Connor好用推薦：呢款防曬噴霧我特登買嚟for户外運動用，首先佢防曬系數絕對夠，無色無味，噴霧略嫌唔夠細膩，噴上皮膚到會明顯有一噠噠，需要用手推返開，同埋都有小小粘笠感；但佢防水方面都算唔錯，仲夠持久，可以keep到4、5個鐘，同埋我用咗佢出去户外大半日都冇曬黑到👍🏻 至於佢聲稱噴咗有涼感，我就唔多感覺到啦。

Angie好用推薦：夏天成日都周身汗，補防曬真係一件好痛苦嘅事，不過呢款防曬噴落去有一種好冰涼嘅感覺，所以補得好舒服🤭

Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°

connielo好用推薦：已經用完條屍都唔見埋 但真心好用所以分享 質地清爽 不油膩 沒有顏色 不過我覺得用完面色都會有輕微提亮因為膏體係白色嘅(想有明顯少少既提亮膚色效果可以選擇橙色嗰款) 本人用好多防曬之後都要加碎粉壓油光 不過呢隻防曬唔洗 好似係皮膚上面有層膜咁 推薦✔️

格仔餅公主好用推薦：質地唔會笠同油，夏天有時出汗都無致痘或者生野，保到濕仲可以做埋高系數既防曬

JuneL好用推薦：它質地呈白色凝霜狀,清新質感, 推開後能激活並釋放水凝因子, 使隔離液質感輕盈水嫩, 用後肌膚即時感覺水潤, 清爽, 不黏膩! 

mandy好用推薦：Kose (高絲) SUNCUT UV PROTECT SPRAY 高效防曬噴霧 (無味) SPF50+/PA++++ $60/ 90g from 龍城 由於我很怕笠，但又很想用身體防曬， 於是防曬噴霧就是我的必備品。 高效防曬噴霧 (無味)可以給您高防曬保護SPF50+/PA++++， 即使參與戶外活動也可以使用，不過要記得補噴。 高效防曬噴霧 (無味)並沒有香味，所以男女都合用。 顏色方面，高效防曬噴霧 (無味)是半透明無顏色不泛白， 不會令全身肌膚變很白或不自然。 高效防曬噴霧 (無味)非常方便，面、身體及頭髮都可使用。 讚!蘊含眾多養膚成分，例如: 防曬、保濕、抗氧化及鎮靜消炎等成分。 要知道有些防曬噴霧真的只有防曬成分而已， 並不含有這麼多養膚成分，所以SUNCUT在成分方面算是很用心制作了。 含防曬成分: 桂皮酸鹽, 乙基己基三嗪宗, 水楊酸鹽, 二乙基氨基羥基苯甲酰苯甲酸己酯, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪, 聚矽氧烷-15 及 2,2-亞甲基-雙-(2H-苯並三唑-2基)4-(四甲基-丁

Jasmine Yuen好用推薦：夏天到，要繼續回購防曬噴霧😁 1. 易於使用：Suncut SPF50+ 防曬噴霧採用噴霧式設計，方便使用，而且可以均勻地噴灑在肌膚上。化妝後用作補防曬十分方便，唔會泛白。 2. 不黏膩：不會讓皮膚感到黏膩，可以輕鬆地吸收。 3. 長效防曬：SPF50 PA++++高防曬指數，可以有效地防止UVA和UVB兩種紫外線的傷害，頭髮都可以用，放心地享受戶外活動。 4. 保濕效果：透明質酸等保濕成分可以讓皮膚感到柔軟和滋潤，減少曬太陽後緊繃感。

mandy好用推薦：Biore UV Athlizm Skin Protect Spray Athlizm極防水防曬噴霧 SPF50+ PA++++ Athlizm極防水防曬噴霧是涼感的，噴灑出來的噴霧非常均勻夠氣， 只需幾秒已可噴灑任身，夏天用非常方便舒服快捷。 沒有香味的設計，男女都適合使用， 不會造成香味太濃太淡或是否喜歡的問題， 添加了少量護膚成分，如:防曬及保濕等成分。 防曬保護達最高級別SPF50+ PA++++， 90g可隨意帶出街使用，特別是去戶外活動更是必需品。 日本Biore官網已宣布Athlizm極防水防曬噴霧discontinue(停產)。 大家如果買不到極水感防曬噴霧，可以改為入手細細枝、 更方便攜帶的Biore Aqua Rich 水凝系列-極水感防曬噴霧。 含防曬成分: 桂皮酸鹽, 乙基己基三嗪宗, 二乙基氨基羥基苯甲酰苯甲酸己酯 及 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪 保濕成分: 矽靈, 十六酸異丙酯 及 角鯊烷 抗氧化成分: 角鯊烷 及 德國洋甘菊花萃取 抗衰老成分: 角鯊烷 及 德國洋甘菊花萃取 鎮

jas2468f好用推薦：用過佢枝装防曬諗住買支噴嚟戶外活動拎出街補， 霧化得幾好有少少酒精味，不過都係曬黑咗都係 乖乖地茶返防曬好啲

🌸好用推薦：我呢個係舊版包裝。上而後皮膚顯白皙，有防曬功效。使用後冇敏感不適。

KumaXKuma好用推薦：幾好用， 唔會好似其他防曬咁油，夠清爽，唔會生暗粒， 好貼服 ， 會推薦

Fish Tse好用推薦：防曬係每日出街前必需要用既產品，如果防曬力唔夠好易會令到皮膚出現雀斑 我之前未試過用Dior既防曬，但因我見佢既防曬防禦力好足夠而且有Dior獨有既香味聞落令我既心情較為愉快所以就買黎試下 Dior哩款防曬有SPF 50+ PA++++ 足夠我地對付紫外光以防佢地傷害幼滑既肌膚 哩款防曬係白色既延展性都好好，通常我會係面頰兩邊、額頭同下巴都搽上防曬然後向同一個方向即係由內到外搽，咁可以確保每一寸肌膚都有保護 可以單獨使用或者當妝前使用都得，我用完之後再上氣墊或者粉底液都冇打架既情況發生。單獨使用既時候我覺得有微微既光澤感，摸上面都唔會覺得黏黏地既感覺 唯一我覺得要改善既地方係樽身比較硬，用起上黎都要用d力先可以唧出嚟

cchristy好用推薦：一開頭俾個包裝同牌子吸引，用落發現好香，好順滑，有分調色同普通兩款，我兩款都買曬，都好好用，會再回購。價錢少貴，但有時Dior會送試用裝，可以等佢做優惠個陣買，小小提示，Dior網店買，會送埋個用絲帶包好既盒俾你，係門市冇既🤣

Verna好用推薦：質地好透薄輕盈, 好容易推開, 搽完皮膚好清爽 我會當是打底用, 因為它的質感透薄, 再上妝, 皮膚都沒有負擔, 而且也沒有泛白問題 而且防曬值高, 價錢便宜, 又大大支, cp值高

Phia好用推薦：流動性水啫喱液體，非常清爽吸引也很容易塗抹，很可惜成份有酒精，一上臉部皮膚就有點發紅了。使用起來始終不太安心。用了兩次，只好把它用在身體上。酒精敏感的就不適合了。

lingbb好用推薦：- 韓國醫美品牌 ， 用過之後返唔到轉頭嘅防曬 - 呢款防曬都主打防曬護膚2合1 ，含水解膠原、六胜肽和抗氧化複合物等成分 防止由紫外線引起的皮膚老化問題，促進肌膚再生提升彈性 ，性質溫和，敏感肌可使用 - 防曬有SPF 50+ PA+++，非常足夠日常使用 - 我覺得最鐘意係上面過程貼質地，質地乳白色乳液狀，非常creamy柔滑，網上教係用輕拍方式打在臉上，無需揉搓，有效幫助皮膚吸收，有淡淡防曬既味但可接受。 - 喜歡佢質感輕，上臉後皮膚無負擔唔焗。 -上面後覺得塊面滑身咗，有輕微提亮膚色唔係灰白，往後上妝都無起屑 - 試過用完之後直表上妝皮膚都有乾，保濕打底要做好，最好用埋保濕primer

葉子🍃好用推薦：今個夏季用左佢，真係返唔到轉頭🫠 呢款係韓國品牌全效舒緩防曬乳，由於佢係針對為打斑後&日光敏感肌而設，成份比較溫和，吱出黎係白色cream狀，有微香，搽上去好薄好易推，有修飾毛孔效果，用完唔會有任何感覺，好似無搽甘，係夏天甘熱甘焗既天氣，唔會有負擔，清爽型，不泛白，成份入面仲有勝肽、膠原蛋白，越用皮膚越好，因為好鐘意又試買左唔同款，暫時最鐘意佢同粉紅色個支（Tone up效果）

SYJU好用推薦：呢支防曬係早排買的, 之前用另一牌子但不適合自己皮膚, 怕顯乾紋, 後來網上介紹防曬便去專櫃試驗吓, 很喜歡這支RMK 有肌膚色, 很水潤通爽不泛白, 唔化妝都可以改善暗沉膚色, 平日喺屋企都會有紫外光侵襲, 所以我日間任何時間都會搽防曬, 鍾意佢有60g 夠大支, RMK UV Face Protector Lucent已成為我最鐘意的其中一支基本防曬！ #今夏超強防曬 #不顯乾紋

sammiimelda好用推薦：之前喺日本試妝嘅時候用過 我自己就覺得係乾燥嘅天氣下面可以 但係如果喺香港比較潮濕嘅話 上面就會比較黏立 之後再上妝可能會冇咁清爽