@cosme STORE 產品資訊

jhope0725好用推薦：❄️冬季護膚，不得不提嘅當然係面膜！ 雖然網上已經討論咗呢個網紅產品好耐，不過我都係近期冬季先至入手~ 起初見佢主打美白、收毛孔功效，有少少擔心冬天用會唔會保濕力度不足，不過用完有驚喜！👆🏼袋入面嘅精華超多，我第一袋用到最後都係用唔晒👆🏼面膜材質抓緊到皮膚 精華液相當濃厚，而且滲透度好足夠，用咗一次，敷10分鐘後，已經即時感受到皮膚補水度有所增加，用後洗面都明顯感受到皮膚彈潤度增加。👆🏼面膜設計亦都算貼面，能夠將面膜嘅精華盡量吸收到皮膚入面，而且面膜冇多餘香氣，感覺純粹，將功力集中喺護膚之上。 👆🏼使用面膜後即時效果 美中不足係，連續使用兩星期，都冇話好明顯見到毛孔有所改變或者皮膚有明顯提亮膚色作用。可能呢款美白產品嘅功效未必係我身上好發揮得到。不過爾冬季咁乾燥嘅環境，呢款面膜保濕度仍然相當好，呢方面值得推介！

Hellobeauty 好用推薦：「 #火熱新品 」Quality 1st Derma Laser Shot X Super VC100 局部護理精華面膜。 呢個品牌嘅面膜一直受好評，而我自己都一直用開呢個品牌嘅金色包裝嘅精華面膜。 昨日，我就發現同一色系，金色包裝的Quality 1st Derma Laser Shot X Super VC100 局部護理精華面膜。我就即刻買咗嚟試下。 我用咗之後,發現呢隻面膜質地好透薄貼服,面膜大細適中,可輕鬆貼合在意的部位，並有虛線可依需求撕開分用, 避免成塊面膜的小缺點（鼻翼位未能完全貼服）。 而且每片精華嘅份量係剛剛好,唔會多餘滴出,可以敷完之後唔會覺得有太多精華導致塊面有黐笠感； 所以非常適合早上返工前使用,唔需要在花時間處理面上多餘嘅精華,就可以直接進行下一部護膚程序及化妝 最後,佢嘅最大賣點係只需要2分鐘就可以達到效果,所以佢成為我回購之選。 #針對毛孔、粗糙和暗沉等肌膚問題 #敏感肌適用

Luna好用推薦：真係咁「綠」得？innisfree綠茶面膜用後感 (真心唔吹水) 話說前排行過innisfree，見佢隻綠茶系列又轉咗新包裝，靚就靚啦，但最緊要都係睇效果！我本身係混合肌，T字位油、面頰乾，仲有少少敏感底。見佢主打補水鎮靜，的起心肝買咗盒返屋企試，用咗大概兩星期，而家同大家開心share！ 第一印象：質地 & 香味 一打開，嘩！陣綠茶味係清新嘅，唔係嗰啲好假嘅香水味，而係好似真係沖緊杯綠茶嗰種淡淡嘅草本香。敷上面個下好放鬆，好啱臨瞓前用。 質地方面，佢係白色乳霜狀，但推開就變得好水潤，一啲都唔杰身。我自己鍾意厚敷，感覺好似成塊面浸咗落綠茶池咁，好爽！ 實戰測試：敷上面嗰15分鐘 跟返instructions敷10-15分鐘。重點嚟喇： · 頭5分鐘： 涼浸浸，完全冇「那」嘅感覺，敏感肌嘅我可以放心。 · 中途： 明顯feel到佢喺度收乾，但唔係繃緊嗰種，而係好似有層薄薄嘅保護膜包住塊面。 · 洗之前： 我習慣會用佢送嘅綠茶籽爽膚水噴一噴塊面，再用化妝棉抹走多餘嘅mask。咁樣會易洗好多，同埋唔會覺得「乸」住。 洗完之後嘅驚喜位 (重點！) 拍乾水之後，塊面即時

布吶吶好用推薦：係冬天呢啲乾燥嘅季節，護膚真係要加倍留神！我最近試咗Innisfree款綠茶面膜，發覺佢真係好啱冬季護膚用，保濕效果幾出色！ 首先，一打開就聞到好清新嘅綠茶味，好療癒～面膜紙係超薄透嘅纖維質地，好貼面，精華量多到可以順便抹埋頸同手腳。敷上臉感覺好水潤，尤其係冬天開住暖氣，皮膚乾到繃緊，敷完即刻覺得皮膚飲飽水，好舒緩！ 保濕效果方面，我覺得佢唔算好厚重黏膩，反而係一種滋潤嘅補濕感。敷完之後皮膚摸落去軟滑咗，有光澤感，而且之後上妝都貼服好多，唔會因為冬季乾燥而起皮。對我呢種冬天面頰偏乾嘅人嚟講，佢嘅補水力足夠，但又唔會笠黐黐，幾舒服！ 總括來講，Innisfree呢款綠茶面膜係冬季護膚嘅一個幾好選擇，尤其係需要快速補水嘅時候。如果唔係極度乾燥嘅皮膚，日常保濕同舒緩佢都應付到。價錢又親民，可以放心囤貨，過個水潤冬天！ #冬天#冬季護膚#冬季#護膚#保濕#面膜#韓系護膚品

莓莓好用推薦：💧Torriden 5D微分子玻尿酸保濕面膜 實測 1. 質地：「這精華也太不黏了吧！」 精華是透明水凝露，擠出來會稍微流動，但不是那種滴得到處都是的湯水狀。 重點是：完全沒有膠水感！ 敷完拍一拍就吸進去，手上不會黏黏的要跑去洗手。夏天敷會覺得很舒服涼涼的，像給臉喝了一杯清爽的氣泡水。 2. 膜布：「像第二層皮膚，薄到差點忘記它的存在」 這片面膜的布薄到很誇張（0.2mm那種），敷上去可以隱約看到膚色，但不會容易破。 最感動的是——鼻翼、嘴角、下巴邊緣都乖乖貼合，不會浮起來跟你作對。 而且雖然薄，但它很會吸精華，敷15分鐘拿下時面膜紙還是濕潤的，不會先乾給你看。 3. 精華：「咻一下就吸收，懶人最愛」 主打5種大小分子的玻尿酸，簡單說就是從皮膚表面到深層都幫你補水。 我個人最愛的一點：敷完不用洗！ 稍微拍一下就乾爽了，直接上乳液或睡覺都沒問題。 沒有香精味，敏感肌朋友用過也說OK，沒有刺刺熱熱的感覺。 4. 皮膚狀況實測（混合肌，夏天冷氣房） · 剛敷完：臉頰冰冰涼涼，原本有點乾癢紅的地方退紅有感，臉摸起來很嫩 · 隔天起床：洗完臉沒有緊繃感，上妝非常貼，T字出油量反而有

Kk.ac好用推薦：Hit咗好耐嘅Torriden 玻尿酸保濕面膜，經常有人話好好用，今次我終於搵機會入手試試🥺 ❤️面膜設計： ✔️片裝面膜手感偏紙質，容易撕開 ✔️面膜材質厚身，個cutting照顧到每個位置，唔會有出現大小差異同撕爛嘅問題 ✔️袋入面剩返唔多精華 🧡顏色：藍色，透明 🧡氣味：無味 🧡質地：似精華液質地，會有少少笠 💛產品賣點： 含有5種多元微分子玻尿酸，提供大量水分並迅速達到舒緩效果。 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤，但有爆瘡嘅問題 🩷敷面膜流程： 洗面➡️爽膚水➡️面膜➡️等待15分鐘➡️洗面（從下往上拎走面膜）➡️爽膚水 🩷用後感： 面膜貼合度同吸水力ok，所以敷面膜過程中唔會出現滴精華嘅情況✅ 敷咗15分鐘都唔會乾，擠一下面膜發現都仲有幾多🫢之後去洗面，洗嘅第一下會有啲滑潺潺，但都易洗。 敷完睇得出塊面有水潤感，無明顯敏感。用完第二日感覺塊面更有光澤，皮膚好似飲飽水咁😳

Vivian好用推薦：感謝 @cosme 邀請我試用「Decorte 第8代新升級 WHITELOGIST「麴酸」速效美白精華面膜」。作為一名混合性偏乾的肌膚擁有者，我一直在努力改善皮膚的色素及暗沉問題。收到這款試用產品的時候正值1月的冬天，這讓我更加期待它的表現。現在就來分享我的使用心得。1. 精華液質地 這款精華液的質地真的是非常輕盈，讓我倍感驚喜。它潤而不膩的特性非常符合我的膚質，使用後不會感到油膩，相反，肌膚在塗抹後感覺非常清爽。它的延展性也非常高，輕輕一推就能均勻地覆蓋整個臉部，無需過多的用量。此外，精華液的吸收速度很快，幾乎在塗上後不久就完全被肌膚吸收，這讓日常護膚流程更加便捷。 2. 面膜紙設計 面膜的設計十分貼心，紙質厚實且貼服，能緊密貼合面部。我特別喜歡它的剪裁，能夠有效覆蓋到下巴和鼻翼等較難照顧到的部位。這樣的設計不僅提高了精華的滲透效率，更讓我的使用過程變得更加舒適。面膜上所殘留的精華在使用後不浪費，能隨之輕輕按摩至全臉，讓整個護膚過程更加完美。 3. 即時效果 在使用前，皮膚可見出現膚色不均、暗沉、泛黃以及黑色素沉澱等問題，如暗瘡印等。在第一次使用後，我的肌膚立即展現出澄澈透明的感覺

Bchonfrise 好用推薦：好開心😆抽中咗@cosme 今次Decorte嘅試用！本身已經有用開佢嘅基礎線護膚品同化妝品，都好鍾意！ 今次係第一次試佢哋嘅面膜，面膜紙嘅設計係一般日系面膜嘅質地，比較厚少少，但係相比起其他品牌嘅面膜紙，我覺得Decorte呢款比較透氣少少，都比較貼合面部，以入面嘅精華液都好多，除咗倒落塊面膜到，更加可以輕搽關節位！入面既精華潤而不膩，保濕度都好高！因為自己有濕疹同玫瑰座瘡，好驚會敏感，所以一路都唔敢試美白產品，驚刺激到皮膚。但今次Decorte的WHITELOGIST「麴酸」速效美白精華面膜冇令到我敏感，即時敷完皮膚明顯透亮好多！冇咗陣黃氣，好有透明感，亦都變得更有光澤✨毛孔亦都明顯細緻好多！一般用坊間既美白面膜，我都會覺得不夠補濕，但今次敷完既 水潤亮白透明感都可以持續去到第二日！第二日起身個人感覺黃氣都冇咁重！個妝都貼服啲！❤️ 自己今次試用時間揀係打完激光之後三天左右，面膜冇令到脆弱既皮膚產生敏感，敷完面膜好似令到美容療程既效果更加持久，個種透亮既感覺都更勁！總括而言，係勁鐘意Decorte呢個面膜！如果有機會係一定會回購呀❤️❤️

Kelvin好用推薦：BR面膜有好多款 ，依款係Bicelle高滲透納米保濕面膜 深層滋潤型。BR既新產品。敷既時侯 ，佢大致上cutting男仔都好適合，好貼服，鼻位就細咗少少。即使走嚟走去都無問題。精華分量岩岩好，唔會太重香料味。敷完皮膚彈彈的，feel到補水。清潔多餘既精華都好容易，唔會太有粘稠感。 第二天都唔需要上妝前再敷面膜直接搽返基本護膚產品就OK啦。 急救面膜來講性價比高，淨補水滋潤，冬天好岩，就算聖誕通頂用個妝都keep得好靚。 #火熱新品

葉子🍃好用推薦：呢款高滲透納米保濕面膜性價比高，精華好多，面膜夠貼服、易吸收，一敷有降溫感覺但好溫和，面膜大小剛好，剪裁左好多位好細緻，仲有眼膜位敷埋眼，用完即刻感覺彈潤平滑，深層鎖水保濕做得好，效果仲可以維持到第二日，價錢不貴

Sophia好用推薦：麗珠蘭品牌用了幾款不同類型產品都不錯，尤其韓國醫美盛行，有關皮膚修復和保濕的都做得好好，最近用了REJURAN Moisture Treatment Mask幾work🌟 - 敷完後皮膚水潤感瞬間提升💧 - 能改善乾燥，皮膚變得柔嫩光滑✨ - 面膜精華也不會黏膩，吸收很快 👍 - 性價比高，敷完到另一日都仲見保濕效果 💖

Fng好用推薦：麗珠蘭 PDRx5% 超水光深層保濕面膜熟齡混合肌夏日急救神器 麗珠蘭呢款醫美級面膜絕對係「補水核彈」！同其他保濕面膜（如Dr.Jart+藍藥丸、Mediheal NMF）相比，佢贏在成分狠準——含5%高濃度PDRN修復成分，質地似超薄生物纖維膜，敷15分鐘後毛孔即時隱形，光澤感飆升✨ 熟齡混合偏乾肌實測：冷氣房內保濕力可維持兩日，面珠墩嘭潤感超持久，乾紋即時淡化，T位亦無悶出油光。相比Dr.Jart+純補水、Mediheal基礎保濕，麗珠蘭修護力明顯更強，尤其適合熬夜後或曬後急救～ 推薦給：✔️ 熟齡肌急需深層修護+極速補水 ✔️ 重要活動前急救 ✔️ 普通面膜滿足不到嘅乾渴肌！

Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨

Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！

Cosmeemee好用推薦： 呢款bb面膜，簡簡單單，專for日常保濕嘅日本品牌面膜，性質溫和，不易敏感🌟🌟 💧主要係用來保濕，保濕能力不錯，性價比高 🗓️使用時間：超過一年，已用多盒 💆🏻‍♀️個人皮膚狀況： 混合乾性肌膚，全面易乾而出油 使用產品後沒有任何過敏反應 🔽全面使用心得如下🔽 👍🏻 高質面膜紙： 呢款面膜可以敷埋眼皮，或者接落去重點敷眼底位置👍🏻 雖然冇其他貴價啲嘅面膜紙咁有彈性同光滑，但係呢款用落算貼服🙂‍↕️ 👍🏻 性價比高： 平平哋一盒面膜，內有巨多精華，每次敷完都有剩🤣 🌟👇🏻TIPS:👇🏻🌟 敷完之後，仲有好多精華未用，可以倒入乾淨嘅容器，並配上面膜紙，留待下一次敷🤣 又或者去無印買敷眼嘅面膜紙，上妝前局部敷，上妝更容易！一包面膜用兩次🤭 🧊如果想進一步舒緩皮膚可以將佢放入雪櫃待用~ 🙌總結評分🙌 貼服程度：♥️♥️♥️♥️🤍 保濕功效：♥️♥️♥️♥️🤍 舒緩肌膚：♥️♥️♥️♥️🤍 精華容量：♥️♥️♥️♥️♥️ 推薦程度：♥️♥️♥️♥️🤍

royu3好用推薦：由讀書到現在，這款BB mask 一直是我必備的面膜之一!! 每塊面膜都內含 27ml的透明質酸精華液，低刺激配方不含酒精及香料，可安心使用。面膜紙非常貼面，而且質料柔軟，敷在臉上很舒適。我的膚質屬於一年四季都乾燥的沙漠肌， 每次敷完，皮膚即時「飲飽水」，看上去變的通透有彈性，亦能有效紓緩肌膚的崩緊感💦 而且價格很親民，約HKD 40-60（視乎店舖） 無論是秋冬急救，還是日常保濕，這盒mask絕對是高CP值的不二之選👍🏻

莓莓好用推薦：Minon超水潤保濕修護面膜測評 今日同大家實測嘅係日本藥妝店人氣王——Minon超水潤保濕修護面膜。專為敏感肌、乾燥肌設計，仲攞過@cosme大賞。到底係咪真係咁神？即刻一塊拆開同你詳細評一評。 質地： 面膜精華係啫喱狀，半透明，偏厚身但唔會杰撻撻。敷上面感覺好滑，唔會滴到周圍都係，好適合怕「精華水橫飛」嘅朋友。 面膜布剪裁： 棉質膜布，中等厚度，但彈性一般。鼻翼、下巴位勉強夠貼，面大嘅用家可能覺得兩側唔夠闊。眼部開口偏細，眼周皮膚都可以覆蓋到，算貼心。 精華： 呢款主打「敏感肌保濕」，無香料、無酒精。精華量唔算多（約18ml），但剛剛好夠敷10-15分鐘。當中嘅「氨基酸成分」滲透力強，敷完唔使過水，輕輕按摩就吸收晒。 滋潤度： 滋潤度好高！特別適合乾燥天氣、冷氣房瞓覺前用。混合肌夏天用可能覺得少少笠，但乾肌、成熟肌會好鍾意。保濕續航力強，第二日起身皮膚仲係軟腍腍。 用後感： 敷完即時見到皮膚水潤飽滿，泛紅位舒緩到，冇刺痛或敏感。上妝前敷一塊，粉底貼到好似第二層皮膚咁。唯一缺點係面膜布剪裁唔夠貼面，同價位偏高（約$25-30/片）。 評分（10分滿分）： · 質地：8.

mandy好用推薦：MINON AminoMoist Moist Essential Mask 超水潤保濕修護面膜 $59.90 / 4片 from HKTVMALL 超水潤保濕修護面膜蘊含11種氨基酸，有助修復肌膚屏障。 專門為乾燥肌及敏感肌而設，不含酒精/香料/色素，讓敏感肌安心使用。 超水潤保濕修護面膜的面膜紙稍為薄身，所以只能細細力打開面膜，否則很易撕破。 面膜剪裁很貼面，不會敷面膜時掉下來； 大小完全跟我面型一樣，長度很足夠，不過闊度則是剛剛好而已。 精華液滿滿，質感偏向濃稠，不是清爽型的面膜，(注：)油性肌跟混合偏油肌很可能覺得此面膜太潤，不太適合使用，Minon 綠色系列Balancing Essence Mask會比較適合油性肌跟混合偏油肌。 由於我是混合偏乾肌，個人認為除非是乾燥肌，否則最好不要在夏季使用超水潤保濕修護面膜，敷面膜時覺得好像有點太潤了，竟然比想像中還更滋潤。混合肌及油性肌真的最好改用綠色包裝的Balancing Essence Mask會比較適合。(就是說有些護膚品真的不是所有膚質都適合，大家要按膚質選擇真正適合自己的產品，別人適合不等於您適合呀！) 敷完面膜後，

Kitty 好用推薦：講起Lululun，佢嗰種一大包嘅包裝設計，真係顛覆咗我對面膜嘅認知。以前覺得面膜一定要單片獨立包裝先夠精華，但自從試過紅色高保濕款之後，我個心已經俾佢俘虜咗💞。 佢係一大盒入面有32塊，成包抽紙巾咁，擺喺洗手間或者梳妝枱，洗完面隨手抽一塊。盒裝嘅封口係一大塊膠紙，密封得好好，唔會話開咗幾次就乾晒。 佢塊面膜紙唔係勁厚嗰種，屬於中等偏薄，算係貼面。剪裁方面，坦白講唔算完美，鼻翼位有少少覆蓋唔到，但佢塊紙夠軟、夠大塊，稍為拉一拉、疊一疊就可以fit到唔同面型。佢唔係一塊過嘅立體剪裁，但勝在夠輕薄，敷上臉完全冇重量感，唔會一路敷一路向下跣。 高保濕呢款（紅色）嘅精華量控制得好好，唔會多到滴到成條頸都係，但又足夠令塊面膜紙完全濕潤。質地比其他款濃稠，唔係杰撻撻嗰種乳液狀，似水精華多啲。因為佢主打每日使用，所以佢嘅精華濃度唔會太heavy，唔會令皮膚有負擔，呢個設計概念我好buy👍。 我每次敷上面大約5至10分鐘，因為佢精華唔係勁厚身，所以好快滲透晒。建議唔好敷太耐，一乾就會倒吸返皮膚水分。搣落嚟嗰下，塊面係水嫩水嫩嘅，有種飲飽水嘅漲滿感。最緊要係拍兩拍就吸收晒，完全唔會黏笠，之後直接上

Imelda 好用推薦：成日聽日推介Lululun嘅面膜好用，去日本旅行買咗幾款返嚟試。 紅色呢款主要係保濕，我最鍾意係佢嘅剪裁好好，非常貼服，本身我塊面比較細，其他品牌嘅面膜用落會覺得太大，貼得唔好，成日掂到啲頭髮，要自己裁剪過先再敷，好麻煩。但呢款面膜就完全冇呢個問題，眼瞼、眼下及眼尾位置都敷到，用得好舒服。 只需要敷10分鐘，然後就搽返面霜鎖住水份，第二日訓醒都仲覺得肌膚滋潤有光澤。如此經濟實惠嘅價格有咁好嘅質素，難怪係人氣之選。