@cosme STORE 產品資訊

Chloeincosme好用推薦：Suqqu 粉底液出名做到日系透薄，微奶油肌既效果，用慣咗韓式粉底嘅我終於試到！ #火熱新品 1) 輕薄透亮 上妝已經feel到日系粉底果隻透薄感，用慣了修飾度較高的韓式粉底，一上臉就能明顯感覺到 SUQQU 的「輕盈」。遮瑕度大約只有中低水平，瑕疵需要另外遮，但平滑毛孔、均勻膚色既效果非常細緻，完全沒有面具感。 2) 奶油肌妝感 妝效名不虛傳！上妝後會帶有一層微微的、高級的「微奶油肌」光澤，顯得皮膚底子很好，有種低調閃耀的日系雜誌風。 3) 控油力實測：混合肌/油肌要留意 呢款粉底的控油效果不算特別強。實測大約 5 至 6 小時後，T字位和面頰的油光就會開始明顯，可能更適合在秋冬季節、或者長期在冷氣房工作時使用，夏天用可能要加強控油底霜。 4) 上妝小撇步 上完唔可以即刻定妝： 我既做法係粉底液上臉後，先用小風扇仔吹一吹，讓底妝稍微成膜、乾透。 如果一上完粉底液就上粉，底妝很容易會打架，導致結塊。 總結： 對於混乾肌黎講，我會夏天收埋佢先得，秋天會好中意🥰

Look ca好用推薦：質地薄貼, 如想遮多少少斑點，就於局部地方上蓋多一點, 可省卻使用遮瑕膏, 不過最好補上碎粉, 令妝容更持久！

Reneeeeeeeé好用推薦：🤩咁好用點解冇人講㗎！ 目前準備回購第3支，敏感肌，秋冬較乾 暫時用過最好用既精華粉底液 ❕沒有之一❕ 用全日，帶埋口罩皮膚完全無過敏／生粒粒現象 氧化陰沉色差極不明顯‼️ 持妝力十分穩定 💯 上妝方法官方介紹用小量用手指上 超級方便 😍👋🏻

choichoi好用推薦：質感水潤容易吸收，如果天氣乾燥時可以淡化臉上的乾紋感，加上容易卸除，是愛用品之一

bellahly好用推薦：呢一隻Fasio粉底液性價比好高，佢嘅延展性非常之好，可以疊加上去搽，出嚟嘅妝非常之薄，比較自然，如果有痘印或者瑕疵，可能需要額外加遮瑕。我用嘅係1號色，比較白嘅女仔都可以用到。 Fasio作為Kose嘅副線品牌，所以佢嘅質素都非常之好，所以都買咗俾屋企人一齊用，非常之適合小資女購買。 呢一隻粉底液標榜長效防水，對於我呢一種混合性偏油肌膚就十分適合，夏天嘅時候加埋定妝粉會更加靚，但係秋冬應該就可以重點加就可以啦；如果乾肌嘅姊妹可以直接搽佢就十分足夠。

Fng好用推薦：呢排又濕又熱，想搵支輕薄得嚟又有遮瑕度嘅粉底液真係唔易。最近試咗KOSE呢支 ESPRIQUE 輕薄精華粉底液 (Lasting Serum Liquid)🩷 🧪 成份與科技：精華級養膚，15小時持妝 呢支粉底液最特別嘅係83%精華液成分，含透明質酸、膠原蛋白、角鯊烷等多種保濕成分，上妝同時護膚。配合獨家「Lasting Serum持久精華配方」，加入溫度反應聚合物同皮脂吸附成分，官方聲稱可以持妝15小時，有效防止因汗水、皮脂同乾燥引致嘅脫妝問題。加上SPF25 PA++防曬度數同抗藍光功能，日常通勤好夠用。 🧴 質地與妝效：輕薄貼服，遮瑕力中上 質地係流動性高嘅輕盈乳液，上面好易推開，延展性極高，上面五分鐘左右，有種融入皮膚嘅感覺，好驚喜。 妝效偏向自然微光澤（微光肌），唔係韓式水光，亦唔係死實霧面。遮蓋毛孔效果出色，官方用咗微細化遮瑕色素同球狀粉體，可以撫平毛孔凹凸位。整體遮瑕力大約5-7成，均勻膚色同修飾泛紅好夠用，但嚴重痘印/色斑要另外疊加遮瑕膏。 ⏱️ 香港潮濕天氣實測：持妝力對辦，控油中等 喺又濕又熱嘅香港實測，持妝力算唔錯。朝早化好妝，到下午T字位會輕微出油，

Miranda好用推薦： 【質感】 首先講質地。佢係輕身嘅乳液狀，流動性極高，唧出嚟會跣走嗰種。推開嗰下好順滑，好似搽緊輕盈嘅護膚精華而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嗰種，但呢種光澤同一般粉底嘅光澤好唔同。佢望落唔係表面嘅油光，而係好似皮膚底層透出嚟嘅健康光采。用完之後塊面望落好飽滿好水潤，但又完全唔覺得化咗妝。近距離照鏡都睇唔到粉粒，呢種「裸膚感」係我覺得佢最大嘅優點。 佢嘅質地仲有一個好處，就係 「唔會乾」 。我以前用過好多標榜輕薄嘅粉底，上妝嗰下係靚，但幾個鐘之後就會開始乾，乾紋全部現晒出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。呢點對於我兩頰有時會乾嘅皮膚嚟講，真係好重要。 【使用感】 呢個位係我最滿意嘅部分。佢嘅 「養膚效果」 係真係feel到嘅。官方話佢加入咗山茶花籽油同日本大米萃取，我唔知係咪心理作用，但用完一排之後，我feel到皮膚嘅質素有改善。以前卸妝之後塊面會覺得乾同暗啞，但用呢支粉底嘅日子，卸妝之後塊面都仲係keep住水潤

Kathy Wai好用推薦：講到shu uemura呢支「透光瓶」#674，我係混合偏乾肌，用咗一排，同你分享下最真實嘅感覺： 妝感（滿分！） 真係做到佢講嘅「透光唔反光」，唔似一般光澤粉底咁油淋淋，而係皮膚底層滲出嚟嘅健康光澤，好高級。妝效係輕度至中度遮瑕，疊多層都唔厚粉。 #674色號點睇？ 亞洲人偏白膚色用啱啱好！帶少少橄欖調，同頸部冇色差，唔會灰白。如果你用開#564覺得太黃，#674會係你杯茶。 質地與保濕 流動性高，手指推都滑。保濕力中上，乾肌用唔會起皮，但極乾位（鼻翼）最好打底。最驚喜係持久度，香港30幾度戴口罩，出油後妝容融合得更靚，暗沉情況好輕微。 少少扣分位 對痘印、黑眼圈只係6-7成遮蓋，瑕疵皮要另外用遮瑕。還有一點，佢乾得算快，上妝要快手啲，分區塗會更貼服。 總結 如果你追求「天生好皮膚」偽素顏，呢支好值得入手！尤其適合中性至混合肌，想要光澤又怕油膩嘅朋友。記住用前要搖勻，用濕粉撲上妝最靚！

Ice好用推薦：超級推!!!!!!!!!!!!!!! 呢個粉底液超好用！超輕薄貼伏！ 不過相對遮瑕度就吾算高，但尚可接受，要高遮瑕佢另一個粉底。 佢都keep 得好好，啱啱化完個妝感好好。平時出街出1 2個鐘，完咗都仲keep 都冇甩冇斑縛，如果無用散粉補妝有少少溶，不過都算係咁。價錢呢講香港買吾平，但係去日本嘅千祈唔好錯過，平好多

Ella Ip好用推薦：搵左好耐，終於有一款粉底液色號啱啱好 我用103號色，由舊版用到e+ . 夏天就算我出汗，都唔會溶妝。 我鐘意佢妝效夠matt 可惜朗豪坊RMK 執左，希望九龍其他地方會有專櫃，啟德Sogo 太唔方便了

LoveFN好用推薦：Nars自然霧光粉底液 #L0 用後感：唔係死白，係識發光嘅白！ 是咁的，本人膚質係混合偏乾，T字位少少油，面珠墩就偏乾。一直搵緊一隻唔卡粉、又有光澤嘅粉底，見到Nars呢支Natural Radiant Longwear Foundation出咗新色號L0，心諗：終於有啱亞洲白皮嘅色號？即刻衝去專櫃試！ 先講色號 #L0 呢隻色，真心係「白雪公主」恩物！唔係嗰種死白、面具白，而係帶微微中性調（唔偏粉唔偏黃），搽上面係同本身膚色融合，似你天生皮膚就咁白滑。好多歐美品牌嘅最白色號，上臉會灰咗或粉紅咗，但L0啱啱好，提亮得嚟好自然，仲有種「我本身就係咁透白」嘅錯覺。 質地與妝感（重點！） 質地好流暢，似輕盈嘅乳液，一推就開。用手指/化妝掃上都冇難度，但我最鍾意用濕粉撲啪開，薄薄一層已經有中度遮瑕。佢主打「自然霧光」，即係唔係全啞緻，而係帶低調光澤，望落似皮膚飲飽水嗰種健康透光感，唔會油淋淋。 遮瑕力 我面有少少泛紅同淺色痘印，薄上一層已經遮到7成，疊多一層喺暗瘡位，都唔會厚粉。黑眼圈就建議用返遮瑕膏，但整體均勻膚色效果一流。 持久度實測 朝早9點化好妝，冇用定妝噴霧，只係碎粉輕掃T

Sanna Cher好用推薦：#火熱新品使用色號L4，是參加活動時，化妝師挑選的色號，然後再購入而得。產品質地比忌廉稠密，習慣用化妝掃推開後，會見明顯的層次感，跟隔離霜或其他上妝品合而為一，沒有太明顯的上妝感，也絕不會有種分離的感覺，有輕薄感和空氣感，是令人驚喜底妝產品再提昇層次的產品。完妝的照片，其後的上妝產品令黃皮膚顯橘是完全沒有遺和感。在是次的自費活動中，有學習到提昇化妝技巧的知識，非常推薦👍

auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

Jasmine L好用推薦：呢枝粉底霜非常神奇，一年四季都適合使用。佢嘅質地水凝輕盈，推開易均勻，妝效自然柔霧帶少少水光。遮瑕力中等，毛孔同細紋遮得自然唔厚重，而且仲有控油效果，但又未到好強咁。 持妝度一年四季都OK，唔會暗沉或卡粉。敏感冇刺激，整體輕薄舒適，我覺得每個女士都需要擁有一枝。

小資大腳女好用推薦：又平又好用嘅粉底液！首先佢可以用手搽上面勁易推開，2 bump夠搽一浸，塊面已經亮澤咗一度，偏薄身，妝感貼服自然，惟鼻翼位置會比較容易甩妝。帶妝全日8-10個鐘出少少油妝感仲靚，我試過完全唔定妝出門口6-8個鐘都係主要鼻翼同下巴位置甩得緊要啲姐。我係混合敏感肌T字位出油。

Kura好用推薦：出色嘅平價粉底，夏天用啱啱好，控油效果唔錯，搽上臉顏色自然，但冬天用就偏乾少少，同埋size適合帶去旅行都方便，每次用嘅份量唔需要太多容易推開 @cosme #火熱新品 #火熱新品

Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品