Beautygirl好用推薦：平時都係用開卸妝水，今次係第一次用卸妝 凝霜，即刻愛上咗！本來以為用完會油林林，點知質感好清爽，好似cream咁，好有驚喜！ 卸妝凝露香味清新，試下上粉底係手再卸走都輕而易舉，好容易卸除妝容，仲好乾淨。而且卸完唔會有油林林質感，仲有水潤感覺。個人覺得卸妝速度快過用卸妝水。用少少份量已經卸得好乾淨，最貼心係配埋枝棒用嚟刮凝露出嚟，唔洗用手整污糟成盒凝露！ 搽上粉底後：將凝露加上手：推開卸妝凝露後已見乳化狀態：沖水後好乾淨：用咗卸妝凝露一排，發現卸妝之後用導出機，導出嘅污糟物少左，證明潔淨力唔錯！所以皮膚都少左出暗粒同暗瘡。

yannie好用推薦：本人係混合偏乾 有暗瘡/敏感底 卸妝霜質地係Cream狀 上面好清爽 推開係水狀 易卸 唔洗話fu一陣先卸 直接上面打圈已經會變色 而且用量都唔洗多都夠卸 一蚊銀仔咁多就夠！ 試過一般底妝都卸得好快 食色唇膏都卸到 Mascara自己就慣左會on top加mascara remover 但佢都卸到既 要多少少時間打圈溶解 同埋試過佢係唔拿眼 唔小心入眼都唔會blur曬 乳化效果好出色 凍水都搞得掂 洗完塊面係幾乾淨 但就兩頰有d「慢慢緊」 暫時用左個幾星期 唔見生粒粒 無過敏🤙🏿 其實唔用油可以卸到咁 係幾出色 相比韓國卸妝膏 佢感覺天然d 如果唔鐘意有味既朋友呢個可以pass 但我自己覺得佢其中一個出色既位係隻味 一推開 有陣花香味 唔人工 聞落係舒服同放鬆！ 的確加乘左個體驗 卸既過程係開心d🤣 整體都出色～ 用曬會回購😏🤙🏿 追加埋相 卸前卸後 毛孔出番曬黎就知幾乾淨🤣

Helen Leung好用推薦：一星期用兩次，去角質效果很好，用完皮膚好乾淨，用後皮膚唔會好乾

bearbear246好用推薦：消委會推介既去角質產品 呢支係一款捽捽下會有刷子膠碎既去角質產品 用落皮膚唔會覺得刺激 亦唔會乾 而且洗面後 本身唔平滑既位置都變得平滑番 做到溫和去角質效果

mandy好用推薦：Minon Amino Moist Gentle Wash Whip 水潤綿密潔面泡 $98/ 150ml (hktvmall) 非常User-friendly，一按即出豐盈軟滑綿密泡沫， 不用花時間慢慢起泡，省回不少時間， 對忙碌早上的都會女性來說真是必需品。 Minon是針對乾燥肌及敏感肌而設的開架護膚品牌， 水潤綿密潔面泡不含酒精、香料或色素， 添加了不少保濕及鎮靜消炎等成分，適合不同膚質使用。 使用後，肌膚潔淨水潤保濕，不乾燥不繃緊， 而且感到對肌膚很溫和。 含保濕成分: 丁二醇, 雙甘油, 甲基葡糖聚醚-10, 白氨酸, 絲氨酸, 甘氨酸, 丙氨酸, 精氨酸, 蘇氨酸, 纈氨酸, 組氨酸, 脯氨酸, 賴氨酸 HCl, 植物固醇/辛基十二醇月桂醯谷氨酸酯, 甘油 及 氫化卵磷脂 抗氧化成分: 甘草酸鉀, 絲氨酸, 丙氨酸, 精氨酸, 蘇氨酸, 組氨酸, 肌肽, 賴氨酸 HCl 及 維他命E 鎮靜消炎成分: 甘草酸鉀, 纈氨酸, 組氨酸 及 維他命E 美白/去斑成分: 甘草酸鉀 及 維他命E 抗衰老成分: 絲氨酸, 丙氨酸, 精氨酸, 蘇氨酸, 組氨酸, 肌肽, 脯

chasiutung好用推薦：之前用錯潔面產品 洗完面塊面吉吉咁刺痛 個面又紅又痕 要去睇皮膚科先好番 但從此以後皮膚就變得敏感 用潔面產品同護膚品都要好小心 係依斷時間洗面都吾敢用潔面產品 只係用清水洗面 但係洗完面重好油 行行下街係萬寧見到依隻洗面泡泡係for敏感皮膚用 所以買黎試下 唧出黎就已經係好棉密嘅泡泡好方便 洗完面超清爽 一d都吾乾 用完個面都吾油 雖然清潔度吾高 但一般日常潔面係足夠嘅 我用完無過敏無爆痘 敏感肌可以放心用

Milo101好用推薦：🌟有士多啤梨籽的磨砂，磨砂膏是輕柔的軟沙狀 🌟有清香的士多啤梨香氣 🌟以前很喜歡這個產品，因為很香，後來香港好像沒有在售了

agnessstang好用推薦：朋友送的👧🏻 雖然係磨砂面膜但顆粒感不重 唔係會磨到皮膚痛嗰啲 係比較溫和嘅peeling mask 而且真係見到一粒粒草莓籽🍓 附一個匙羹仔用嚟取mask 我習慣夜晚潔面之後用 取適量peeling mask搽喺面上 我喺鼻同鼻兩邊會用得比較多 然後輕輕按摩 多角質嘅位置可以按摩耐少少 之後洗乾淨+平時嘅護膚程序就ok啦 用完之後摸塊面會感覺到滑咗乾淨咗 而且唔會好乾 一個禮拜用2-3次

shirleywong好用推薦：好開心用完極光水再配逆時小黑瓶，真真正正試用這個lancome組合，效果非常潤澤，好適合現在天氣開始轉時，要多多注意肌膚的變化，係一個合適時間去換護膚品了，這個組合係一個選擇。

Molly Chan好用推薦：感謝@cosme，我第一次使用小黑瓶，配合著極光水去使用，效果真的有被驚訝到，很容易吸收又不會有殘留物，效果水潤，之後再使用自己的面霜也很配合。

bearbear246好用推薦：面膜質紙材透薄，所以非常貼面，同時大小適中。 有大量既玻尿酸精華液可以掛係面膜紙既同時唔會掉落，所以就算敷住面膜都可以做其他野。敷完有保濕感，但又唔會太黏立。皮膚吸收度高，敷完洗面後有潤澤又有彈性感覺。產品價格偏高，會等待特價時入手。（約$280/8片）

Ming好用推薦：面膜好貼面，容易吸收，皮膚吸收得好好，敷嘅時候，皮膚有少少感覺，好似真係導入緊啲精華咁，好似有少少吉吉地，敷15分鐘塊面膜已經乾晒😅精華份量正常，因為有三層面膜，所以覺得好重，但係其實中間嗰張面膜紙好薄，保濕效果都好明顯。呢款面膜只有保濕，冇其他功效，以呢個價錢嚟講，性價比不高。

bibikiu好用推薦：呢支用法比較特別，佢係直接在化妝水後塗上面上的。性質溫和，剛開始用時可以隔日使用，習慣後就可以每天使用。使用後日間外出時需要用上好一點的防曬產品。 我在使用3天後覺得皮膚開始幼細咗。 #我的崇光感謝祭必買去角質

greenk好用推薦：超神奇嘅一支化妝水！只要我每次準備生暗瘡或者有暗粒我都會倒落化妝棉再抹塊面，然後啲暗粒就會好快謝左，對於成日生石頭瘡嘅人嚟講，簡直係恩物🥹 我皮膚係比較薄，屬於偏敏感肌。試過連續抹塊面幾次就會有輕微嘅刺激感，所以我而家通常都係輕輕抹一次面就算，然後針對生暗粒嘅位再用化妝棉敷1分鐘就ok。

A&R好用推薦：Kiehs 呢支磨砂潔面啫喱好好用，質地好潔嘅啫喱，唔係稀的啫喱，有少少難推開，會令到你洗面嘅時間長咗，洗面嘅時候要捽耐少少，磨砂的感覺越明顯，洗完之後塊面好乾淨，好清爽都仲好滋潤。美白嘅效果見不到，但係清潔效果很好，推介使用。

貓餅好用推薦：幾方便好用的一支洗面+磨砂，擠出來是透明帶點微細磨砂粒子洗面液，濕面後，在面上打圈，在鼻子，下面巴，角質比較厚的地方再仔細打圈，一邊洗面同時一邊去角質，磨砂粒子十分幼細，不會傷害到皮膚，用完後皮膚即刻感到很乾淨，不過因為磨砂的關係，一星期最多用兩次，其餘日子就用普通的洗面乳吧，不錯，很方便

Kuma醬好用推薦：原本有用開SK2嘅神仙水，見到呢枝jurlique嘅活肌水精華，就想買來試下，本來期待佢有神仙水咁神，但用落就發現係2樣唔同嘅野來。 顧名思義係精華唔係化妝水，所以搽之前需要化妝水做底，再好似精華咁搽上面，再配合天氣乾濕，搽上面霜或乳霜。 雖然佢冇神仙水咁神，但保濕效果一流，好過市面上好多嘅精華液，而且佢質地係水狀，搽上面唔會好黐立立，夜晚搽完第二朝就會見到效果，上個妝勁貼。 始終佢比神仙水平好多，效果冇神仙水咁全面，但佢嘅保濕效果實在值得推介。

ynqq123好用推薦：保濕效果一流，化妝前用佢放落化妝棉在面上濕敷，可令後續妝容更貼服。冬天用佢可令皮膚水潤保濕。早上用佢令面部更清潔有彈性。

Heychauchau 好用推薦：使用後皮膚有變得比較乾淨，去除老廢角質，而且搭配神仙水用效果會更好，令後續保養品更容易吸收。

wintonggg好用推薦：質地都係watery嘅，唔會笠，好清爽，保濕度適中，不過搭配神仙水一起用就覺得保濕度好足夠😆同埋我自己嘅皮膚係混合肌偏乾性，但局部都不時有D痘痘，例如額頭，用左都唔會敏感，面部就不時會泛紅，堅持用一排都真係feel到冇咁紅同埋皮膚冇咁暗沉，整體來講幾滿意！