妝感透薄 推薦好用產品

Fng好用推薦：#9 焦糖色 ，細細盒攜帶方便，去旅行啱曬。珠光效果明顯，用起臥蠶，略為太誇張，做眼影就perfect， 性價比高。

chasiutung好用推薦：Cezanne 三色眼影盤07號色 是比較秋冬的紅棕色調 顏色好美 這盤眼影粉質細滑 好推開 顯色度高 持久度不錯 但閃粉有點大粒 會有少量飛粉(不太嚴重) 價錢便宜 性價比高 🫶

LorraineTsung好用推薦：Visee既眼影我真係好鐘意💕 眼色好靚之餘仲好顯色又百搭👈🏻 而且質地好滑唔飛粉👍🏻 . 我今次入手既係 GR-7 但我相中無用到綠色！用左橙色做主色😉 感覺即刻好日系🥰又唔會顯眼腫👍🏻

Noel好用推薦：Visee 四色眼影，係個人覺得最欠買既日本開架眼影組合❗顏色組合超實用，顯色度，持久度等等既表現，都很理想，而且價格親民，非常值得推介❣ 先分享購買主因，係因為：電視廣告超級燒🔥 睇了廣告之後，就燃起必須要入手的購買慾🤣 我手上的顏色係 #PK-3 正正就係 Model色號❣ #PK-3 係偏紅既大地色系，日常翻工超好配搭，個人可以用這盒，化出2個眼妝 👌 產品本身而言，四色眼影中，最淺色，左上角有點Cream 狀，包裝上亦註明了 “glossy base” 值得一讚👍 講求快速上妝時，有了這一格做打底，就唔需要再找眼影底膏🤗 另外三色眼影均為粉質，很soft，手指或者眼影掃，都能輕易沾取眼影😍 配色方面，右上近玫瑰金色既眼影深得我❤ 無論眼尾色配暗紅色 / 深啡色，都超級襯💕 如要挑剔，就係顯色度，同歐美眼影比較，日系眼影顯色度略低一點~

Fng好用推薦：喺日本專門店買 addition胭脂液，買咗三隻色 分別係#24， 21 ，26 (圖片由右至左排列)， 最sharp嗰隻係26號色 ，有非常輕微螢光感，佢哋上臉嘅顏色 跟 樽身嘅顏色一樣， 我買這三隻色都係暖色糸，適合黃tone皮膚 。塗一層， 點一點喺面頰中央，用手指輕輕按壓拍勻， 延展性十分高， 出嚟妝感好透薄，好像皮膚透出來的自然紅潤感， 就算新手使用，都唔會一達達， 同埋 佢妝效持久，去到夜晚都唔甩妝， 這方面值得一讚。 同埋佢咁大支，應該係用一世都用唔完🤣🤣🤣。

橘子貓好用推薦：#06 Tadzio 外表跟指甲油一樣的胭脂液，我這枝是套裝𥚃的迷你裝，5ml 小小枝已經好夠用。顏色是桃紅色的，在瓶身看似好豔好可怕，但輕拍上臉就是元氣好臉色的草莓粉紅。 每次只需要一點點點用量，就可以用手指輕易抹出均勻、顯色的胭脂。胭脂在臉上很快由液體轉為粉狀，牢牢的巴在皮膚上。胭脂液轉粉狀後就很難再推薄，尤其如#06這般鮮色的，所以一定要少量多次去疊加，我第一次用掌握不好一次取太多份量，立馬就變成了： （🔴—_—🔴） 持久度很不錯，戴妝大半天也最少留有有8成顯色度。 總體使用感受不錯，會考慮購入其他顏色。

lingbb好用推薦：- 呢款寶石唇膏係一款好岩補妝用、實用型唇膏 - 自訂唇膏有好多款殼同唇膏顏色選擇，我選了Laces 唇膏盒 k-doll，咁多個黎講係最粉嫩啲嘅殼， - 打開唇膏方式係當拉開唇膏，鏡子會打開讓你可以極速補妝，有放大鏡同普通鏡， 用完「拍」返入去都不消一秒，使用感好乾淨利落。 - 鏡仲可以刻名，唇膏用哂可以就咁買唇膏替換裝。 - N40 barbie pink係一隻粉嫩色，對我黎講一隻好常用嘅色，唇膏質地好滑溜，搽上唇非常順滑流暢，我偏好選擇呢種滋潤帶光澤感比較自然嘅妝效，食完野就甩哂要補 - 呢個自訂唇膏無論finish,殼都可以自選，非常推薦俾所有美女

nicolebuzz好用推薦：買過最鮮艷顏色既唇膏，但上唇後又唔會太誇張❤️❤️❤️ 容易搽，唔會顯唇紋，而且顯色keep到幾個鐘👍🏻👍🏻 呢個系列可以分開買個唇殼，初初揀左個普通鏡面，但用得耐就變到甩左色，一點點。之後補買左個皮面，都唔錯，但都係簡單版既岩自己，希望呢個唔會咁易甩。

Jcxjessie好用推薦：用左Pony effect 已經好耐喇🥰 我就有用埋佢個base，然後先上cushion 佢嘅補濕做得好好，夏天用唔會覺得笠，冬天用又唔會乾，而且個妝最長我試過hold倒18hrs以上 遮瑕效果都好好，眼袋果啲位拍多幾下就遮得住

Fng好用推薦：各方面表現平均，上妝後奶油肌妝效， 貼面， 遮瑕度中上， 持妝都有六小時 ，之後會溶。

robinsbk好用推薦：呢枝concealer係我2021嗰陣某日見到dfs清貨大減價用$40買返嚟玩嘅😹 買嗰陣純粹覺得嘩幾十蚊唔買就笨 就算唔好用 packaging咁靚都值啦！ 點知！乾肌表示勁好用👏🏻👏🏻👏🏻你見佢俾我用到啲字甩哂就知佢同我經歷咗幾多嘢啦😹夠潤得嚟coverage完全交到功課 可能潤變相無咁long lasting 但可能只係會無咗2-3成左右 完全可接受 同埋佢容量真係大到非常之驚人 勁勁勁勁勁抵用！用咗兩年幾 每次出街就用 到而家都好似仲有好多😹但好似話makeup product開咗咁耐唔係太好 所以我準備買過枝新喇！✌🏻

Nyaaa好用推薦：Too Faced其實係一枝性價比唔差嘅粉底，色號勁多，我用Pearl，偏粉睇落冇咁黃；呢個Matte款控油力中上，另一款肥仔樽就係保濕啲。 上年夏季我都係用佢多，有時仲會混少少精華型粉底再上面，不過冬天用會太乾甩皮。 缺點係始終係唔夠貼膚，同埋唔耐磨，帶口罩嘅情況下會甩好多落口罩，仲會磨到一撻撻。如果冇口罩嘅話佢會係一枝性價比唔錯嘅粉底，3百幾蚊/30ml。佢雖然叫Finish，但上完面係唔會好似Double Wear/MUFE咁好快定左，唔拍碎粉都係唔得，我覺得佢屬於Semi-Finish，或者甚至唔算Finish粉底 同埋想順便吐嘈下，Too Faced啲包裝上面印嘅字冇一款係會唔甩的，尤其係金色字，粉底胭脂隔離霜遮瑕蜜粉碎粉，只要係有成日用嘅都甩到冇晒字

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5

維他他好用推薦：我用的是2號色 Bb cream是個好東西 一支已具備多種功效 呢支bb cream texture比較厚 好似粉底液咁 一上面已經修飾容顏色 提亮左，光滑左，瑕疵少左 重點係佢都幾防油，用大半日都係鼻頭有少少出油 另外要卸妝，亦用普通卸妝油就可清洗乾淨 懶人恩物！

LorraineTsung好用推薦：天使粉餅係年年都唔同包裝～(但年年都好靚😍) 2020款開始由舊有既3個版本改左做2個版本 分為”GR專櫃版”同”藥妝版”👈🏻 我自己分別有2018,2019,2020同2021版!!! . 我買既2020同2021都係GR版👆🏻 保濕都會好啲定妝無咁乾👈🏻 但無論係邊個版本都係得一個色號！ . 粉質都好細緻柔滑上臉會有好輕微既遮瑕效果 定妝能力同控油能力我覺得都維持到 雖然會有一定既妝感但唔會面具好假死白既感覺👍🏻 不過唔建議油皮使用❌

inkitsung好用推薦：外觀大於內在，年年都會唔同限定款~ 所以都會唔少人會買嚟珍藏~ 佢本身蜜粉又有分藥妝店版本同專櫃版本~ 個人覺得專櫃嘅會更保濕養膚~ 內在方面，粉質都算幼細，有一定遮瑕度，會感覺有啲妝感~

Lumi Kwan好用推薦：凌角feel讀者必看: 而家興韓系氛圍感，重點大面積胭脂，面部強調水潤「波光感」，有減齡、修飾面型效果。所以我會兩隻色mix黎用，今次示範warm tone。 用上空氣感礦物胭脂warm soul，係一個珠光色，中意佢有珠光，我面大好需要立體感，呢個色有膨漲蘋果肌效果，我從顴骨外側往內刷，可以往下延伸到面中、最低唔超過鼻翼就ok，化返低飽和眼影就剛剛好。 時尚胭脂 Pursue your passion嘅色調，就用返做修容，可以重覆頭先珠光位，overlay用，但就記得只打修容位置就ok。 如果當日淡妝，我會用warm soul橫掃，掃埋鼻骨位，帶點可憐感，我腮骨勁，唔可以太凌角feel

auntiemuscle好用推薦：mac mineralize blush入左手好耐 我果粒仲要係舊版 但真係要讚佢 因為佢都係烘焙出黎 啲粉好幼 上埋係好輕透 想顯色啲可疊擦 佢疊擦左係顯色左 唔會係一舊粉響面既 但其實一層都好夠色 持久度都好好呀 用掃輕印上面效果係好啲 掃住咁上當然持久度但啲又冇咁顯 特別推介dainty呢隻色 佢warm tone pink 帶閃 白至中膚色都岩 同埋我覺得佢係岩四季既色黎 陽光打落個閃到勁靚 唔係珠光似油光果種 呢粒係一步到位 推介～

格仔餅公主好用推薦：出到透薄自然嘅妝感，遮瑕度都OK好高下，泛紅痘印都handle 到，用落唔會好乾，偏濕潤，係一個我幾鍾意嘅開架品牌粉餅

Circlecyy20好用推薦：開架品牌中意外地好用 粉質算幼細 上面會有啞緻的效果 不會顯面具感

Kura好用推薦：呢款四格蜜粉有好多顏色可以選擇，同埋定妝效果好好，粉質非常細膩

shirleywong好用推薦：😍我最喜愛Givenchy＃1色系的幻彩蜜粉Mousseline Pastel，蜜粉細細盒已組合４種色彩🌈好方便，🤗輕輕搖蜜粉盒及💨沾上粉撲，以打圈💫的手法上臉，它可以做出輕柔微閃🌠透明自然🌾的淡彩妝💃。 重點係它獨有的🔬微細成千倍以上的細緻碎蜜粉，能持久控油💫及質地幼滑，上妝效果自然🌾好光澤✨貼服。 嚟近🌞炎炎的夏天🏖都唔怕個妝溶化、👀眼影溶化、眼缐溶化，出現尷尬塲面😥。

橘子貓好用推薦：Matt Touch Blush #10 多年前朋友送贈的台灣手信，當時香港還未有essence的櫃枱呢！ 朋友選色很有眼光， #10色是粉西柚色帶微微珠光，淺淺掃一層上臉顯得好自然，再多掃一層是元氣的粉紅珊瑚色，一點都不會有螢光感，顯白有年輕感！ 腮紅粉質也很不錯，細滑不太飛粉，上臉很細緻，也貼膚。顯色度中上，壓粉挺實，每次取粉不用太多已經足夠，5g用到很久很久，性價比極高。 看腮紅凹凸押花已經被用得近乎平掉，就知道我很喜歡這款腮紅❤️簡直是平價開架彩妝必入單品。 #平價彩妝

Tiffany好用推薦：產品算得上係平，$30左右有交易 顯色比想像中更持久，平價之選 順帶一提，比粉餅好用多

LenaC好用推薦：為咗有健康啲嘅氣息🤣我一般除咗搽唇膏之外，一定一定要搽胭脂 感覺真係成個人精神晒 平時淨係搽一隻色上去 有少少單調 見到呢款胭脂 買咗嚟試吓 雖然價錢有啲貴 但係好適合手殘（如我🤣）或初學化妝者 因為佢精準計算晒顏色角度 配備嘅掃都設計得一啲都唔馬虎AUBE立體塑顏胭脂 顧名思義就係要塑造立體感 全3色 我揀嘅係03玫瑰色感覺比較成熟一啲只需一掃 即刻同步完成胭脂、光影同埋陰影3個步驟 立體小顏🥰get✅ 真的物有所值喔 #BA照

lingbb好用推薦： 呢盒係去旅行必帶款！♥️♥️♥️ 包裝盒係精心設計點割都唔會花唔會整污糟好似新既一樣，經常拎出去都唔怕殘！ 買既係02珊瑚色，比較有精神有氣色。 一盒雖然300幾蚊，但我覺得都值。 顏色選擇有3隻！ 胭脂部份有兩隻色，你可以兩隻混埋一齊上，或者選擇一隻顏色都非常方便。 佢一盒胭脂有齊鏡盒﹑胭脂﹑光影﹑陰影﹑掃。 而且成盒都唔大盒，非常方便旅行。 佢附送既掃質地好柔軟同滑，令成盒胭脂加咗分。 佢既粉質係好出色，圖係我掃咗兩下既效果， 陰影部份一開頭係無咁出色，所以要係掃完胭脂高光後，額外重點掃陰影。 如果趕住出門既呢盒都非常推薦你，持妝度我認為都係叫長。 適合需要出門化妝、唔想帶咁多野、經常去旅行既你！

Minnie Tse好用推薦：10年前都已經用梗 而家都keep 住2個色號，一深一淺 1號色用作highlight (例如淚溝，法令紋） 1.5號色用黎遮黑眼圈 金色包裝真的很靚

Noel好用推薦：YSL 明彩筆，當時超火紅，無人不曉！這個遮瑕膏版本可以用來遮下眼了，不只用作作提亮！遮瑕膏質感 creamy 又很保濕，又容易控制份量，自帶掃子，超方便👍

傻傻小貓好用推薦：都幾顯色，不過有少少飛粉，淺色啲嘅閃粉可以用來畫臥蠶，幾實用

Noel好用推薦：只能說，韓國的美妝市場競爭非常激烈，看看 Missha 的方形眼影就知道。相片排列由新至舊，能夠看出 ？Missha 不遺餘力地改善產品💗👍 💜 紫盒：Glitter Prism [Metal] #04 非常緊貼潮流的花岡岩造型眼影，燈棕色底色，配上滿滿的綠色及銀色閃粉，非常搶眼。

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Kala好用推薦：粉質幼細，雖然我唔係用黎化底妝，我當係碎粉定妝用，會有更高既遮瑕度，又可以控油，拎出去補妝唔錯。

LorraineTsung好用推薦：Elegance唇釉試色💄 屬於鏡面感既唇釉完全係日系玻璃唇💋 上咀感覺滋潤舒服唔會乾👌🏻 會有輕微染唇效果同成膜但係唔會好難落妝👍🏻 我呢支係10號色(好似係2022秋冬限定)

inkitsung好用推薦：#火熱新品 秋冬新色10號柿橙色，秋冬中帶來一絲絲溫暖～ 而且唇釉顯色高又滑，上咀後迅速成膜，水潤感十足！

Ressie14好用推薦：呢一款係2024年星鑽版氣墊粉底（$625），之前未試過買Valentino產品，價位同YSL差不多屬於中上價錢，但專櫃比較少。曾經有一次喺「On the list 」特賣場買過幾支唇膏…就係我初次接觸呢個品牌嘅產品。呢盒氣墊粉紅色加閃閃嘅外殼，實在係年度收藏嘅美妝產品。 我揀左LN2色號，手感質地有啲似YSL恆持輕透氣墊，同樣地，佢都可以疊加之餘保留輕霧感，加上佢光澤半啞致妝容係來自佢超微細珍珠粉嘅成份 「Roma-Light Complex™ 」 ，係光線折射效果並非表面油膩黏立，所以基本上呢盒氣墊粉底不會令妝容厚重，適合夏天使用，出門趕時間冇辦法由底妝粉底液遮瑕一個個步驟做齊的話，用呢盒氣墊就最慳時間嘞。 

Noel好用推薦：曾到海港城專櫃購買唇膏，並且特意預約了試用底妝產品，就是這個 Valentino「羅馬霧光」cushion foundation ，色號#LN1 算是最合乎我的膚色。氣墊粉質感水潤，可以推到很薄很 light，使用時感覺良好。妝效算是 soft matte finish，而且遮瑕度約六成，自然＋舒適。粉撲設計獨特，梯形頂部配上圓底，鼻周／眼下都能輕鬆 reach 到！ 沒有購買主因： 1️⃣ 色選沒有很多，感覺 #LN1 都會頭頸兩截色 2️⃣ 使用 4小時多，眼下現了不少網紋 3️⃣ Cushion 設計厚實又有份量，但不適合個人用小包的習慣 4️⃣ 單價太高，只有14g，沒有多一個 refill芯

Hw226好用推薦：踏入輕熟年齡，骨膠原開始加快流失，面珠唔再脹卜卜，淚溝仲愈黎愈勁，好困擾啊….久聞MUF嘅H100係淚溝神器，但細細一盒2xx，新版比舊版再白啲，自然膚色嘅我遲遲唔捨得入手啊。 不過，早排行過cosme見到呢盒遮瑕粉，聲稱顏色配搭下痘印紅印膚色不均黑眼圈淚溝都可以遮到，$78看似cp值極高就秒速入手😂😂😂😂😂😂買嘅係02色，行咗好多間都冇01號色，相信因為係期間發售商品加上4月推出嘅關係01色已經售罄。 盒入面附上嘅刷頭偏大，爪粉力唔強，加上佢每個顏色嘅粉其實好窄，比較難拎到想要嘅色。當用刷來回埽想拎多啲粉嘅時候，就發現好多粉飛左出黎。一開始用個時會跟cosme門市影嘅方法去遮黑眼圈同淚溝，嘗試tune返眼底顏色，不過呢盒野需要時間揣摩，好易用到中間三文魚色就會重手左返唔到轉頭，所以都係少量多次咁上眼最穩陣。 我自己試左1個月之後暫時係呢個上眼次序: CDE—>ABCDE—>A 上到眼係一個自然效果，黑眼圈淚溝並唔係100%冇晒，但都遮到7成。由於佢係粉狀關係為免卡粉/顯眼紋，建議避免眼底搽太多產品。如果想重點提亮淚溝，可以另外用刷點落條抗度，

KDing好用推薦：入手呢盒遮瑕粉都係比台灣youtuber燒到，用起上黎同想像有啲落差。 本人黑眼圈比較嚴重，帶深青紫色，雖然遮瑕粉有唔同顏色可以調和黑眼圈本身的色調，但係本身黑眼圈太深色，所以唔係好遮得曬。你可以睇到我嘅示範圖，佢即刻可以輕微遮到少少深度嘅黑眼圈，但係想要完全遮蓋嘅話個力度就唔係太強。粉狀遮瑕好岩拎出街去補妝，唔怕又要拎多個定妝產品。 呢款遮瑕粉都係比較適合眼部遮瑕唔係太強嘅人去使用或者用佢一啲打量嘅地方可能效果會好少少。 遮瑕度：2/5 自然度：4/5

Kura好用推薦：呢款珠光胭脂粉係打造戀愛粉嫩妝容嘅必備單品，胭脂嘅設計就係滿滿嘅戀愛氣息，心型設計非常符合情人節嘅主題，胭脂粉質細膩，搽上臉顯色度高，飽和度高，就算夏天用都唔會容易溶妝，同埋所有顏色都超級靚，閃粉亦都好靚，整體妝感自然，有氣息，我係選擇包色，咁就可以打造到唔同主題嘅戀愛粉嫩妝容啦，超級適合約會時用 @cosme

Emma W好用推薦：Canmake 透亮珠光胭脂粉名副其名，為性價比高、輕透感強的妝容。有不同顏色選擇，適合日常妝容，能增添粉嫩健康氣色。加上其自帶珠光質地，能讓臉部看起來更有光澤感，增加立體感，但不會過於閃亮。 其質地容易推開，一層一層地增加顏色，適合新手使用，能輕鬆打造出自然的妝效。另外，能持續數小時而不需要頻繁補妝。 適合肌膚：任何 成效度：4/5 貼合度：4/5 光澤度：4/5