毛孔遮瑕 推薦好用產品

aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。

jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！

Akassoo好用推薦：見簡介話係素顏用完可以當偽素顏，對於平時懶化妝嘅我嚟講好似好啱用，不過用完發覺其實只係好似加咗層霧化 / 柔焦嘅感覺，但實際係零遮瑕同埋零防曬作用🧐 所以如果係嘅話可能化完妝用嚟當定妝更加有實際功用🧐🧐。 上完粉底之後用呢一個蜜粉嚟定妝，配合返佢嗰個粉撲，就會變咗霧面嘅粉底。

raissa好用推薦：已經用左大半年，無論係用黎定妝定作為素顏粉黎用都試過。好鐘意佢霧面嘅感覺，同埋擦完會白左一度，但又唔會好假。最美中不足係佢嘅香味，一開始聞覺得好香，但過左一排，就覺得唔想再聞，但擦上面係冇味，只係開蓋聞到，所以都可以接受

bibubibu好用推薦：見到我將呢一個粉餅用到見到晒鐵片就知道佢有幾好用 integrate係我每次去台灣或者日本旅行都一定會回購嘅品牌 佢嘅產品多數都會有心型嘅設計元素 非常可愛 而呢一個粉餅我會用佢嚟定妝同埋補妝 喺日頭化完妝之後，我會拎一個大嘅碎粉掃大範圍上喺面上面 佢會有少少提亮嘅效果 控油持妝能力唔錯 夏天出油之後都唔會溶唔會變成一達達 佢雖然有少少閃粉 但係唔明顯 整體都係啞光效果 而補妝嘅時候我就會用佢附送嘅粉撲 呢盒粉餅非常之小巧 放喺手袋一啲都唔佔空間 所以我已經回購兩三個

mysecretgarden好用推薦：我本身皮膚算係偏乾，但夏天的時候有時會覺得粉底液太過厚重，同埋夏天天氣悶熱每日都用粉底液嘅話都好容易生暗瘡，所以研究完一輪就買咗呢隻粉餅試吓。呢隻粉餅成份較為簡約，不含致粉刺成份，用得比較安心，而且比起其他粉餅較保濕。一完化完妝個效果都非常好，有少少柔焦效果，而且唔會太乾，無論冬天定夏天用都冇甩皮嘅情況，不過夏天用嘅時候就唔太持久，化妝前保濕可能要做再做好啲。

龍好用推薦：首先感謝@cosme抽中我作為試驗者之一，CANMAKE係一個我自己私心好鍾意既品牌來。佢除左價格相當親民，仲有產品都相當地好用。(ﾉ>ω<)ﾉ 今次試既係呢一款絲滑潤澤蜜粉，一共有兩隻色。01Beige主打自然，同02紫色主打透明感。 首先講左個包裝先，一樣都係非常之可愛。好吸引，同睇到都好開心❤️。 用感就分開兩邊，01我配合左同月亮粉底一齊用。我覺配合佢個粉底膏一齊用對我個人而言非常之乾。雖然一上個刻真係好絲滑，好抗油，可以keep到3～4個鐘。但之後嘴角、眼下就開始出現乾紋同卡粉既問題。我本人其實一向都有粉底過乾同長久就卡粉既問題，所以唔一定係產品有問題，係佢唔適宜我。 02我就嘗試左當素顏粉咁使用，佢的確有少少焦柔化毛孔既作用。都可以keep到幾耐下，大約都係4～5個鐘。而且無浮粉同乾紋既問題。但如果要再耐就一樣要補一補會好D。雖然佢話可以用水就咁洗走。我用水洗後再用化妝棉＋卸妝油再抹，上面有少少既紫色。所以我既建議係如果用就要好好地用洗面乳洗走個產品去，因為淨係用水仍然有少少既殘留。 總結就係我有機會想要做個有少少機心既女仔就會用來做偽素顏粉咁用。 第一張圖係全素

takemyokane好用推薦：多謝 @Cosme 送出試用❤️ 曾經有段時間十分愛用 Canmake 的紫色粉餅，後來因為轉用其他品牌的蜜粉就沒再繼續用。一直不知道原來也有出同色系的蜜粉呢！這次收到 01 號 Beige 色和 02 號紫色，含有 SPF23 及保濕成份，不用另外塗防曬。包裝是薄身的小盒，很適合帶去旅行。粉撲是超柔軟的毛毛質地。   我通常在上粉底液或氣墊粉底後再以蜜粉定妝。01 號 Beige 色基本上一般膚色都能用，可以化出偽素顏妝容。02 號紫色妝感超有透明感，令整體膚色 Tone up 去黃。可能是因為有保濕成份的關係，完妝時臉部毫無厚重粉感，過了半天也沒有乾裂的感覺。 超柔軟粉撲兩色可選兩色對比

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Hoilly好用推薦：係膏狀既4色遮瑕膏～容易推開，不會顯乾紋。最愛是左上角既三文魚色，用黎遮 千年黑眼圈 一流👍🏻👍🏻！下面2隻色 用嚟 遮暗瘡、暗瘡印，直接上係重點遮瑕嘅位置再用掃慢慢係周邊blend 開佢。最後，可用右上個格作打亮，令妝容更立體！✨

robinsbk好用推薦：已經空瓶咗3枝🤣 因為我都算係沙漠肌 就算係夏天 個妝全日都唔會點出油 反而係帶妝8-9個鐘後可能會開始變乾🥲 完成哂skincare routine會用呢枝spray打底 再用嚟噴濕個sponge嚟上foundation 搽埋concealer同cream contour之後 會全面再噴多幾下 成膜之後落少量碎粉 用完真係set得貼貼服服 個妝同啲coverage都唔會點溶點郁 仲要唔點變乾!! 但其實佢都係會transfer 如果呻鼻涕個啲抹到都係會甩 不過只要唔掂塊面就無事! 佢補妝用都好好!! 放工前輕輕印一印面啲油/甩咗嘅妝 噴一噴spray再上返啲concealer又靚返✨ 不過有樣嘢仲想提嘅係佢個噴嘴都幾參差xd 佢本身噴出嚟已經唔算幼細 我都覺得尚可接受 但有次我買咗枝唔知點解噴出嚟直線咁打落塊面度LOL 學有個會員咁講:好似用緊消防喉 所以我就擰返上一枝個噴頭落新個枝度 到之後新買個啲都無事 應該只係個別狀況xd

Heychauchau 好用推薦：要讓妝容維持最好的狀態，我的秘密武器是用Make Up Forever 水氧定妝噴霧。噴上定妝噴霧，可以在皮膚上形成薄膜，隔絕暴露在陽光下，繼而令妝容溶化。是作為我妝容維持持久的最後一道程序。 完成底妝後，我會先用Make Up Forever的超高清無瑕蜜粉作第一步定妝，之後再噴在水氧定妝噴霧，加強妝容的保護。的確，底妝真的變得牢固和貼服，而且能夠明亮肌膚，去除暗啞膚色，讓皮膚能夠持久地維持水潤狀態，減水出油所導致浮粉和脫妝的問題。由於皮膚狀況偶爾不穩定，會擔心產品會導致肌膚過敏，而定妝噴霧成分主要以水份為主，不含酒精，相對也比較溫和。上妝前用作保濕噴霧，讓妝容更貼服，化完底妝後，用作定妝噴霧，夏天一整天妝容還是維持好好的，也不用頻密補妝，也不會大量出油，是我夏天的妝容秘訣。

瑪拉好用推薦：我係黃二白！用嘅色號係OC-B1！ 當時會買係因為出街個妝浮粉唔貼，想即刻卸咗佢，見呢個粉底好平，所以就盲目入手。 點知一上裝就好貼，當然我係一個油肌，所以呢個三四個鐘之後就會出油好犀利，但係如果用碎粉同定妝噴霧一齊用嘅話，會好持久。補下妝就可以解決到出油嘅問題！ 有五成嘅瑕疵度，再配合遮瑕膏，會得到一個好好嘅妝感，完勝我手頭上大部分嘅粉底，性價比好高！

Noel好用推薦：Media 的明星商品，保濕礦物粉底 SPF25 PA++， 這是我第一次嘗試的粉底霜，整體滿意❗粉底霜呈奶油質感，很 creamy 很柔滑，手指觸感和面部的感覺也很舒服，用 Beauty Blender 上妝很順手，遮瑕度有 ＋7成👌防曬指數就很一般，記緊要用高 SPF打底。 這個底妝很滋潤，乾紋沒有跑出來 say hi🤣 帶妝 8小時，會有些小暗沉，大約 0.5度左右，還好。額頭及鼻側都有點出油。建議用這罐粉底霜時，可配控油力強，而且明亮少少的乾粉定妝。

Fng好用推薦：cle de peau 呢支粉底霜係比較高遮瑕， 用少少夠覆蓋全臉， 同埋妝感唔算好厚， 持久度都高， 每樣都表現中上， 值得回購。

maylam好用推薦：朋友之前用過覺得唔啱佢 所以就送咗比我 呢支粉底霜而家好似已經停咗產 At least香港官網已經冇了 我自己用落覺得遮瑕幾好 對瑕疵同毛孔嘅修飾度都幾高 完妝望落都幾乾淨 不過都因為咁所以妝會比較重少少 我自己都接受到 呢個粉底霜會有暗沉 所以要定妝先會好d 粉底霜嘅控油度中上 大夏天應該唔太頂到 我喺夏天轉秋天咁上下時間用就幾啱 Overall黎講我自己都ok鐘意呢支 不過可以用嘅季節時間唔算多

DeniseWun好用推薦：好開心可以收到呢支蟲草抗氧修護精華粉底液同蟲草抗氧修護微光蜜粉。用完粉底液整體效果都非常滿意，係自然透光既奶油肌。下面呢張相係搽完粉底液既效果。 遮咗絕大部分嘅紅印，調整咗膚色。咁跟住就要試埋個碎粉。不過收到嘅碎粉係試用裝， 正貨應該有個網可以隔一隔d粉，令到上粉均勻一d。不過呢個包裝都冇損產品既實際效果， 連埋先前既粉底液，上完碎粉，我原本粗大既毛孔都遮到9成，而且依然唔會乾重保留到粉底液打造奶油肌既光澤感。戴口罩出完街，返到屋企妝容依然keep到，有泛油冇溶妝，而且口罩上沾到既粉係極少，不過因為衛生問題我返到屋企好快掉左個口罩唔記得影低。

chasiutung好用推薦：蟲草抗氧修護微光蜜粉我用嘅色號係Nude Glow 蜜粉盒彈力網設計 取粉方便更均勻 粉質幼細 可能係選錯色號用左蜜粉膚色反而暗左少少 我係混油肌感覺控油效果一般 出門一小時左右鼻頭開始有輕微出油 大概三四小時左右T字位小量出油 用紙巾印下都ok 無明顯甩妝 下午再補一層蜜粉 鼻翼眼底唇邊都無卡粉問題 平日用其他品牌控油蜜粉 會好乾上蜜粉皮膚會有繃緊感覺 鼻翼眼底唇邊會有卡粉嘅問題有表情紋嘅位更慘不忍睹 但bobbi brown 蟲草抗氧修護微光蜜粉無依個問題 總結:對混油肌嘅我黎講夏天控油效果一般 用完吾會因為太乾而卡粉 皮膚無繃緊感覺 粉質細滑 遮蓋毛孔一般 上妝後妝感自然粉感吾重 一整天個妝都hold得都吾錯 個人認為膚色吾太深嘅可以選Pure Glow 混油肌/乾性肌 想要持妝又自然嘅妝感可以一試 #火熱新品

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

Kakar好用推薦：好多人都話呢個牌子既遮暇好用，好可惜呢隻遮暇係唔適合我。我買呢款遮暇係03色，專用黎遮黑眼圈。 質地上佢的確好滋潤，不過我皮膚唔係特別乾或油，所以無特別需要咁滋潤。 我已經盡量上薄d，但係始終都係要先上橙米色，再上膚色，一上碎粉定妝就出事，勁顯眼紋。我諗年輕一點無眼紋既人用呢款係ok，但我唔太岩用。 另外我黑眼圈係偏啡色，原來03色既橙米色再上眼，好似唔太幫到調色，反而好似眼圈位變左橙色一撻。睇黎我都係岩偏向蜜桃色既調色遮暇。

Fish Tse好用推薦：Canmake既遮瑕膏相信好多人都有用過，因為性價比真係好高，有四款唔同色號可以選擇我用既係03色 我主要係遮黑眼圈位置通常我先會用佢配置既掃，打圈激活左遮瑕膏(三文魚色)之後就會用掃擺住黑眼圈最重既位置，之後等一分鐘左右就掃開邊緣位 我會再用手指印一印，因為手指有熱力會令遮瑕膏更加抓實肌膚冇咁容易溶妝，之後就會揀提亮色係淚溝個到做提亮，如果有sis有暗瘡、痘印要遮可以用中間個格遮瑕膏去遮 哩款遮瑕膏比較滋潤冇咁易溶妝，遮完之後上碎粉可以持妝一整日

Kpl6be6好用推薦：標榜24小時都用得～果然用上後皮膚毫無負擔感～啱哂唔想全素顏但又懶得坐定定化妝嘅時候用～最近於飛機上乾燥嘅環境使用～保濕效果比預期中好卻又能有效吸附面上多餘油脂～唯一要注意嘅係～少量多次搽上面～否則有機會出現泛白狀況～

Ruby Wong好用推薦：🤍睇清楚個名：係素肌！素肌！素肌！重要事要講三次！因為佢真係唔可以同一般蜜粉相比較（期望值不一樣）遮瑕力係完全無既 🤍雖然冇遮瑕，但勝在方便，薄薄一層氣色好咗，面色柔和咗，而且我覺得佢控油效果係唔錯嘅，我塗完佢同系列嘅底霜，再搽呢隻蜜粉，經過一個香港夏天嘅下午，都算係清爽。 🤍真心，大家各自心目中的偽素顏係有d唔同既，如果要做到吹彈可破既肌膚，咁一定唔係呢款產品。但如果好似我咁，落樓下買啲嘢想遮下醜，拎返小小自信心，咁呢隻產品係足夠用的。 🤍另外佢外型可愛，而且價錢平，好適合中學生，由其是啱想化妝返學但係又要扮無化妝果種😛

Blueblueblue好用推薦：Cezanne 日本售價比香港行貨便宜，每次去到日本藥妝店都會買少少。 會泛白，可能我膚色偏黃。

格仔餅公主好用推薦：質地透薄唔會好厚好焗既primer，平價又抵用既good choice，用完持妝耐左唔易甩幾好用

Julianna好用推薦：我最近自己用了 Innisfree 的散粉，真的覺得好好用！質地輕輕的，定妝效果也不錯，控油效果很好，妝容保持得很久。因為我自己用得這麼滿意，所以就決定送一盒給朋友，想讓她也試試。 這款散粉的粉質很細，輕輕一拍就能上好，讓皮膚看起來很光滑。即使天氣熱也不會感覺悶，妝容不容易脫妝，整體效果都很不錯。不過，我也注意到它在遮瑕方面稍微弱了一點，對於比較明顯的瑕疵，可能還是需要搭配其他產品來用。 我覺得這款散粉送給朋友很合適，因為價格不貴，包裝又好看，特別適合作為禮物。而且 Innisfree 的產品成分天然，對皮膚也友好，這點我特別喜歡。希望她用上後會喜歡，雖然有些小缺點，但整體來說仍然是一個不錯的選擇！

CC好用推薦：我嘅皮膚係混合敏感肌🥹平時一到中午🌞就出晒油，用一般散粉好難捱得住。而家用咗Innisfree嘅散粉完完全全可以解決到呢個問題，超級Long Lasting,而且係礦物粉唔怕傷皮膚😎,價錢又平過好多大牌子一大截，用多都唔心痛❤️💰💰

chasiutung好用推薦：質地乳液狀粉膚色淡淡的香味 防曬度SPF45，PA++++ 日常夠用 依個質地非常輕薄 搽上面好滋潤吸收快 有提亮膚色輕微遮瑕效果 可用作隔離霜 都可以加入粉底液用 我混油敏感肌 無過敏 但感覺有d油 加入粉底液用個妝吾持久 當隔離霜用還好 如果皮膚無乜瑕疵可以直接用佢 或者用完佢上d蜜粉就可以了 #BA照

SYJU好用推薦：呢支防曬買嘅時候因為優惠一次過買兩支, 諗住比一支我女用, 但係用後發覺佢比較油唔適合我女, 而我用嘅時候亦覺得佢唔夠水潤, 好容易顯出乾紋

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

iliya 好用推薦：呢個蜜粉添加咗美容液成分，同時保濕修護肌膚，令到上妝一啲都唔卡粉，而且能夠遮住粗大嘅毛孔，妝效自然！

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印 質地: 舊版質地偏杰 無乜流動性 超快乾 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄 色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出少少油後反而妝感更靚 不斑駁 無溶妝 有種出油後同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

zetalhc好用推薦：適合油性肌嘅粉底液，用全日同埋係炎熱天氣都唔容易脫妝，但係遮瑕力不太高，痘印同黑眼圈唔係好遮到。不過overall性價比唔錯，質感幾透薄同埋唔致敏，一支夠半年日日用

arilau好用推薦：一直偏愛透薄嘅底妝，粉底液亦首選較水潤嘅質地，但相對地遮瑕度都會冇咁高。Make Up For Ever呢款粉底就屬於較水潤而遮瑕度不高嘅粉底液 買嘅時候咁啱係轉天氣嗰排，最初用都做到想要嘅透薄底妝效果，之後就發現鼻頭位置乾到卡粉🥲（已經分唔清係粉底液唔夠滋潤定係本身做唔夠保濕） 總括嚟講，如果同我一樣屬於乾性膚質嘅人，夏天用應該效果唔錯，但秋冬用就要先做好保濕或轉用其他更滋潤嘅粉底液🧏🏻‍♀️

mamayi好用推薦：我係一個會按當日肌膚狀況而選擇用邊款粉底嘅人，Make Up Forever 呢支REBOOT就啱曬秋冬季使用。 ⋯⋯⋯⋯⋯⋯⋯⋯⋯ 我偏好用粉底液，但有時太稀嘅怕唔夠遮瑕，呢款就恰到好處，抹上面延展性高，做到透薄嘅效果；而且易於塗抹，節省返工化妝時間。 再者，佢上完妝再搽碎粉，可以營造較啞緻嘅面容。 ⋯⋯⋯⋯⋯⋯⋯⋯⋯ 到中午時，塊面都冇變灰，放工都係輕輕用紙巾印吓，再補返啲碎粉就出得街。 加上佢$380，性價比都高，呢支已經係我第2支。

Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用

Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。

applepie好用推薦：敏感性皮膚必備嘅妝前霜，搽完唔會敏感，防曬方面都好足夠日常需要，防到UVA & UVB，搽左令皮膚即時美白、提亮及保濕，但唔會泛白，如果皮膚狀態好，搽呢枝已可出門口～

CC好用推薦：作為敏感肌膚嘅代表，La Roche Posay 呢個醫美品牌基本融入咗我嘅日常生活。平時狀況OK，我會用Annessa 因為始終比較控油，同埋可以亮白肌膚；但一到皮膚敏感出疹，我會立即轉用呢個品牌😉雖然佢呢隻質地唔算好輕透，但係容易推開，唔會話太厚身，引起悶痘或者粉刺，上面亦都唔會假白，白色液體上面算係正常膚色，唔會話油立。同埋物理性防曬，起碼唔會傷皮膚安全可靠😎