打係強韌同埋頭皮健康，咁頭皮健康有感受到 但係用嘅時間其實一星期不足以令我個頭皮健康返晒又生番啲頭髮出黎，所以呢頭頂我就唔特別攞出嚟講 其次係我真係覺得自己甩少咗頭髮 呢一點對於我嚟講係非常重要，第一日嘅時候我已經換咗一把梳去