lingbb好用推薦： -L'Absolu Rouge Cream唇膏無論唇膏潤澤、顏色、都非常驚喜 - 唇膏管包裝精緻優雅精美，採用法國製造高級訂製唇膏殻，特別鐘意金色印花 - 打開唇膏方式都非常特別，要按一按頂部按鈕，唇膏就會由底部彈出，個蓋套返落去又會有「卡」一聲確保已關好 - 今次選擇咗#196 fresh touch cream ，係好優雅嘅橙茶色， - 唇膏含滋潤玫瑰凝霜成份，適合中意潤澤感嘅你， - 亮澤唇妝效果長達18小時， - 食完野會仲有剩，但建議要補補 - 非常大推！

Rin好用推薦：lANCÔME的生日禮包 其中就包括#132色號唇膏試用裝 顏色非常鮮艷明亮度高，而且很顯色 比較適合白皮女士 會更顯白 沒有化妝下的使用，亦只是簡單的塗上嘴已經非常顯色，所以使用時切記注意力度 較滋潤，用上手一段時間後仍可拖出色不會乾掉

Fng好用推薦：12# 粉嫩粉嫩嘅裸茶色，妝效持久，有些許珠光， 粉質幼細 ，有些味香味， 包裝有質感。

lingbb好用推薦：- 用過#608 ombre色，俾咗啊妹唔見咗😭 - 呢隻胭脂色真係好靚，輕鬆打造微醺小臉 + 埋經典chanel風格包裝，低調又高級。 - 雖然個盒好易印到手指印，而色號都係非常心動，係裸杏棕色，通常自然色我先會用得多，上多咗都唔覺好濃 - 粉質超級細膩，上臉易推開。 唔會結塊唔會飛粉。 - 呢隻色好親膚，可以修容修飾面頰、眉骨、下巴，用多都唔會好突兀，個味好香，持妝時間都長，可以維持一整天。 - 唯獨挑剔係佢附送既掃既掃毛比較粗糙。

麥精好用推薦：Colourpop土豆泥眼影紅左甘耐都係應該既，一粒大大眼影五十元左右，超級耐用。質感又軟糯又滋潤，揸到眼周好貼，唔會有飛粉問題(*^ω^*)易用，又超上色啊！

Noel好用推薦：ColourPop 既單色眼影， 💙 價位親民 💙 顯色度高 💙 非常閃亮 💙 超持久 💙 不積線 我的新入色號：藍色 Coconut 淺綠色 Special Delivery 這兩個顏色相當好用，亦可以襯埋一齊❗Super Shock Shadow 觸感舒服，軟糯，使用感超療癒啊❤ 唯一缺點係眼影膏體比較易乾，會變硬及龜裂，就不能使用了。 建議大家， ❗用後一定要好好扭實 ❗不要一次過購買太多

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Hoilly好用推薦：係膏狀既4色遮瑕膏～容易推開，不會顯乾紋。最愛是左上角既三文魚色，用黎遮 千年黑眼圈 一流👍🏻👍🏻！下面2隻色 用嚟 遮暗瘡、暗瘡印，直接上係重點遮瑕嘅位置再用掃慢慢係周邊blend 開佢。最後，可用右上個格作打亮，令妝容更立體！✨

Yoyo Sin好用推薦：以前流行咬唇妝個陣買過一支 係好方便的 新手都可以輕易化到咬唇妝 但個人覺得有少少乾同唔係咁顯色

Angie好用推薦：一搽就係咬唇妝，平時化妝/補妝都幾方便，懶人/新手必備👍🏻 都幾鍾意用

Fng好用推薦：cle de peau 呢支粉底霜係比較高遮瑕， 用少少夠覆蓋全臉， 同埋妝感唔算好厚， 持久度都高， 每樣都表現中上， 值得回購。

maylam好用推薦：朋友之前用過覺得唔啱佢 所以就送咗比我 呢支粉底霜而家好似已經停咗產 At least香港官網已經冇了 我自己用落覺得遮瑕幾好 對瑕疵同毛孔嘅修飾度都幾高 完妝望落都幾乾淨 不過都因為咁所以妝會比較重少少 我自己都接受到 呢個粉底霜會有暗沉 所以要定妝先會好d 粉底霜嘅控油度中上 大夏天應該唔太頂到 我喺夏天轉秋天咁上下時間用就幾啱 Overall黎講我自己都ok鐘意呢支 不過可以用嘅季節時間唔算多

羅小白好用推薦：呢隻眼影好多人話同某個歐美品牌好似，但佢價錢平好多，同埋咁多隻色，可以有多啲組合出嚟，而且本身呢個牌子嘅眼影佢嘅持妝都唔錯，不過就有少少飛粉。 我去water bomb嘅前提之下，係不停淋水嘅情況都可以去到夜晚都仲有顏色，雖然預咗點都會甩，但佢嘅表現比我想像之中好，未至於一啲顏色都冇晒。 日常用嘅話，出去都唔使點樣補色，絕對對得住呢個價錢。

jaye好用推薦：韓牌既眼影一向都唔錯，酒紅色系，顏色一樣自然，亦更顯氣色，顯色度不及歐美品牌高，勝在可以慢慢疊加，唔怕失手，粉質都算細緻，唔會飛粉，亦貼服，閃粉亦夠幼細，令到眼妝自然精神，比起大地色系，自己更鐘意酒紅色系，性價比又高，推！

Fng好用推薦：可以達到去黄效果，但係比較難推得均勻，會些許一達達，同埋有出油嘅情況， 只適合乾皮使用。

Hamiii好用推薦：有效去黃唔死白， 質地唔算太厚，幾易推開😌 粉底前用有助提亮膚色，唔錯丫👍🏻

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

zetalhc好用推薦：搽完覺得上色度顯色度唔錯，嘴唇都顯得豐盈同埋有光澤，而且有啲立體感嘅效果，持久度都唔錯

Noel好用推薦：趁CP網店優惠，就要快快入手的唇膏，今次分享一下秋冬愛用3色，Foolish、LA Lady、Lay Over。這三枝中，LA Lady 更加係我的竉兒，氣場恩物，詳見圖四的試色💕 Foolish 橘色就非常趁紅葉季節、Lay Over 係氣場入門色，帶啡調。 唇膏價格廉宜，遇到折扣優惠更加欠買。唇膏筒係玫瑰金管包裝，唇膏身上印滿星星🌟 設計上盡見心思，兼顧了品質和價格👍 唇膏帶有椰子香味 🥥 個人超愛❗塗到唇上很順很滑，不用護唇膏打底也ok。加上顯色度＋飽和度超高💕 而且唇膏的膏體夠硬身，夏天用也不見得軟或易斷，滿分！ #我的秋冬愛用彩妝