泛油 推薦好用產品

ZoeTung好用推薦：回購第三次嘅產品❤️ 佢嘅蜜粉餅係香港 唔算出名 但經台灣網友 推介 發現超級無敵好用 首先 非常控油 係夏天30度以上嘅日子 一定會揀佢用 而且 用左個妝都keep到 同埋會遮到啲毛孔 皮膚無咁粗大 用落妝感都非常自然 就算 萬一keep唔到個妝 佢都非常容易攜帶係袋 方便拎出街補妝 最後 夠平 又耐用 （因個人去日本時買 所以印象係比香港買更平 約$55左右） 如果無跌碎的話 佢係可以用到3個月左右 （試過唔小心跌落地 會成餅碎曬 ⋯） 但最後扣一粒星原因係 佢無色號揀 個人塊臉用得太多美白產品 佢嘅色比較偏黃 希望佢出返隻無色版

choichoi好用推薦：附送的粉撲質素不錯，柔軟親膚。控油度高不易泛油光，持久度優一天補一次妝也不成問題，也不用擔心暗沉非常實用，細緻的粉質輕易能遮蓋毛孔，也讓妝變得更貼服完美

Lauren好用推薦：呢隻產品 我由佢出咗冇耐，已經開始不斷用佢 我本身係油性肌膚 好容易出暗瘡粉刺問題 塊面都會有少少嘅凹凸洞 其實用咗好多產品皮膚狀況都反覆會出現唔穩定嘅狀況 再加上香港天氣容易潮濕 我自己又比較容易出油 皮膚狀況會比較粗大 自從用咗呢一隻面霜之後 我覺得成個皮膚好似重生一樣 皮膚狀況好咗 冇咁容易出暗瘡 粉刺都減少咗好多 凹凸洞亦都有改善 最重要係佢嘅質地比較水潤 而家我出街，亦都會戴口罩 有時查好多精華面霜皮膚會好立次次 但係就算用完面霜，我再戴口罩出街 都唔會再有黐立立嘅情況 我有推介俾好多身邊嘅朋友用 用完都覺得好好再返叫我幫佢地買 所以真心推介 用過咁多隻體驗最好嘅一隻🫶🏻

lingbb好用推薦： essence粉餅簡單既包裝，非常親民價錢又滿意既效果👍🏻 質地係白色粉末，好幼細，上到面變透明唔會泛白色。我會局部用係最易溶既地方，例如鼻既位置， 但要注意如果鼻有瘡既話會有啲顯毛孔， 皮膚狀態好，用黎控油係不錯既選擇

Tiffany好用推薦：平價產品 粉質偏向粗糙，粉感比較重 個人覺得比較適合學生出油勁用，乾肌唔建議

keinice好用推薦：油性肌膚很適合，控油能力好，乾性皮膚會容易顯露乾紋。我是混合性偏油肌膚，所以會用作T字位定妝和補妝使用。用化妝掃會有很自然的妝感，粉撲就可以令妝容更持久。性價比高，算是入門級的好選擇。 #大人感妝容

choichoi好用推薦：在最近炎熱又下雨的天氣使用有不錯的效果，相當理想的細緻妝容感，且不易溶妝脫落

🌸好用推薦：我係成set買嘅，保濕效果好好，清爽唔笠，搽完好似全日飲飽水咁。清新嘅茉莉花香好好聞，而且略帶冰爽嘅清涼感，夏天使用特別舒服。

lucrezianoin好用推薦：我本身係混合肌, 夏天又要戴口罩令到塊面充滿油得嚟又好乾燥 :-( 呢支emulsion有效幫我肌膚補水, 又吸走過多油脂, 好好用! 包裝都好方便帶埋去街 :-)

Rin好用推薦：據聞係藍加透明係 clinique iD 保濕 收毛孔 由皮膚科醫生研製的防禦修護啫喱，質地輕盈清爽，有效過濾對肌膚有害的污染物質，鎖住水分及養分，形成隱形保護屏障，增強肌「抵」力，維持水油平衡，可作肌底液使用。 藍id 但係 好難整出黎 我用左兩下好大力都係得小小 有人會𠝹開佢 方便漏出黎 最好問下ba 點搞 總括：夏天當lotion gel用 都可以 不太痴笠 但其他效果我就唔太覺

winhaha好用推薦：Gel 狀好清爽，我鍾意夜晚用多D，尚算保濕，不過不失。 用左佢再後加保養品或上妝會摔岀擦膠碎，我諗係gel 狀用品嘅通病 。 除咗呢樣唔好之外就唔好太寄望中間條管嘅精華😅都唔係幾吱到岀黎用。 我會當佢為保濕gel 用，而家天氣用ok 。

Giselle 好用推薦：Biore 毛孔清潔鼻貼 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 以前年少無知嗰陣以為呢啲撕貼式鼻貼可以有效去除鼻頭上嘅黑頭‧⁺◟︎( ᵒ̴̶̷̥́ ·̫ ᵒ̴̶̷̣̥̀ ) 但事實上佢除咗可以滅到鼻頭上嘅絨毛之外，黑頭根本就去除唔到₍ ᐢ. ̫ .ᐢ ₎而且撕完後皮膚會變得好紅好乾(꒦ິ⌑︎꒦ີ)我自己唔鍾意呢種感覺₍ᐢ ›̥̥̥ ༝ ‹̥̥̥ ᐢ₎所以絕對唔會再回購(⌯︎˃̶᷄ᗝ˂̶̥᷅⌯︎)

迪迪好用推薦：本身諗住清一下黑頭，同埋黑頭貼搣出嚟嗰吓好治癒，就買咗黑色呢隻又平！但係效果就一般，同埋用完之後個鼻會痕痕地，會紅咗，用完要即時查返雪凍左爽膚水。唔係太啱敏感肌皮膚使用

Paulpauline好用推薦：唔知係咪我太乾，用完都唔係好覺好保濕，用前用後分別唔大，但係一路沖涼一路敷真係好方便

kammy好用推薦：泡泡面膜，沖涼嘅時候洗完面放啲有保濕成分嘅泡泡上塊面度，等沖完涼就可以沖走佢，好方便，又有效果，好保濕

stardustz好用推薦：一直好奇Drunk Elephant的skincare 到底有沒有網上說的那麼好便在Sephora買了它們家的Nightbright Duo. 第一次用含有AHA/BHA的護膚品所以開始時還有些擔心會不會刺激我的敏感肌。 我的擔憂是多餘的，這款夜間精華將幾種果酸混合，並且在配方中加入了七葉樹等一眾舒緩成分，將果酸的刺激程度降到了最低。用起來很舒服，非常快被吸收。 它主打的功能是有效的代謝老廢角質細胞，防止毛孔堵塞，幫助暗沉的皮膚恢復光采。我配合在duo set 的marula facial oil一起使用，增加滋潤度及抗老的功效。用了2星期，覺得皮膚變得柔滑有光澤，膚況穩定不長痘痘。毛孔則沒看到很明顯的改善，會持續用下去再觀察觀察。

keinice好用推薦：透明的精華液，質地容易吸收,但塗勻後會有點黏黏的感覺，保濕力不錯但秋冬使用應該不夠滋潤。

mandy好用推薦：NARS  Velvet Matte Skin Tint  絲絨柔霧美肌底霜 SPF30 PA+++  $430 使用色為 Alaska (light 2)。 喜歡其無油配方,質地柔滑清爽, 觸感啞緻輕盈, 但就不是好水潤保濕的質地。 可化出自然透薄輕盈舒適的妝容, 不會感到好焗。 具優秀的遮瑕度及調色功能, 可以完美遮蓋毛孔及泛紅。 上妝後, 有少許提亮美白的效果, 肌膚變得更嫩滑細緻。 惟持久度麻麻, 午後開始出油, 特別是T字位溶妝比較明顯, 需要補妝。 防曬系數足夠日常返Office上班用。

choichoi好用推薦：整體的用後感很不錯，至少在夏天時間不會造成悶熱感，持久度佳，可以打造透薄舒適的自然妝容

Ruby Wong好用推薦：質地較厚，同埋都幾白，一定要打返陰影及調色，如果唔係會死白。但係好喜歡佢有光澤感，由其是蘋果肌位置，唔使打任何光影，而且上完碎粉後都仲keep到有亮澤感！

Hamiii好用推薦：同事送既手信，但唔岩我用 顏色太死白，有點乾，遮瑕度唔夠 唔岩我用..

jhope0725好用推薦：對我油性皮膚來講，佢係其中一支夏天最喜歡使用嘅乳液產品！ 首先要講講質感，圖片見到佢係奶白色，搽咗上面，推開之後，好快吸收，然後會變成霧面質感，可以有效隱藏毛孔！ 控油效果非常唔錯，用完之後至少三四個鐘都可以面上不泛油光 細細支，帶出街控油都可以，如果係出街用，我會局部用喺出油位置，唔會成面用，免得部份皮膚會變得較乾 唯一美中不足，固然係呢個品牌嘅產品一向價錢比較貴，不過如果好用，不傷害皮膚，都值得的！

Kei好用推薦：買俾男朋友 不過佢鍾意金盞花多d 呢隻好乾

lkylky3003好用推薦：控油鎮靜收毛孔表現值得一讚，拔完粉刺後皮膚紅紅地用，好快就抗紅舒緩返

劉肥貓好用推薦：上個星期去買面膜嗰陣時 就送咗呢隻面霜俾我試用 因為我本身皮膚好油㗎 好鍾意清爽 好怕癡粒粒嗰種感覺 亦好大汗嘅 面霜用咗一個星期 覺得面油光真係減少左喎 出咗汗 塊面都冇咁油零零呀 而且佢好清爽又唔怕敏感 我會買佢大支黎用㗎

jas2468f好用推薦：質地唔會好油立立， 有陣天然嘅薰衣草香氣，呢排戴口罩好容易出油，搽咗控油好似真係好啲， 油性肌膚朋友比較適合

yanmmnn好用推薦：用普通通冇咩好講 只可以對得上呢個價錢 不會再回購 加多少少錢仲有啲更加好嘅 產品

agnessstang好用推薦：淡粉色嘅素顏霜 有淡淡花香味🌸 易推 tone up效果唔算明顯

Pinky好用推薦：因為頭髮有劉海，夜晚查完啲比較滋潤嘅護膚品，怕會令到劉海油淋淋，所以會用呢啲晚安粉，唔覺得佢有咩護膚功效，但用完皮膚比較乾爽，唔會癡頭髮，通常只會用喺面嘅外圍一圈，眼/鼻/面珠呢啲唔會咁易掂到頭髮嘅部位，就唔會用

綺羅香好用推薦：首先要批評一下個粉盒，唔係傳統開孔或者有旋轉扭蓋，依係一塊網就咁匝係面，一拎就可以成個網拎走，打開時好易倒瀉粉，非常唔方便帶出街，不過呢款碎粉係for晚間，應該無諗過俾人帶出街，夜晚搽完護膚品再上粉，第二日油光係少咗，不過抗痘效果就一般，用完都係生粒粒

zetalhc好用推薦：呢個乳霜對油性皮膚好好，同一時間做到控油同深層保濕嘅效果，而且質感水潤，一年四季都啱用

Sccan好用推薦：日本爆紅嘅濕髮專用髮蠟，除左出名好用外，更主打成分溫和天然不對環境造成破壞，我試完除左香味真係唔太鐘意，無味會更理想，而髮蠟本身油分唔算重，要造濕髮效果要加上兩滴髮油，用掌心整熱混合再搽上髮尾，整體唔算太油笠笠， 明顯頭髮更整齊有光澤。 成份：具有生物分解性的有機原料 效果：撫順亂髮，有光澤 缺點：柑橘唔好聞

shadow影子好用推薦：性價比超高的一瓶面霜，價錢實惠功效多多！一瓶已經可以做到保濕、控制油分，收毛孔的功效！面霜本身有消炎成份，暗瘡肌膚都可以放心用！

zetalhc好用推薦：用咗呢個乳液一排會覺得暗瘡少咗同埋泛紅都退晒，唔係好刺激皮膚，但保濕效果差少少

Hazel好用推薦：買佢支暗瘡水送嘅試用產品，因為當時下巴狂爆瘡，夜晚用佢再敷上暗瘡水，啲暗瘡好快謝，如果夏天面油多，用佢亦有控油效果，不過宜家天氣凍皮膚比較乾，所以暫時未考慮買貨裝，不過佢對付暗瘡唔錯！