黯然仙人掌好用推薦：超有名的粉紅精華，官方稱蘊含洋甘菊、山楂、牡丹三大草本植萃成分，擁有比水分子還微小的「奈米水分子滲透科技」和「高濃度舒緩配方」，啟動「舒緩+防禦修護」，可舒緩修護，敏感肌友好。 之前轉季皮膚勁乾又紅又敏感，重起哂皮，鞋颯颯，立即拎出黎用。精華質地超流質，基本上同水差唔多，好快就吸哂，氣味係有d 花香味，但有少少人工味嘅感覺。 用完之後有令皮膚平滑少許，但仍然係比較紅，第二朝都係無更好嘅改善，保濕力略顯不足，可能平時用會比較適合，急救就唔係太有效。

葉子🍃好用推薦：香味好有層次，有幾種味道，比較偏水狀，一用就好快吸收，開頭搽既時候會有涼感，鎮靜皮膚，摸上去都好滑身，不過太香，不太喜歡

annielittlecake好用推薦：過咗20歲好一段日子.......... 肌膚就開始失去屏障，再加上外在環境、壓力，令肌膚漸漸出現老化，紋理現形，🌾乾枯及開始出現冇彈性。 加上生活壓力，令肌膚更快速老化，開始有細紋、 鬆弛、衰老等問題。直至遇上 BIODERMA Matricium再生水，肌膚彷如「再生」，比肌底液層次更高濃度達100%，含61多種再生養份，以醫療級技術生產製造，無香料、酒精、色素、防腐劑，岩曬肌膚食💊的「複合維他命丸」。 BIODERMA 的 Matricium 再生水蘊含氨基酸、礦物質等細胞再生養分，100%肌膚相容，能速透真皮層，瞬間傾活養分到「 細胞外基質」，為肌膚細胞與組織提供最理想生長環境，強化細胞保護屏障，免受各種壓力氧化傷害，並激活老化細胞自我修復、新生。 而家我都每日一支Matricium再生水💧爽膚後直接搽上面，質地水潤容易被肌膚吸收，親和性好高，先修復再激活肌膚！用左Matricium 12日肌膚回復彈、滑、嫩，肌膚鎖水力提高，改善細紋和快速舒緩降紅，有效激活肌膚細胞和膠原自生。

Heychauchau 好用推薦：這個在身上在我做完激光後，皮膚較為敏感的狀況使用能夠修復肌膚的屏障，令我後續使用嘅保養品能夠吸收，加上成份配方沒有使用化學成份，適合肌膚較為敏感的情況下使用，減少外在刺激，亦能同時提升肌膚彈性及水潤度。

維他他好用推薦：曼秀雷敦有一系列嘅面膜特別好用，山茶花亮白淨化酵素面膜係其中一種，面膜質地纖薄剔透，同時充滿精華液，敷上面，感到滿滿的保濕感，可以滲透到肌膚底層，山茶花面膜，有助提亮膚色，亮白，淨化毛孔，仲有水油平衡嘅作用。 面膜剪裁亦非常貼面，在面上，感覺很舒服，敷完後，肌膚充滿水份，有明顯提亮的效果，好用 價錢不貴，性價比高，平靚正好物

Suidan好用推薦：呢隻曼秀雷敦嘅山茶花面膜我好鍾意😍佢有淡淡既山茶花味，淡得黎又會有種高級感。 塊面膜既質地好薄好貼面，敷住佢行黎行去都唔會點移位。😀 用完之後即時會見到塊面白左同透亮左，就算用完之後第二日，塊面都仲keep到d效果。👍 價錢方面，佢平均先10蚊1塊，一啲都唔貴。😁 總括而言，佢既性價比真係好高，係我既不斷回購之選。😃

維他他好用推薦：玫瑰泥面膜，deep clean之餘可以明顯收細毛孔，一星期兩次，用完效果唔錯，塊面都幾乾淨，唔會繃緊，但用之後會敷塊paper mask保濕返，夏天長用呢d clay deep clean mask!

Yuki Chow好用推薦：細微嘅磨砂，針對石頭瘡同下巴位嘅閉口粉刺，敷完可以即時見效果，講咗之後用少少水洗，磨返啲角質層出嚟，會感覺成塊面勁滑，但係需要最後做返一次保濕mask，始終深層清潔面膜會比較乾

YolandaAuYeung好用推薦：Estee Lauder 櫻花微精華原生液 神級精華 瞬間還原透亮肌 急救恩物 一支還原透亮雞蛋肌 踏入夏季，肌膚泛紅泛油情況加劇，水油失衝令肌膚問題接踵而來，脫皮、缺水、敏感、暗粒、毛孔粗大災難式爆發！ 肌膚穩定性急轉直下，幸好及時體驗Estée Lauder 櫻花微精華原生液，迅速為肌膚急救，從而再調整肌膚，一齊看看我的膚質兩週內的變化吧！ Estée Lauder 櫻花微精華原生液 Micro Essence with Sakura Ferment 價錢： $510/100ml ; $930/200ml 產品介紹： - 全新專利的後生元 12+及98.9% 生物活性乳酸菌，有效打造穩定健康肌膚。 - 日本岩手縣櫻花，加入櫻花酵素*提升肌膚剔透度 - 如水輕透的原生液注入全新雙重海藻成分，有效控油及顯著減少油性肌膚的毛孔可見度，減淡暗瘡印達 -25% - 即時對抗顯著刺激及泛紅 - 只需使用一次，肌膚即時鎮靜舒緩及降溫，剔透水嫩 產品實測部分 質地易推度：5分 質地輕盈水潤，用後肌膚十分清爽，一點也不黏笠，並即時帶岀透亮感，絕對適合夏天使用

Becca好用推薦：之前用過同系藍色嘅原生液，見sogo thankful week 特價，就入手櫻花水試用 櫻花水相對地質地冇原生液咁滋潤，夏天使用補濕度可以。有淡淡香味，比起原生液呢支好聞好多，同埋用佢可以減少出油 個人皮膚係額頭易生粉刺，唔知點解櫻花水同原液生成份好相似，但偏偏佢就係冇原生液穩定皮膚去暗粒嘅效果，每次額頭有暗粒，我用返原生液一排，粉刺又消失返。 喺收毛孔方面，我覺得呢支有輕微效果。 覺得原生液同櫻花水差唔多，但原生液對穩定皮膚方面更顯著，而櫻花水喺減少出油方面效果好啲，所以我通常早上用原生液，之後配搭清爽少少嘅護膚品。夜晚就用櫻花水，配合返面霜。 overall 我覺得櫻花水同原生液各有好處，會交替使用。

龍好用推薦：首先感謝@cosme抽中我作為試驗者之一， CANMAKE係一個我自己私心好鍾意既產品來。佢除左價格相當親民，仲有產品都相當地好用(ﾉ>ω<)ﾉ。 今次就試佢呢款月光提亮粉底，有01同02色。本人偏黃底所以用02自然色。講左包裝先啦，好可愛❤️！然後入面有鏡同一個水滴形既粉撲要來上妝。 用後感，其實用佢提供既撲上妝都算還可以，可以叫平均，最重要係自己落手唔好太重，拎得太多。輕輕咁全臉拍，拍左2-3分鐘就可以。佢既遮瑕還算可以，可能因為我唔算太深色，所以用落覺得遮到。然後提亮部分真係一畫上鼻梁到就立提左，呢個相當方便，唔需要話再買過個提亮筆。然後有柔化毛穴既作用，相當OK。 不過最大既缺點我覺得係佢到左大約4個鐘就有少少開始卡粉既問題出現，然後整體來講如果鼻個邊既紋唔深其實呢款用來出街4～5小時係可以。但再長就唔太建議，如果要長既就可能要補一補會好D。 最後，以佢個價錢來講，中學妹妹買來用絕對係相當抵用，但前題係個膚色要岩。我本身既膚色比較困難，所以我自己就唔會再買。

takemyokane好用推薦：多謝 @Cosme 送出試用❤️這次使用的是 G01 號 Light Beige 色，第一眼覺得月亮圖案的包裝很可愛！雖然 Canmake 是平價開架品牌，但內層也有分成兩層把粉撲分隔開，附有鏡子，粉撲又是可愛的水滴形設計，細節絕不馬虎。因為是SPF50，不用再另外塗防曬。   根據官方用法，先由左掃至右，再以拍打形式逐少拍上臉部，然後只用右邊較深色部份拍在黑眼圈及其他瑕疵位置。基本上毛孔部份都能遮蓋，但泛紅位置就需要其他產品輔助。而且之後一定要上蜜粉定妝，否則它一直就是濕濕的狀態，比較容易弄花。注意必須輕輕拍打上妝，才會比較透薄貼服，否則戴口罩時會相對地容易掉妝。它未必是完美，所以個人不會在約會或與朋友外出時使用，但一般上班日子想快速上妝是不錯的選擇。 可愛的設計水滴形粉撲前後比較

Ruby Wong好用推薦：前陣子轉天氣，加上忙碌睡眠時間少，肌膚狀況非常差，感覺皮膚很乾，而且護膚品都不吸收，細紋開始走出嚟（尤其是眼周細紋）。 經朋友介紹用LA MER呢隻treatment lotion,希望可以改善膚質。佢嘅質地傑傑地，淡香，冇酒精嘅感覺。搽上面好舒服而且吸收得快，加上我用機導入希望可以快啲見到效果。 ♥️開頭一星期效果唔明顯，亦有可能係我肌膚狀態太差佢recover緊。 ♥️第二個禮拜，feel到塊面開始有脹卜卜嘅感覺，啲水份感覺返曬嚟，而且啲細紋暗粒都減少咗好多。 ♥️第三個禮拜基本上輕輕上完一層粉底，塊面都會keep到令令地嗰種感覺，眼下面嘅肌膚完全唔卡粉！肌膚狀態非常好！ 真係好驚喜，估唔到一個月唔夠已經有咁嘅效果，當然我有配合其他護膚品嚟用，但係佢一定功不可沒，真係好少有護膚品咁明顯見到個效果，而且對比起相同品牌其他產品，佢嘅cp值好高，我諗會一直keep住用！

皮皮爱马桶好用推薦：La mer薅的小样，倒出来是比较粘稠的透明精华啫喱质地，本人是混合型肌肤，最近天气闷热肌肤T区比较容易出油。我一般每次使用2-3滴，然后轻轻在手上搓一搓后，避开T区域均匀拍打在脸上，然后再上后续的护肤流程。这个季节虽然比较闷热潮湿，不过涂上这个肌底液后肌肤能够迅速渗透，也没有残留的黏腻感，非常滋润而且保湿效果也不错，坚持了几天下来肌肤也变得更透亮了，打算入手一瓶正装坚持使用一段时间再看看效果。

Gemlike好用推薦：首先多謝@cosme 抽中做試用體驗。 這個冬天原本覺得不冷也不太乾，怎料一個寒流下來天氣又冷又乾。 剛好收到freeplus 的雙效平衡能露。 介紹說它有完美黃金水8:油2比例,結合了肌源精華液及能量精粹油,保濕、修護、彈潤與緊緻都能一瓶完成。 我天天有上妝習慣，而且早上沒有太多時間等護膚品吸收。 所以這瓶肌能露會在夜晚使用。 它的質地很清爽、不黏膩。 推勻後,非常易於滲透。 沒有特別香味，應該是這品牌的概念 「不含防腐劑、表面活性劑、酒精、香料、色素等添加物」❤️ 令各位姊妹都用得安心放心! 天氣潮濕的時候，洗完臉後我只用化妝水，然後再用這瓶肌能露就已可以完成護膚步驟。 簡單快捷! 天氣一轉，突然變得乾燥，我就在肌能露後加入乳霜。就算轉天氣都很溫和平衡水潤感，不會刺激皮膚。 這是10天連續使用後的效果，可以keep 到滋潤，改善乾燥的細紋, 好驚喜! 鼻頭也變得不易出油! 上妝時更貼服. 先看未使用前的皮膚(我是熟齡肌了) 咀角有乾燥細紋... 使用10天後， 咀角不乾燥了! 8水:2油的黃金比例! 用前先搖晃均勻。

Yeeting 好用推薦：一用就愛上😍 最近freeplus推出左新產品「雙效平衡肌能露」 ❤️喜歡「它」質地輕盈，滋潤得嚟但又唔會黐立立。而且皮膚好快吸收。 「雙效平衡肌能露」以水8：油2嘅黃金比例， 有效改善肌膚屏障，維持水油平衡。 所以即使沒有用化妝水、精華液和乳霜，也能為肌膚提供修護、緊緻效果。 沒有上妝時，我會喺早晚洗臉後，將平衡肌能露搽上面，再用按摩嘅手法，將油慢慢滲透落皮膚，臉部皮膚更有光澤同滋潤。（想效果加強，可用面部導入儀加強吸收效果。 ）

Kpl6be6好用推薦：又係喺韓國得到嘅sample～呢個size啱哂帶去旅行用～呢支非常清爽～用落輕薄無負擔～不過如果皮膚偏乾要再後續用其他護膚品加持～

Heychauchau 好用推薦：保濕程度一般，也不太覺得毛孔有變小，就跟一般爽膚水差不多，後續要依靠精華和乳霜作深層保濕。

Cpyg5好用推薦：多謝 @cosme 邀請試用DECORTÉ AQ 極萃光采亮白系列，今次有化妝水，乳液同埋晚霜既7日試用裝，我一包分早晚用，7日就淨係用佢地護膚～ 化妝水： -質地非常清爽，用後完全唔會笠 -容易推開，而且吸收得好快 -以化妝水來講，保濕力略嫌不足 -香味有少少濃，但花香很好聞 -有明顯提亮效果 下面係全系列使用7日既效果～ （前星期嘴唇邊既暗瘡終於謝左TὢT 留左個好深既痘印)成個系列都易吸收易推開，同一個香味用得好舒服～使用左7日後，個痘印我覺得都明顯淡左，可見美白同提亮效果不錯，至於改變膚色可能要再用耐d先會有變化～另外小小缺點係單用依個系列保濕可能唔太夠，要配合埋其他保濕護膚品~ 推薦～

Meow好用推薦：首先好多謝cosme邀請我試用DECORTÉ既產品，今次亦都係我第一次使用呢個牌子既產品。 今次試用既產品分別係： 1）AQ極萃光釆亮白化妝水 2）AQ極萃光釆亮白乳液 3）AQ極萃光釆亮白乳霜 呢三款產品係全新既光釆亮白系列，結合畫再新醫療同埋神經科學，成份包括咗硫酸軟骨素，複方成分嘅sp復合物同埋flex fusion olein capsule，能夠修復真皮損傷，抑制黑色素生成，從而令到美白精華可以高效滲透到肌膚底層。 首先三款產品都有一陣好好聞嘅味道，使用嘅次序係先用乳液再用化妝水，最後用乳霜，有別於市面上一般嘅護膚程序。 AQ極萃光釆亮白化妝水質地比較水狀，十分清爽，查上面之後肌膚會感覺到水潤有彈性。 AQ極萃光釆亮白乳液同AQ極萃光釆亮白乳霜既質地既黏稠度較適中，唔算十分清爽比較適合春秋時節用，夏天可能會有少少苙，但喺冷氣房入面就唔會覺得乾，不過查上面之後會feel到肌膚好彈好嫩，可能係加咗軟骨素成分所以會令到肌膚感到好細嫩。 三款嘅產品喺夜晚搽完，再開冷氣吹一晚皮膚都唔會覺得乾，而第二日早上起身亦都會感覺到皮膚有光澤同透亮感。 但因為試用裝太少，未能真正體現到美白效果。