ettusais

晚間防衛護膚粉

因為頭髮有劉海，夜晚查完啲比較滋潤嘅護膚品，怕會令到劉海油淋淋，所以會用呢啲晚安粉，唔覺得佢有咩護膚功效，但用完皮膚比較乾爽，唔會癡頭髮，通常只會用喺面嘅外圍一圈，眼/鼻/面珠呢啲唔會咁易掂到頭髮嘅部位，就唔會用

首先要批評一下個粉盒，唔係傳統開孔或者有旋轉扭蓋，依係一塊網就咁匝係面，一拎就可以成個網拎走，打開時好易倒瀉粉，非常唔方便帶出街，不過呢款碎粉係for晚間，應該無諗過俾人帶出街，夜晚搽完護膚品再上粉，第二日油光係少咗，不過抗痘效果就一般，用完都係生粒粒

依家成日要帶口罩好易焗到啲粉刺暗瘡出晒嚟！所以我會喺查完防曬等幾分鐘吸收左之後再拍一拍呢個護膚粉上面，除咗可以護膚之外又可以防止出油，上完面又滑lulu。混合性偏乾既我覺得上左面好薄又唔會令粉刺更明顯，最最最重要係有護膚功效，咁就可以保護一下長期喺口罩下嘅皮膚！