@cosme STORE 產品資訊

natanatalie好用推薦：好適合油肌嘅精華❤️ 呢個品牌嘅試用都有成一樽仔，成5ml，幾闊佬，可以試到效果，油肌嘅我好滿意！🫶🏻 質地非常流質，清爽又不笠，滲透性強，好快就吸收曬，用完第二朝感覺到肌膚老廢角質都清除左，肌膚變後細嫩，效果都唔錯，會回購！🙌🏻

Emily Leung好用推薦：Fur.c 精華測評：係咪真係咁好用？混合肌真心話！ 近排個個都講 Fur.c 呢支精華，話係平價版「神仙水」，我忍唔住都跟風入手咗！ 佢係透明水狀精華，質地好輕薄，推開好似水咁，吸收得超快！我通常用一泵就夠搽全面，按摩兩三下就已經入晒皮膚，完全唔會黏立立，之後再搽面霜都唔會「擦膠碎」。油肌同怕膩嘅人應該會好鍾意。 坦白講，如果係大乾燥天，或者你係極乾肌，單用佢保濕力未必夠力，一定要跟多個保濕精華或者厚身面霜。但對於混合肌同油肌來說，佢嘅保濕度就啱啱好，用完皮膚係水潤咗，但又唔會加重負擔。 用咗一段時間，最明顯係覺得皮膚平滑咗同光亮咗少少！鼻翼兩側嘅粗燥感有改善，估計係因為佢入面有啲溫和代謝角質成分。至於收毛孔同去印，我就覺得效果唔算好明顯，要再觀察下。 我本身有少少敏感，用咗佢都冇出現紅或者痕，算係幾溫和。不過，如果你皮膚好薄、好易敏感，就建議先試喺耳背或者局部用下先。 缺點： 支裝設計有啲簡單，揼頭出水量如果可以細啲就更好。同埋如果你期望佢有好強勁嘅抗老或者美白效果，就可能會失望。 一支百幾蚊嘅精華來說，算係交足功課！特別推薦俾後生肌、油性同混合肌，用來做基礎補濕

harveyslomo77好用推薦：I love this serum so much that I started stocking it. I have extremely sensitive skin which means that I don’t get to use a lot of vitamin c or brightening products. However, this one serum does not irritate my skin at all. I use it as part of my daily skincare routine and it works very well. I think it meets all of my expectations including but not limited to smoothing pores, brightening my skin tone, removing spots, etc. I also love the fragrance. It smells like fresh lemon but very natural. I

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

Helen好用推薦：以修復精華嚟講質地比較快吸收 唔會有油膜感，後續用其他產品都OK 

natanatalie好用推薦：#火熱新品 我用咗葉露芝金蓮花亮肌精華，真係覺得幾啱油性肌膚。推開嗰陣好似水咁，唔黏笠，吸收得好快，成塊面都清爽晒。❣️ 每日早上洗完面搽上去，膚色即刻均勻咗，望落精神好多，好似幫我掃走咗暗沉。最正係佢唔會焗住毛孔，夏天用都唔怕出油。🍃 用咗一排之後，我覺得皮膚真係滑咗，妝都貼服咗，成個人望落更有光澤。雖然佢保濕唔算好強，但對我嚟講啱啱好，唔會覺得笠。🙆🏻‍♀️ 總結呢支精華就係「輕盈、清爽、提亮」嘅代表，油性肌用起嚟好舒服，真係值得一試。❤️

Blooming好用推薦：Yves Rocher 金蓮花亮肌精華，淡淡花香味，個味道我都幾鍾意，用完皮膚真係多左光澤，去黃不錯。質地好快吸收，唔痴笠笠。 #火熱新品

aya_lai好用推薦：我之前本身係大油肌，夏天一到，T字位就變左油井咁，油到可以照人 聽間微針可以改善毛孔粗大同油肌，就膽粗粗買嚟直接用，搽上臉當下真係幾吉，不過就唔痛，微針原理係透過比毛孔仲要細小嘅微針去深入肌膚，物理性咁打開通道，提升後續護膚品嘅吸收力，改善毛孔粗大、痘印及凹凸洞等問題 一試之下真係有驚喜，毛孔真係細左，鼻翼位置出油都大大減少，依家我日日用，已經適應左300針嘅微吉感，雖然依家T字位都會仲有少少出油，不過就唔會好以前咁誇張，起碼依家用手摸摸鼻頭都唔會一手油 如果有絲打想試，我建議買試用包50針開始，敏感肌就要三思

lkylky3003好用推薦：肌膚用後變得緊緻有彈性，毛孔都收細咗，very very nice

Also melon好用推薦：精華整體感覺非常保濕，成分比較天然，質地偏水狀，一泵即整個面部足夠使用，使用後完全唔會黏膩。尤其呢排冬天朝早用完洗面膏都比較乾，當搽咗精華之後，皮膚會變得水潤，睇落好有光澤感。而且精華擁有補水和修護功能，可以令到皮膚更加穩定，冇咁容易甩皮泛紅，改善咗紅血絲嘅情況。 精華很快被皮膚吸收，呢款精華有唔同大小嘅透明質酸分子，容易滲透入皮膚，即時保濕。作為打底，真心感覺唔錯☺️

綺羅香好用推薦：非常感謝@cosme登錄咗 factiv呢個本地牌子，雖然我只係幫襯咗短短兩年多啲啲，但睇住factiv 由最初嘅網店到上架再到有自家門市，依家仲可以係@cosme 度見到佢嘅名出現，有種老懷安慰嘅感覺😂 扯得太遠喇，都係講返件產品，factiv 係一個b2b知我深受暗瘡困擾而介紹俾我知，當時因為見價錢唔平（幫襯咁耐發現factiv 無加過價，真係良心企業😭），並無即時落單，後來用過幾隻精華都唔得，就把心一橫買幾支試試，當時NIA10係叫B310+NAG，後來改版先叫NIA10（以有效成分命名，所以有啲難記，佢嘅網站有詳細介紹），深黑啡色帶滴管嘅膠樽，開口有特別嘅卡套夾實滴管，確保精華衛生，而且一㩒滴管出嚟都啱啱好一次全面分量，全透明水狀液，無任何氣味，如果臉上面有傷口會有少少刺激性，唔建議針清後搽佢，非常好吸收，當時我用咗一個禮拜，就發覺塊面少咗暗粒，用多兩個月左右，暗瘡爆發率比未用時降低9成左右，皮膚平滑咗好多，化妝時非常感動🤧，終於唔駛點用遮瑕膏掩蓋，呢兩年我一直堅持用呢隻精華（間中都會停用😅，因為想試新嘢），計埋舊版用咗起碼用咗10支以上，而且factiv設有回收機制，網購送貨

Yty好用推薦：精華內有日韓大熱既pdrn成份吸引咗我去買嚟用，精華質地係淡黃色嘅乳液質地，感覺好滋潤，好易推開吸收度唔錯，比較適合乾燥肌同秋冬天用，用後感覺緊致度不錯，尤其係瞓醒咗皮膚明顯白淨啲，而且我好鍾意精華嘅香味淡淡地好舒服，會考慮回購的

Also melon好用推薦：近期PDRN「水光肌」概念好多人講，Innisfree 呢支精華係咪綠茶分子PDRN，大概係更容易滲入皮膚。再有高濃度A醇，所以日間一定要認真搽防曬，而且唔好同去角質產品一齊用，容易刺激皮膚。 保濕力算中上，冬天用都唔會乾，但整體唔算驚豔。開始買嗰時見網上評價，不過我用落真係覺得幾普通，冇預期中「水光感」，整體就係一支保濕精華，如果係保濕精華又有其他選擇。

Meowcat好用推薦：前排系ig 睇到kol 講緊呢個系列，滲透力媲美1064波長Laser😍 超微細分子直達真皮層1.5mm😍 快用完一支，真系驚艷到！質地好輕盈，是凝露狀，上臉之後吸收快、不黏笠，特別適合夏天這種悶熱嘅季節！ 平時番工通宵又熬夜😭 脸色真的很容易暗沉冇光澤架😭早晚堅持用，皮膚狀態穩定透亮細膩，泛紅減退，看起來休息足夠，氣血很足的樣子！原本最困擾的法令紋和卡粉問題都緩解了，皮膚變得有 彈性，素颜出門都比以前更有自信！

Fng好用推薦：曼秀雷敦肌研臻致淡紋精華｜ 平價版皺紋橡皮擦 質地與膚感：👍👍👍 (中規中矩) 按出嚟係半透明凝露狀，推開時有少少黏感，但吸收後呈半啞緻狀態。對混合偏乾肌來講，秋冬季節用剛好，夏天就可能要減少用量，或者只集中用喺紋路位置。 真實淡紋效果：🤔 (要有耐性) 用咗四星期，最明顯係額頭同眼尾嘅細紋冇咁顯眼，尤其上妝後冇再卡粉。不過要期望佢消除深層法令紋就諗多咗，屬於「預防勝於治療」型，適合剛出現細紋嘅輕熟肌。 使用Tips ： 1. 「紋路集中法」：額頭、眼尾、法令紋重點按摩 2. 「混合面霜」：覺得太潤可以混入面霜，加強全臉抗老 3. 「化妝前急救」：妝前薄擦喺易卡紋位置，即時撫平 溫馨提示： ✨建議晚間使用，日間要加強防曬 ✨要連續用至少28日先看到明顯效果 總結： 一支合格有餘嘅「入門級抗皺精華」！特別適合預算有限、剛開始出現細紋嘅輕熟混合肌。雖然唔會帶來驚天動地嘅逆齡效果，但以其針對性成分同合理定價，絕對係開架中誠意之作！記住，要俾耐性同用足量，先對得住佢個「淡紋」名號呀！ #日系護膚